ສະຫະພັນບັນດາອົງການມິດຕະພາບແຂວງ ກວາງບິ່ງ ໄດ້ຮັບການສ້າງຕັ້ງແຕ່ວັນທີ 30 ກໍລະກົດ ປີ 2004. 20 ປີທີ່ຜ່ານມາ, ສະຫະພັນບັນດາອົງການມິດຕະພາບແຂວງ ກວາງບິ່ງ ໄດ້ຮັບການພັດທະນາຢ່າງບໍ່ຢຸດຢັ້ງ ແລະ ນັບມື້ນັບຢັ້ງຢືນທີ່ຕັ້ງໃນການເຄື່ອນໄຫວພົວພັນການທູດປະຊາຊົນຂອງແຂວງ.
ມາຮອດປະຈຸບັນ, ສະຫະພັນບັນດາອົງການມິດຕະພາບແຂວງ ກວາງບິ່ງ ມີ 5 ສະມາຄົມມິດຕະພາບທີ່ເປັນສະມາຊິກຄື: ສະມາຄົມມິດຕະພາບ ຫວຽດນາມ - ລາວ, ສະມາຄົມມິດຕະພາບ ຫວຽດນາມ - ໄທ, ສະມາຄົມມິດຕະພາບ ຫວຽດນາມ - ລັດເຊຍ, ສະມາຄົມມິດຕະພາບ ຫວຽດນາມ - ເຢຍລະມັນ ແລະ ສະມາຄົມມິດຕະພາບ ຫວຽດນາມ - ກຳປູເຈຍ ດ້ວຍຈຳນວນສະມາຊິກ 1.400 ກວ່າຄົນ.
 |
| ສະຫະພັນບັນດາອົງການມິດຕະພາບແຂວງ ກວາງບິ່ງ ໄດ້ຈັດຕັ້ງການໂອ້ລົມສົນທະນາເພື່ອສະເຫຼີມສະຫຼອງ 20 ປີແຫ່ງວັນສ້າງຕັ້ງ (ວັນທີ 30 ກໍລະກົດ ປີ 2004 - ວັນທີ 30 ກໍລະກົດ ປີ 2024). |
ພິເສດ, ໃນໄລຍະ 2020-2021, ແຂວງ ກວາງບິ່ງ ຖືກປະສົບກັບໄພນ້ຳຖ້ວມຢ່າງຮ້າຍແຮງຢ່າງລຽນຕິດ, ມັນໄດ້ສົ່ງຜົນສະທ້ອນເຖິງຊີວິດຂອງປະຊາຊົນຢ່າງຮ້າຍແຮງ, ສະຫະພັນບັນດາອົງການມິດຕະພາບແຂວງ ກວາງບິ່ງ ໄດ້ສົມທົບກັບຄະນະປະສານງານຊ່ວຍເຫຼືອປະຊາຊົນ ເພື່ອຮຽກຮ້ອງ ແລະ ຂົນຂວາຍບັນດາອົງການທີ່ບໍ່ຂຶ້ນກັບລັດຖະບານຕ່າງປະເທດ ເພື່ອຜັນຂະຫຍາຍບັນດາໂຄງການຜ່ານຜ່າຜົນຮ້າຍຈາກໄພທຳມະຊາດ, ຊ່ວຍປະຊາຊົນຜ່ານຜ່າຄວາມຫຍຸ້ງຍາກ ດ້ວຍຍອດມູນຄ່າການປ່ອຍເງິນກວ່າ 50 ຕື້ດົ່ງ.
