 |
| ທ່ານລັດຖະມົນຕີກະຊວງວັດທະນະທຳ, ກິລາ ແລະ ການທ່ອງທ່ຽວ ຫວຽດນາມ ຫງວຽນວັນຮຸ່ງ ກ່າວຄຳປາໄສທີ່ພິທີເປີດ. |
ທ່ານປະທານສະພາສະຫະພັນ Valentina Matvienko ກໍ່ໄດ້ສົ່ງຈົດໝາຍອວຍພອນ, ສະແດງຄວາມສົນໃຈເປັນພິເສດຂອງການນຳ ລັດເຊຍ ຕໍ່ກັບເຫດການດັ່ງກ່າວ, ໂດຍຜ່ານນັ້ນກໍ່ພັດທະນາ ແລະ ປັບປຸງການພົວພັນມິດຕະພາບທີ່ເປັນມູນເຊື້ອອັນດີງາມລະຫວ່າງ ຫວຽດນາມ ແລະ ລັດເຊຍ ຕື່ມອີກ.
ກ່າວຄຳປາໄສທີ່ພິທີເປີດ, ທ່ານ ຫງວຽນວັນຮຸ່ງ ໃຫ້ຮູ້ວ່າ: “ວັນວັດທະນະທຳ ຫວຽດນາມ ຢູ່ສະຫະພັນ ລັດເຊຍ” ໄດ້ຈັດຕັ້ງປະຕິບັດ ເພື່ອຖະແຫຼງການຮ່ວມກ່ຽວກັບການລົງເລິກການພົວພັນຄູ່ຮ່ວມມືຍຸດທະສາດຮອບດ້ານລະຫວ່າງ ຫວຽດນາມ - ສະຫະພັນ ລັດເຊຍ ທີ່ມຸ່ງໄປສູ່ສະເຫຼີມສະຫຼອງ 75 ປີແຫ່ງວັນສ້າງຕັ້ງການພົວພັນທາງການທູດລະຫວ່າງ 2 ປະເທດໃນ ປີ 2025 ແລະ ພິເສດແມ່ນໄດ້ດຳເນີນພາຍຫຼັງການຢ້ຽມຢາມ ຫວຽດນາມ ຢ່າງເປັນທາງການຂອງທ່ານປະທານາທິບໍດີ ລັດເຊຍ Vladimir Putin ແຕ່ວັນທີ 19 – 20 ມິຖຸນາ ຜ່ານມາ.
ສ່ວນທ່ານ Olga Liubimova ລັດຖະມົນຕີກະຊວງວັດທະນະທຳ ລັດເຊຍ ຢືນຢັນວ່າ ລັດເຊຍ ຍິນດີຕ້ອນຮັບບັນດາເຫດການສໍາຄັນຂອງການຮ່ວມມືດ້ານວັດທະນະທໍາຂອງ 2 ປະເທດ, ນັ້ນແມ່ນ “ວັນວັດທະນະທໍາ ຫວຽດນາມ ຢູ່ສະຫະພັນ ລັດເຊຍ” ຜ່ານຫຼາຍຄັ້ງໄດ້ຈັດຕັ້ງຢ່າງສຳເລັດຜົນ.
 |
| ການສະແດງໂດຍສະຖາບັນດົນຕີແຫ່ງຊາດ ຫວຽດນາມ. |
ຕາມທ່ານຮອງຜູ້ອຳນວຍການສະຖາບັນດົນຕີແຫ່ງຊາດ ຫວຽດນາມ, ນັກສິລະປິນປະຊາຊົນ ບຸ່ຍກົງຢຸ່ຍ ຜູ້ທີ່ມີຊື່ສຽງຈາກໂຮງຮຽນ Traikovsky ໃຫ້ຮູ້ວ່າ ຍ້ອນວ່າເຫດການດັ່ງກ່າວໄດ້ຈັດຂຶ້ນໃນແຕ່ລະປີ ສະນັ້ນໂຄງການຕ້ອງໄດ້ຮັບການປ່ຽນໃໝ່ຢູ່ສະເໝີ, ເພື່ອໃຫ້ຜູ້ຊົມຮູ້ສຶກເຖິງຄວາມງາມຂອງວັດທະນະທໍາພື້ນເມືອງໄດ້ງ່າຍທີ່ສຸດ ກໍ່ຄືຄວາມຄິດປະດິດສ້າງຂອງບັນດາຜູ້ແຕ່ງ ຫວຽດນາມ.
