| ສັບປະດາວັດທະນະທຳ ຫວຽດນາມ ຢູ່ ກຳປູເຈຍ 2024: ເຫດການຕົວແບບແນະນຳວັດທະນະທຳ, ປະເທດຊາດ, ປະຊາຊົນ 2 ປະເທດ | |
| ຫຼາຍການເຄື່ອນໄຫວທີ່ຟົດຟື້ນໃນງານບຸນເກັບໝາກໝັ້ນປີ 2024 ຢູ່ຕາແສງເຂດຊາຍແດງ ເງ້ອານ |
ໃນສະພາບການປ່ຽນແປງຂອງໂລກທີ່ມີການຜັນແປ, ວຽກງານການພົວພັນຕ່າງປະເທດ ແລະ ການທູດໃນ 6 ເດືອນຕົ້ນປີ 2024 ສືບຕໍ່ສ້າງສະພາບການການຕ່າງປະເທດທີ່ປະສົບຜົນສຳເລັດຢ່າງໜ້າປະທັບໃຈ, ປະກອບສ່ວນສຳຄັນເຂົ້າໃນການນໍາປະເທດຫວຽດນາມ ໃຫ້ມີທ່າແຮງ, ທີ່ຕັ້ງ ແລະ ມີຄວາມໄວ້ວາງໃຈຈາກສາກົນຄືປະຈຸບັນນີ້.
 |
| ທ່ານນາຍົກລັດຖະມົນຕີ ຟ້າມມິງຈິ້ງ ແລະ ທ່ານນາຍົກລັດຖະມົນຕີ ອົດສະຕາລີ ອານໂທນີ ອາບານເນັດ ໄດ້ແລກປ່ຽນຄຳຄິດເຫັນກ່ຽວກັບການຍົກລະດັບການພົວພັນ ລະຫວ່າງ 2 ປະເທດຂຶ້ນສູ່ການພົວພັນຄູ່ຮ່ວມມືຍຸດທະສາດຮອບດ້ານຢູ່ ນະຄອນ ຄັນເບີລາ, ວັນທີ 7 ມີນາ. (ພາບ: ຕວນແອງ) |
ຫວຽດນາມ ມີປີໜື່ງທີ່ເຕັມໄປດ້ວຍຄວາມຟົດຟື້ນໃນປີ 2023, ດ້ວຍບັນດາຜົນງານທີ່ດີເດັ່ນຢູ່ໃນຫຼາຍຂົງເຂດ, ໃນນັ້ນມີການພົວພັນຕ່າງປະເທດ ແລະ ການທູດ. ທີ່ກອງປະຊຸມການທູດ ຄັ້ງທີ 32 ໃນວັນທີ 19 ທັນວາ 2023, ທ່ານເລຂາທິການໃຫຍ່ ຫງວຽນຟູ໋ຈ້ອງ ຢືນຢັນວ່າ: ນັບແຕ່ຫຼັງກອງປະຊຸມໃຫຍ່ຄັ້ງທີ 13, ພິເສດແມ່ນຮອດປີ 2023, ການພົວພັນຕ່າງປະເທດ ແລະ ການທູດ “ບັນລຸໄດ້ບັນດາໝາກຜົນສຳຄັນ ມີຄວາມຫມາຍທາງປະຫວັດສາດ, ເຊິ່ງໄດ້ກາຍເປັນຈຸດພົ້ນເດັ່ນທີ່ໜ້າປະທັບໃຈຕໍ່ບັນດາໝາກຜົນ ແລະ ຜົນສຳເລັດລວມຂອງປະເທດຊາດ”. ພື້ນຖານ, ທ່າແຮງ, ທີ່ຕັ້ງ, ຄວາມໄວ້ວາງໃຈຂອງສາກົນ ແລະ ຜົນສຳເລັດແມ່ນພື້ນຖານອັນໜັກແໜ້ນໃຫ້ແກ່ວຽກງານພົວພັນຕ່າງປະເທດ ແລະ ການທູດ ສືບຕໍ່ປະກອບສ່ວນເຂົ້າໃນພາລະກິດແຫ່ງການສ້າງສາ, ພັດທະນາປະເທດຊາດ ແລະ ປົກປັກຮັກສາປະເທດຊາດ ໃນປີ 2024 ແລະ ຊຸມປີຕໍ່ໜ້າ.
