ກອງປະຊຸມສົ່ງເສີມການລົງທຶນຢູ່ ອາຟຣິກາ ໃຕ້ ແມ່ນການເຄື່ອນໄຫວໂດຍແຂວງ ຫາຍເຢືອງ ສົມທົບກັບສະຖານທູດ ຫວຽດນາມ ປະຈຳ ອາຟຣິກາ ໃຕ້, ຫ້ອງການ ການຄ້າ ແລະ ອຸດສາຫະກຳ ອາຟຣິກາ ໃຕ້ ຈັດຕັ້ງ. ເຂົ້າຮ່ວມກອງປະຊຸມມີຜູ້ຕາງໜ້າບັນດາວິສາຫະກິດ ອາຟຣິກາ ໃຕ້ ເກືອບ 50 ທ່ານໃນບັນດາຂົງເຂດພະລັງງານ, ການຢາ-ການແພດ, ບໍ່ແຮ່, ການລົງທຶນດ້ານການເງິນ, ການພັດທະນາສະໜາມ golf…
 |
| ທ່ານ ເຈີ່ນດຶກຖັງ ເລຂາພັກແຂວງ ຫາຍເຢືອງ ແຈ້ງກ່ຽວກັບສະພາບການພັດທະນາເສດຖະກິດ-ສັງຄົມຂອງແຂວງໂດຍສັງເຂບ. (ພາບ: ໜັງສືພິມ ຫາຍເຢືອງ) |
ກ່າວຄຳປາໄສທີ່ກອງປະຊຸມ, ທ່ານ ເຈີ່ນດຶກຖັງ ໄດ້ແຈ້ງໂດຍສັງເຂບກ່ຽວກັບສະພາບການພັດທະນາເສດຖະກິດ - ສັງຄົມຂອງ ຫາຍເຢືອງ, ບັນດາຂົງເຂດທີ່ດຶງດູດການລົງທຶນ, ກຳລັງບົ່ມຊ້ອນການຮ່ວມມື, ພັດທະນາຂອງ ຫາຍເຢືອງ ກັບວິສາຫະກິດ ອາຟຣິກາ ໃຕ້. ໃນນັ້ນ, ທ່ານໄດ້ເນັ້ນໜັກເຖິງຂົງເຂດອຸດສາຫະກຳ, ກະສິກຳ ແລະ ການບໍລິການ. ທ່ານ ເຈີ່ນດຶກຖັງ ໃຫ້ຄຳໝັ້ນສັນຍາວ່າ ແຂວງ ຫາຍເຢືອງ ຈະສ້າງທຸກເງື່ອນໄຂສະດວກທີ່ສຸດໃຫ້ບັນດາວິສາຫະກິດ ອາຟຣິກາ ໃຕ້ ເພື່ອລົງທຶນເຂົ້າໃນແຂວງ.
ຕາມທ່ານ Neil Pollock, ຮອງປະທານຫ້ອງການໆ ການຄ້າ ແລະ ອຸດສາຫະກຳ ອາຟຣິກາ ໃຕ້ ແລ້ວ, ບັນດາຂໍ້ມູນຂອງທ່ານ ເຈີ່ນດຶກຖັງ ຍົກອອກໄດ້ຊ່ວຍໃຫ້ວິສາຫະກິດ ອາຟຣິກາ ໃຕ້ ເຂົ້າໃຈຫວຽດນາມ ເວົ້າລວມ ແລະ ແຂວງ ຫາຍເຢືອງ ເວົ້າສະເພາະ ຫຼາຍກ່ວາອີກ. ມີວິສາຫະກິດຫຼາຍແຫ່ງທີ່ສົນໃຈຊອກຮູ້ກ່ຽວກັບສະພາບແວດລ້ອມແຫ່ງການລົງທຶນຢູ່ ຫາຍເຢືອງ ຢ່າງເລິກເຊິ່ງ ກໍ່ລ້ວນແຕ່ໄດ້ຮັບຄຳອະທິບາຍລະອຽດຈາກການນຳແຂວງ.
