 | ຊາວ ຫວຽດນາມ ສາມາດຊໍາລະ QRCode ຂ້າມຊາຍແດນກັບ 3 ປະເທດ |
| ຫວຽດນາມ -ສ.ເກົາຫຼີ ເຫັນດີຍູ້ແຮງການພົວພັນຄູ່ຮ່ວມມືຍຸດທະສາດຮອບດ້ານໃຫ້ແທດຈິງກວ່າ |
 |
| ທ່ານຮອງນາຍົກລັດຖະມົນຕີ, ລັດຖະມົນຕີກະຊວງຍຸຕິທຳ ຫວຽດນາມ ເລແທງລອງ ແລະ ທ່ານລັດຖະມົນຕີກະຊວງນິຕິບັນຍັດລັດຖະບານ ສ.ເກົາຫຼີ LEE Wan-kyu. |
ນີ້ແມ່ນການເຄື່ອນໄຫວລະອຽດ ແລະ ແທດຈິງໃນການປະຕິບັດບົດບັນທຶກຊ່ວຍຈຳການຮ່ວມມືລະຫວ່າງກະຊວງຍຸຕິທຳ ຫວຽດນາມ ແລະ ກະຊວງນິຕິບັນຍັດລັດຖະບານ ສ.ເກົາຫຼີ ໃນ ປີ 2012, ບົນພື້ນຖານການພົວພັນຄູ່ຮ່ວມມືຍຸດທະສາດຮອບດ້ານ ຫວຽດນາມ - ສ.ເກົາຫຼີ (ໄດ້ຮັບການຍົກລະດັບໃນເດືອນ ມີຖຸນາ ປີ 2023),
ທີ່ການໂອ້ລົມສົນທະນາ, ທ່ານຮອງນາຍົກລັດຖະມົນຕີ, ລັດຖະມົນຕີກະຊວງຍຸຕິທຳ ຫວຽດນາມ ເລແທງລອງ ໄດ້ຕີລາຄາຢ່າງສູງການພົວພັນຮ່ວມມືມິດຕະພາບອັນດີງາມລະຫວ່າງ ຫວຽດນາມ ແລະ ສ.ເກົາຫຼີ ໃນໄລຍະທີ່ຜ່ານມາ, ຢືນຢັນວ່າ ຫວຽດນາມ ຖືເປັນສຳຄັນການພົວພັນຄູ່ຮ່ວມມືຍຸດທະສາດຮອບດ້ານ ຫວຽດນາມ - ສ ເກົາຫຼີ, ປາຖະໜາວ່າ 2 ປະເທດຈະສືບຕໍ່ຍົກສູງປະສິດທິຜົນການຮ່ວມມືໃນທຸກຂົງເຂດ ເພື່ອໃຫ້ແທດເໝາະກັບເນື້ອໃນ ແລະ ເນື້ອແທ້ຂອງການພົວພັນຄູ່ຮ່ວມມືຍຸດທະສາດຮອບດ້ານ, ຜັນຂະຫຍາຍປະຕິບັດ “ໂຄງການກະທຳກ່ຽວກັບການຜັນຂະຫຍາຍການພົວພັນຄູ່ຮ່ວມມືຍຸດທະສາດຮອບດ້ານ ຫວຽດນາມ - ສ.ເກົາຫຼີ” ທີ່ໄດ້ລົງນາມໃນໂອກາດຢ້ຽມຢາມ ຫວຽດນາມ ທາງລັດຖະກິດຂອງທ່ານປະທານາທິບໍດີ ສ.ເກົາຫຼີ Yoon Suk Yeol ໃນເດືອນ ມີຖຸນາ ປີ 2023 ຢ່າງມີປະສິດທິຜົນ.