ປີ 2024 ແມ່ນປີທີ່ສຳຄັນ, ມີຄວາມໝາຍໃນການປະຕິບັດມະຕິກອງປະຊຸມໃຫຍ່ຄັ້ງທີ 13 ໃຫ້ສຳເລັດຜົນ ແລະ ກະກຽມທຸກດ້ານໃຫ້ແກ່ກອງປະຊຸມໃຫຍ່ຄັ້ງທີ 14 ຂອງພັກ. ມີໂອກາດ ແລະ ຄວາມສະດວກອັນໃຫຍ່ຫລວງ, ແຕ່ຍັງມີຄວາມຫຍຸ້ງຍາກ, ສີ່ງທ້າທາຍ ແລະ ຄວາມກົດດັນຫລາຍຢ່າງ. ໂລກກໍາລັງປະເຊີນກັບຈຸດຫັນປ່ຽນ, ກ້າວໄປສູ່ສະພາບການໃຫມ່, ມີການພັດທະນາທີ່ສັບສົນ, ບໍ່ຄາດຄິດ ແລະ ບໍ່ເຄີຍມີມາກ່ອນ. ການປະທະກັນຢູ່ຢູເຄຣນ, ເຂດກາຊາ ແລະ ບັນດາຈຸດເຄັ່ງຮ້ອນທີ່ອາດເກີດຂຶ້ນໃນຫຼາຍພາກພື້ນ ປຽບເໝືອນ “ຂຸມດຳ” ອາດຈະດູດຊັບຊັບພະຍາກອນ ແລະ ຄວາມມານະພະຍາຍາມຂອງສາກົນທັງໝົດ, ແກ່ດຶງເອົາບັນດາປະເທດເຂົ້າສູ່ວົງການຍາດແຍ່ງແຂ່ງຂັນ, ການປະເຊີນໜ້າທີ່ເຄັ່ງຮ້ອນ; ໂລກກາຍເປັນຄວາມບໍ່ແນ່ນອນ ແລະ ແບ່ງແຍກ; ເພື້ນຖານເສດຖະກິດຖຶກແບ່ງແຍກ, ການເມືອງມີການຜັນແປ.
ຄວາມຮຽກຮ້ອງການການທີ່ຍົກຂື້ນກ່ຽວກັບວຽກງານການພົວພັນຕ່າງປະເທດ ແລະ ການທູດແມ່ນຫັນເປັນການຍູ້ແຮງ, ຊຸກຍູ້ບັນດາຜົນງານທີ່ບັນລຸໄດ້ໃນປີ 2023, ຍົກຂຶ້ນສູ່ລະດັບສູງໃໝ່. ໃນສະພາບການນັ້ນ, ໃນ 6 ເດືອນຕົ້ນປີ 2024, ການພົວພັນຕ່າງປະເທດ, ການທູດໄດ້ຈັດຕັ້ງ ແລະ ຜັນຂະຫຍາຍມະຕິກອງປະຊຸມໃຫຍ່ຄັ້ງທີ 13 ຂອງພັກ, ຖອດຖອນບົດຮຽນ ແລະ ທິດທາງໃນກອງປະຊຸມການທູດ ຄັ້ງທີ 32, ບັນລຸໄດ້ບັນດາໝາກຜົນສຳຄັນ ແລະ ພົ້ນເດັ່ນໃນທຸກຂົງເຂດ.
ທີໜຶ່ງ, ສືບຕໍ່ເສີມຂະຫຍາຍບົດບາດນໍາໜ້າຂອງວຽກງານການທູດເສດຖະກິດ, ສ້າງກາລະໂອກາດໃໝ່ເພື່ອພັດທະນາປະເທດຊາດ. ຕອນບ່າຍວັນທີ 2 ເມສາ, ທ່ານນາຍົກລັດຖະມົນຕີ ຟ້າມມິງຈີ້ງ ໄດ້ເປັນປະທານກອງປະຊຸມກັບບັນດາຫົວໜ້າອົງການຜູ້ຕາງໜ້າຂອງຫວຽດນາມ ຢູ່ຕ່າງປະເທດ ກ່ຽວກັບການຍູ້ແຮງວຽກງານການທູດເພື່ອຮັບໃຊ້ການພັດທະນາປະເທດຊາດໃນປີ 2024. ການຊີ້ນຳ ແລະ ບົດສະຫຼຸບຂອງນາຍົກລັດຖະມົນຕີ, ບົດລາຍງານຂອງທ່ານລັດຖະມົນຕີກະຊວງການຕ່າງປະເທດ ຫວຽດນາມ ບຸ່ຍແທງເຊີນ ແລະ ການປະຕິບັດຕົວຈິງດ້ານການທູດເສດຖະກິດພົ້ນເດັ່ນໃນໝາກຜົນທີ່ບັນລຸໄດ້.
ກະຊວງການຕ່າງປະເທດ ພ້ອມກັບບັນດາກະຊວງ, ຂະແໜງການ ແລະ ທ້ອງຖິ່ນ ຜັນຂະຫຍາຍຢ່າງຮອບດ້ານ, ຄົບຊຸດ, ເຂົ້າສູ່ລວງເລິກ, ທັງເສີມຂະຫຍາຍ, ທັງເຮັດໃໝ່ ແລະ ຍົກສູງປະສິດທິຜົນຂອງບັນດາຂົງເຂດ, ກຳລັງຜັກດັນການເຕີບໂຕແບບດັ້ງເດີມຄື ການລົງທຶນ, ການສົ່ງອອກ, ການບໍລິໂພກ. ພ້ອມກັນນັ້ນ, ກໍ່ເອົາທ່າອ່ຽງການພັດທະນາ, ຊຸກຍູ້ການຊອກຫາທ່າແຮງຊຸກຍູ້ການພັດທະນາໃໝ່ເຊັ່ນ: ເສດຖະກິດດິຈິຕອນ, ເສດຖະກິດສີຂຽວ, ເສດຖະກິດໜູນວຽນ, ເສດຖະກິດພູມປັນຍາ; ເປີດກວ້າງທິດທາງໃໝ່, ຂຸດຄົ້ນບັນດາຂະແໜງການໃໝ່ (ເຕັກໂນໂລຊີສູງ, ນະວັດຕະກຳ, ປັນຍາປະດິດ, ໄຮໂດເຈນ...), ຕະຫຼາດທີ່ມີທ່າແຮງໃໝ່, ພັດທະນາຂະແໜງການທີ່ຖຶກຕ້ອງຕາມກົດໝາຍ. ໝາກຜົນໄດ້ບັນລຸໃນເບື້ອງຕົ້ນ, ແຕ່ສັນຍາວ່າຈະສ້າງກາລະໂອກາດໃໝ່ເພື່ອພັດທະນາປະເທດຊາດ.
