| ນໍາ ຮວ່ານນກຽມ-ຈັນທະບູລີ ກາຍເປັນແບບຢ່າງການຮ່ວມມືລະຫວ່າງຮ່າໂນ້ຍ ແລະ ວຽງຈັນ (ລາວ) ໂດຍໄວ | |
| ຮ່າໂນ້ຍ - ວຽງຈັນ ໄດ້ລົງນາມໃນບົດບັນທຶກການຮ່ວມມືຫຼາຍດ້ານເພື່ອເພີ່ມທະວີການຄ້າ |
ເຫດການ ໄດ້ດຳເນີນໄປໂດຍການເຂົ້າຮ່ວມຂອງທ່ານປະທານສະພາແຫ່ງຊາດ ຫວຽດນາມ ເຫວືອງດິງເຫ້ວ ແລະ ທ່ານຮອງປະທານສະພາແຫ່ງຊາດ ລາວ ນາງ ສຸນທອນ ໄຊຍະຈັກ ພ້ອມດ້ວຍການນຳບັນດາກະຊວງ, ຂະແໜງການຂອງ 2 ປະເທດ. ນີ້ໄດ້ຮັບຖືວ່າເປັນຂີດໝາຍສຳຄັນບໍ່ພຽງແຕ່ລະຫວ່າງສອງວິສາຫະກິດເທົ່ານັ້ນ, ຫາກຍັງແມ່ນລະຫວ່າງ ຫວຽດນາມ - ລາວ, ສອງປະເທດອ້າຍນ້ອງບ້ານໃກ້ເຮືອນຄຽງທີ່ສະໜິດສະໜົມກັບມູນເຊື້ອການຮ່ວມມືພ້ອມກັນພັດທະນາ.
ຕາມນັ້ນແລ້ວ, Vietjet ແລະ Lao Airlines, ສາຍການບິນແຫ່ງຊາດລາວ ກາຍເປັນຄູ່ຮ່ວມມືຮອບດ້ານໃນການຂົນສົ່ງໂດຍສານຜູ້ໂດຍສານ ແລະ ສິນຄ້າ, ພ້ອມທັງເປີດກວ້າງການຮ່ວມມືດ້ານເຕັກນິກ, ການສ້ອມແປງ ແລະ ບຳລຸງຮັກສາເຮືອບິນ, ບຳລຸງສ້າງແຫຼ່ງຊັບພະຍາກອນມະນຸດການບິນ...
 |
ການນຳ Vietjet ໃຫ້ການຕ້ອນຮັບທ່ານປະທານສະພາແຫ່ງຊາດ ເຫວືອງດິງເຫ້ວ |
ເພື່ອຕອບສະໜອງຄວາມຕ້ອງການດ້ານການທ່ອງທ່ຽວຂອງປະຊາຊົນ ແລະ ນັກທ່ອງທ່ຽວ, Vietjet ກໍ່ຈະເປີດເສັ້ນທາງການບິນເຊື່ອມຕໍ່ນະຄອນຫຼວງວຽງຈັນ, ລາວ ກັບນະຄອນ ໂຮ່ຈີມິນ, ສູນເສດຖະກິດ, ວັດທະນະທຳແຖວໜ້າຂອງ ຫວຽດນາມ ນັບແຕ່ເດືອນກຸມພາ 2024. ເສັ້ນທາງໃໝ່ນີ້ຄາດວ່າຈະໃຫ້ບໍລິການຜູ້ໂດຍສານ ແຕ່ລະອາທິດມີ 4 ຖ້ຽວໄປກັບ ໂດຍໃຊ້ເວລາບິນປະມານ 1 ຊົ່ວໂມງ 45 ນາທີ ສໍາລັບແຕ່ລະໄລຍະທາງ.
ວຽງຈັນເປັນນະຄອນຫຼວງ ແລະ ເປັນນະຄອນໃຫຍ່ທີ່ສຸດ, ເປັນສູນກາງທາງດ້ານການເມືອງ ແລະ ເສດຖະກິດຂອງລາວ, ຕັ້ງຢູ່ຂ້າງແມ່ນ້ຳຂອງ ດ້ວຍຄວາມສວຍງາມຊວນຝັນ, ເກົ່າແກ່ທີ່ສະຫງ່າຂອງເຂດ ອິນດູຈີນ. ນະຄອນຫຼວງຂອງລາວແມ່ນດຶງດູດນັກທ່ອງທ່ຽວ ດ້ວຍບັນດາຮ່ອງຮອຍສະຖາປັດຕະຍະກຳທີ່ມີຊື່ສຽງ, ບັນດາວັດວາອາຮາມ, ວິຫານ, ພະທາດ, ງານບຸນຕ່າງໆຂອງທ້ອງຖິ່ນ ແລະ ອາຫານທີ່ເປັນເອກະລັກສະເພາະ.
ໃນຂະນະນັ້ນ, ນະຄອນ ໂຮ່ຈີມິນ ແມ່ນສູນເສດຖະກິດ, ວັດທະນະທຳ, ທ່ອງທ່ຽວທີ່ພົ້ນເດັ່ນຂອງຫວຽດນາມ ກໍ່ຄືພາກພື້ນທີ່ມີລັກສະນະວັດທະນະທຳທີ່ເປັນເອກະລັກສະເພາະ, ວິຖີຊີວິດທັນສະໄໝ ແລະ ເຊື່ອມຕໍ່ຄວາມສະດວກເຂົ້າກັບບັນດານະຄອນໃຫຍ່ຂອງ ຫວຽດນາມ ແລະ ສາກົນ.
ເສັ້ນທາງການບິນໃໝ່ຂອງ Vietjet ຄາດວ່າ ຈະປະກອບສ່ວນຊຸກຍູ້ການຄ້າ, ການທ່ອງທ່ຽວ, ແລກປ່ຽນວັດທະນະທຳລະຫວ່າງ 2 ປະເທດ, ສ້າງບັນດາໝາກຜົນອັນດີງາມກ່ວາອີກໃນການພົວພັນຮ່ວມມືແບບດັ້ງເດີມ ແລະ ແໜ້ນແຟ້ນລະຫວ່າງ 2 ປະເທດ.
ບໍ່ພຽງແຕ່ເຊື່ອມຕໍ່ນະຄອນ ໂຮ່ຈິມິນ ກັບ ນະຄອນຫຼວງ ວຽງຈັນ ແລະ ບັນດາທ້ອງຖິ່ນຂອງ ລາວ ເທົ່ານັ້ນ ແຕ່ຍັງມີໄກກ່ວາອີກ ໂດຍຮ່ວມກັບ Vietjet ດ້ວຍເຄືອຂ່າຍການບິນກວມເອົາທົ່ວ ຫວຽດນາມ ແລະ ໄປເຖິງອົດສະຕຣາລີ, ຈີນ, ອິນໂດເນເຊຍ, ໄທ, ສິງກະໂປ, ມາເລເຊຍ, ຍີ່ປຸ່ນ, ຮົ່ງກົງ (ຈີນ), ໄຕ້ຫວັນ (ຈີນ), ເກົາຫຼີ, ອິນເດຍ, ກາຊັກສະຖານ...
ມິງດຶກ