 |
| ທ່ານຮອງນາຍົກລັດຖະມົນຕີ, ລັດຖະມົນຕີກະຊວງຍຸຕິທຳ ຫວຽດນາມ ເລແທງລອງ ໄດ້ມີການໂອ້ລົມເຈລະຈາກັບລັດຖະມົນຕີກະຊວງນິຕິບັນຍັດລັດຖະບານ ສ.ເກົາຫຼີ, ທ່ານ LEE Wan-kyu. |
ທ່ານຮອງນາຍົກລັດຖະມົນຕີ, ລັດຖະມົນຕີວ່າການກະຊວງຍຸຕິທຳ ຫວຽດນາມ ເລແທງລອງ ໄດ້ແຈ້ງກ່ຽວກັບສະພາບເສດຖະກິດ-ສັງຄົມຂອງ ຫວຽດນາມ ໃນ 5 ເດືອນຕົ້ນປີ 2024 ໂດຍຫຍໍ້, ບັນດານະໂຍບາຍ, ທິດທາງຂອງພັກກອມມູນິດ ຫວຽດນາມ ໃນຂົງເຂດກໍ່ສ້າງ ແລະ ເຮັດສຳເລັດລັດແຫ່ງອຳນາດກົດໝາຍສັງຄົມນິຍົມ ຕາມເອກະສານຂອງກອງປະຊຸມໃຫຍ່ທົ່ວປະເທດຄັ້ງທີ 13 ຂອງພັກ ແລະ ມະຕິເລກທີ 27-NQ/TW ລົງວັນທີ 9 ພະຈິກ ປີ 2022 ຂອງຄະນະບໍລິຫານງານສູນກາງພັກ ຊຸດທີ 13, ເຊິ່ງກຳນົດເປົ້າໝາຍຮອດ ປີ 2030 ຈະສ້າງໄດ້ “ລະບົບກົດໝາຍປະຊາທິປະໄຕ, ຍຸຕິທຳ, ມະນຸດສະທຳ, ສົມບູນ, ສະໝ່ຳສະເໝີ, ເປັນເອກະພາບ, ທັນການ, ມີຄວາມເປັນໄປໄດ້, ເປີດເຝີຍ, ໂປ່ງໃສ, ໝັ້ນຄົງ ແລະ ເຂົ້າເຖິງໄດ້ງ່າຍ, ເປີດທິດໃຫ້ແກ່ການປະດິດສ້າງ, ການພັດທະນາແບບຍືນຍົງ ແລະ ກົນໄກການຈັດຕັ້ງປະຕິບັດກົດໝາຍຢ່າງເຂັ້ມງວດ".
ໃນໄລຍະຈະມາເຖິງ, ການຈັດຕັ້ງປະຕິບັດມະຕິ 27-NQ/TW ຈະວາງອອກຄວາມຮຽກຮ້ອງຕ້ອງການ ແລະ ໜ້າທີ່ໃໝ່ຫຼາຍຢ່າງໃຫ້ແກ່ລັດຖະບານ ຫວຽດນາມ ເວົ້າລວມ, ກະຊວງ ແລະ ຂະແໜງຍຸຕິທຳ ເວົ້າສະເພາະ, ພິເສດແມ່ນການຫັນເປັນດີຈີຕອນ (ໃນທຸກຂັ້ນຕອນນັບແຕ່ການສ້າງກົດໝາຍເຖິງ ອົງການຈັດຕັ້ງປະຕິບັດກົດຫມາຍ ແລະ ການຄຸ້ມຄອງລັດຂອງຂະແຫນງການຈຳນວນໜຶ່ງທີ່ກະຊວງຍຸຕິທໍາໄດ້ຮັບການມອບຫມາຍໃຫ້).
ສະນັ້ນ, ການຂະຫຍາຍ ແລະ ເພີ່ມທະວີການຮ່ວມມື, ແລກປ່ຽນປະສົບການກັບບັນດາອົງການນິຕິບັນຍັດ ແລະ ຍຸຕິທຳຂອງບັນດາປະເທດທີ່ມີປະສົບການ ແລະ ພຶດຕິກຳຕົວຈິງທີ່ດີໃນດ້ານນີ້, ໃນນັ້ນມີກະຊວງນິຕິບັນຍັດລັດຖະບານ ສ.ເກົາຫຼີ ແມ່ນມີຄວາມຈຳເປັນຢ່າງພາວະວິໃສ.
