 | ສະເຫຼີມສະຫຼອງ 50 ປີແຫ່ງວັນສ້າງຕັ້ງສະມາຄົມມິດຕະພາບ ຫວຽດນາມ - ກຳປູເຈຍ ແຂວງ ກວາງນິງ |
| ຫວຽດນາມ - ລາວ: ນ້ຳໃຈໄມຕີຈິດມິດຕະພາບ, ຮຸ່ງເຮືອງເຫຼືອງເຫຼື້ອມຕະຫຼອດການ |
ໂດຍເຂົ້າຮ່ວມການພົບປະມີ ທ່ານ ໂດ້ວັນຈ໋ຽນ, ກຳມະການກົມການເມືອງ, ເລຂາທິການສູນກາງພັກ, ປະທານຄະນະກຳມະການສູນກາງແນວໂຮມປະເທດຊາດ ຫວຽດນາມ; ທ່ານ ຟານແອງເຊີນ, ປະທານສະຫະພັນບັນດາອົງການມິດຕະພາບຫວຽດນາມ; ທ່ານ ຫງວຽນດັກວິງ, ກຳມະການສູນກາງພັກ, ຫົວໜ້າກຳມາທິການວັດທະນະທຳ, ການສຶກສາຂອງສະພາແຫ່ງຊາດ, ປະທານສະມາຄົມມິດຕະພາບ ຫວຽດນາມ - ລາວ; ທ່ານເອກອັກຄະລັດຖະທູດວິສາມັນຜູ້ມີອຳນາດເຕັມແຫ່ງ ສາທາລະນະລັດ ປະຊາທິປະໄຕ ປະຊາຊົນ ລາວ ປະຈຳ ສາທາລະນະລັດ ສັງຄົມນິຍົມ ຫວຽດນາມ ນາງ ຄຳເພົາ ເອີນທະວັນ; ອະດີດການນຳສະຫະພັນບັນດາອົງການມິດຕະພາບຫວຽດນາມ ແລະ ສະມາຄົມມິດຕະພາບ ຫວຽດນາມ - ລາວ ໃນບັນດາໄລຍະ; ຜູ້ຕາງໜ້າບັນດາຄະນະ, ກະຊວງ, ຂະແໜງການສູນກາງ, ອົງການຈັດຕັ້ງປະຊາຊົນ ພ້ອມກັບບັນດາອະດີດທະຫານອາສາສະໝັກ, ນັກຊ່ຽວຊານຫວຽດນາມ ຢູ່ລາວ ແລະ ນັກສຶກສາລາວ ທີ່ພວມຮໍ່າຮຽນຢູ່ຫວຽດນາມ...
 |
| ທ່ານ ປະທານຄະນະກຳມະການສູນກາງແນວໂຮມປະເທດຊາດ ຫວຽດນາມ ໂດ້ວັນຈ໋ຽນ ກ່າວຄຳປາໄສທີ່ການພົບປະ. ພາບ: Dinh Hoa |
ທີ່ເຫດການ, ທ່ານ ຫງວຽນດັກວິງ ໄດ້ທວນຄືນເສັ້ນທາງ 50 ປີແຫ່ງການສ້າງຕັ້ງ ແລະ ພັດທະນາຂອງສະມາຄົມມິດຕະພາບ ຫວຽດນາມ - ລາວ. ສະມາຄົມດັ່ງກ່າວ ໄດ້ຮັບການສ້າງຕັ້ງຂຶ້ນໃນວັນທີ 15 ມັງກອນ 1975 ໃນສະພາບທີ່ 2 