![]() | ພິທີເປີດໂຄງການມິດຕະພາບ ຮ່າໂນ້ຍ - ວຽງຈັນ (ລາວ) |
![]() | Vietjet ເປີດສາຍການບິນເຊື່ອມຕໍ່ນະຄອນ ໂຮ່ຈີມິນ (ຫວຽດນາມ) ກັບນະຄອນຫຼວງ ວຽງຈັນ (ສປປ ລາວ) |
ພັດທະນາການພົວພັນຮ່ວມມືສອງຝ່າຍ
ກ່າວຄຳປາໄສທີ່ພິທີເປີດ, ສະຫາຍ ນາງ ຫງວຽນທິຕວ໋ຽນ ຢືນຢັນວ່າ: ການເຊື່ອມຊືມ ແລະ ເສີມຂະຫຍາຍນ້ຳໃຈອ້າຍນ້ອງ, ນ້ຳໃຈມິດສະຫາຍລະຫວ່າງສອງພັກ, ສອງລັດ, ປະຊາຊົນສອງປະເທດ ຫວຽດນາມ - ລາວ, ອົງຄະນະພັກ, ອຳນາດການປົກຄອງ ແລະ ປະຊາຊົນ ຮ່າໂນ້ຍ - ວຽງຈັນ ຍາມໃດກໍ່ເຄົາລົບມູນເຊື້ອມິດຕະພາບ, ມີຄວາມມານະພະຍາຍາມຢ່າງບໍ່ຢຸດຢັ້ງ, ພັດທະນາການພົວພັນຮ່ວມມືສອງຝ່າຍຮອບດ້ານໃນທຸກຂົງເຂດ ດ້ວຍຫຼາຍໂຄງການທີ່ແທດຈິງ.
![]() |
ຊຸດຝຶກອົບຮົມບຳລຸງກ່ຽວກັບວຽກງານພັກ, ມະຫາຊົນໃຫ້ພະນັກງານນະຄອນຫຼວງ ວຽງຈັນ |
ນີ້ແມ່ນຄັ້ງທຳອິດທີ່ຄະນະພັກນະຄອນ ຮ່າໂນ້ຍ ໄດ້ເປີດຊຸດອົບຮົມສຳລັບພະນັກງານນະຄອນຫຼວງ ວຽງຈັນ - ລາວ. ຕາມນັ້ນແລ້ວ, ວັນທີ 9 ເມສາ, ຄະນະປະຈຳພັກນະຄອນ ຮ່າໂນ້ຍ ໄດ້ປະກາດແຜນການເລກທີ 230-KH/TU ແລະ ບັນດາຂໍ້ຕົກລົງຈັດຕັ້ງຊຸດອົບຮົມ 02 ຊຸຫໃຫ້ພະນັກງານລັດຖະກອນ 62 ຄົນຂອງນະຄອນຫຼວງ ວຽງຈັນ, ໃນນັ້ນ, ຊຸດທີ 1 ແມ່ນໃຫ້ບັນດາສຳມະນາກອນສາຍພັກ, ສະຫະພັນ ແລະ ຊຸດທີ 2 ແມ່ນສໍາລັບສຳມະນາກອນສາຍລັດຖະບານ. ຊຸດອົບຮົມທີ່ເປີດໃນມື້ນີ້ແມ່ນຊຸດທີ 1 ມີສຳມະນາກອນທັງໝົດ 31 ຄົນ ເຊິ່ງເປັນພະນັກງານຫຼັກແຫຼ່ງຂອງນະຄອນຫຼວງ ວຽງຈັນ. ຊຸດອົບຮົມດັ່ງກ່າວ ແນໃສ່ຊ່ວຍໃຫ້ພະນັກງານ, ລັດຖະກອນ ນະຄອນຫຼວງ ວຽງຈັນ ເພີ່ມທະວີການຄົ້ນຄວ້າ ແລະ ຊອກຮູ້ປະສົບການໃນການກໍ່ສ້າງພັກ ແລະ ລະບອບການເມືອງທີ່ປອດໃສສະອາດ, ເຂັ້ມແຂງ; ປັບປຸງ ແລະ ເສີມສ້າງຄວາມຮູ້ໃໝ່, ຄວາມເປັນຜູ້ນຳ ແລະ ທັກສະການບໍລິຫານ.