 |
| ທ່ານ Neil Pollock, ຮອງປະທານຫ້ອງການ ການຄ້າ ແລະ ອຸດສາຫະກຳ ອາຟຣິກາໃຕ້ ກ່າວຄຳປາໄສທີ່ກອງປະຊຸມ. (ພາບ: ໜັງສືພິມ ຫາຍເຢືອງ) |
ຜ່ານນັ້ນ, ທ່ານ Neil Pollock ກໍ່ຫວັງວ່າ ຈະມີວິສາຫະກິດລົງທຶນເຂັ້າໃນແຂວງຫາຍເຢືອງ ກໍຄືມີວິສາຫະກິດ ຫວຽດນາມ ຫຼາຍແຫ່ງມາລົງທຶນຢູ່ ອາຟຣິກາ ໃຕ້. "ຫ້ອງການ ການຄ້າ ແລະ ອຸດສາຫະກຳ ອາຟຣິກາ ໃຕ້ ຈະເປັນຂົວຕໍ່ທີ່ມີປະສິດທິຜົນເພື່ອຫັນການປະຕິບັດເນື້ອໃນສົ່ງເສີມການລົງທຶນ, ການຄ້າຢູ່ກອງປະຊຸມໃຫ້ປະກົດຜົນເປັນຈິງ". ທ່ານໃຫ້ຮູ້.
ຕໍ່ຈາກນັ້ນ, ຄະນະປະຕິບັດງານ ໄດ້ມີການພົບປະເຮັດວຽກກັບສະມາຄົມການນຳເຂົ້າ-ສົ່ງອອກໝາກໄມ້ຂອງ ອາຟຣິກາ ໃຕ້ ຢູ່ນະຄອນ Cape Town. ຢູ່ທີ່ນີ້, ບັນດາວິສາຫະກິດໄດ້ແລກປ່ຽນຂໍ້ມູນກ່ຽວກັບສະພາບການສົ່ງອອກໝາກໄມ້ສົດຂອງ ອາຟຣິກາ ໃຕ້, ລວມມີໝາກໄມ້ປະເພດງີມ, ໝາກໄມ້ທີ່ມີແກ່ນແຂງ, ພິເສດແມ່ນໝາກອະງຸ່ນ. ນີ້ແມ່ນໝາກໄມ້ທີ່ທ່າແຮງຂອງ ອາຟຣິກາ ໃຕ້, ໃນແຕ່ລະປີໄດ້ສົ່ງອອກໄປຕ່າງປະເທດກວ່າ 4 ລ້ານໂຕນ ດ້ວຍຍອດມູນຄ່າປະມານ 5 ຕື້ USD, ຕົ້ນຕໍແມ່ນໄປຍັງທ້ອງຕະຫຼາດ ເອີລົບ, ກວມກວ່າ 35% ຂອງປະລິມານ. ສະເພາະຢູ່ທ້ອງຕະຫຼາດ ຫວຽດນາມ, ອາຟຣິກາ ໃຕ້ ຫາກໍ່ຮ່ວມມືສົ່ງອອກໝາກກ້ຽງ ຈຳນວນໜ້ອຍໜຶ່ງ.
ກ່າວຄຳປາໄສທີ່ການພົບປະເຮັດວຽກ, ຜູ້ຕາງໜ້າສະມາຄົມການນຳເຂົ້າ-ສົ່ງອອກໝາກໄມ້ຂອງ ອາຟຣິກາ ໃຕ້ ໃຫ້ຮູ້ວ່າ ປະຈຸບັນ, ສະມາຄົມພວມສົ່ງເສີມເພື່ອນຳເອົາໝາກອະງຸ່ນເຂົ້າທ້ອງຕະຫຼາດ ຫວຽດນາມ ໂດຍຜ່ານການຮ່ວມມືກັບບັນດາວິສາຫະກິດ ອາຟຣິກາ ໃຕ້ ເພື່ອຜະລິດ, ໜູນຊ່ວຍເຕັກນິກລົງເລິກການປຸງແຕ່ງ, ນຳເອົາໝາກໄມ້ຂອງ ຫວຽດນາມ ແລະ ອາຟຣິກາ ໃຕ້ ມາໃຫ້ຜູ້ບໍລິໂພກທັງສອງປະເທດ.
