ວັນທີ 8 ມິຖຸນາ 2024, ກະຊວງອຸດສາຫະກຳ ແລະ ການຄ້າລາວ, ຫ້ອງວ່າການການຄ້າ ແລະ ອຸດສາຫະກຳລາວ ພ້ອມກັນກັບບໍລິສັດຫຸ້ນສ່ວນການລົງທຶນການຄ້າ ແລະ ພັດທະນາ ຫງວຽນອ່ານ (NATRA) ໄດ້ລົງນາມໃນບົດບັນທຶກຊ່ວຍຈຳການຮ່ວມມືສາມຝ່າຍກ່ຽວກັບການເປັນປະທານປະສານງານການຈັດຕັ້ງສຳມະນາ "ການສົ່ງເສີມການນໍາເຂົ້າ ແລະ ສົ່ງອອກທີ່ຕິດພັນກັບການຫັນເປັນດິຈິຕອນ".
ການສຳມະນາ ຄາດວ່າຈະດຳເນີນນັບແຕ່ວັນທີ 28 ຫາວັນທີ 30 ມິຖຸນາ 2024 ທີ່ນະຄອນຫຼວງວຽງຈັນ, ລາວ. ນີ້ແມ່ນເຫດການສຳຄັນໂດຍການນຳແຫ່ງລັດ ລາວ ໄດ້ໃຫ້ຄວາມສົນໃຈໃນການຈັດຕັ້ງຕໍ່ຈາກພາຍຫຼັງການຢ້ຽມຢາມລາວ ຢ່າງເປັນທາງການຂອງທ່ານລັດຖະມົນຕີກະຊວງອຸດສາຫະກຳ ແລະ ການຄ້າ ຫວຽດນາມ ຢູ່ ວຽງຈັນ, ໄດ້ລົງນາມໃນສັນຍາການຄ້າ ຫວຽດນາມ - ລາວ ສະບັບໃໝ່ໃນວັນທີ 8 ເມສາ 2024 ເພື່ອເພີ່ມທະວີການຮ່ວມມືມິດຕະພາບ ແລະ ການເຄື່ອນໄຫວການຄ້າສອງສົ້ນ ຫວຽດນາມ - ລາວ, ພ້ອມກັນນັ້ນ ກໍ່ຊຸກຍູ້ຂະບວນການຫັນເປັນດີຈີຕອນໃນການເຄື່ອນໄຫວນຳເຂົ້າ-ສົ່ງອອກລະຫວ່າງສອງປະເທດ.
 |
| ກະຊວງອຸດສາຫະກຳ ແລະ ການຄ້າລາວ, ຫ້ອງວ່າການການຄ້າ ແລະ ອຸດສາຫະກຳລາວ ພ້ອມກັນກັບບໍລິສັດຫຸ້ນສ່ວນການລົງທຶນການຄ້າ ແລະ ພັດທະນາ ຫງວຽນອ່ານ (NATRA) ໄດ້ລົງນາມໃນບົດບັນທຶກຊ່ວຍຈຳການຮ່ວມມືສາມຝ່າຍກ່ຽວກັບການເປັນປະທານປະສານງານໃນການຈັດຕັ້ງການສຳມະນາ "ສົ່ງເສີມການນໍາເຂົ້າ ແລະ ສົ່ງອອກທີ່ຕິດພັນກັບການຫັນເປັນດິຈິຕອນ" |
ຊຸກຍູ້ການນຳເຂົ້າ-ສົ່ງອອກລະຫວ່າງ ຫວຽດນາມ - ລາວ ທີ່ຕິດພັນກັບການຫັນເປັນດີຈີຕອນ
ການສຳມະນາ "ການສົ່ງເສີມການນໍາເຂົ້າ ແລະ ສົ່ງອອກທີ່ຕິດພັນກັບການຫັນເປັນດິຈິຕອນ" ຄາດວ່າຈະມີການເຂົ້າຮ່ວມຂອງຜູ້ຕາງໜ້າບັນດາກະຊວງ, ຄະນະ, ຂະແໜງການຂອງຫວຽດນາມ ແລະ ລາວ; ບັນດາຜູ້ຊ່ຽວຊານ, ນັກປາຖະກະຖາທີ່ຊື່ສຽງໃນຂົງເຂດການນຳເຂົ້າ-ສົ່ງອອກ ແລະ ການຫັນເປັນດີຈີຕອນ; ພິເສດແມ່ນການເຂົ້າຮ່ວມຂອງວິສາຫະກິດຫວຽດນາມ ປະມານ 150 ແຫ່ງທີ່ມີຄວາມສົນໃຈ ແລະ ພວມປະຕິບັດເຄື່ອນໄຫວນຳເຂົ້າ-ສົ່ງອອກກັບລາວ ພ້ອມທັງວິສາຫະກິດລາວ ປະມານ 20 ແຫ່ງ.