ຈຸດພົ້ນເດັ່ນຂອງປີ 2023 ທີ່ສືບຕໍ່ເສີມຂະຫຍາຍໃນ 6 ເດືອນຕົ້ນປີ 2024 ແມ່ນເນື້ອໃນທາງດ້ານເສດຖະກິດມີບົດບາດເປັນໃຈກາງໃນການເຄື່ອນໄຫວພົວພັນຕ່າງປະເທດ ແລະ ການທູດຂັ້ນສູງ. ວຽກງານຍົກລະດັບ ແລະ ຍົກສູງການພົວພັນທາງການທູດ, ພິເສດແມ່ນກັບບັນດາຄູ່ຮ່ວມມືຍຸດທະສາດຮອບດ້ານ, ຊຸກຍູ້ການເປີດກວ້າງ ແລະ ນຳການຮ່ວມມືພັດທະນາເສດຖະກິດເຂົ້າສູ່ລວງເລິກ ຕິດພັນກັບບັນດາຄຳໝັ້ນສັນຍາ, ໂຄງການ, ຜະລິດຕະພັນ, ດຶງດູດແຫຼ່ງການເງິນ ແລະ ການລົງທຶນ; ດ້ວຍຄວາມໝາຍສຳຄັນຫຼາຍຢ່າງ, ສອດຄ່ອງກັບທ່າອ່ຽງໃໝ່ເຊັ່ນ: ເສດຖະກິດດີຈີຕອນ, ເສດຖະກິດສີຂຽວ, ວິທະຍາສາດເຕັກໂນໂລຢີ, ODA ລຸ້ນໃໝ່...
ວຽກງານການທູດເສດຖະກິດໄດ້ເປັນເຈົ້າການ ແລະ ເປັນຂົວຕໍ່ຊ່ວຍ, ຊຸກຍູ້, ໂຄສະນາ, ລົບລ້າງ “ຈຸດຂອດ”, ສິ່ງກີດຂວາງດ້ານການຄ້າ, ຟື້ນຟູ ແລະ ເປີດກວ້າງຕະຫຼາດ, ຊອກງຫາທິດທາງໃໝ່, ກໍ່ສ້າງ, ພັດທະນາ ແລະ ປົກປັກຮັກສາບັນດາເຄື່ອງໝາຍການຄ້າ... ໃຫ້ບັນດາຂະແໜງການ, ຂອບເຂດທ້ອງຖີ່ນທຸລະກິດ; ແກ້ໄຂໃນລະບົບຕ່ອງໂສ້ການສະຫນອງ ແລະ ລະບົບຕ່ອງໂສ້ການຜະລິດທົ່ວໂລກ. ພ້ອມນັ້ນ, ການທູດດ້ານເສດຖະກິດກໍ່ໄດ້ປະກອບສ່ວນຢ່າງກົງໄປກົງມາ ແລະ ມີຄວາມໝາຍສຳຄັນເຂົ້າໃນການພົວພັນດ້ານເສດຖະກິດກັບຕ່າງປະເທດ ແລະ ການເຊື່ອມໂຍງເສດຖະກິດກັບສາກົນ; ຮັກສາສະພາບການການພົວພັນຕ່າງປະເທດທີ່ສະດວກເພື່ອພັດທະນາປະເທດຊາດ.