 |
| ທ່ານຮອງນາຍົກລັດຖະມົນຕີ, ລັດຖະມົນຕີກະຊວງຍຸຕິທຳ ຫວຽດນາມ ເລແທງລອງ ແລະ ທ່ານລັດຖະມົນຕີກະຊວງນິຕິບັນຍັດລັດຖະບານ ສ.ເກົາຫຼີ LEE Wan-kyu ໄດ້ລົງນາມໃນຈົດໝາຍເຈດຈຳນົງການຮ່ວມມື ໄລຍະ ປີ 2025-2029. |
ທ່ານຮອງນາຍົກລັດຖະມົນຕີ, ລັດຖະມົນຕີກະຊວງຍຸຕິທຳ ຫວຽດນາມ ເລແທງລອງ ກໍ່ເນັ້ນໜັກວ່າ ດ້ວຍຈຳນວນຊາວ ຫວຽດນາມ ຢູ່ ສ.ເກົາຫຼີ ແລະ ຊາວ ສ.ເກົາຫຼີ ທີ່ພວມອາໄສ ແລະ ເຮັດວຽກຢູ່ ຫວຽດນາມ ເປັນຈຳນວນຫຼວງຫຼາຍ ມີການພົບປະແລກປ່ຽນພົນລະເຮືອນ, ແຕ່ງງານ - ຄອບຄົວ, ການຄ້າ... ລະຫວ່າງສອງຝ່າຍນັບມື້ນັບເພີ່ມຂຶ້ນ, ກໍ່ພ້ອມກັບບັນຫາດ້ານກົດໝາຍຫຼາຍຢ່າງທີ່ເກີດຂຶ້ນໃໝ່.
ບົນພື້ນຖານນັ້ນ, ສອງປະເທດຕ້ອງເພີ່ມທະວີການຮ່ວມມືດ້ານກົດໝາຍ ແລະ ຍຸຕິທຳຢ່າງເລິກເຊິ່ງ, ມີປະສິດທິຜົນ ແລະ ແທດຈິງ, ສ້າງພື້ນຖານເພື່ອຮັບປະກັນສິດ ແລະ ຜົນປະໂຫຍດຂອງປະຊາຊົນສອງປະເທດ ໃນຂະນະທີ່ຮັບປະກັນພື້ນຖານການພັດທະນາຮ່ວມລະຫວ່າງສອງປະເທດ.
ກ່ຽວກັບການຮ່ວມມືລະຫວ່າງກະຊວງຍຸຕິທຳ ຫວຽດນາມ ແລະ ກະຊວງນິຕິບັນຍັດລັດຖະບານ ສ.ເກົາຫຼີ, ທ່ານຮອງນາຍົກລັດຖະມົນຕີ, ລັດຖະມົນຕີກະຊວງຍຸຕິທຳ ເລແທງລອງ ໄດ້ຕີລາຄາຢ່າງສູງວ່າ ໃນໄລຍະຜ່ານມາ, ສອງກະຊວງໄດ້ສົມທົບກັນຢ່າງຕັ້ງໜ້າເພື່ອປະຕິບັດບົດບັນທຶກຊ່ວຍຈຳການຮ່ວມມື ທີ່ລົງນາມໃນວັນທີ 28 ມິຖຸນາ ປີ 2012 ແມ່ນມີປະສິດທິຜົນດີພໍສົມຄວນ.
 |
| ຄະນະຜູ້ແທນສອງປະເທດໄດ້ຖ່າຍຮູບທີ່ລະນຶກຢູ່ທີ່ສຳນັກງານກະຊວງຍຸຕິທຳ ຫວຽດນາມ. |
ພ້ອມກັນນັ້ນ, ກໍ່ໄດ້ສະເໜີໃຫ້ສອງກະຊວງສືບຕໍ່ຍູ້ແຮງບັນດາການເຄື່ອນໄຫວຮ່ວມມືສະເພາະຄື: ສົມທົບກັນຢ່າງຕັ້ງໜ້າ ເພື່ອແນໃສ່ເພີ່ມທະວີການຮ່ວມມືໃນຂົງເຂດຍົກສູງປະສິດທິຜົນຂອງລະບົບຂໍ້ມູນຂ່າວສານກ່ຽວກັບກົດໝາຍຢູ່ ຫວຽດນາມ ຕິດພັນກັບຄວາມຮຽກຮ້ອງຕ້ອງການຫັນເປັນດິຈິຕອນໃນການສ້າງກົດຫມາຍ ແລະ ການເຜີຍແຜ່ກົດຫມາຍຜ່ານບັນດາຮູບແບບທີ່ມີໄຫວພິບ; ປະສານສົມທົບ ແລະ ສະໜັບສະໜູນເຊິ່ງກັນ ແລະ ກັນໃນບັນດາອົງການຈັດຕັ້ງສາກົນ, ບັນດາເວທີປາໄສຫຼາຍຝ່າຍກ່ຽວກັບການຮ່ວມມືດ້ານກົດໝາຍ.