ຕາມລາຍການ, ໃນຂອບເຂດຂອງການສຳມະນາ ຈະດຳເນີນ 03 ວາລະສຳມະນາບັນຫາສະເພາະໂດຍສຸມໃສ່ປຶກສາຫາລື, ແລກປ່ຽນບັນດາເນື້ອໃນຕົ້ນຕໍລວມມີ:
ວາລະທີ 1: ມາດຕະການແກ້ໄຂການຊຸກຍູ້ການເຄື່ອນໄຫວນຳເຂົ້າ-ສົ່ງອອກທີ່ຕິດພັນກັບການຫັນເປັນດີຈີຕອນໃນສະພາບການໂລກທີ່ຄາດເດົາໄດ້ຍາກ, ເພີ່ມທະວີການອຳນວຍຄວາມສະດວກດ້ານການຄ້າ ໄປສູ່ການສ້າງຄູ່ດ່ານຊາຍແດນທີ່ອັດສະລິຍະໃນການຄ້າຂ້າມຊາຍແດນ
ວາລະທີ 2: ການນຳໃຊ້ຢ່າງສ້າງສັນ ແລະ ມີປະສິດທິຜົນຂອງແຫຼ່ງຊ່ວຍເຫຼືອລັດຖະບານ ແລະ ບໍ່ຂຶ້ນກັບລັດຖະບານລາວ, ດ້ວຍເປົ້າໝາຍຊຸກຍູ້ການເຄື່ອນໄຫວການນຳເຂົ້າ - ສົ່ງອອກ;
ວາລະທີ 3: ຫວຽດນາມ - ລາວ ແລກປ່ຽນປະສົບການໃນການຮ່ວມມືດ້ານການຄ້າ ແລະ ການນຳເຂົ້າ - ສົ່ງອອກທີ່ຕິດພັນກັບການຫັນເປັນດິຈິຕອນ;
ໃນຂອບເຂດຂອງການສຳມະນາ ຍັງຈະດຳເນີນບັດດາວາລະສົນທະນາກ່ຽວກັບເນື້ອໃນທີ່ກ່ຽວຂ້ອງເຖິງບັນດາວາລະສຳມະນາບັນຫາສະເພາະ; ກອງປະຊຸມເຈລະຈາດ້ວຍຫົວຂໍ້ “ຂໍ້ສະເໜີສ້າງແລວທາງດ້ານກົດໝາຍໃຫ້ສົມບູນແບບໃນຂົງເຂດ logistics ແລະ ອຳນວຍຄວາມສະດວກດ້ານການຄ້າ”; ເຄື່ອນໄຫວລົງນາມໃນບົດບັນທຶກການຮ່ວມມືລະຫວ່າງອົງການຄຸ້ມຄອງລັດຫວຽດນາມ ແລະ ລາວ; ລະຫວ່າງບັນດາວິສາຫະກິດ, ຫນ່ວຍງານທີ່ເຄື່ອນໄຫວໃນຂົງເຂດສະຫນອງການແກ້ໄຂເຕັກໂນໂລຢີ ແລະ ອຸປະກອນສະແດງການຊ່ວຍເຫຼືອ...
ກ່າວຄຳປາໄສທີ່ພິທີລົງນາມໃນບົດບັນທຶກຊ່ວຍຈຳກ່ຽວກັບການຈັດຕັ້ງການສຳມະນາ, ຜູ້ຕາງໜ້າກະຊວງອຸດສາຫະກຳ ແລະ ການຄ້າລາວ ໄດ້ເນັ້ນໜັກເຖິງແຜນນະໂຍບາຍສ້າງເງື່ອນໄຂສະດວກໃຫ້ແກ່ການເຄື່ອນໄຫວດ້ານການຄ້າສາກົນລະຫວ່າງລາວ ແລະ ບັນດາປະເທດ. ຍ້ອນແນວນັ້ນ, ການຮ່ວມມືກັບ NATRA ໃນຂົງເຂດຫັນເປັນດິຈິຕອນ ແລະ ສົມທົບກັບຫ້ອງວ່າການການຄ້າ ແລະ ອຸດສາຫະກຳລາວ ຈັດຕັ້ງການສຳມະນາບໍ່ພຽງແຕ່ປະຕິບັດຄຳໝັ້ນສັນຍາໃນຂອບເຂດການຮ່ວມມືມິດຕະພາບສອງຝ່າຍ ຫວຽດນາມ-ລາວ ຫາກຍັງໃກ້ຊິດຕິດແທດກັບແຜນນະໂຍບາຍພັດທະນາເສດຖະກິດຂອງກະຊວງອຸດສາຫະກຳ ແລະ ການຄ້າລາວ ອີກດ້ວຍ.
