| ການສົ່ງອອກກະສິກຳ, ປ່າໄມ້ ແລະ ການປະມົງຂອງຫວຽດນາມ ໃນ 10 ເດືອນຕົ້ນປີ 2023 ບັນລຸ 43 ຕື້ USD. | |
| ຫວຽດນາມ - ໄທ ພະຍາຍາມບັນລຸວົງເງິນການຄ້າ 25 ຕື້ USD ໂດຍໄວ |
ໂດຍສືບຕໍ່ການຊັກຖາມຂອງສະພາແຫ່ງຊາດ, ສະຫາຍ ນາງ ຫງວຽນແທ່ງເກີມ (ສະມາຊິກຜູ້ແທນສະພາແຂວງ ຕວຽນຢາງ) ສະເໜີໃຫ້ລັດຖະມົນຕີກະຊວງແຮງງານ, ທະຫານເສຍອົງຄະ ແລະ ສັງຄົມ ໃຫ້ຮູ້ບັນດາມາດຕະການແກ້ໄຂທີ່ມີປະສິດທິຜົນໃນການນຳໃຊ້ແຫຼ່ງຊັບພະຍາກອນມະນຸດທີ່ຄຸນນນະພາບສູງພາຍຫຼັງການສົ່ງອອກແຮງງານ; ແຜນການຮັບປະກັນການສົ່ງແຮງງານໄປຕ່າງປະເທດຕາມໂຄງປະກອບນິຕິກຳທີ່ສົມເຫດສົມຜົນເພື່ອທັງຮັບປະກັນສິດຂອງປະຊາຊົນ ທັງບໍ່ເຮັດໃຫ້ສະພາບການຂາດແຮງງານຢູ່ ຫວຽດນາມ ເພີ່ມຂຶ້ນ, ພິເສດແມ່ນບັນດາເຂດອຸດສາຫະກຳບັນດາຕົວເມືອງໃຫຍ່.
 |
| ສະຫາຍ ນາງ ຫງວຽນແທ່ງເກີມ ໄດ້ຊັກຖາມທ່ານລັດຖະມົນຕີກະຊວງແຮງງານ, ທະຫານເສຍອົງຄະ ແລະ ສັງຄົມ ຫວຽດນາມ. (ພາບ: Quochoi.vn) |
ເມື່ອຕອບຄຳຊັກຖາມນີ້, ທ່ານລັດຖະມົນຕີກະຊວງແຮງງານ, ທະຫານເສຍອົງຄະ ແລະ ສັງຄົມ ດ່າວງອກຢຸງ ໃຫ້ຮູ້ວ່າ: ຕາມຈິດໃຈຂອງກົດໝາຍວ່າດ້ວຍການສົ່ງແຮງງານຫວຽດນາມໄປເຮັດວຽກຢູ່ຕ່າງປະເທດ, ສະເລ່ຍໃນປີມີຈຳນວນປະມານ 120.000 – 143.000 ຄົນ. ໃນນັ້ນ, ສະເພາະປີ 2023 ມີແຮງງານສົ່ງອອກ 112,000 ຄົນ, ຕົ້ນຕໍແມ່ນໄປ ຍີ່ປຸ່ນ ແລະ ໄຕ້ຫວັນ (ຈີນ). ແຫຼ່ງກຳລັງແຮງງານຕ່າງປະເທດນີ້ ນຳມາໃຫ້ປະເທດຊາດຕົນສະເລ່ຍແຕ່ 3,5 – 4 ຕື້ USD ໃນແຕ່ລະປີ.
ເພື່ອເສີມຂະຫຍາຍກຳລັງແຮງງານຢູ່ຕ່າງປະເທດ, ຕາມທ່ານລັດຖະມົນຕີແລ້ວ, ນີ້ແມ່ນບັນຫາທີ່ລັດຖະບານໄດ້ຊີ້ນຳໃນມະຕິຂອງລັດຖະບານ. ກະຊວງແຮງງານ, ທະຫານເສຍອົງຄະ ແລະ ສັງຄົມ ໄດ້ ເເລະ ກຳລັງປະຕິບັດບັນດາວິທີການແກ້ໄຂຄື: ກໍ່ສ້າງເວບຂໍ້ມູນຂ່າວສານເອເລັກໂຕຣນິກ, ສ້າງເວບແລກປ່ຽນກ່ຽວກັບວຽກເຮັດງານທຳ; ການເຊື່ອມຕໍ່ວິສາຫະກິດຫວຽດນາມ ແລະ ວິສາຫະກິດຕ່າງປະເທດ, ເຊັ່ນໃນກໍລະນີແຮງງານຢູ່ຍີ່ປຸ່ນກັບຄືນປະເທດ, ສາມາດເຮັດວຽກຢູ່ບັນດາວິສາຫະກິດ ຍີ່ປຸ່ນ ເພື່ອເສີມຂະຫຍາຍຄວາມສາມາດ ຫຼື ກໍລະນີແຮງງານຢູ່ວິສາຫະກິດໃນປະເທດ ອາດຈະປ່ຽນໄປຫາວິສາຫະກິດຕ່າງປະເທດ.
ຄຽງຄູ່ກັບນັ້ນ, ກໍ່ມີບັນດາກຳນົດເພີ່ມເຕີມກ່ຽວກັບຮູບການການອອກແຮງງານໄລຍະສັ້ນ, ຊົ່ວຄາວ, ຕາມລະດູການ... ເພື່ອໝູນໃຊ້ຄວາມສາມາດ ແລະ ຄວາມມັກຮັກໃນອາຊີບຂອງແຮງງານ; ສ້າງເງື່ອນໄຂໃຫ້ປະຊາຊົນກຸ່ມນີ້ໄດ້ກູ້ຢືມທຶນເພື່ອສືບຕໍ່ຜະລິດ ແລະ ດຳເນີນທຸລະກິດ.
ກ່ຽວກັບຂອບຂະໜາດກຳລັງແຮງງານ, ທ່ານລັດຖະມົນຕີ ດ່າວງອກຢຸງ ໃຫ້ຮູ້ວ່າ: ແຕ່ລະປີກະຊວງແກ້ໄຂກ່ຽວກັບແຮງງານພາຍໃນປະເທດປະມານ 1,6 – 1,7 ລ້ານຄົນ, ໃນນັ້ນຈຳນວນແຮງງານຕ່າງປະເທດກວມປະມານ 10%, ພ້ອມກັນນັ້ນ ກໍ່ຍັງຮັກສາໃຫ້ໄດ້ແຕ່ 500.000 – 650.000 ຄົນທີ່ເຮັດວຽກຢູ່ຕ່າງປະເທດເປັນປະຈຳ.
ຕາມທ່ານລັດຖະມົນຕີແລ້ວ, ຂອບຂະໜາດນີ້ແມ່ນປານກາງ, ພ້ອມກັນນັ້ນ, ກໍ່ອີງໃສ່ຄວາມຕ້ອງການແຮງງານພາຍໃນປະເທດເພື່ອສົມດຸນ, ປັບປຸງຈຳນວນແຮງງານທີ່ສົ່ງໄປເຮັດວຽກຢູ່ຕ່າງປະເທດ, ຮັກສາມາດຕາສ່ວນທີ່ເໝາະສົມໂດຍບໍ່ສົ່ງຜົນສະທ້ອນເຖິງສະພາບການພາຍໃນປະເທດ.
ດີງເລື້ອງ