 |
| ລາຍການສະແດງຟ້ອນໂດຍນັກສິລະປິນໂຮງລະຄອນສິລະປະຍຸກປະຈຸບັນ ຫວຽດນາມ. |
ພິທີເປີດສະຫຼອງ “ວັນວັດທະນະທຳ ຫວຽດນາມ ຢູ່ສະຫະພັນ ລັດເຊຍ” ປີ 2024 ແມ່ນເຫດການເປີດສາກໃຫ້ແກ່ບັນດາລາຍການສະແດງສິລະປະ, ງານວາງສະແດງ, ຮູບເງົາ ຫວຽດນາມ, ແລະ ບັນດາໂຄງການຊຸກຍູ້ ແລະ ແນະນຳການທ່ອງທ່ຽວ ຢູ່ນະຄອນຫຼວງ Moskva, ເມືອງໃຫຍ່ທີ 2 ຂອງ ລັດເຊຍ ແມ່ນ St Petersburg ແລະ ຢູ່ນະຄອນທີ່ເປັນບ້ານເກີດເມືອງນອນຂອງທ່ານ Lenin, Ulianovsk ທີ່ໃຫ້ຄຳໝັ້ນສັນຍາຈະນຳເອົາຮູບພາບ “ຫວຽດນາມ ທີ່ປອດໄພ, ເປັນມິດ, ຈິດໃຈດີ, ມີຄວາມຮັກແພງແຂກຄົນ, ເຊື່ອມໂຍງ ແລະ ພັດທະນາ” ໃຫ້ແກ່ເພື່ອນມິດ ລັດເຊຍ.
 | ບັນດາລຸ້ນນັກສຶກສາ ຫວຽດນາມ ຢູ່ ລັດເຊຍ - ຂົວເຊື່ອມຕໍ່ມິດຕະພາບ ຍສໝ - ວັນທີ 20 ມີຖຸນາ, ຢູ່ ຮ່າໂນ້ຍ, ກ່າວຄຳປາໄສທີ່ການພົບປະກັບການນຳສະມາຄົມມິດຕະພາບ ຫວຽດນາມ - ລັດເຊຍ ແລະ ບັນດາລຸ້ນອະດີດນັກສຶກສາ ຫວຽດນາມ ທີ່ຮ່ຳຮຽນຢູ່ ລັດເຊຍ ໂດຍສະຫະພັນບັນດາອົງການມິດຕະພາບ ຫວຽດນາມ ເປັນເຈົ້າພາບ, ທ່ານປະທານາທິບໍດີ ສະຫະພັນ ລັດເຊຍ Vladimir Putin ຫວັງວ່າ ... |
 | ການທູດປະຊາຊົນ - ກຸນແຈຄຳທີ່ຜູກພັນສາຍພົວພັນມິດຕະພາບລະຫວ່າງ ຫວຽດນາມ ແລະ ສະຫະພັນ ລັດເຊຍ ຍສໝ - ໃນສະພາບການຜັນແປຢ່າງສັບສົນໃນໂລກ ແລະ ພາກພື້ນ, ການປົກປັກຮັກສາ ແລະ ຊຸກຍູ້ການພົວພັນຄູ່ຮ່ວມມືຍຸດທະສາດຮອບດ້ານ ຫວຽດນາມ - ລັດເຊຍ ບໍ່ພຽງແຕ່ໄດ້ຮັບການຜັນຂະຫຍາຍຜ່ານບັນດາຊ່ອງທາງການເມືອງລະດັບສູງ, ການທູດແຫ່ງລັດ ເທົ່ານັ້ນ ຫາກຍັງດຳເນີນຜ່ານບັນດາຊ່ອງທາງການທູດປະຊາຊົນອີກດ້ວຍ. |
ມິງດຶກ
