ມີເກືອບ 1.000 ຄົນເຂົ້າຮ່ວມວັນ Yoga ສາກົນ 2024 ຢູ່ ເກີນເທີ

08:20 | 20/06/2024

ຍສໝ - ຕອນເຊົ້າວັນທີ 19 ມິຖຸນາ, ຢູ່ນະຄອນ ເກີນເທີ, ສະຫະພັນບັນດາອົງການມິດຕະພາບນະຄອນ ເກີນເທີ ສົມທົບກັບສະຖານກົງສຸນໃຫຍ່ ອິນເດຍ ປະຈໍາ ນະຄອນ ໂຮ່ຈີມິນ ໄດ້ຈັດຕັ້ງວັນ Yoga ສາກົນ ຄັ້ງທີ 10 ປີ 2024.

	ແຂວງ ເກີນເທີ ປຸກລະດົມ ເດືອນກະທຳເພື່ອເດັກນ້ອຍ ປີ 2024
	ບັນດາອົງການປະຊາຊົນ ຫວຽດນາມ ກະກຽມເຂົ້າຮ່ວມເວທີປາໄສປະຊາຊົນ ອາຊຽນ 2024

ດ້ວຍຫົວຂໍ້ວ່າ: Yoga - ມອບສິດໃຫ້ແກ່ເພດຍິງ, ເຫດການ ໄດ້ດຶງດູດຜູ້ເຂົ້າຮ່ວມເກືອບ 1.000 ຄົນ, ໃນນັ້ນມີນັກສຶກສາອິນເດຍ 200 ກວ່າຄົນທີ່ພວມຮ່ຳຮຽນຢູ່ມະຫາວິທະຍາໄລແພດສາດ ແລະ ການຢາ ເກີນເທີ.

ມີເກືອບ 1.000 ຄົນເຂົ້າຮ່ວມວັນ Yoga ສາກົນ 2024 ຢູ່ ເກີນເທີ

ທ່ານ Madan Mohan Sethi, ກົງສຸນໃຫຍ່ສາທາລະນະລັດ ອິນເດຍ ປະຈຳນະຄອນ ໂຮ່ຈີມິນ ກ່າວຄຳປາໄສທີ່ເຫດການ.

ນີ້ແມ່ນເຫດການທີ່ໄດ້ຈັດຕັ້ງປະຈຳປີ ເພື່ອຊຸກຍູ້ການພົວພັນມິດຕະພາບ, ການຮ່ວມມືລະຫວ່າງນະຄອນ ເກີນເທີ ກັບສະຖານກົງສຸນໃຫຍ່ ອິນເດຍ ປະຈຳນະຄອນ ໂຮ່ຈີມິນ ເວົ້າສະເພາະ ແລະ ລະຫວ່າງປະຊາຊົນສອງປະເທດ ເວົ້າລວມ. ເຫດການດັ່ງກ່າວ ໄດ້ສ້າງເງື່ອນໄຂໃຫ້ແກ່ການຈັດຕັ້ງການເຄື່ອນໄຫວພົບປະແລກປ່ຽນ, ຊອກຫາບັນດາຈຸດຄວາມງາມດ້ານວັດທະນະທຳລະຫວ່າງ 2 ປະເທດຢ່າງເປັນປະຈຳ. ພ້ອມກັນນັ້ນ, ກໍ່ແມ່ນໂອກາດເພື່ອໃຫ້ຊາວ ເກີນເທີ ໄດ້ປະຕິບັດຕົວຈິງ ແລະ ທຳຄວາມຮູ້ຈັກກັບການຝຶກຊ້ອມ Yoga, ເຝິກແອບກຳລັງກາຍຫຼາຍກ່ວາອີກ.

