 | ຫວຽດນາມ ດຶງດູດນັກທ່ອງທ່ຽວ ເອີລົບ ໃນລະດູແລ້ງ |
| ເວທີປາໄສແມ່ຍິງ ຫວຽດນາມ ຢູ່ ເອີລົບ ລົງນາມໃນການຮ່ວມມືກັບສະມາຄົມນັກທຸລະກິດຍິງນະຄອນ ຮ່າໂນ້ຍ |
ທ້າຍເດືອນ ເມສາ 2024, ທ່ານ ສາດສະດາຈານ ນາງ ຫງວຽນທິກິມແທ່ງ, ເຮັດວຽກຢູ່ມະຫາວິທະຍາໄລ University College London - UCL (ລາດຊະອານາຈັກອັງກິດ), ໄດ້ຮັບການເລືອກຕັ້ງຢ່າງເປັນທາງການ ໃຫ້ເປັນສະມາຊິກຂອງສະຖາບັນການບັນດິດເອີຣົບ (Academia Europaea - AE) ແລະ ກາຍເປັນຄົນຫວຽດນາມ ຄົນທຳອິດທີ່ເຂົ້າຮ່ວມອົງການວິທະຍາສາດທີ່ມີຊື່ສຽງນີ້.
 |
| ທ່ານ ສາດສະດາຈານ ນາງ ຫງວຽນທິກິມແທ່ງ ເຂົ້າຮ່ວມພິທີມອບລາງວັນ “ແມ່ຍິງດີເດັ່ນດ້ານເຄມີສາດ ຫຼື ວິສະວະກຳເຄມີ ປີ 2023” ໃນເດືອນສິງຫາ 2023 ຢູ່ IUPAC, ປະເທດ ໂຮນລັງ. ພາບ: ສຳນັກຂ່າວສານຫວຽດນາມ |
ໃນຖານະເປັນສະມາຊິກຂອງ 4 ສະມາຄົມວິທະຍາສາດຂອງອັງກິດ, ໃນນັ້ນ ຕ້ອງເວົ້າເຖິງ ສະມາຄົມ ເຄມີສາດ ລາດຊະວົງອັງກິດ ແຕ່ປີ 2010, ນີ້ແມ່ນຄັ້ງທໍາອິດທີ່ ທ່ານ ນາງ ແທ່ງ ໄດ້ກາຍເປັນສະມາຊິກຂອງສະຖາບັນບັນດິດລະດັບສາກົນຄື AE.
ໃນຖານະເປັນສະມາຊິກໃຫມ່ (2024), ທ່ານ ນາງ ແທ່ງ ຮູ້ສຶກເປັນກຽດທີ່ໄດ້ຮັບການເຊື້ອເຊີນຈາກສະຖາບັນບັນດິດເອີຣົບ ເພື່ອເຂົ້າຮ່ວມ ແລະ ນໍາສະເຫນີກ່ຽວການຄົ້ນຄວ້າຂອງລາວໃນກອງປະຊຸມປະຈໍາປີ 2024 ຂອງສະຖາບັນຢູ່ Wroclaw, ປະເທດໂປແລນ ໃນເດືອນພະຈິກ 2024 ແລະ ເຂົ້າຮ່ວມງານລ້ຽງກັບປະທານນາທິບໍດີປະເທດຂອງ ໂປແລນ.