 |
| ທ່ານລັດຖະມົນຕີກະຊວງການຕ່າງປະເທດ ຫວຽດນາມ ບຸ່ຍແທງເຊີນ ກ່າວຄຳເຫັນທີ່ກອງປະຊຸມຂັ້ນສູງຂອງກອງປະຊຸມຄັ້ງທີ 55 ຂອງສະພາສິດທິມະນຸດ ສະຫະປະຊາຊາດ ໃນວັນທີ 26 ກຸມພາ ຢູ່ນະຄອນ ເຈີແນວ ປະເທດສະວິດ. (ພາບ: ເຢີດຟ່ອງ) |
ທີສອງ, ສືບຕໍ່ເສີມຂະຫຍາຍການພົວພັນທາງການທູດຢ່າງເລິກເຊິ່ງ ທັງສອງຝ່າຍ ແລະ ຫຼາຍຝ່າຍ. ການພົວພັນຕ່າງປະເທດ ແລະ ການເຄື່ອນໄຫວທາງການທູດ, ພິເສດແມ່ນຢູ່ລະດັບສູງ, ດຳເນີນໄປຢ່າງຟົດຟື້ນ, ຢູ່ບັນດາເວທີປາໄສ ແລະ ກົນໄກຫຼາຍຝ່າຍສຳຄັນຄື: ສະຫະປະຊາຊາດ, ອາຊຽນ, ແລະ ເວທີປາໄສເສດຖະກິດໂລກ (WEF) Davos 2024 ) ປີ 2024... ຫວຽດນາມ ສືບຕໍ່ເສີມຂະຫຍາຍບົດບາດຂອງຕົນໃນບັນດາອົງການສາກົນ ແລະ ພາກພື້ນຄື: ກອງປະຊຸມໃຫຍ່ສະຫະປະຊາຊາດ, ສະພາສິດທິມະນຸດສະຫະປະຊາຊາດ, UNESCO, ອາຊຽນ...; ຕັ້ງໜ້າ ແລະ ມີຄວາມຮັບຜິດຊອບປະກອບສ່ວນແກ້ໄຂສິ່ງທ້າທາຍທົ່ວໂລກຄື: ຕ້ານການປ່ຽນແປງຂອງດິນຟ້າອາກາດ, ກູ້ຊີບ, ກູ້ໄພ, ຮັກສາສັນຕິພາບຢູ່ອາຟຼິກາ...
ຫວຽດນາມ ໄດ້ສໍາເລັດການໄປຢ້ຽມຢາມຕ່າງປະເທດ ຂອງການນຳຂັ້ນສູງຫວຽດນາມ ແລະ ໄດ້ຕ້ອນຮັບປະມຸກລັດ ແລະ ການນຳຂັ້ນສູງຂອງຫຼາຍປະເທດມາຢ້ຽມຢາມຫວຽດນາມ, ເພີ່ມທະວີການພົວພັນຮ່ວມມືດ້ານການເມືອງ, ເສດຖະກິດ, ການທູດ, ການປ້ອງກັນຊາດ-ປ້ອງກັນຄວາມສະຫງົບ...; ສືບຕໍ່ລົງເລິກການພົວພັນກັບບັນດາປະເທດ, ໂດຍສະເພາະແມ່ນຄູ່ຮ່ວມມືຍຸດທະສາດຮອບດ້ານ ແລະ ບັນດາປະເທດບ້ານໃກ້ເຮືອນຄຽງ ໃຫ້ເຂົ້າສູ່ລວງເລິກຢ່າງໝັ້ນຄົງ ແລະ ຍືນຍົງ.
ບັນຫາການຄັດແຍ້ງກັນທີ່ເພີ່ມຂຶ້ນໄດ້ເຮັດໃຫ້ໂລກມີການແບ່ງແຍກຢ່າງເລິກເຊິ່ງ, ເຮັດໃຫ້ຫວຽດນາມ ຕົກຢູ່ໃນສະຖານະການທີ່ສັບສົນ ແລະ ລະອຽດອ່ອນ. ສະພາບການ, ທີ່ຕັ້ງໃໝ່ຂອງປະເທດຊາດ ແລະ ນະໂຍບາຍການຕ່າງປະເທດທີ່ຂະຫຍັນຂັນເຄື່ອນ ແລະ ສະຫຼາດສ່ອງໃສ, ຊ່ວຍໃຫ້ ຫວຽດນາມ ຂຸດຄົ້ນບັນດາຄວາມສາມັກຄີ, ແກ້ໄຂຄວາມແຕກຕ່າງ ແລະ ບັນຫາທີ່ເກີດຂຶ້ນ, ພິເສດແມ່ນກັບບັນດາປະເທດໃຫຍ່, ປະເທດບ້ານໃກ້ເຮືອນຄຽງ.
ວຽກງານການເພີ່ມທະວີ, ຍົກສູງການພົວພັນລະຫວ່າງຫຼາຍຝ່າຍ ແລະ ສອງຝ່າຍ ໄດ້ສ້າງສະພາບການນະໂຍບາຍການຕ່າງປະເທດຢ່າງເປີດກ້ວາງ, ຮອບດ້ານ ແລະ ໝັ້ນຄົງ, ຢືນຢັນຖານະບົດບາດ ແລະ ທີ່ຕັ້ງຂອງປະເທດຊາດໃນເວທີສາກົນ. ໝາກຜົນສຳຄັນທີ່ສຸດແມ່ນການຮັກສາສະພາບແວດລ້ອມແຫ່ງສັນຕິພາບ, ມິດຕະພາບ, ເດັດດ່ຽວປົກປັກຮັກສາເອກະລາດ, ອະທິປະໄຕ, ຜົນປະໂຫຍດຂອງຊາດ, ສ້າງພື້ນຖານອັນໜັກແໜ້ນໃນການກໍ່ສ້າງ ແລະ ພັດທະນາປະເທດຊາດ.