ສະຫາຍ ນາງ ຫງວຽນທິຕວ໋ຽນ ປາດຖະໜາວ່າ: ໂດຍຜ່ານການຝຶກອົບຮົມ, ນ້ຳໃຈສາມັກຄີມິດຕະພາບແບບພິເສດລະຫວ່າງສອງນະຄອນຫຼວງຈະໄດ້ຮັບການນຳເຂົ້າໃນຈິດໃຈຂອງຫ້ອງຮຽນ, ເພື່ອໃຫ້ພວກເຮົາເສີມຂະຫຍາຍ, ແລກປ່ຽນ, ຊ່ວຍໃຫ້ຊຸດຮຽນປະສົບຜົນສຳເລັດ; ເພີ່ມທະວີຄວາມເຂົ້າໃຈເຊິ່ງກັນ ແລະ ກັນ, ແລກປ່ຽນບົດຮຽນເຊິ່ງກັນ ແລະ ກັນ, ເພີ່ມທະວີຄວາມສະໜິດຕິດພັນ ແລະ ຄວາມຮັກແພງ; ປະກອບສ່ວນຍົກສູງຄຸນນະພາບຂອງຖັນແຖວພະນັກງານນະຄອນຫຼວງ ວຽງຈັນ ເພື່ອຕອບສະໜອງຄວາມຮຽກຮ້ອງການພັດທະນາ. ພ້ອມກັນນັ້ນ, ກໍ່ປັບປຸງການພົວພັນມິດຕະພາບອັນດີງາມ ລະຫວ່າງ 2 ນະຄອນຫຼວງໃນສະພາບການໃໝ່”.
ເພິ່ມທະວີສາຍພົວພັນມິດຕະພາບ
ສະຫາຍ ວິລະສັກ ນາມມຸນຕີ, ຫົວໜ້າຄະນະກວດກາພັກ, ອົງການກວດກາລັດຖະບານ ນະຄອນຫຼວງ ວຽງຈັນ - ຫົວໜ້າຄະນະພະນັກງານນະຄອນຫຼວງ ວຽງຈັນ ໄດ້ຕີລາຄາສູງຕໍ່ການນຳພາ, ໂດຍສະເພາະແມ່ນວຽກງານກໍ່ສ້າງຖັນແຖວພະນັກງານພັກຂອງນະຄອນ ຮ່າໂນ້ຍ. ສະຫາຍເຊື່ອໝັ້ນວ່າ ໂດຍຜ່ານຫຼັກສູດດັ່ງກ່າວ ບັນດາສະມາຊິກຂອງຄະນະຈະໄດ້ຮັບຄວາມຮູ້ ແລະ ປະສົບການຢ່າງຫຼວງຫຼາຍ ທີ່ສາມາດນຳໃຊ້ໃນການປະຕິບັດຕົວຈິງ.
![]() |
ສະຫາຍນາງ ຫງວຽນທິຕວ໋ຽນ ກ່າວຄຳປາໄສທີ່ພິທີເປີດຊຸດອົບຮົມ |
ບົນພື້ນຖານການພົວພັນມິດຕະພາບລະຫວ່າງ ລາວ ແລະ ຫວຽດນາມ ເວົ້າລວມ ແລະ ນະຄອນຫຼວງ ວຽງຈັນ ແລະ ຮ່າໂນ້ຍ ເວົ້າສະເພາະ, ສະຫາຍປາດຖະໜາໃຫ້ສອງນະຄອນສືບຕໍ່ເພີ່ມທະວີການພົວພັນມິດຕະພາບ, ປະກອບສ່ວນຮັດແໜ້ນສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະ ການຮ່ວມມືຮອບດ້ານລະຫວ່າງສອງປະເທດ ລາວ - ຫວຽດນາມ ເວົ້າລວມ ແລະ ລະຫວ່າງ ນະຄອນຫຼວງ ວຽງຈັນ - ຮ່າໂນ້ຍ ເວົ້າສະເພາະ.