ປະເທດກະກຽມຍາດໄດ້ໄຊຊະນະຢ່າງສົມບູນໃນພາລະກິດການຕໍ່ສູ້ປົດປ່ອຍຊາດ. ນັບແຕ່ນັ້ນເປັນຕົ້ນມາ, ສະມາຄົມໄດ້ເຕີບໂຕຢ່າງບໍ່ຢຸດຢັ້ງ ແລະ ປະຈຸບັນມີ 39/63 ແຂວງ, ນະຄອນທີ່ມີສະມາຄົມ. ໃນນັ້ນ, 5/5 ນະຄອນຂຶ້ນກັບສູນກາງ ແລະ 10/10 ແຂວງຊາຍແດນຕິດກັບລາວ ໄດ້ສ້າງຕັ້ງສະມາຄົມ. ບາງແຂວງ, ນະຄອນໄດ້ສ້າງ ແລະ ພັດທະນາອົງການສະມາຄົມຂຶ້ນເຖິງຂັ້ນເມືອງ, ຕາແສງ. ນອກຈາກນັ້ນ, 10 ອົງການຈັດຕັ້ງໄດ້ສ້າງຕັ້ງສາຂາສະມາຄົມມິດຕະພາບ ຫວຽດນາມ - ລາວ ຫຼື ເປັນສະມາຊິກລວມໝູ່ຂອງສະມາຄົມ. ສະມາຄົມທຸກຂັ້ນມີກຳລັງສະມາຊິກຈຳນວນຫຼວງຫຼາຍ ລວມມີອະດີດນັກຊ່ຽວຊານ, ທະຫານອາສາສະໝັກຫວຽດນາມ ຢູ່ລາວ,ບັນດາລຸ້ນພະນັກງານຈາກບັນດາອົງການສູນກາງ ແລະ ທ້ອງຖິ່ນ, ບັນດາອົງຄະນະ, ອົງການຈັດຕັ້ງສັງຄົມ, ບັນດາກຳລັງປະກອບອາວຸດ, ນັກທຸລະກິດ ແລະ ປະຊາຊົນທຸກຊັ້ນວັນນະ ນັບໝື່ນຄົນ.
 |
| ທ່ານ ປະທານສະມາຄົມມິດຕະພາບ ຫວຽດນາມ - ລາວ ຫງວຽນດັກວິງ ກ່າວຄຳປາໄສທີ່ການພົບປະ. ພາບ: Dinh Hoa |
ສະມາຄົມໄດ້ຈັດຕັ້ງການເຄື່ອນໄຫວແລກປ່ຽນ, ຮ່ວມມືຫຼາຍຢ່າງ, ປະກອບສ່ວນປັບປຸງການພົວພັນມິດຕະພາບແບບພິເສດລະຫວ່າງ 2 ປະເທດ. ທ່ານ ຫງວຽນດັກວິງ ໃຫ້ຮູ້ວ່າ ເພື່ອຕອບສະໜອງຄວາມຮຽກຮ້ອງຕ້ອງການ, ໜ້າທີ່ຂອງສະພາບການໃໝ່, ກໍ່ຄືຄວາມມຸ່ງມາດປາດຖະໜາຂອງບັນດາການນຳພັກ, ລັດ, ໃນຊຸມປີຕໍ່ມາ, ສະມາຄົມຈະສຸມໃສ່ປ່ຽນແປງໃໝ່ເນື້ອໃນ, ວິທີການເຄື່ອນໄຫວ; ຍູ້ແຮງວຽກງານການສຶກສາ ແລະ ໂຄສະນາ; ເພີ່ມທະວີການພົບປະແລກປ່ຽນປະຊາຊົນ, ພິເສດແມ່ນສຸມໃສ່ບັນດາລຸ້ນໜຸ່ມ.