ທີສາມ, ສືບຕໍ່ຍູ້ແຮງການພົວພັນທາງການທູດວັດທະນະທຳ, ນຳຫວຽດນາມອອກສູ່ໂລກ, ດຶງດູດໂລກມາຍັງຫວຽດນາມ. ມູນເຊື້ອ ແລະ ສີສັນວັດທະນະທຳຂອງຊາດ “ພື້ນຖານດ້ານຈິດໃຈ” ສືບຕໍ່ແຜ່ຂະຫຍາຍໃນການພົວພັນສາກົນ, ແມ່ນກຳລັງແຮງ, ເປັນວິທີທີ່ມີປະສິດທິຜົນ ເພື່ອຈາກໃຈເຖິງໃຈ, ພິຊິດໃຈຄູ່ຮ່ວມມື, ກຳນົດທີ່ຕັ້ງແບບຍືນຍົງຂອງຫວຽດນາມ ໃນໃຈເພື່ອນມິດ. ໃນ 6 ເດືອນຕົ້ນປີ 2024, ຫຼາຍເຫດການວັດທະນະທຳສາກົນໄດ້ຈັດຂຶ້ນຢູ່ ຫວຽດນາມ ແລະ ບັນດາເຫດການວັດທະນະທຳ ຫວຽດນາມ ໄດ້ຈັດຂຶ້ນຢູ່ຕ່າງປະເທດ; ມໍລະດົກທາງດ້ານແນວຄິດ, ຄຸນສົມບັດ, ສິນທຳ ແລະ ການເປັນແບບຢ່າງຂອງປະທານ ໂຮ່ຈີມິນ ສືບຕໍ່ໄດ້ຮັບເຊີດຊູໃນໂລກ; ພາສາຫວຽດໄດ້ສອນຢູ່ບາງມະຫາວິທະຍາໄລ ແລະ ໄດ້ກາຍເປັນພາສາທາງການຂອງບາງທ້ອງຖິ່ນຢູ່ຕ່າງປະເທດ.
ວັດທະນະທຳ ຫວຽດນາມ ທັງຮັກສາເອກະລັກຂອງຕົນ ແລະ ເສີມຂະຫຍາຍດ້ວຍການເລືອກເຟັ້ນເອົາບັນດາເນື້ອໃນວັດທະນະທຳຈາກພາຍນອກ, “ເຊື່ອມໂຍງ ແຕ່ບໍ່ສະຫຼາຍ”. ຜ່ານການພົວພັນທາງການທູດດ້ານວັດທະນະທຳ, ເຜີຍແຜ່ບັນດາຮູບພາບ ແລະ ສານກ່ຽວກັບປະເທດຊາດ ແລະ ປະຊາຊົນຫວຽດນາມ ດ້ວຍມູນເຊື້ອມະນຸດສະທຳ, ມີນ້ຳໃຈສາມັກຄີ, ຮັກຫອມສັນຕິພາບ, ອຸດົມສົມບູນດ້ວຍສີສັນເອກະລັກສະເພາະ, ປັບປຸງຄວາມໄວ້ເນື້ອເຊື່ອໃຈ, ປະກອບສ່ວນນຳຫວຽດນາມ ອອກສູ່ໂລກ ແລະ ດຶງດູດຊາວໂລກມາຍັງຫວຽດນາມ.
ໃນການຢ້ຽມຢາມຫວຽດນາມ ແລະ ເຮັດວຽກກັບທ່ານລັດຖະມົນຕີການຕ່າງປະເທດ ບຸ່ຍແທງເຊີນ ໃນວັນທີ 25 ເມສາ, ທ່ານນາງ Simonaa-Mirela Miculescu ປະທານກອງປະຊຸມໃຫຍ່ UNESCO ຢືນຢັນວ່າ ຫວຽດນາມ ແມ່ນຄູ່ຮ່ວມມືຍຸດທະສາດທີ່ໜ້າເຊື່ອຖື ແລະ ມີຄວາມຮັບຜິດຊອບຂອງ UNESCO; ເປັນໜຶ່ງໃນບັນດາປະເທດນຳໜ້າໃນການປະຕິບັດບັນດາການຜັນຂະຫຍາຍເຄື່ອນໄຫວຂອງ UNESCO, ຍາມໃດກໍ່ໄດ້ຮັບຄວາມໄວ້ເນື້ອເຊື່ອໃຈ ແລະ ເຊື່ອໝັ້ນຈາກເພື່ອນມິດສາກົນ.
 |
| ກົມການທູດວັດທະນະທຳ ແລະ UNESCO ໄດ້ຮັບກຽດເຂົ້າຮ່ວມໃນລາຍການກຽດຕິຍົດຫວຽດນາມ. |
ວັນທີ 11 ມິຖຸນາ, ຫວຽດນາມ ໄດ້ຮັບການເລືອກຕັ້ງດ້ວຍຄະແນນສຽງທີ່ສູງ, ເປັນຮອງປະທານກອງປະຊຸມໃຫຍ່ຂອງສົນທິສັນຍາວ່າດ້ວຍການປົກປັກຮັກສາມໍລະດົກວັດທະນະທຳບໍ່ເປັນວັດຖຸ ປີ 2003. ດັ່ງນັ້ນ, ຫວຽດນາມ ໄດ້ເຂົ້າຮ່ວມ 6 ກົນໄກສຳຄັນຂອງ UNESCO; ປະກອບສ່ວນໂດຍກົງເຂົ້າໃນຂະບວນການຄຸ້ມຄອງການກໍ່ສ້າງ, ຜ່ານບັນດາການຕົກລົງສຳຄັນຂອງ UNESCO.