ກ່າວຄຳປາໄສນະທີ່ນີ້, ທ່ານຮອງປະທານຄະນະກຳມະການປະຊາຊົນນະຄອນ ເກີນເທີ ຫງວຽນທຶກຮ້ຽນ ໄດ້ຝາກຄວາມຂອບໃຈຕໍ່ສະຖານກົງສຸນໃຫຍ່ ອິນເດຍ ປະຈຳນະຄອນ ໂຮ່ຈີມິນ ທີ່ເລືອກເອົານະຄອນ ເກີນເທີ ເພື່ອຈັດຕັ້ງວັນ Yoga ສາກົນ 2024 ຢ່າງມີຄວາມໝາຍ. “ໂດຍຜ່ານການເຄື່ອນໄຫວດັ່ງກ່າວ ບໍ່ພຽງແຕ່ປະກອບສ່ວນເພີ່ມທະວີ, ເພີ່ມພູນຄູນສ້າງການພົວພັນມິດຕະພາບລະຫວ່າງ ຫວຽດນາມ ແລະ ອິນເດຍ ເທົ່ານັ້ນ, ຫາກຍັງຊ່ວຍໂຄສະນາຮູບພາບ, ປະຊາຊົນ ເກີນເທີ ແລະ ປະເທດຊາດ ຫວຽດນາມ ທີ່ສວຍງາມເຖິງເພື່ອນມິດສາກົນເປັນຈຳນວນຫຼວງຫຼາຍອີກດ້ວຍ", ທ່ານ ຫງວຽນທຶກຮ້ຽນ ເນັ້ນໜັກ.

ການນຳນະຄອນ ເກີນເທີ ກໍ່ປາດຖະໜາວ່າ ໃນໄລຍະຈະມາເຖິງ, ສະຖານກົງສຸນໃຫຍ່ ອິນເດຍ ປະຈຳ ນະຄອນ ໂຮ່ຈີມິນ ຈະສືບຕໍ່ເປັນຂົວຕໍ່ແຫ່ງການໜູນຊ່ວຍ ເພື່ອໃຫ້ນະຄອນ ເກີນເທີ ສາມາດຮ່ວມມື, ແລກປ່ຽນວັດທະນະທຳ, ສິລະປະ, ຕ້ອນຮັບຫຼາຍຄະນະສິລະປະ, ນັກລົງທຶນ, ນັກທ່ອງທ່ຽວຈາກ ອິນເດຍ ມາຍັງນະຄອນ ເກີນເທີ ເພື່ອແລກປ່ຽນ, ຢ້ຽມຢາມ, ຮ່ວມມື ແລະ ລົງທຶນ.

ຜູ້ຝຶກ Yoga ເກືອບ 1,000 ຄົນຈາກບັນດາສະໂມສອນ Yoga, ນັກສຶກສາອິນເດຍ ແລະ ປະຊາຊົນໃນບໍລິເວນນະຄອນ ໄດ້ເຂົ້າຮ່ວມການປະຕິບັດຕົວຈິງໂຍຄະພື້ນຖານ Yoga ພາຍໃຕ້ການແນະນໍາຂອງຄູຝຶກ Yoga ໃນຕອນເຊົ້າຂອງວັນທີ 19 ມິຖຸນາ.

ທ່ານ Madan Mohan Sethi, ກົງສຸນໃຫຍ່ ສາທາລະນະລັດ ອິນເດຍ ປະຈຳ ນະຄອນ ໂຮ່ຈີມິນ ໃຫ້ຮູ້ວ່າ Yoga ແມ່ນວິຊາໜຶ່ງທີ່ມີມາແຕ່ດົນນານແລ້ວ. ວິຊານີ້ ບໍ່ພຽງແຕ່ໄດ້ຮັບການຕ້ອນຮັບຢູ່ ອິນເດຍ ເທົ່ານັ້ນ, ຫາກຍັງໄດ້ຮັບການຍອມຮັບຈາກທົ່ວໂລກ, ພິເສດແມ່ນຢູ່ ຫວຽດນາມ. ໂດຍຜ່ານ Yoga, ການພົວພັນລະຫວ່າງຫວຽດນາມ ແລະ ອິນເດຍ ນັບມື້ນັບໄດ້ເຕີບໂຕຢ່າງເຂັ້ມແຂງກ່ວາ.