ທ່ານ ເຈີ່ນດຶກຖັງ ສະເໜີໃຫ້ວິສາຫະກິດສອງປະເທດ, ໂດຍຜ່ານສະຖານທູດ 2 ປະເທດ, ສົມທົບກັນຢ່າງແໜ້ນແຟ້ນ ເພື່ອຊຸກຍູ້ການນຳໝາກໄມ້ຂອງ 2 ປະເທດມາສູ່ຜູ້ບໍລິໂພກ ຫວຽດນາມ, ອາຟຣິກາ ໃຕ້. ທ່ານກໍ່ສະເໜີໃຫ້ບັນດາວິສາຫະກິດ ອາຟຣິກາ ໃຕ້ ລົງທຶນເຂົ້າໃນລະບົບເກັບຮັກສາ, ປຸງແຕ່ງ ແລະ ສ້າງສູນຈຳໜ່າຍໝາກໄມ້ເຂັ້າ ຫວຽດນາມ ຢູ່ ຫາຍເຢືອງ.
ພາຍຫຼັງການພົບປະເຮັດວຽກ, ຄະນະຜູ້ແທນ ໄດ້ລົງຢ້ຽມຢາມສະຖານທີ່ຜະລິດ, ປຸງແຕ່ງ, ເກັບຮັກສາໝາກໄມ້ຂອງບັນດາວິສາຫະກິດ ອາຟຣິກາ ໃຕ້ ທີ່ນຳໃຊ້ເຕັກໂນໂລຢີສູງຈຳນວນໜຶ່ງ.
 | ວິສາຫະກິດຫວຽດນາມ - ລາວ ສົ່ງເສີມການນຳເຂົ້າ-ສົ່ງອອກທີ່ຕິດພັນກັບການຫັນເປັນດິຈິຕອນ ຍສໝ - ນັບແຕ່ວັນທີ 28 ມິຖຸນາ ຫາ 30 ມິຖຸນາ 2024, ທີ່ນະຄອນຫຼວງວຽງຈັນ, ສປປ ລາວ ຈະດຳເນີນການສຳມະນາ "ສົ່ງເສີມການນໍາເຂົ້າ ແລະ ສົ່ງອອກທີ່ຕິດພັນກັບການຫັນເປັນດິຈິຕອນ" ເພື່ອແລກປ່ຽນປະສົບການການນຳໃຊ້ການຫັນເປັນດິຈິຕອນ ໃນການຮ່ວມມືດ້ານການຄ້າ ແລະ ການນໍາເຂົ້າ-ສົ່ງອອກລະຫວ່າງວິສາຫະກິດ ຫວຽດນາມ - ລາວ. |
 | VASEA: ຈະໃຫ້ບຸລິມະສິດບັນດາການເຄື່ອນໄຫວ, ໂຄງການທີ່ ອົດສະຕຣາລີ ແລະ ຫວຽດນາມ ໄດ້ຕົກລົງເປັນເອກະພາບກັນ ຍສໝ - ນັ້ນແມ່ນຂໍ້ມູນທີ່ທ່ານສາດສະດາຈານ ຫງຽມດຶກລອງ, ປະທານສະມາຄົມປັນຍາຊົນ ແລະ ຊ່ຽວຊານ ຫວຽດນາມ ປະຈຳ ອົດສະຕຣາລີ (VASEA) ແບ່ງປັນໃນກອງປະຊຸມໃຫຍ່ປະຈຳປີຄັ້ງທຳອິດຂອງ VASEA. |