ບັນດາໝາກຜົນທີ່ໄດ້ຮັບນັ້ນແມ່ນຫຼັກຖານຢັ້ງຢືນໃຫ້ເຫັນກ່ຽວກັບຜົນສຳເລັດຂອງການທູດວັດທະນະທຳຫວຽດນາມ; ໄດ້ຮັບການຮັບຮູ້ຈາກປະຊາຄົມໂລກກ່ຽວກັບແນວທາງການເຄື່ອນໄຫວຮອບດ້ານ ແລະ ເລິກເຊິ່ງ, ກ້ວາງຂວາງ ແລະ ນະໂຍບາຍການຕ່າງປະເທດ ແລະ ການເຊື່ອມໂຍງເຂົ້າກັບສາກົນເວົ້າລວມ, ຍຸດທະສາດການທູດວັດທະນະທຳຂອງພັກ ແລະ ລັດ ຫວຽດນາມ ເວົ້າສະເພາະ.
ທີສີ່, ຊຸກຍູ້ການເຮັດວຽກຂອງຊາວຫວຽດນາມຢູ່ຕ່າງປະເທດ, ເຊື່ອມໂຍງຊາວຫວຽດນາມ ອາໄສຢູ່ຕ່າງປະເທດກັບບ້ານເກີດເມືອງນອນ ແລະ ດຶງດູດຊາວຫວຽດນາມ ອາໄສຢູ່ຕ່າງປະເທດເຂົ້າຮ່ວມການພັດທະນາປະເທດຊາດ. ປີ 2024 ແມ່ນປີຄົບຮອບ 20 ປີແຫ່ງການຜັນຂະຫຍາຍມະຕິເລກທີ 36-NQ/TW ລົງວັນທີ 26/3/2004 ຂອງກົມການເມືອງ (ສະໄໝທີ IX) ກ່ຽວກັບວຽກງານຕໍ່ກັບຊາວຫວຽດນາມຢູ່ຕ່າງປະເທດ ແລະ “ກອງປະຊຸມ ຢຽນຮົ່ງ” ສຳລັບຊາວຫວຽດນາມ ອາໄສຢູ່ຕ່າງປະເທດ ຄັ້ງທີ 4 ໄດ້ຈັດຂື້ນໃນເດືອນສິງຫາ, ເພື່ອແນໃສ່ “ຮ່ວມແຮງຮ່ວມໃຈປະຕິບັດຄວາມມຸ່ງມາດປາດຖະໜາພັດທະນາປະເທດຊາດໃຫ້ປະກົດຜົນເປັນຈິງ”.
ສຳລັບພັກ, ລັດ ແລະ ປະຊາຊົນຫວຽດນາມ, ຊາວຫວຽດນາມຢູ່ຕ່າງປະເທດແມ່ນພາກສ່ວນໜຶ່ງທີ່ບໍ່ອາດຂາດໄດ້ຂອງຊາດຫວຽດນາມ. ປະຊາຄົມຊາວຫວຽດນາມຢູ່ຕ່າງປະເທດມີບົດບາດ “ສອງໃນໜື່ງ”, ທັງເປັນກຳລັງພາຍໃນ (ດ້ານວັດຖຸ, ຄວາມຮູ້, ຈິດໃຈສາມັກຄີ, ມຸ່ງໄປເຖິງຖິ່ນຖານບ້ານເກີດ) ແລະ ທັງແມ່ນແຫຼ່ງກຳລັງພາຍນອກທີ່ສຳຄັນ ແລະ ເປັນຂົວຕໍ່ຢ່າງມີປະສິດທິຜົນ.
ການຈັດຕັ້ງບັນດາເຫດການດັ່ງກ່າວ ແລະ ບັນດາການເຄື່ອນໄຫວຢ່າງເປັນປະຈຳໄດ້ຢືນຢັນວ່າ ພັກ ແລະ ລັດຂອງພວກເຮົາ ຍາມໃດກໍ່ເອົາໃຈໃສ່ເຖິງວຽກງານຂອງຊາວຫວຽດນາມ ຢູ່ຕ່າງປະເທດ. ສະນັ້ນ, ການດຶງດູດແຫຼ່ງກຳລັງດ້ານວັດຖຸ ແລະ ຈິດໃຈຂອງຊາວຫວຽດນາມ ອາໄສຢູ່ຕ່າງປະເທດ ໄດ້ປະກອບສ່ວນສຳຄັນເຂົ້າໃນພາລະກິດແຫ່ງການສ້າງສາ, ພັດທະນາ ແລະ ປົກປັກຮັກສາປະເທດຊາດ; ຮັກສາ ແລະ ເສີມຂະຫຍາຍມູນເຊື້ອອັນສະໜິດສະໜົມຂອງຊາວຫວຽດນາມ, ຊຸກຍູ້ການພົວພັນຮ່ວມມືມິດຕະພາບລະຫວ່າງຫວຽດນາມ ກັບບັນດາປະເທດ.
