 | ໄຂງານບຸນເພື່ອສັນຕິພາບ ປີ 2024: ຮ່ວມແຮງຮ່ວມໃຈສ້າງສັນໂລກແຫ່ງສັນຕິພາບ |
| ຊາວ ຫວຽດນາມ ອາໄສຢູ່ຕ່າງປະເທດເຜີຍແຜ່ຄຸນຄ່າວັດທະນະທຳ ຫວຽດນາມ ຢູ່ ຝລັ່ງ |
ດ້ວຍຮູບແບບການສົນທະນາໂຕະມົນສົມທົບກັບບັນດາຜູ້ເຂົ້າຮ່ວມໃນຫ້ອງປະຊຸມ, ເວທີປາໄສການສຶກສາຢູ່ປະເທດ ຝລັ່ງ ໃນປີນີ້ໄດ້ສຸມໃສ່ການຕອບຂໍ້ຂ້ອງໃຈຂອງນັກສຶກສາທີ່ຮຽນຢູ່ຕ່າງປະເທດ ແລະ ນັກສຶກສາທີ່ຮຽນພາສາ ຝລັ່ງ ທີ່ປາດຖະຫນາຈະໄປຮຽນທີ່ປະເທດ ຝລັ່ງ, ພ້ອມກັນນັ້ນ ກໍ່ໄດ້ຈັດຫຼາຍຫົວຂໍ້ເຊັ່ນ: ການກະກຽມກະເປົ໋າ, ການຄຸ້ມຄອງຄ່າໃຊ້ຈ່າຍ, ທີ່ຢູ່ອາໄສ, ຂັ້ນຕອນການລົງທະບຽນໂຮງຮຽນຢູ່ປະເທດ ຝລັ່ງ, ລະບຽບການພັກອາໄສ, ການຊອກຫາເຮັດວຽກນອກເວລາ, ການຝຶກງານໃນປະເທດ ຝລັ່ງ ແລະ ສິ່ງອຳນວຍຄວາມສະດວກໃນການດຳລົງຊີວິດ.
 |
| ອະດີດນັກສຶກສາຢູ່ປະເທດ ຝລັ່ງ ໄດ້ແລກປ່ຽນປະສົບການໃນເວທີປາໄສ. |
ເວທີປາໄສຍັງກ່າວເຖິງການປ່ຽນແປງໃໝ່ທີ່ປະກອບສ່ວນເຂົ້າໃນການເຮັດໃຫ້ລະບຽບການບໍລິຫານຢູ່ຝລັ່ງ ໃຫ້ເປັນງ່າຍດາຍເຊັ່ນ: ການຂໍວີຊາ ແລະ ຂັ້ນຕອນຢັ້ງຢືນວີຊາທາງອອນລາຍ, ການລົງທະບຽນປະກັນໄພ ຝລັ່ງ, ຄ່າຮຽນ... ຄຽງຂ້າງນັ້ນ, ບັນດາໂຕະຂໍ້ມູນຂ່າວສານຂອງນັກສຶກສາຢູ່ ຝລັ່ງ ຍັງໃຫ້ຄຳປຶກສາ ແລະ ສະໜອງ ຂໍ້ມູນທີ່ເປັນປະໂຫຍດທີ່ຈະຊ່ວຍໃຫ້ນັກສຶກສາຕ່າງປະເທດໃນອະນາຄົດມີການກະກຽມທີ່ດີສໍາລັບການໄປຮຽນຢູ່ຕ່າງປະເທດໃນໄລຍະທີ່ຈະມາເຖິງຂອງເຂົາເຈົ້າ.
ກ່າວຄຳປາໄສທີ່ເວທີປາໄສ, ທ່ານ Florent Menard - ຜູ້ອຳນວຍການ Campus France Vietnam ໃຫ້ຮູ້ວ່າ: ປະຈຸບັນ ມີນັກສຶກສາ ຫວຽດນາມ ກ່ວາ 6.000 ຄົນພວມຮ່ຳຮຽນ ແລະ ເຮັດວຽກຢູ່ ຝລັ່ງ, ໃນນັ້ນມີບັນດານັກສຶກສາມາຈາກແຂວງ ເກີນເທີ ແລະ ບັນດາແຂວງຢູ່ເຂດທົ່ງພຽງແມ່ນ້ຳຂອງ. ບັນດານັກສຶກສາ ຫວຽດນາມ ໄດ້ຕີລາຄາສູງນ້ຳໃຈພາກພຽນໃນການຮຽນ, ຄວາມສາມັກຄີໃນຊຸມຊົນ ແລະ ນ້ຳໃຈມິດຕະພາບ. ທ່ານ Florent Menard ຫວັງວ່າຈະມີບັນດາການເຄື່ອນໄຫວເພີ່ມເຕີມ ເພື່ອເຊື່ອມໂຍງ ແລະ ໜູນຊ່ວຍບັນດານັກສຶກສາ ຫວຽດນາມ ທີ່ມາຮ່ຳຮຽນ ແລະ ເຮັດວຽກຢູ່ ຝລັ່ງ ໃນໄລຍະຈະມາເຖິງ.