ທ່ານລັດຖະມົນຕີ Lee Wan-kyu ໄດ້ເຫັນດີເປັນເອກະພາບກັບຄຳເຫັນຂອງທ່ານຮອງນາຍົກລັດຖະມົນຕີ, ລັດຖະມົນຕີກະຊວງຍຸຕິທຳ ຫວຽດນາມ ເລແທງລອງ ແລະ ຢືນຢັນວ່າ: ທ່ານ ແລະ ກະຊວງຍຸຕິທຳ ຫວຽດນາມ ຈະສືບຕໍ່ຊຸກຍູ້ບັນດາການເຄື່ອນໄຫວຮ່ວມມືຢ່າງແທດຈິງ ແລະ ມີປະສິດທິຜົນ, ໃນນັ້ນມີບັນດາເນື້ອໃນທີ່ທ່ານຮອງນາຍົກລັດຖະມົນຕີ, ລັດຖະມົນຕີ ເລແທງລອງ ໄດ້ຍົກອອກ, ພິເສດແມ່ນຊຸກຍູ້ ແລະ ລົງເລິກການຮ່ວມມືລະຫວ່າງ 2 ຝ່າຍໃນຂົງເຂດກົດໝາຍ ແລະ ຍຸຕິທຳ, ເພື່ອແນໃສ່ຮັບປະກັນສິດ ແລະ ຜົນປະໂຫຍດຂອງພົນລະເມືອງຂອງ 2 ປະເທດ ເວົ້າສະເພາະ ແລະ ຄວາມປາດຖະໜາຂອງການນຳຂັ້ນສູງ 2 ປະເທດໃນຖະແຫຼງການວ່າດ້ວຍການຍົກລະດັບການພົວພັນຄູ່ຮ່ວມມືຍຸດທະສາດຮອບດ້ານ ເວົ້າລວມ.
ພາຍຫຼັງສິ້ນສຸດການໂອ້ລົມເຈລະຈາ, ລັດຖະມົນຕີສອງປະເທດໄດ້ລົງນາມໃນຈົດໝາຍເຈດຈຳນົງການຮ່ວມມື (2025-2029) ລະຫວ່າງກະຊວງຍຸຕິທຳ ຫວຽດນາມ ແລະ ກະຊວງນິຕິບັນຍັດລັດຖະບານ ສ.ເກົາຫຼີ ກ່ຽວກັບການກໍ່ສ້າງລະບົບຂໍ້ມູນຂ່າວສານທາງດ້ານກົດໝາຍຢູ່ ຫວຽດນາມ.
 | ປຶ້ມພາສາ ຫວຽດນາມ - ຂອງຂວັນທີ່ແທດຈິງໃຫ້ແກ່ຊາວ ຫວຽດນາມ ອາໄສຢູ່ ສ.ເກົາຫຼີ. ຍສໝ - ເນື່ອງໃນໂອກາດການໄປປະຕິບັດງານຢູ່ ສ.ເກົາຫຼີ, ທ່ານ ຫວູວັນຮວ່ານ, ຮອງປະທານຄະນະກຳມະການປະຊາຊົນນະຄອນ ໂຮ່ຈີມິນ ໄດ້ນຳໜ້າຄະນະປະຕິບັດງານໄປຢ້ຽມຢາມ, ພົບປະແລກປ່ຽນ ແລະ ມອບຕູ້ປຶ້ມພາສາ ຫວຽດນາມ ໃຫ້ປະຊາຄົມຊາວ ຫວຽດນາມ ຢູ່ ສ.ເກົາຫຼີ. |
 | ສະເໜີການສ້າງຕັ້ງສູນວັດທະນະທຳ ຫວຽດນາມ ຢູ່ ສ.ເກົາຫຼີ ຍສໝ - ນີ້ແມ່ນຄຳສະເໜີຂອງທ່ານ ຫຼີເຊື່ອງກັ່ນ, ເອກອັກຄະລັດຖະທູດການທ່ອງທ່ຽວ ຫວຽດນາມ ປະຈຳ ສ.ເກົາຫຼີ ທີ່ການພົບປະກັບທ່ານຮອງລັດຖະມົນຕີກະຊວງວັດທະນະທຳ, ກິລາ ແລະ ທ່ອງທ່ຽວ ໂຮ່ອ່ານຟ່ອງ ໃນວັນທີ 24 ເມສາ ຢູ່ ຮ່າໂນ້ຍ. |
ມິງດຶກ