 |
| ຊາວຫວຽດນາມ ອາໄສຢູ່ຕ່າງປະເທດ ແລະ ຄະນະກຳມະການສູນກາງແນວໂຮມປະເທດຊາດ ຫວຽດນາມ ໄດ້ໄປຢ້ຽມຢາມເມືອງເກາະ ເຈື່ອງຊາ, ເຮືອນຮ້ານ DK1. |
ໃນ 6 ເດືອນຕົ້ນປີ 2024, ວຽກງານການພົວພັນຕ່າງປະເທດ ແລະ ການທູດ ໄດ້ຜັນຂະຫຍາຍຢ່າງຮອບດ້ານ ແລະ ມີປະສິດທິຜົນ, ເສີມຂະຫຍາຍ, ຊຸກຍູ້ບັນດາຜົນງານ ແລະ ໝາກຜົນໃນຊຸມປີຜ່ານມາ, ພິເສດແມ່ນໃນປີ 2023 ສືບຕໍ່ພັດທະນາຂຶ້ນສູ່ລະດັບສູງໃໝ່. ໝາກຜົນທີ່ໄດ້ຮັບນັ້ນແມ່ນເນື່ອງຈາກຫລາຍປັດໄຈ.
ກ່ອນອື່ນໝົດແມ່ນນະໂຍບາຍການຕ່າງປະເທດທີ່ຖືກຕ້ອງ; ການຊີ້ນຳນຳພາຢ່າງເຂັ້ມງວດ ແລະ ເປັນປະຈຳຂອງການນຳພັກ ແລະ ລັດ. ການສົມທົບຢ່າງແໜ້ນແຟ້ນ ແລະ ມີປະສິດທິຜົນລະຫວ່າງການພົວພັນຕ່າງປະເທດຂອງພັກ, ການທູດແຫ່ງລັດ ແລະ ການທູດປະຊາຊົນ; ລະຫວ່າງບັນດາກະຊວງ, ຂະແໜງການ, ທ້ອງຖິ່ນ, ກຳລັງວິຊາການ, ແກ່ນສານ, ກວມລວມ ແລະ ກວ້າງຂວາງ, ເປັນໜຶ່ງໃນຍຸດທະສາດລວມ ແລະ ແຜນການເປັນເອກະພາບ.
ຄະນະການທູດໄດ້ນຳມາເຊິ່ງຄວາມເຂັ້ມຊຸ້ນໄປດ້ວຍສີສັນ “ໄມ້ໄຜ່ຫວຽດນາມ”, “ຮາກທີ່ໝັ້ນຄົງ, ລຳທີ່ແຂງແກ່ນ, ກິ່ງງ່າອ່ອນໂນ້ມ, ຄຸນລັກສະນະພິເສດ ແລະ ກຳລັງຈິດໃຈຂອງຊາວຫວຽດນາມ”, ຝັງເລິກໄປດ້ວຍອຸດົມຄະຕິ ແລະ ແບບແຜນ, ສິລະປະການທູດໂຮ່ຈິມິນ , ແມ່ນພື້ນຖານເພື່ອເສີມຂະຫຍາຍກຳລັງແຮງທີ່ທົນທານ, ໝັ້ນຄົງຕໍ່ພາຍຸລົມແດງ, ໄດ້ແຜ່ລາມບັນດາຄຸນຄ່າ, ຮູບພາບຂອງຫວຽດນາມ ແມ່ນຄວາມໄວ້ເນື້ອເຊື່ອໃຈ, ເປັນມິດ, ນັບມື້ນັບມີຄວາມສົນໃຈ ແລະ ຕີລາຄາສູງຈາກເພື່ອນມິດ ແລະ ຄູ່ຮ່ວມມື.
ກະຊວງການຕ່າງປະເທດໄດ້ຕັ້ງໜ້າ, ເປັນເຈົ້າການ, ເປັນແກ່ນສານໃນການຈັດຕັ້ງ ແລະ ປະຕິບັດ; ປະຕິບັດວຽກງານດ້ານຂໍ້ມູນຂ່າວສານ, ໂຄສະນາເຜີຍແຜ່ໄດ້ເປັນຢ່າງດີ, ກຳເອົາສະພາບການ, ຄົ້ນຄວ້າ, ຄາດຄະເນ ແລະ ໃຫ້ຄຳເຫັນຊີ້ນຳໃຫ້ພັກ ແລະ ລັດ ຜັນຂະຫຍາຍບັນດານະໂຍບາຍ, ວິທີການແກ້ໄຂຢ່າງມີປະສິດທິຜົນ, ບໍ່ປະໃຫ້ຕົກຢູ່ໃນທ່າຮັບກ່ຽວກັບຍຸດທະສາດ.