 |
| ທ່ານ ປະທານສະຫະພັນບັນດາອົງການມິດຕະພາບ ຫວຽດນາມ ຟານແອງເຊີນ ໄດ້ມອບຫຼຽນກາລະນຶກໃຫ້ບັນດາບຸກຄົນມີຜົນງານດີເດັ່ນໃນການພົວພັນທາງການທູດປະຊາຊົນ ຫວຽດນາມ - ລາວ. (ພາບ: Dinh Hoa) |
ສະມາຄົມຈະສືບຕໍ່ປັບປຸງ, ພັດທະນາອົງການ, ພ້ອມທັງຊຸກຍູ້ການຮ່ວມມືດ້ານການສຶກສາ - ບຳລຸງສ້າງລະຫວ່າງ 2 ປະເທດ. ບັນດາການເຄື່ອນໄຫວແລກປ່ຽນ, ຊອກຮູ້ ແລະ ເພີ່ມທະວີຄວາມຕິດພັນລະຫວ່າງຄະນະຊາວໜຸ່ມ ແລະ ລຸ້ນໜຸ່ມຂອງສອງປະເທດ ຈະໄດ້ຮັບບຸລິມະສິດ. ນອກຈາກນັ້ນ, ສະມາຄົມຍັງລະດົມໃຫ້ວິສາຫະກິດ ຫວຽດນາມ ແລະ ລາວ ເພີ່ມທະວີການເຊື່ອມຕໍ່, ຊອກຫາກາລະໂອກາດລົງທຶນ ແລະ ຮ່ວມມືພັດທະນາເສດຖະກິດຢູ່ແຕ່ລະປະເທດ. ນອກຈາກນັ້ນ, ສະມາຄົມກໍ່ຈະສົມທົບ ແລະ ສ້າງເງື່ອນໄຂໃຫ້ສະມາຄົມນັກຮົບເກົ່າຂອງສອງປະເທດໄດ້ພົບປະ, ແລກປ່ຽນຢ່າງເປັນປະຈຳ, ປະກອບສ່ວນເຂົ້າໃນການເພີ່ມພູນຄູນສ້າງສາຍພົວພັນມິດຕະພາບແບບພິເສດ ແລະ ຄວາມສາມັກຄີອັນຍາວນານລະຫວ່າງປະຊາຊົນສອງປະເທດ.
ກ່າວຄຳປາໄສທີ່ການພົບປະ, ທ່ານ ປະທານຄະນະກຳມະການສູນກາງແນວໂຮມປະເທດຊາດ ຫວຽດນາມ ໂດ້ວັນຈ໋ຽນ ໃຫ້ຮູ້ວ່າ ເຫດການສະເຫຼີມສະຫຼອງວັນນີ້ ເປັນການຢືນຢັນອີກເທື່ອໜຶ່ງວ່າ ການພົວພັນຮ່ວມມືມິດຕະພາບຫວຽດນາມ - ລາວ ແມ່ນການພົວພັນອັນຍິ່ງໃຫຍ່, ຄວາມສາມັກຄີແບບພິເສດ, ການຮ່ວມມືຮອບດ້ານ. ການພົວພັນນີ້ ໄດ້ຮັບການປະກອບສ່ວນເພີ່ມພູນຄູນສ້າງຜ່ານຫຼາຍໄລຍະປະຫວັດສາດ ເຊິ່ງໄດ້ທົດສອບໂດຍຜ່ານການຕໍ່ສູ້ຕ້ານສັດຕູໂຕດຽວກັນ ແລະ ຈະຄົງຕົວພ້ອມກັບການພັດທະນາຂອງສອງປະເທດຕະຫຼອດໄປ.