ໂດຍເສີມຂະຫຍາຍບັນດາໝາກຜົນທີ່ບັນລຸໄດ້, ໃນໄລຍະຈະມາເຖິງ, ສະຫະພັນບັນດາອົງການມິດຕະພາບແຂວງ ກວາງບິ່ງ ແລະ ບັນດາສະມາຊິກສະມາຄົມຈະສືບຕໍ່ປະຕິບັດຄຳຂວັນ “ເປັນເຈົ້າການ, ມີໄຫວພິບ, ມີຫົວຄິດປະດິດສ້າງ, ມີປະສິດທິຜົນ”, ເຊື່ອມຊຶມການຈັດຕັ້ງປະຕິບັດຄຳສັ່ງ ສະບັບເລກທີ 12-CT/TW, ລົງວັນທີ 5 ມັງກອນ ປີ 2022 ຂອງຄະນເລຂາທິການກ່ຽວກັບການ “ເພີ່ມທະວີການນຳພາຂອງພັກ, ຍົກສູງປະສິດທິຜົນການທູດປະຊາຊົນໃນສະພາບການໃໝ່”, ຄຳສັ່ງເລກທີ 38-CT/TW, ລົງວັນທີ 19 ກັນຍາ ປີ 2019 ຂອງຄະນະເລຂາທິການກ່ຽວກັບການສືບຕໍ່ການປ່ຽນແປງໃໝ່, ເສີມຂະຫຍາຍບົດບາດ ແລະ ຍົກສູງຄຸນນະພາບ, ປະສິດທິຜົນການເຄື່ອນໄຫວຂອງສະຫະພັນບັນດາອົງການມິດຕະພາບ ຫວຽດນາມ ໃນສະພາບການໃໝ່; ຄຳສັ່ງຂອງຄະນະພັກແຂວງກ່ຽວກັບການປ່ຽນແປງໃໝ່, ເສີມຂະຫຍາຍບົດບາດ ແລະ ຍົກສູງຄຸນນະພາບ, ປະສິດທິຜົນການເຄື່ອນໄຫວຂອງສະຫະພັນບັນດາອົງການມິດຕະພາບແຂວງ, ປະກອບສ່ວນຮັກສາສະພາບແວດລ້ອມສາກົນໃຫ້ສະດວກ ແລະ ຍົກສູງຮູບພາບ, ທີ່ຕັ້ງຂອງແຂວງ ກວາງບິ່ງ ກັບເພື່ອນມິດສາກົນ.
ຄຽງຂ້າງນັ້ນ, ສະຫະພັນບັນດາອົງການມິດຕະພາບແຂວງ ກວາງບິ່ງ ຍັງສຸມໃສ່ກໍ່ສ້າງລະບົບກຳລັງພະນັກງານປະຕິບັດວຽກງານການຕ່າງປະເທດ, ຖືເປັນສຳຄັນເຖິງການເສີມຂະຫຍາຍບົດບາດເປັນ “ທູດປະຊາຊົນ” ຂອງຊາວແຂວງ ກວາງບິ່ງ ແຕ່ລະຄົນ ເພື່ອໃຫ້ການເຄື່ອນໄຫວນີ້ມີລັກສະນະເປັນມະຫາຊົນ ແລະ ປະຊາຊົນ.
 | ກວາງບິ່ງ: ໄວ້ອາໄລ ແລະ ເຮັດພິທີທາງສາສະໜາ 16 ອັດຖິນັກຮົບຜູ້ເສຍສະຫຼະຊີວິດເພື່ອຊາດຢູ່ລາວ ຍສໝ - ຕອນເຊົ້າວັນທີ 23 ພຶດສະພາ, ຄະນະພັກແຂວງ, ສະພາປະຊາຊົນ, ຄະນະກຳມະການປະຊາຊົນ ແລະ ຄະນະກຳມະການແນວໂຮມປະເທດຊາດ ຫວຽດນາມ ແຂວງ ກວາງບິ່ງ ໄດ້ຈັດພິທີມອບຮັບ, ໄວ້ອາໄລ ແລະ ເຮັດພິທີທາງສາສະໜາ 16 ອັດຖິນັກຮົບອາສາສະໝັກ ແລະ ນັກຊ່ຽວຊານ ຫວຽດນາມ ທີ່ເສຍສະຫຼະຊີວິດເພື່ອຊາດຢູ່ລາວ ໄດ້ກັບຄືນບ້ານເກີດ ແລະ ... |
 | ກວາງບິ່ງ, ດົ່ງນາຍ ໄປຢ້ຽມຢາມ, ອວຍພອນປີໃໝ່ ແຂວງ ຈຳປາສັກ ແລະ ແຂວງ Kampong Thom. ຍສໝ - ຄະນະປະຕິບັດງານຂອງ 02 ແຂວງ ກວາງບິ່ງ, ດົ່ງນາຍ (ຫວຽດນາມ) ໄດ້ໄປຢ້ຽມຢາມ, ອວຍພອນປີໃໝ່ອົງຄະນະພັກ, ອຳນາດການປົກຄອງ ແລະ ປະຊາຊົນແຂວງ ຈຳປາສັກ (ລາວ) ແລະ ແຂວງ Kampong Thom (ກຳປູເຈຍ) ເນື່ອງໃນໂອກາດບຸນປີໃໝ່ລາວ ແລະ ບຸນ Chol chnam ... |
ມິງດຶກ