ວຽກງານການພົວພັນຕ່າງປະເທດ ແລະ ການທູດໄດ້ຜ່ານຫຼາຍໄລຍະ ແລະ ເວລາທີ່ແຕກຕ່າງກັນ, ບໍ່ສາມາດແບ່ງແຍກອອກຈາກກັນໄດ້ໃນການເຄື່ອນໄຫວເປັນເອກະພາບ, ຮ່ວມເດີນທາງໄປພ້ອມກັບປະເທດຊາດ. ແຕ່ລະຈຸດສໍາຄັນ ແລະ ເຫດການແມ່ນການເຊື່ອມຕໍ່ປະຫວັດສາດກັບຄວາມພະຍາຍາມໃນປະຈຸບັນ ແລະການພົວພັນກັບອະນາຄົດ. 6 ເດືອນແມ່ນການປະຕິບັດການ "ຕັດສິ້ນສ່ວນ" ເພື່ອສູ້ຊົນໃນການປະຕິບັດ, ການທົບທວນຄືນ ແລະ ຖອດຖອນບົດຮຽນສໍາລັບການເດີນທາງໃນໄລຍະຕໍ່ໄປ.
ບົດຮຽນສຳຄັນທີ່ສຸດ, ຕາມການຊີ້ນຳຂອງທ່ານນາຍົກລັດຖະມົນຕີ ຟາມມິງຈິ້ງ ທີ່ກອງປະຊຸມການທູດເສດຖະກິດເພື່ອຮັບໃຊ້ການພັດທະນາປະເທດຊາດ ໃນວັນທີ 2 ເມສາ: “ປ່ຽນແປງໃໝ່ໃນແນວຄິດ, ມີຫົວຄິດປະດິດສ້າງໃນຍຸດທະສາດ, ເປັນເອກະພາບໃນຈິດໃຈ ແລະ ການກະທຳ; ໂອກາດຕ້ອງກໍາໄດ້, ສິ່ງກີດຂວາງຕ້ອງໄດ້ຮັບການແກ້ໄຂ, ບັນດາວິທີແກ້ໄຂຕ້ອງເປັນພື້ນຖານ, ການປະຕິບັດຕ້ອງບຸກທະລຸ, ການຜັນຂະຫຍາຍຕ້ອງຕັດສິນໃຈເຄື່ອນໄຫວຢ່າງຕັ້ງໜ້າ ແລະ ມີປະສິດທິຜົນ…”.
ໃນໄລຍະ 6 ເດືອນຜ່ານມາ, ວຽກງານການພົວພັນຕ່າງປະເທດ ແລະ ການທູດ ໄດ້ມານະພະຍາຍາມບັນລຸໄດ້ຫຼາຍໝາກຜົນສຳຄັນ, ສ້າງກຳລັງໜູນ ແລະ ສ້າງພື້ນຖານເພື່ອມານະພະຍາຍາມສູ້ຊົນໃຫ້ສຳເລັດບັນດາເປົ້າໝາຍ ແລະ ໜ້າທີ່ວຽກງານຕະຫຼອດປີ. ໃນໄລຍະຈະມາເຖິງ, ວຽກງານການພົວພັນຕ່າງປະເທດ ແລະ ການທູດຕ້ອງຊຸກຍູ້ການເສີມຂະຫຍາຍບັນດາໝາກຜົນ, ຜົນງານ; ບໍ່ເພິ່ງພໍໃຈ, ຢຸດເຊົາ, ພະຍາຍາມແກ້ໄຂບັນຫາທີ່ຍັງຄົງຄ້າງ, ຈຳກັດ, ເຊື່ອມຊື່ມຢ່າງເລິກເຊິ່ງ ແລະ ປະຕິບັດຕາມການຊີ້ນຳຂອງທ່ານເລຂາທິການໃຫຍ່ ຫງວຽນຟູ໋ຈ້ອງ ທີ່ວ່າ: “ສືບຕໍ່ປ່ຽນແປງໃໝ່ ແລະ ພັດທະນາວຽກງານການພົວພັນຕ່າງປະເທດ ແລະ ການທູດຫວຽດນາມ ໃຫ້ທັນສະໄໝ, ຮອບດ້ານ, ເຂັ້ມແຂງ ແລະ ເຂັ້ມຂຸ້ນໄປດ້ວຍສີສັນ “ໄມ້ໄຜ່ຫວຽດນາມ” ໃຫ້ເໝາະສົມຫຼາຍກວ່າເກົ່າ ກັບບົດບາດນໍາໜ້າໃນພາລະກິດສ້າງສາ ແລະ ປົກປັກຮັກສາປະເທດຊາດ; ປະກອບສ່ວນພ້ອມກັບທົ່ວປະເທດປະຕິບັດມະຕິກອງປະຊຸມໃຫຍ່ຄັ້ງທີ 13 ຂອງພັກຢ່າງມີໄຊ”.
 | ຫວຽດນາມ ຍົກສູງປະສິດທິຜົນໃນວຽກງານຫຼາຍຝ່າຍ |
| ຫວຽດນາມເຂົ້າຮ່ວມງານວາງສະແດງການປ້ອງກັນປະເທດໃຫຍ່ທີ່ສຸດຂອງອາຊີ |
ຊ ສະຫວັດ
