ວັນທີ 6 ກໍລະກົດ, ຢູ່ແຂວງ ບິ່ງດິ້ງ, ໄດ້ດຳເນີນກອງປະຊຸມໃຫຍ່ ຄັ້ງທີ 1 ຂອງສະມາຄົມມິດຕະພາບ ຫວຽດນາມ - ອາເມລິກາ ແຂວງ ບິ່ງດິ້ງ ສະໄໝ 2024 - 2029. ສະມາຄົມມິດຕະພາບ ຫວຽດນາມ - ອາເມລິກາ ແຂວງ ບິ່ງດິ້ງ ມີສະມາຊິກ 127 ຄົນ ໂດຍທ່ານ ຮສຈ.ປອ ຫງວຽນຕ໋ຽນຈຸງ, ຫົວໜ້າພະແນກວິທະຍາສາດເຕັກໂນໂລຢີ ແລະ ການຮ່ວມມືສາກົນ (ມະຫາວິທະຍາໄລ ກູຍເຍີນ) ເປັນປະທານສະມາຄົມ. ສະມາຄົມມີໜ້າທີ່: ກໍ່ສ້າງ ແລະ ພັດທະນາການພົວພັນມິດຕະພາບ, ການຮ່ວມມືກັບບັນດາຄູ່ຮ່ວມມືທີ່ເປັນອົງການປະຊາຊົນ, ອົງການບໍ່ຂຶ້ນກັບລັດຖະບານ, ອົງການທີ່ກ່ຽວຂ້ອງຂອງອາເມລິກາ, ສ່ວນບຸກຄົນຊາວອາເມລິກາ ແລະ ຊາວຫວຽດນາມ ຢູ່ ອາເມລິກາ ຕາມລະບຽບກົດໝາຍ. ພ້ອມກັນກັບສະຫະພັນບັນດາອົງການມິດຕະພາບແຂວງ ເຂົ້າຮ່ວມໃນການປະກອບສ່ວນກໍ່ສ້າງແຜນການ, ນະໂຍບາຍ, ບັນດາເອກະສານນິຕິກຳກົດໝາຍທີ່ກ່ຽວຂ້ອງກັບວຽກງານການທູດປະຊາຊົນ...
 |
| ຄະນະບໍລິຫານງານສະມາຄົມມິດຕະພາບ ຫວຽດນາມ - ອາເມລິກາ, ສະໄໝ 2024 - 2029 ໄດ້ເປີດຕົວທີ່ກອງປະຊຸມໃຫຍ່. ພາບ: ໜັງສືພິມ ບິ່ງດິ້ງ |
ສະໄໝ 2024 – 2029, ບັນດາການເຄື່ອນໄຫວຂອງສະມາຄົມມິດຕະພາບ ຫວຽດນາມ - ອາເມລິກາ ແຂວງ ບິ່ງດິ້ງ ແມ່ນມຸ່ງໄປເຖິງການກໍ່ສ້າງ, ປັບປຸງ ແລະ ເພີ່ມທະວີການພົວພັນມິດຕະພາບສາມັກຄີ, ຮ່ວມມື ແລະ ຄວາມເຂົ້າໃຈເຊິ່ງກັນ ແລະ ກັນລະຫວ່າງປະຊາຊົນແຂວງ ບິ່ງດິ້ງ ກັບປະຊາຊົນບາງຕົວເມືອງຢູ່ ອາເມລິກາ ກ່ວາອີກ, ພິເສດແມ່ນບັນດາຕົວເມືອງທີ່ມີຊາວ ຫວຽດນາມ ເຊື້ອສາຍ ບິ່ງດິ້ງ ພວມດຳລົງຊີວິດເປັນຈຳນວນຫຼວງຫຼາຍ.
ພ້ອມກັນນັ້ນ ກໍ່ແຈ້ງ, ໂຄສະນາເຜີຍແຜ່ບັນດາແຜນນະໂຍບາຍ, ແນວທາງການຕ່າງປະເທດຂອງພັກ, ລັດ ກ່ຽວກັບການພົວພັນມິດຕະພາບສາມັກຄີຫວຽດນາມ - ອາເມລິກາ ໃຫ້ປະຊາຊົນທຸກຊັ້ນຄົນບົນບໍລິເວນແຂວງ, ພິເສດແມ່ນຊາວໜຸ່ມ, ນັກຮຽນ ແລະ ນັກສຶກສາ. ສະມາຄົມ ຈະຜັນຂະຫຍາຍບັນດາການເຄື່ອນໄຫວ ແລະ ເປັນຂົວເຊື່ອມຕໍ່ບັນດາອົງການຈັດຕັ້ງ, ວິສາຫະກິດ, ທ້ອງຖິ່ນໃນບໍລິເວນແຂວງ ກັບບັນດາຫົວໜ່ວຍທີ່ກ່ຽວຂ້ອງຂອງ ອາເມລິກາ ໃນຂົງເຂດການສຶກສາ, ສາທາລະນະສຸກ, ວິທະຍາສາດເຕັກໂນໂລຢີ, ເຕັກໂນໂລຢີຂໍ້ມູນ...
