ກອງປະຊຸມຈັດໂດຍຄະນະກຳມະການແຫ່ງລັດກ່ຽວກັບຊາວຫວຽດນາມຢູ່ຕ່າງປະເທດ, ກະຊວງການຕ່າງປະເທດ ກົງກັບໂອກາດສະເຫຼີມສະຫຼອງ 20 ປີແຫ່ງວັນຜັນຂະຫາຍມະຕິເລກທີ 36-NQ/TW ລົງວັນທີ 26 ມີນາ 2004 ຂອງກົມການເມືອງກ່ຽວກັບວຽກງານຊາວຫວຽດນາມຢູ່ຕ່າງປະເທດ. ກອງປະຊຸມຄາດວ່າຈະມີຜູ້ແທນ ເຂົ້າຮ່ວມປະມານ 600 ຄົນ, ໃນນັ້ນມີຜູ້ແທນຫວຽດນາມຢູ່ຕ່າງປະເທດປະມານ 400 ຄົນ; ຜູ້ຕາງໜ້າການນຳພັກ, ລັດ; ການນຳບັນດາຄະນະ, ກະຊວງ, ສາຂາ, ອົງການຈັດຕັ້ງການເມືອງ-ສັງຄົມ; ການນໍາຂອງແຂວງ / ນະຄອນ; ຫົວໜ້າອົງການຜູ້ຕາງໜ້າຫວຽດນາມຢູ່ຕ່າງປະເທດຈຳນວນໜຶ່ງ.
 |
| ທ່ານນາຍົກລັດຖະມົນຕີ ຫວຽດນາມ ຟ້າມມິງຈິ້ງ ພົບປະກັບຊາວຫວຽດນາມຢູ່ຕ່າງປະເທດທີ່ດີເດັ່ນ ທີ່ເຂົ້າຮ່ວມລາຍການລະດູບານໃໝ່ບ້ານເກີດເມືອງນອນ 2023. (ພາບ: ໜັງສືພິມ ເອເລັກໂຕຣນິກ ລັດຖະບານ) |
ເຫດການດັ່ງກ່າວແມ່ນໂອກາດເພື່ອໃຫ້ບັນດາການນຳຂອງພັກ, ລັດ, ບັນດາຄະນະ, ກະຊວງ, ຂະແໜງການ ແລະ ທ້ອງຖິ່ນ ໄດ້ຮັບຟັງຄຳເຫັນ, ຄວາມມຸ່ງມາດປາດຖະໜາ ແລະ ຄຳສະເໜີຂອງຊາວຫວຽດນາມອາໄສຢູ່ຕ່າງປະເທດ. ນີ້ກໍ່ແມ່ນເວທີເພື່ອໃຫ້ບັນດານັກຊ່ຽວຊານຫວຽດນາມ ແລະ ຊາວຫວຽດນາມຢູ່ຕ່າງປະເທດ ແລກປ່ຽນປະສົບການໃນການໂຄສະນາ ແລະ ຊ່ວຍເຫຼືອບັນດາປະຊາຄົມ, ສະມາຊິກສະມາຄົມ; ບັນຫາການພັດທະນາສີຂຽວ ແລະ ຍືນຍົງຂອງປະເທດ”.
ກອງປະຊຸມປຶກສາຫາລືຈະສຸມໃສ່ເນື້ອໃນຕົ້ນຕໍຄື: ທ່າອ່ຽງພັດທະນາຂອງໂລກ ແລະ ພາກພື້ນໃນໄລຍະຈະມາເຖິງເຊັ່ນ: ການຫັນເປັນດີຈີຕອນ, ການພັດທະນາສີຂຽວ, ເສດຖະກິດໝູນວຽນ, ນະວັດຕະກຳ, ສິ່ງທ້າທາຍ ແລະ ກາລະໂອກາດຕໍ່ກັບຫວຽດນາມ; ເສີມຂະຫຍາຍແຫຼ່ງກຳລັງຂອງຊາວຫວຽດນາມຢູ່ຕ່າງປະເທດໃນພາລະກິດແຫ່ງການສ້າງສາພັດທະນາປະເທດຊາດ; ເປີດກວ້າງເຄືອຂ່າຍນະວັດຕະກຳແຫ່ງຊາດ...
ຊ ສະຫວັດ
