| ກວາງບິ່ງ, ດົ່ງນາຍ ໄປຢ້ຽມຢາມ, ອວຍພອນປີໃໝ່ ແຂວງ ຈຳປາສັກ ແລະ ແຂວງ Kampong Thom. | |
| ນຳນ້ຳສະອາດມາໃຫ້ເດັກນ້ອຍຢູ່ເຂດພູດອຍ ມິງຮ່ວາ (ກວາງບິ່ງ) |
ໂດຍເຂົ້າຮ່ວມພິທີມີ ທ່ານພົນໂທ ຫວໍມິນເລືອງ, ກໍາມະການສູນກາງພັກ, ຮອງລັດຖະມົນຕີກະຊວງປ້ອງກັນປະເທດ, ຮອງຫົວໜ້າຄະນະຊີ້ນໍາແຫ່ງຊາດກ່ຽວກັບການຄົ້ນຫາ, ເຕົ້າໂຮມ ແລະ ກຳນົດຊື່ແລະນາມສະກຸນ ອັດຖິຂອງນັກຮົບເສຍສະຫຼະຊີວິດເພື່ອຊາດ ຫວຽດນາມ; ຜູ້ຕາງໜ້າກອງບັນຊາການທະຫານເຂດ 4, ການນໍາແຂວງ ຄໍາມ່ວນ (ລາວ), ແຂວງ ກວາງບິ່ງ, ກໍາລັງປະກອບອາວຸດ ແລະ ປະຊາຊົນໃນແຂວງ.
ດ້ວຍຫຼັກສິນທຳຂອງຊາດແມ່ນ “ກິນເຂົ້າຄິດຮອດຄຸນນາ ກິນປາຄິດຮອດຄຸນນ້ຳ”, ໃນລະດູແລ້ງ 2023 – 2024, ພະນັກງານ, ລັດຖະກອນຂອງໜ່ວຍທ້ອນໂຮມອັດຖິຂອງນັກຮົບເສຍສະຫຼະຊີວິດເພື່ອຊາດ 589 (ກອງບັນຊາການທະຫານແຂວງ ກວາງບິ່ງ) ໄດ້ຊອກຄົ້ນ ແລະ ເກັບທ້ອນອັດຖິຂອງນັກຮົບເສຍສະຫຼະຊີວິດເພື່ອຊາດ 16 ອັດຖິຈາກປະເທດເພື່ອນລາວ ກັບເມືອບ້ານເກີດເມືອງນອນ ຫວຽດນາມ. ອັດຖິຂອງນັກຮົບເສຍສະຫຼະຊີວິດເພື່ອຊາດທັງໝົດທີ່ທ້ອນໂຮມໃນຄັ້ງນີ້ຍັງບໍ່ທັນສາມາດລະບຸຊື່ ຫຼື ບ້ານເກີດໄດ້ເທື່ອ.
 |
| ເຮັດພິທີທາງສາສະໜາອັດຖິນັກຮົບຜູ້ເສຍສະຫຼະຊີວິດເພື່ອຊາດຢູ່ທີ່ສຸສານນັກຮົບເສຍສະຫຼະຊີວິດເພື່ອຊາດ ບ່າຢົກ. (ພາບ: quangbinh.gov.vn) |
ໃນບັນຍາກາດອັນເຂັ່ງຂຶມ, ບັນດາຜູ້ແທນ ໄດ້ຖະຫວາຍທູບທຽນ, ດອກໄມ້ ດ້ວຍນ້ຳໃຈເຄົາລົບນັບຖື, ມີຄວາມໂສກເສົ້າເສຍໃຈ ແລະ ສະແດງຄວາມຮູ້ບຸນຄຸນເປັນຢ່າງສູງຕໍ່ບັນດານັກຮົບວິລະຊົນທີ່ເສຍສະຫຼະຊີວິດເພື່ອຊາດໃນສົງຄາມຕໍ່ສູ້ປົດປ່ອຍຊາດຂອງສອງປະເທດ ຫວຽດນາມ - ລາວ.
ອ່ານບົດໄວ້ອາໄລທີ່ພິທີ, ຮອງປະທານຄະນະກຳມະການປະຊາຊົນແຂວງ ກວາງບິ່ງ, ທ່ານ ຮວ່າງຊວນຕັວນ ເນັ້ນໜັກວ່າ: ໃນບັນດາບັ້ນການຕໍ່ຕ້ານຂອງສອງປະຊາຊາດ ຫວຽດນາມ ແລະ ລາວ, ມີຊາວໜຸ່ມ ຫວຽດນາມ ນັບໝື່ນຄົນໄດ້ອອກເດີນທາງໄປເພື່ອໜ້າທີ່ສາກົນທີ່ມີກຽດ, ຄຽງຂ້າງພ້ອມກັບກອງທັບ ແລະ ປະຊາຊົນຊົນເຜົ່າ ລາວ ວິລະຊົນຕໍ່ສູ້ຕ້ານສັດຕູໂຕດຽວກັນ. ທະຫານອາສາສະໝັກ ແລະ ນັກຊ່ຽວຊານຫວຽດນາມ ຈຳນວນນັບບໍ່ຖ້ວນ ໄດ້ເສຍສະຫຼະຊີວິດ, ອຸທິດຄາວເຍົສໄວ, ໜຸ່ນແໜ້ນ ເພື່ອເອກະລາດແຫ່ງຊາດ, ຄວາມຜາສຸກຂອງປະຊາຊົນສອງຊາດ, ສ້າງນໍ້າໃຈສາມັກຄີແບບພິເສດ, ບໍລິສຸດ, ຈົງຮັກພັກດີ ຫວຽດນາມ - ລາວ.
ກ່າວຄຳປາໄສທີ່ພິທີ, ທ່ານ ແກ້ວດອນ ບຸດສິງຄອນ ຮອງເຈົ້າແຂວງ ຄຳມ່ວນ ຢືນຢັນວ່າ: ພັກ, ລັດ ແລະ ປະຊາຊົນ ລາວ ຈະຈົດຈຳເຖິງຄຸນງາມຄວາມດີຂອງນັກຮົບວິລະຊົນ, ນັກອາສາສະໝັກ ແລະ ນັກຊ່ຽວຊານ ຫວຽດນາມ ຕະຫຼອດໄປ.
ເນື່ອງໃນໂອກາດນີ້, ຜູ້ຕາງໜ້າຄະນະຊີ້ນຳແຫ່ງຊາດ 515, ທະຫານເຂດ 4 ແລະ ແຂວງ ກວາງບິ່ງ ໄດ້ມອບຂອງຂວັນ ແລະ ໃຫ້ກຳລັງໃຈແກ່ພະນັກງານ, ລັດຖະກອນໜ່ວຍທ້ອນໂຮມອັດຖິຂອງນັກຮົບເສຍສະຫຼະຊີວິດເພື່ອຊາດ 589.
ມິງດຶກ