ກໍ່ໃນວັນດຽວກັນ, ຢູ່ນະຄອນ ໄທງວຽນ, ສະມາຄົມມິດຕະພາບຫວຽດນາມ - ຍີ່ປຸ່ນ ແຂວງ ໄທງວຽນ ກໍ່ໄດ້ເປີດຕົວຢ່າງເປັນທາງການ. ທ່ານ ຟ້າມຫວຽດຢຸ້ງ, ປະທານສະຫະພັນແຮງງານແຂວງ ໄດ້ຮັບເລືອກຕັ້ງເປັນປະທານສະມາຄົມ.
 |
| ຄະນະບໍລິຫານງານສະມາຄົມມິດຕະພາບ ຫວຽດນາມ - ຍີ່ປຸ່ນ ແຂວງ ໄທງວຽນ ຄັ້ງທີ 1 (ສະໄໝ 2024-2029) ໄດ້ເປີດຕົວກອງປະຊຸມໃຫຍ່. ພາບ: ໜັງສືພິມ ໄທຫງວຽນ |
ພາຍຫຼັງກອງປະຊຸມໃຫຍ່ ຄັ້ງທີ 1 ຂອງສະມາຄົມມິດຕະພາບຫວຽດນາມ - ຍີ່ປຸ່ນ ແຂວງ ໄທງວຽນ (ສະໄໝ 2024-2029), ສະມາຄົມ ຈະຈັດຕັ້ງໃຫ້ເປັນປົກກະຕິໂດຍໄວ. ໂດຍຜ່ານບັນດາການເຄື່ອນໄຫວຂອງສະມາຄົມ ຈະປະກອບສ່ວນເປັນຂົວຕໍ່ລະດົມການຊຸກຍູ້ການພົວພັນແລກປ່ຽນດ້ານເສດຖະກິດ, ວັດທະນະທຳ, ວິທະຍາສາດ-ເຕັກນິກ ລະຫວ່າງປະຊາຊົນສອງປະເທດ. ໃນນັ້ນ ເອົາໃຈໃສ່ເຖິງການເຊື່ອມໂຍງ, ເຜີຍແຜ່ບັນດາຄຸນຄ່າພື້ນເມືອງ, ສະພາບແວດລ້ອມແຫ່ງການລົງທຶນທີ່ໜ້າສົນໃຈຂອງ ໄທງວຽນ ກັບບັນດາຄູ່ຮ່ວມມື ຍີ່ປຸ່ນ; ຍາດແຍ່ງລະດົມບ້ວງຊ່ວຍເຫຼືອຈາກ ຍີ່ປຸ່ນ ໃຫ້ແກ່ບັນດາໂຄງການພັດທະນາເສດຖະກິດ, ສັງຄົມຂອງແຂວງ...
 | ສະມາຄົມມິດຕະພາບ 10 ແຫ່ງເຂົ້າຮ່ວມງານມະໂຫລານານທຳນອງມິດຕະພາບແຂວງ ດົ່ງນາຍ ປີ 2024 ຍສໝ - ຕອນເຊົ້າວັນທີ 15 ມີຖຸນາ, ສະຫະພັນບັນດາອົງການມິດຕະພາບແຂວງ ດົ່ງນາຍ ສົມທົບກັບພະແນກວັດທະນະທຳ, ກິລາ ແລະ ທ່ອງທ່ຽວ, ສະຖານີວິທະຍຸກະຈາຍສຽງ - ໂທລະພາບ ແຂວງ ດົ່ງນາຍ ຈັດຕັ້ງພິທີເປີດງານມະໂຫລານານທຳນອງມິດຕະພາບແຂວງ ດົ່ງນາຍ ຄັ້ງທີ 5 ປີ 2024. |
 | ກອງປະຊຸມສະເຫຼີມສະຫຼອງ 55 ປີແຫ່ງວັນສ້າງຕັ້ງສະຖານທູດ ກູບາ ປະຈຳ ໄຕນິງ ຍສໝ - ວັນທີ 21 ພຶດສະພາ, ຢູ່ເຂດຮ່ອງຮອຍຖານທີ່ໝັ້ນລັດຖະບານປະຕິວັດຊົ່ວຄາວ ສາທາລະນະລັດພາກໃຕ້ ຫວຽດນາມ (ຂຶ້ນກັບຕາແສງ ເຕີນເລີບ, ເມືອງ ເຕີນບຽນ, ແຂວງ ໄຕນິງ), ຄະນະກຳມະການປະຊາຊົນແຂວງ ໄຕນິງ ໄດ້ຈັດຕັ້ງກອງປະຊຸມສະເຫຼີມສະຫຼອງ 55 ປີແຫ່ງວັນສ້າງຕັ້ງສະຖານທູດ ກູບາ ປະຈຳ ໄຕນິງ (4 ມີນາ 1969-4 ... |
ມີງດຶກ
