ຕອນເຊົ້າວັນທີ 12 ມິຖຸນາ 2024, ຄະນະກຳມະການ ຫວຽດນາມ ສາມັກຄີ ແລະ ການຮ່ວມມື ອາຊີ - ອາຟຣິກາ - ອາເມລິກາລາຕິນ (ຄະນະກຳມະການ) ໄດ້ຈັດຕັ້ງກອງປະຊຸມເປີດຕົວປຶ້ມ “ຄະນະກຳມະການ ຫວຽດນາມ ສາມັກຄີ ແລະ ການຮ່ວມມື ອາຊີ - ອາຟຣິກາ - ອາເມລີກາລາຕິນ: ບັນດາເສັ້ນທາງ, ບັນດາເພື່ອນມິດ”. ນີ້ແມ່ນໜຶ່ງໃນບັນດາການເຄື່ອນໄຫວກ້າວເຖິງສະເຫຼີມສະຫຼອງ 50 ປີແຫ່ງການໂຮມປະເທດຊາດເປັນເອກະພາບ, ປ່ຽນແປງໃໝ່ ແລະ ພັດທະນາ (1975 – 2025), ບັນດາວັນບຸນສຳຄັນຂອງປະເທດຊາດ ໃນປີ 2024, 2025 ແລະ ສະເຫຼີມສະຫຼອງ 70 ປີແຫ່ງວັນສ້າງຕັ້ງຄະນະກຳມະການ (19 ຕຸລາ 1956 - 2026).
ເຂົ້າຮ່ວມກອງປະຊຸມມີຜູ້ຕາງໜ້າການນຳບັນດາຄະນະ, ກະຊວງ, ຂະແໜງການ, ອົງການສູນກາງ; ການນຳສະຫະພັນບັນດາອົງການມິດຕະພາບຫວຽດນາມ ແລະ ບັນດາອົງການສະມາຊິກ.
 |
| ທ່ານ ຮສ.ປອ, ນັກປະພັນ ຫງວຽນເຖກີ້ - ອະດີດກຳມະການສູນກາງພັກ, ປະທານສະພາທິດສະດີ, ວິຈານວັນນະຄະດີ, ສິລະປະສູນກາງ, ປະທານຄະນະກຳມະການ ຫວຽດນາມ ສາມັກຄີ ແລະ ການຮ່ວມມື ອາຊີ - ອາຟຣິກາ - ອາເມລິກາລາຕິນ ກ່າວຄຳປາໄສເປີດກອງປະຊຸມ. (ພາບ: Dinh Hoa) |
ກ່າວຄຳປາໄສເປີດກອງປະຊຸມ, ທ່ານ ຮສ.ປອ, ນັກປະພັນ ຫງວຽນເຖກີ້ - ອະດີດກຳມະການສູນກາງພັກ, ປະທານສະພາທິດສະດີ, ວິຈານວັນນະຄະດີ, ສິລະປະສູນກາງ, ປະທານຄະນະກຳມະການ ຫວຽດນາມ ສາມັກຄີ ແລະ ການຮ່ວມມື ອາຊີ - ອາຟຣິກາ - ອາເມລິກາລາຕິນ ໄດ້ທົບທວນຄືນຂະບວນການສ້າງຕັ້ງ ແລະ ພັດທະນາຂອງຄະນະກຳມະການໃນເກືອບ 70 ປີຜ່ານມາ. ພ້ອມກັນນັ້ນ, ກໍ່ເນັ້ນໜັກວ່າ ການກຳເນີດ ແລະ ພັດທະນາຂອງຄະນະກຳມະການດັ່ງກ່າວ ຕິດພັນກັບການລະເບີດຂຶ້ນ ແລະ ພັດທະນາປະສົບຜົນສຳເລັດຂອງຂະບວນການປະຊາຊົນບັນດາປະເທດ ອາຊີ - ອາຟຣິກາ - ອາເມລິກາລາຕິນ ສາມັກຄີຕໍ່ສູ້ເພື່ອຍາດເອົາ ແລະ ປົກປັກຮັກສາສິດແຫ່ງຊາດ ແລະ ປະຊາທິປະໄຕໃນເຄິ່ງຫນຶ່ງຫຼັງສະຕະວັດ XX.
ໂດຍຜ່ານເກືອບ70 ປີແຫ່ງການສ້າງຕັ້ງ ແລະ ພັດທະນາ, ຄະນະກຳມະການ ໄດ້ມີບັນດາການປະກອບສ່ວນສຳຄັນເຂົ້າໃນການຕໍ່ສູ້ປົດປ່ອຍຊາດ, ໂຮມປະເທດຊາດເປັນເອກະພາບ, ກໍ່ສ້າງ ແລະ ປົກປັກຮັກສາປະເທດຊາດ ຫວຽດນາມ, ປະກອບສ່ວນເຂົ້າໃນການເພີ່ມທະວີການພົວພັນມິດຕະພາບ, ຄວາມສາມັກຄີ, ການຮ່ວມມືລະຫວ່າງປະຊາຊົນຫວຽດນາມ ແລະ ປະຊາຊົນບັນດາປະເທດ ອາຊີ - ອາຟຣິກາ - ອາເມລີກາລາຕິນ; ລະດົມຢ່າງຕັ້ງໜ້າ, ຍາດແຍ່ງການເປັນຈິດໜຶ່ງໃຈດຽວ, ການສະໜັບສະໜູນ ແລະ ໜູນຊ່ວຍໃນຫຼາຍດ້ານຂອງປະຊາຊົນບັນດາປະເທດ ອາຊີ - ອາຟຣິກາ - ອາເມລິກາລາຕິນ ເວົ້າລວມ ກັບ ຫວຽດນາມ, ຍົກສູງບົດບາດ, ທີ່ຕັ້ງ, ອິດທິພົນຂອງ ຫວຽດນາມ ຢູ່ບັນດາເວທີປາໄສປະຊາຊົນພາກພື້ນ ແລະ ໂລກ.