ຜູ້ຕາງໜ້າ NATRA ໄດ້ຕີລາຄາສູງການກໍ່ໄດ້ຮ່ວມມືກັບກະຊວງອຸດສາຫະກຳ ແລະ ການຄ້າລາວ ໃນຂົງເຂດຫັນເປັນດີຈີຕອນ, ຈັດຕັ້ງການສຳມະນາບັນຫາສະເພາະ ແລະ ປະກອບສ່ວນຊຸກຍູ້ການພົວພັນຮ່ວມມື ແລະ ການລົງທຶນລະຫວ່າງວິສາຫະກິດ ຫວຽດນາມ ແລະ ລາວ. ພິເສດ, ໃນສະພາບການພື້ນຖານເສດຖະກິດຂອງໂລກ ໄດ້ຜັນແປຢ່າງຕໍ່ເນື່ອງທີ່ຄາດເດົາໄດ້ຍາກຄືປະຈຸບັນ, ການກຳແໜ້ນໂອກາດ ເພື່ອເປີດກ້ວາງທ້ອງຕະຫຼາດດຳເນີນທຸລະກິດ, ຫັນປະສິດທິພາບຂອງການເຄື່ອນໄຫວເປັນດີທີ່ສຸດ ໂດຍຜ່ານຂະບວນການຫັນເປັນດິຈິຕອນ ແລະ ການນໍາໃຊ້ອຸປະກອນເຕັກໂນໂລຢີໄປສູ່ຊີວິດ ແມ່ນຄວາມຕ້ອງການທີ່ສໍາຄັນສໍາລັບລະບົບຄຸ້ມຄອງ ແລະ ເຄື່ອນໄຫວຂອງວິສາຫະກິດສອງປະເທດ.
ດ້ວຍການສຳມະນາຄັ້ງນີ້, ບັນດາຜູ້ຈັດຕັ້ງ ໄດ້ມຸ່ງໄປເຖິງເປົ້າໝາຍຮັກສາການສຳມະນາສອງຝ່າຍທີ່ໄດ້ຈັດຕັ້ງເປັນປະຈຳປີ ແລະ ໜູນວຽນລະຫວ່າງສອງປະເທດ, ຄາດວ່າການສຳມະນາ ຈະກາຍເປັນຈຸດເຊື່ອມຕໍ່ບັນດາວິສາຫະກິດ ຫວຽດນາມ - ລາວ, ພ້ອມກັນນັ້ນ ກໍ່ຊຸກຍູ້ການພັດທະນາການຫັນເປັນດີຈີຕອນໃນຂະບວນການນຳເຂົ້າ-ສົ່ງອອກລະຫວ່າງສອງປະເທດ.
 | ງານມະຫາກຳສົ່ງເສີມການຄ້າ ແລະ ແລກປ່ຽນວັດທະນະທຳ ລະຫວ່າງ ຫວຽດນາມ - ລາວ ຍສໝ - ບັນດາຜູ້ແທນໄດ້ຮັບຊົມບັນດາລາຍການສະແດງສິລະປະ ທີ່ພົ້ນເດັ່ນຂອງ 2 ຊາດ ຫວຽດນາມ ແລະ ລາວ, ພ້ອມກັນຢ້ຽມຊົມຮ້ານວາງສະແດງໜັງສືຫວຽດເດີມ, ຜະລິດຕະພັນ, ສິນຄ້າຂອງ ສອງປະເທດ. |
 | ໄທ ຖືເປັນສຳຄັນການປົກປັກຮັກສາ ແລະ ພັດທະນາບັນດາສະຖານທີ່ຕິດພັນກັບການພົວພັນກັບ ຫວຽດນາມ ຍສໝ - ວັນທີ 17 ກຸມພານີ້, ທ່ານສີຈິ້ນຜິງ, ນາຍົກລັດຖະມົນຕີໄທໄດ້ໄປຢ້ຽມຢາມແລະປູກຕົ້ນໄມ້ຢູ່ເຂດອະນຸສອນສະຖານປະທານໂຮ່ຈິມິນ, ແຂວງ Nakhon Phanom. ຢືນຢັນວ່າ, ລັດຖະບານໄທຖືເປັນສຳຄັນການປົກປັກຮັກສາ ແລະ ພັດທະນາບັນດາສະຖານທີ່ປະຫວັດສາດ, ໄດ້ມີບົດບາດສຳຄັນໃນການພັດທະນາການພົວພັນລະຫວ່າງໄທ - ຫວຽດນາມ. |
ມິງດຶກ