 |
| C ອະດີດນັກສຶກສາຢູ່ປະເທດ ຝລັ່ງ ໄດ້ພົບປະແລກປ່ຽນກັບນັກສຶກສາທີ່ເຂົ້າຮ່ວມເວທີປາໄສ. |
ທ່ານ ປະລິນຍາເອກ ເລວັນເລີມ, ຫົວໜ້າຫ້ອງການຮ່ວມມືສາກົນ, ມະຫາວິທະຍາໄລ ເກີນເທີ ໃຫ້ຮູ້ວ່າ: ປະຈຸບັນ, ໂຮງຮຽນພວມບຳລຸງສ້າງນັກຮຽນ/ນັກສຶກສາໃນລະບົບປົກກະຕິ 413 ຄົນ; ໃນນັ້ນມີນັກສຶກສາສາຂາວິຊາສ້າງຄູ ຝລັ່ງ 53 ຄົນ, ສາຂາວິຊາພາສາ ຝລັ່ງ 270 ຄົນ, ສາຂາວິຊາພາສາ ຝລັ່ງ ລະບົບອອນລາຍ 76 ຄົນ ແລະ ປະລິນຍາໂທ 14 ຄົນ ສາຂາທິດສະດີ ແລະ ວິທີການສອນ.
ທ່ານນາງ ເລທິແທງຢ່າງ, ປະທານສະຫະພັນບັນດາອົງການມິດຕະພາບນະຄອນ ເກີນເທີ ໃຫ້ຮູ້ວ່າ: ໃນໄລຍະຜ່ານມາ ສະຫະພັນບັນດາອົງການມິດຕະພາບນະຄອນ ໄດ້ຈັດຕັ້ງບັນດາການເຄື່ອນໄຫວສັນຕິພາບ, ຄວາມສາມັກຄີ, ມິດຕະພາບ, ການພົບປະແລກປ່ຽນວັດທະນະທຳ, ພົບປະແລກປ່ຽນປະຊາຊົນກັບບັນດາປະເທດໃນທົ່ວໂລກຢ່າງເປັນປະຈຳ ເພື່ອແນໃສ່ຮັດແໜ້ນ ແລະ ພັດທະນາຄວາມສາມັກຄີ, ມິດຕະພາບກັບປະຊາຊົນບັນດາປະເທດ, ໃນນັ້ນ ຝລັ່ງ ແມ່ນໜຶ່ງໃນບັນດາຄູ່ຮ່ວມມືສຳຄັນຂອງນະຄອນ ເກີນເທີ.
ແຕ່ລະປີ, ສະຫະພັນບັນດາອົງການມິດຕະພາບ ແລະ ສະມາຄົມມິດຕະພາບ ຫວຽດນາມ - ຝລັ່ງ ນະຄອນ ເກີນເທີ ໄດ້ສົມທົບກັນຈັດຕັ້ງບັນດາການເຄື່ອນໄຫວທີ່ມີຄວາມໝາຍ, ປະກອບສ່ວນພັດທະນາການພົວພັນສາມັກຄີ, ມິດຕະພາບແບບຍືນຍົງລະຫວ່າງ 2 ປະເທດ. ໂດຍສະເພາະ, ວັນບຸນພາສາ ຝລັ່ງ ແມ່ນການເຄື່ອນໄຫວປະຈຳປີຂອງສະຫະພັນບັນດາອົງການມິດຕະພາບນະຄອນ ແລະ ສະມາຄົມມິດຕະພາບ ຫວຽດນາມ - ຝລັ່ງ ນະຄອນ ເກີນເທີ ສົມທົບກັບມະຫາວິທະຍາໄລ ເກີນເທີ ແລະ ບັນດາອົງການພາສາ ຝລັ່ງ ເພື່ອຈັດຕັ້ງປະຕິບັດ, ໄດ້ປະກອບສ່ວນເຊີດຊູ, ສົ່ງເສີມການພັດທະນາຂະບວນການສິດສອນພາສາ ຝລັ່ງ, ຊຸກຍູ້ການຮ່ວມມືດ້ານພາສາ ຝລັ່ງ ໃນເຂດທົ່ງພຽງແມ່ນ້ຳຂອງ.