ໂດຍສ້າງຕັ້ງຂຶ້ນໃນ 1988, ສະຖາບັນບັນດິດເອີຣົບ ແມ່ນອົງການຈັດຕັ້ງໜື່ງທີ່ບໍ່ຫວັງຜົນກໍາໄລເຊິ່ງຈັດຕັ້ງປະຕິບັດຄືກັບສະຖາບັນວິທະຍາສາດ ແລະ ມະນຸດສາດ ທົ່ວເອີລົບ. ສະມາຊິກຂອງສະຖາບັນປະກອບມີນັກວິທະຍາສາດທີ່ມີຊື່ສຽງຫຼາຍກວ່າ 5.500 ຄົນ ທີ່ມາຈາກບັນດາປະເທດເອີຣົບ ແລະ ຈາກຫຼາຍສາຂາວິຊາທົ່ວພາກພື້ນ, ໃນນັ້ນມີ 72 ຄົນທີ່ໄດ້ຮັບລາງວັນໂນແບລ (Nobel). ເປົ້າໝາຍຂອງສະຖາບັນແມ່ນເພື່ອສົ່ງເສີມການຄົ້ນຄວ້າວິທະຍາສາດ ແລະ ເຜີຍແຜ່ຜົນສຳເລັດທາງວິຊາການທີ່ດີເລີດໃນດ້ານມະນຸດສາດ, ກົດໝາຍເສດຖະກິດ, ສັງຄົມ ແລະ ການເມືອງວິທະຍາ, ຄະນິດສາດ, ການແພດ ແລະ ບັນດາຂະແໜງວິທະຍາສາດທຳມະຊາດ ແລະ ເຕັກໂນໂລຊີອື່ນໆໃນໂລກ. ນອກຈາກນັ້ນ, ຫນຶ່ງໃນພາລະກຳຫຼັກແຫຼ່ງຂອງສະຖາບັນແມ່ນເພື່ອສົ່ງເສີມຄວາມກ້າວຫນ້າຂອງການສຶກສາສາທາລະນະກວມລວມສໍາລັບທຸກໄວໃນບັນດາວິຊາວິທະຍາສາດ.
ເພື່ອກາຍເປັນສະມາຊິກຂອງສະຖາບັນບັນດິດເອີຣົບ, ບັນດາຜູ້ລົງສະຫມັກຕ້ອງໄດ້ຮັບການສະເໜີເລືອກເອົາຈາກກຸ່ມນັກວິທະຍາສາດທີ່ມີຄວາມເຊື່ອຖື, ຫຼັງຈາກນັ້ນ, ຂໍ້ມູນຂອງຜູ້ລົງສະຫມັກ ແລະ ຜົນງານການຄົ້ນຄວ້າວິທະຍາສາດຈະໄດ້ຮັບການຄົ້ນຄວ້າພິຈາລະນາຢ່າງລະອຽດຈາກສະຖາບັນ ແລະ ສຸດທ້າຍແມ່ນສະພາວິທະຍາສາດຂອງສະຖາບັນເລືອກເອົາ.
ເມື່ອໂອ້ລົມສົນທະນາກັບນັກຂ່າວສຳນັກຂ່າວສານຫວຽດນາມ ປະຈຳອັງກິດ, ທ່ານ ສາດສະດາຈານ ນາງ ຫງວຽນທິກິມແທ່ງ ໄດ້ເລົ່າຄວາມດີໃຈ ແລະ ພາກພູມໃຈເມື່ອໄດ້ຮັບເລືອກເອົາເປັນສະມາຊິກຂອງສະຖາບັນບັນດິດເອີລົບ, ຖືນີ້ແມ່ນການຮັບຮູ້ບັນດາຜົນງານການຄົ້ນຄ້ວາ, ການສິດສອນ ແລະ ຄວາມມານະພະຍາຍາມຢ່າງບໍ່ຢຸດຢັ້ງຂອງຕົນ ແລະ ບັນດາເພື່ອນຮ່ວມງານ ໃນການເຜີຍແຜ່ຄວາມຮູ້ ແລະ ຄວາມມັກຮັກໃນການຄົ້ນຄວ້າວິທະຍາສາດໃຫ້ແກ່ຊຸມຊົນ.
ທ່ານໄດ້ໃຫ້ຮູ້ວ່າ: “ຂ້າພະເຈົ້າຮູ້ສຶກເປັນກຽດທີ່ໄດ້ຮັບເລືອກເຂົ້າເປັນສະມາຊິກຂອງສະຖາບັນບັນດິດເອີຣົບ. ມັນເປັນສິ່ງສຸດຍອດທີ່ໄດ້ເຊື່ອມໂຍງເຂົ້າກັບ ສູນສະໝອງປັນຍາທີ່ຍິ່ງໃຫຍ່ ບໍ່ພຽງແຕ່ໃນຂົງເຂດວິທະຍາສາດທໍາມະຊາດ ແລະ ເຕັກໂນໂລຢີ, ຄະນິດສາດການແພດເທົ່ານັ້ນ, ແຕ່ຍັງແມ່ນມະນຸດສະທຳ, ກົດຫມາຍ, ເສດຖະກິດ, ສັງຄົມ ແລະ ວິທະຍາສາດສັງຄົມທາງດ້ານການເມືອງ. ພວກເຮົາຕ້ອງມີຄວາມພະຍາຍາມລວມໝູ່ ເພື່ອຮັບມືກັບສິ່ງທ້າທາຍອັນໃຫຍ່ຫຼວງຂອງສາກົນທີ່ພວກເຮົາປະເຊີນໃນມື້ນີ້ ແລະ ໃນອະນາຄົດ”.