 |
| ທ່ານເອກອັກຄະລັດຖະທູດວິສາມັນຜູ້ມີອຳນາດເຕັມແຫ່ງ ສາທາລະນະລັດ ປະຊາທິປະໄຕ ປະຊາຊົນ ລາວ ປະຈຳ ຫວຽດນາມ ນາງ ຄຳເພົາ ເອີນທະວັນ ກ່າວຄຳປາໄສທີ່ການພົບປະ. ພາບ: Dinh Hoa |
ທ່ານເອກອັກຄະລັດຖະທູດ ລາວ ປະຈຳ ຫວຽດນາມ ນາງ ຄຳເພົາ ເອີນທະວັນ ໄດ້ຕີລາຄາສູງບົດບາດຂອງສະມາຄົມ ໃນການເພີ່ມພູນຄູນສ້າງສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະ ການຮ່ວມມືຮອບດ້ານ ຫວຽດນາມ-ລາວ ຕະຫຼອດໄລຍະ 50 ປີຜ່ານມາ. ທ່ານນາງເນັ້ນໜັກວ່າ ບັນດາການເຄື່ອນໄຫວທີ່ອຸດົມສົມບູນເຊັ່ນ ການພົບປະແລກປ່ຽນວັດທະນະທຳ, ກິລາ, ໂຄງການ “ຕາມຮອຍຍ່າງຂອງການນຳສອງປະເທດ”, ຫລື ບັນດາການໄປຢ້ຽມຢາມໂຮງຮຽນເກົ່າຂອງນັກສຶກສາລາວ ໂດຍສະມາຄົມສົມທົບກັບສະມາຄົມມິດຕະພາບ ລາວ-ຫວຽດນາມ ຈັດຕັ້ງ, ອັນໄດ້ປະກອບສ່ວນເພີ່ມທະວີຄວາມເຂົ້າໃຈ ແລະ ຄວາມສາມັກຄີອັນເລິກເຊິ່ງລະຫວ່າງປະຊາຊົນສອງປະເທດ.
 |
| ບັນດາຜູ້ແທນຖ່າຍຮູບທີ່ລະນຶກ. (ພາບ: Dinh Hoa) |
ໃນສະພາບການຜັນແປຢ່າງສັບສົນຂອງພາກພື້ນ ແລະ ໂລກ, ທ່ານນາງສະເໜີໃຫ້ສະມາຄົມມິດຕະພາບຂອງສອງປະເທດຊຸກຍູ້ການພົວພັນແລກປ່ຽນຫຼາຍຮູບຫຼາຍເເບບ, ມີປະສິດທິຜົນກ່ວາອີກລະຫວ່າງປະຊາຊົນທຸກຊັ້ນວັນນະ; ເພີ່ມທະວີການສົມທົບກັບບັນດາອົງການທີ່ກ່ຽວຂ້ອງ, ພິເສດແມ່ນຢູ່ທ້ອງຖິ່ນ, ສະຖານທູດລາວ ປະຈຳ ຫວຽດນາມ ແລະ ສະຖານກົງສຸນໃຫຍ່ລາວ ປະຈຳນະຄອນ ດານັງ, ນະຄອນ ໂຮ່ຈີມິນ. ຄຽງຂ້າງນັ້ນ, ກໍ່ສຸມໃສ່ການໂຄສະນາເຜີຍແຜ່, ສຶກສາອົບຮົມລຸ້ນໜຸ່ມກ່ຽວກັບສາຍພົວພັນແບບພິເສດ ຫວຽດນາມ - ລາວ.
 | ຍສໝ - ປະຊາຊົນສອງປະເທດ ແມ່ນປັດໄຈຢ່າງໝັ້ນແກ່ນຂອງສາຍພົວພັນມິດຕະພາບທີ່ເປັນມູນເຊື້ອອັນຍາວນານ, ໝັ້ນແກ່ນ ແລະ ສາຍພົວພັນມິດແບບພິເສດລະຫວ່າງ ຫວຽດນາມ - ລັດເຊຍ |
 | ທ່ານ ຫງວຽນວັນຫວູມິງ ດຳລົງຕຳແໜ່ງເປັນປະທານສະມາຄົມມິດຕະພາບ ຫວຽດນາມ - ໂຮນລັງ ແຂວງ ດົ່ງທາບ ຍສໝ - ວັນທີ 31 ຕຸລາ, ຢູ່ແຂວງ ດົ່ງທາບ, ສະມາຄົມມິດຕະພາບ ຫວຽດນາມ - ໂຮນລັງ ແຂວງ ດົ່ງທາບ ໄດ້ຈັດຕັ້ງກອງປະຊຸມໃຫຍ່ຄັ້ງທີ 3 ອາຍຸການ 2024 – 2029. |
ມີງດຶກ