 |
| ບັນດາຜູ້ແທນໄດ້ຖ່າຍຮູບທີ່ລະນຶກຢູ່ເວທີປາໄສ. |
ສະຫະພັນໄດ້ສົມທົບກັບສະມາຄົມມິດຕະພາບ ຫວຽດນາມ - ຝລັ່ງ ນະຄອນ ຈັດຕັ້ງບັນດາການບຳລຸງສ້າງພາສາ ຝລັ່ງ ແລະ ການພັດທະນາປະຊາຄົມທີ່ນຳໃຊ້ພາສາ ຝລັ່ງ ເຊັ່ນ: ຈັດຕັ້ງກອງປະຊຸມສຳມະນາ, ງານແຂ່ງຂັນ Olympic ພາສາ ຝລັ່ງ ໃຫ້ນັກຮຽນທຸກຂັ້ນໃນບໍລິເວນຂອງນະຄອນ; ຈັດຕັ້ງການເຄື່ອນໄຫວວັດທະນະທໍາ ແລະ ສິລະປະ, ກິດຈະກໍາເພື່ອຍົກສູງຄວາມສາມາດໃນການນໍາໃຊ້ພາສາ ຝລັ່ງ ໃຫ້ແກ່ນັກຮຽນ, ນັກສຶກສາ ແລະ ຜູ້ທີ່ໃຊ້ພາສາ ຝລັ່ງ; ສ້າງກາລະໂອກາດການພົບປະແລກປ່ຽນ, ຊອກຮູ້ ແລະ ຄົ້ນຫາປະຊາຊົນ, ປະເທດຊາດ ຝລັ່ງ ແລະ ປະຊາຄົມທີ່ນຳໃຊ້ພາສາ ຝລັ່ງ.
ທ່ານນາງ ຢ່າງ ຫວັງວ່າ ໃນໄລຍະຈະມາເຖິງ, ອົງການ Campus France Vietnam ຈະສືບຕໍ່ສົມທົບກັບສະຫະພັນບັນດາອົງການມິດຕະພາບນະຄອນ ເກີນເທີ ແລະ ບັນດາຄູ່ຮ່ວມມືອື່ນໆໃນນະຄອນ ເພື່ອຈັດຕັ້ງບັນດາກອງປະຊຸມສຳມະນາ, ບຳລຸງສ້າງ, ປຶກສາຫາລືວິທະຍາສາດ... ເພື່ອແນໃສ່ເພີ່ມທະວີຄວາມສາມັກຄີໃນປະຊາຄົມນັກສຶກສາ ຫວຽດນາມ ຢູ່ປະເທດ ຝລັ່ງ, ສ້າງໂອກາດສໍາລັບນັກຮຽນ ແລະ ຜູ້ປົກຄອງນັກຮຽນໄດ້ມີບັນດາຂໍ້ມູນຂ່າວສານທີ່ເປັນປະໂຫຍດກ່ຽວກັບການໄປຮຽນຕໍ່ທີ່ປະເທດ ຝລັ່ງ.
 | ວຽກງານການຕ່າງປະເທດ ໃນເຄິ່ງຕົ້ນປີປີ 2024: ຂີດໝາຍຮ່ວມເດີນທາງພ້ອມກັບປະເທດຊາດ ຍສໝ - ໃນສະພາບການປ່ຽນແປງຂອງໂລກມີການຜັນແປ, ວຽກງານການພົວພັນຕ່າງປະເທດ ແລະ ການທູດໃນ 6 ເດືອນຕົ້ນປີ 2024 ສືບຕໍ່ສ້າງສະພາບການການຕ່າງປະເທດທີ່ປະສົບຜົນສຳເລັດຢ່າງໜ້າປະທັບໃຈ, ປະກອບສ່ວນສຳຄັນເຂົ້າໃນການນໍາປະເທດຫວຽດນາມ ໃຫ້ມີທ່າແຮງ, ທີ່ຕັ້ງ ແລະ ມີຄວາມໄວ້ວາງໃຈຈາກສາກົນຄືປະຈຸບັນນີ້. |
 | ມີເກືອບ 1.000 ຄົນເຂົ້າຮ່ວມວັນ Yoga ສາກົນ 2024 ຢູ່ ເກີນເທີ ຍສໝ - ຕອນເຊົ້າວັນທີ 19 ມິຖຸນາ, ຢູ່ນະຄອນ ເກີນເທີ, ສະຫະພັນບັນດາອົງການມິດຕະພາບນະຄອນ ເກີນເທີ ສົມທົບກັບສະຖານກົງສຸນໃຫຍ່ ອິນເດຍ ປະຈໍາ ນະຄອນ ໂຮ່ຈີມິນ ໄດ້ຈັດຕັ້ງວັນ Yoga ສາກົນ ຄັ້ງທີ 10 ປີ 2024. |
ມິງດຶກ