ເຂົ້າຮ່ວມຊຸດອົບຮົມກ່ຽວກັບວຽກງານພັກ ແລະ ມະຫາຊົນ ໃຫ້ແກ່ພະນັກງານນະຄອນຫຼວງ ວຽງຈັນ - ລາວ ມີສຳມະນາກອນ 31 ຄົນ (ສຳມະນາກອນ 27 ຄົນ, ພະນັກງານຄຸ້ມຄອງຊຸດອົບຮົມ 4 ຄົນ). ນີ້ແມ່ນບັນດາພະນັກງານຫຼັກແຫຼ່ງຂອງນະຄອນຫຼວງ ວຽງຈັນ. ໃນໄລຍະ 12 ວັນທີ່ຮ່ຳຮຽນຢູ່ ຮ່າໂນ້ຍ, ບັນດາສຳມະນາກອນຈະຄົ້ນຄວ້າ, ແບ່ງປັນ, ແລກປ່ຽນຄວາມຮູ້, ຄວາມສາມາດ, ປະສົບການທີ່ເປັນປະໂຫຍດໃນການກໍ່ສ້າງພັກ ແລະ ລະບອບການເມືອງທີ່ປອດໃສ ແລະ ໝັ້ນຄົງ.
ສຳມະນາກອນຈະໄດ້ຮັບຟັງ ແລະ ປຶກສາຫາລືກ່ຽວກັບ 10 ຫົວເລື່ອງບົດບັນຍາຍ (5 ບົດບັນຍາຍກ່ຽວກັບປະສົບການຕົວຈິງຂອງນະຄອນ ຮ່າໂນ້ຍ ແລະ 5 ບົດບັນຍາຍກ່ຽວກັບທັກສະການນຳພາ ແລະ ບໍລິຫານ). ຕາມຫຼັກສູດ, ໃນຕອນເຊົ້າບັນດາສະຫາຍຈະຮຽນໃນຫ້ອງ; ຕອນບ່າຍຈະດຳເນີນການຄົ້ນຄ້ວາ ແລະ ເຄື່ອນໄຫວຕົວຈິງຢູ່ 8 ທ້ອງຖິ່ນ, ຫົວໜ່ວຍຂອງນະຄອນ.
![]() | ນໍາ ຮວ່ານນກຽມ-ຈັນທະບູລີ ກາຍເປັນແບບຢ່າງການຮ່ວມມືລະຫວ່າງຮ່າໂນ້ຍ ແລະ ວຽງຈັນ (ລາວ) ໂດຍໄວ ຍສໝ - ສະຫາຍ ຫງວຽນວັນຟອງ ຫວັງວ່າ ເມືອງຮວ່ານກຽມ ແລະ ເມືອງຈັນທະບູລີ ຈະປຶກສາຫາລື ແລະ ກຳນົດເນື້ອໃນການຮ່ວມມືໃນໄລຍະຈະມາເຖິງ ຕາມທິດເສີມຂະຫຍາຍຄວາມສາມາດບົ່ມຊ້ອນ ແລະ ທ່າແຮງຂອງແຕ່ລະທ້ອງຖິ່ນ... |
![]() | Vietjet ເປີດສາຍການບິນໂດຍກົງ ນະຄອນໂຮ່ຈີມິນ - ວຽງຈັນ ແລະ ປະກາດການຮ່ວມມືຮອບດ້ານກັບ Lao Airlines ຍສໝ - Vietjet ໄດ້ລົງນາມໃນການຮ່ວມມືຮອບດ້ານກັບ Lao Airlines ແລະ ປະກາດເປີດເສັ້ນທາງສາຍໃໝ່ເຊື່ອມຕໍ່ນະຄອນຫຼວງວຽງຈັນ, ລາວ ກັບ ນະຄອນໂຮ່ຈີມິນ, ຫວຽດນາມ. |
ມິງດຶກ