ໂຄງການ “ສ້າງໂລກຄືນໃໝ່ພ້ອມກັນກັບພາສາ ຝຣັ່ງ” ໄດ້ຄັດເລືອກເອົາບັນດານັກຮຽນຊັ້ນ ມ6 ທີ່ຮຽນລະບົບພາສາ ຝຣັ່ງ ຢູ່ນະຄອນ ໂຮ່ຈີມິນ, ລວມມີ ໂຮງຮຽນມັດທະຍົມຕອນປາຍ ເລຮົ່ງຟອງ, ໂຮງຮຽນມັດທະຍົມຕອນປາຍ ຫງວຽນທິມິນຄາຍ ແລະ Marie Curie, ເພື່ອເຂົ້າຮ່ວມຕາມຮູບແບບສຳພາດ.
 |
| ນັກຮຽນຫວຽດນາມ 9 ຄົນເຂົ້າຮ່ວມໂຄງການຖ່າຍຮູບກັບຄູອາຈານ, ຄອບຄົວ ແລະ ຜູ້ຕາງໜ້າສູນ ຝຣັ່ງ ຢູ່ນະຄອນ ໂຮ່ຈີມິນ - ພາບ: ສູນ ຝຣັ່ງ ຢູ່ນະຄອນ ໂຮ່ຈີມິນ. |
ນັກຮຽນຈາກຫວຽດນາມ 9 ຄົນ ພ້ອມກັນກັບນັກຮຽນຈາກລາວ 9 ຄົນ ແລະ ຈາກກໍາປູເຈຍ 9 ຄົນ ເຂົ້າຮ່ວມການໄປຢ້ຽມຢາມ, ຮ່ຳຮຽນ ແລະ ແລກປ່ຽນໃນ 3 ປະເທດກ່ຽວກັບຫົວຂໍ້ການພັດທະນາແບບຍືນຍົງ.
ນັກຮຽນ 27 ຄົນຈະໄດ້ມີໂອກາດໄປຢ້ຽມຢາມນະຄອນຫຼວງວຽງຈັນຂອງລາວ ເປັນເວລາ 4 ວັນໃນທ້າຍເດືອນພຶດສະພານີ້, ຫຼັງຈາກນັ້ນແມ່ນນະຄອນໂຮ່ຈິມິນ 4 ວັນໃນຕົ້ນເດືອນມິຖຸນາ, ຕໍ່ໄປແມ່ນນະຄອນຫຼວງພະນົມເປັນ ຂອງກຳປູເຈຍ (ພວມຂຶ້ນແຜນໄລຍະທີ່ຈະໄປ). ຄ່າໃຊ້ຈ່າຍທັງຫມົດແມ່ນຄະນະຈັດຕັ້ງເປັນຜູ້ຮັບຜິດຊອບ.
ຕະຫຼອດໂຄງການ, ບັນດານັກຮຽນ ຈະໄດ້ເຂົ້າຮ່ວມການສຳມະນາ ແລະ ຊອກຮູ້ບັນດາໂຄງການຮ່ວມມື, ເພື່ອສົ່ງເສີມໃຫ້ນັກຮຽນພັດທະນາວິທີແກ້ໄຂຢ່າງສ້າງສັນ ເພື່ອຕ້ານບັນຫາສິ່ງແວດລ້ອມ. ນັກຮຽນ ຈະໄດ້ຮຽນຮູ້ວິທີວິເຄາະບັນຫາສິ່ງແວດລ້ອມ ແລະ ອອກແບບຍຸດທະສາດການປະຕິບັດຢ່າງມີປະສິດທິພາບເມື່ອກັບບ້ານ.
ໂດຍຜ່ານບັນດາການເຮັດ workshop ນຳກັນ, ນັກຮຽນຈະໄດ້ຄົ້ນຫາຄວາມອຸດົມສົມບູນຂອງຄວາມຫຼາກຫຼາຍທາງດ້ານວັດທະນະທຳ ໃນຂະນະທີ່ສຸມໃສ່ເປົ້າໝາຍລວມຄື: ການແກ້ໄຂສິ່ງທ້າທາຍດ້ານສິ່ງແວດລ້ອມທົ່ວໂລກ.
ທ່ານນາງ Anne-Laure Vincent, ກໍາມະການຮ່ວມມືດ້ານພາສາຝຣັ່ງ ຂອງສູນ ຝຣັ່ງ ປະຈຳ ນະຄອນ ໂຮ່ຈີມິນ ໃຫ້ຮູ້ວ່າ ນອກຈາກການຊຸກຍູ້ການຮຽນພາສາ ຝຣັ່ງ ແລະ ການຊອກຮູ້ກ່ຽວກັບສິ່ງແວດລ້ອມ, ໂຄງການ ຍັງເຜີຍແພ່ບັນດາແງ່ມູມປະດິດສ້າງ ແລະ ວິຊາການສຶກສາຂອງ ພາສາຝຣັ່ງ, ຄຽງຄູ່ກັບຄວາມເພີດເພີນຈິດທີ່ທຸກຄົນມັກພົບເຫັນ.
ມິງດຶກ