ສຳລັບຫວຽດນາມ, ທ່ານຫວັງວ່າເຫດການນີ້ຈະປະກອບສ່ວນຍົກສູງຄວາມເຊື່ອໝັ້ນໃຫ້ບັນດານັກປັນຍາຊົນ, ນັກວິທະຍາສາດຫວຽດນາມ ຢູ່ໃນໂລກ, ສົ່ງເສີມໃຫ້ເຂົາເຈົ້າມີຄວາມເຊື່ອໝັ້ນເຊື່ອມໂຍງເຂົ້າກັບວິທະຍາສາດທີ່ກ້າວໜ້າຂອງໂລກ.
ທ່ານ ສາດສະດາຈານ ນາງ ຫງວຽນທິກິມແທ່ງ ແມ່ນໜື່ງໃນນັກປັນຍາຊົນຫວຽດນາມ ທີ່ມີຊື່ສຽງໂດ່ງດັງໃນບັນດານັກວິທະຍາສາດສາກົນ, ເປັນສາດສະດາຈານຊາວຫວຽດນາມ ຄົນທຳອິດຢູ່ມະຫາວິທະຍາໄລ UCL ນັບແຕ່ປີ 2013. ທ່ານໄດ້ຮຽນຈົບວິຊາເຄມີສາດຈາກມະຫາວິທະຍາໄລແຫ່ງຊາດຮ່າໂນຍ ໃນປີ 1992; ຫຼັງຈາກນັ້ນ ທ່ານໄດ້ຮັບທຶນການສຶກສາຄົ້ນຄວ້າສາກົນໃນເນເທີແລນ ແລະ ປະເທດອັງກິດ, ບ່ອນທີ່ທ່ານໄດ້ຮັບໃບປະກາດປະລິນຍາເອກ ໃນປີ 1998.
 | ເອກອັກຄະລັດຖະທູດ ລາວ ປະຈຳ ຫວຽດນາມ ໄປຖະຫວາຍທູບທຽນ, ປູກຕົ້ນດອກຈຳປາ ຢູ່ຫໍເທບທິດາ ໂຢ່ຍຮວ່າ. ຍສໝ - ວັນທີ 11 ເມສາ, ຄະນະປະຕິບັດງານສະຖານທູດ ລາວ ປະຈຳ ຫວຽດນາມ ໄດ້ເຂົ້າຮ່ວມພິທີໄຫວ້, ໄປຖະຫວາຍທູບທຽນ ແລະ ປູກຕົ້ນດອກໄມ້ ຈຳປາ ຢູ່ຫໍເທບທິດາ ໂຢ່ຍຮວ່າ (ບ້ານ ໄທເຊີນ, ຕາແສງ ເຊີນລາຍ, ເມືອງ ຍໍ່ກວານ, ແຂວງ ນິງບິ່ງ). ຄະນະປະຕິບັດງານໂດຍທ່ານນາງ ... |
 | 76 ທີມບານເຕະເຂົ້າຮ່ວມກອງປະຊຸມໃຫຍ່ບານເຕະຊາວ ຫວຽດນາມ ຢູ່ເຂດ Kanto (ຍີ່ປຸ່ນ) ຍສໝ - ຫວ່າງມໍ່ໆນີ້, ກອງປະຊຸມໃຫຍ່ບານເຕະຊາວ ຫວຽດນາມ ຢູ່ເຂດ Kanto ປີ 2024 ໄດ້ເປີດຢ່າງເປັນທາງການຢູ່ສະໜາມກິລາ Redsland, ແຂວງ Saitama (ຍີ່ປຸ່ນ). ເຫດການຄັ້ງນີ້ ມີການເຂົ້າຮ່ວມຂອງ 76 ທີມ, ໂດຍໄດ້ຮັບການຄັດເລືອກຈາກເກືອບ 100 ທີມບານເຕະສະໝັກຫຼິ້ນໃນຂົງເຂດ. |
ຊ ສະຫວັດ