ໂດຍຜ່ານ Yoga, ການພົວພັນລະຫວ່າງຫວຽດນາມ ແລະ ອິນເດຍ ນັບມື້ນັບໄດ້ເຕີບໂຕຢ່າງເຂັ້ມແຂງກ່ວາ.

ເປັນທີ່ຮູ້ກັນວ່າ ນັບແຕ່ປີ 2015 ເປັນຕົ້ນມາ, ວັນ Yoga ສາກົນໄດ້ຈັດຂຶ້ນໃນວັນທີ 21 ມິຖຸນາ ຂອງທຸກໆປີ. ມື້ນີ້ແມ່ນໄດ້ຮັບຄັດເລືອກໂດຍກອງປະຊຸມໃຫຍ່ສະຫະປະຊາຊາດ ເພື່ອເຊີດຊູບັນດາຄຸນຄ່າ, ຄຸນປະໂຫຍດຂອງ Yoga ສໍາລັບສຸຂະພາບຂອງມະນຸດ, ພ້ອມກັນນັ້ນ ຍັງເປັນໂອກາດທີ່ຈະຊຸກຍູ້ໃຫ້ທຸກຄົນຝຶກ Yoga ເພື່ອປ້ອງກັນພະຍາດຕ່າງໆ ພ້ອມທັງຕິດພັນສະມາຄົມນຳກັນ. ຜ່ານບັນດາການຈັດຕັ້ງ, ວັນ Yoga ສາກົນ ໄດ້ກາຍເປັນເຫດການທີ່ມີຄວາມໝາຍທີ່ສຸດ, ດຶງດູດຜູ້ເຂົ້າຮ່ວມນັບພັນຄົນ ແລະ ກາຍເປັນວັນບຸນໃຫຍ່ຂອງຜູ້ຝຶກ Yoga ຢູ່ນະຄອນ ເກີນເທີ.

ອົດສະຕາລີ ໜູນຊ່ວຍແມ່ຍິງ 30.000 ຄົນຢູ່ແຂວງ ລາວກາຍ, ເຊີນລາ ເພື່ອຍົກສູງປະສິດທິຜົນດ້ານເສດຖະກິດ

ຍສໝ - ວັນທີ 9 ພຶດສະພາ 2024, ແຂວງ ລາວກາຍ, ແຂວງ ເຊີນລາ ພ້ອມກັນກັບສະຖານທູດ ອົດສະຕາລີ ປະຈຳ ຫວຽດນາມ ໄດ້ເລີ່ມປະຕິບັດໄລຍະທີ 2 ຂອງໂຄງການຊຸກຍູ້ຄວາມສະເໝີພາບລະຫວ່າງຍິງ - ຊາຍ ໂດຍຜ່ານການຍົກສູງປະສິດທິຜົນດ້ານເສດຖະກິດໃນກະສິກຳ ແລະ ການທ່ອງທ່ຽວ (GREAT).

ຊາວຫວຽດນາມ ອາໄສຢູ່ຕ່າງປະເທດ 70 ຄົນ ໄປຢ້ຽມຢາມ ເຈື່ອງຊາ, ເຮືອນຍາມ DK-I ເນື່ອງໃນໂອກາດວັນທີ 30 ເມສາ

ຍສໝ - ເນື່ອງໃນໂອກາດສະເຫຼີມສະຫຼອງ 49 ປີແຫ່ງວັນທ້ອນໂຮມປະເທດຊາດເປັນເອກະພາບ (30 ເມສາ 1975 – 30 ເມສາ 2024) ແລະ ປົດປ່ອຍໝູ່ເກາະ ເຈື່ອງຊາ (29 ເມສາ 1975), ຄົບຮອບ 69 ປີແຫ່ງວັນສ້າງຕັ້ງກອງທັບເຮືອປະຊາຊົນຫວຽດນາມ (7 ພຶດສະພາ 1955), ຄະນະກຳມະການແຫ່ງລັດກ່ຽວກັບຊາວຫວຽດນາມ ...

ມິງດຶກ