ຕາມທ່ານ ຫງວຽນເຖກີ້ ແລ້ວ, ດ້ວຍຄວາມເຄົາລົບ, ຄວາມຮູ້ບຸນຄຸນຢ່າງເລິກເຊິ່ງຕໍ່ການນຳ ແລະ ປະຊາຊົນບັນດາປະເທດ ອາຊີ - ອາຟຣິກາ - ອາເມລິກາລາຕິນ; ເອກອ້າງທະນົງໃຈ, ຮູ້ບຸນຄຸນເຖິງບັນດາການນຳ, ນັກຊ່ຽວຊານ ແລະ ເພື່ອນມິດ, ຄູ່ຮ່ວມມື, ຄະນະປະຈຳຄະນະກຳມະການ ໄດ້ຊີ້ນຳການເກັບກຳ, ຄົ້ນຄວ້າ, ຮຽບຮຽງ ແລະ ພິມຈຳໜ່າຍປື້ມ “ຄະນະກຳມະການ ຫວຽດນາມ ສາມັກຄີ ແລະ ການຮ່ວມມື ອາຊີ - ອາຟຣິກາ - ອາເມລີກາລາຕິນ: ບັນດາເສັ້ນທາງ, ບັນດາເພື່ອນມິດ”.
 |
| ທ່ານ ຟ້າມວັນເຈື່ອງ, ອະດີດປະທານຄະນະກຳມະການ ຫວຽດນາມ ສາມັກຄີ ແລະ ການຮ່ວມມື ອາຊີ - ອາຟຣິກາ - ອາເມລິກາລາຕິນ ແບ່ງປັນທີ່ກອງປະຊຸມ. (ພາບ: Dinh Hoa) |
ໂດຍແນະນຳ ແລະ ແບ່ງປັນກ່ຽວກັບເນື້ອໃນຂອງປຶ້ມ, ທ່ານ ຟ້າມວັນເຈື່ອງ, ອະດີດປະທານຄະນະກຳມະການ ໃຫ້ຮູ້ວ່າ ປຶ້ມດັ່ງກ່າວ ໄດ້ເປີດຕົວໃຫ້ຜູ້ອ່ານດ້ວຍສອງພາສາຄື: ຫວຽດນາມ ແລະ ອັງກິດ, ມີຄວາມໜາເກືອບ 330 ໜ້າ. ປື້ມຫົວນີ້ມີ 6 ພາກຕົ້ນຕໍຄື: ພາກທີ I, ແນວຄິດ ໂຮ່ຈິມິນ, ແນວທາງ, ທັດສະນະຂອງພັກ, ລັດ ຫວຽດນາມ ກ່ຽວກັບຄວາມສາມັກຄີສາກົນ, ຄວາມສາມັກຄີປະຊາຊົນ. ພາກນີ້ ຄັດສະເໜີບັນດາໜ້າທີ່ຕື້ນຕັນໃຈໃນບົດບັນທຶກຄວາມຊົງຈຳ “ຄອບຄົວ, ເພື່ອນມິດ ແລະ ປະເທດຊາດ” ຂອງທ່ານນາງ ຫງວຽນທິບິ່ງ, ອະດີດຮອງປະທານປະເທດ, ອະດີດຮອງປະທານອົງການສາມັກຄີປະຊາຊົນ ອາຊີ - ອາຟຣິກາ (AAPSO). ພາກທີ II, ຂະບວນການສ້າງຕັ້ງ, ການເຄື່ອນໄຫວ, ແລະ ພັດທະນາຄະນະກຳມະການ ຫວຽດນາມ ສາມັກຄີ ແລະ ການຮ່ວມມື ອາຊີ - ອາຟຣິກາ - ອາເມລິກາລາຕິນ; ພາກທີ III, ບັນດາອົງການສາມັກຄີ ອາຊີ-ອາຟຣິກາ-ອາເມລິກາລາຕິນ ລະຫວ່າງພາກພື້ນ ແລະ ຊາດ; ພາກທີ IV, ການຮ່ວມມື ຫວຽດນາມ - ອາຟຣິກາ ຜ່ານບັນດາໄລຍະ; ພາກທີ V ແລະ VI, ແນະນຳບັນດາການນຳຄະນະກຳມະການ ແລະ ບັນດາຜູ້ຄົນທີ່ພົ້ນເດັ່ນ.
ຕາມທ່ານ ເຈື່ອງ, ເປີດປຶ້ມເທື່ອລະໜ້າ, ຜູ້ອ່ານ ຈະໄດ້ຮັບການສະໜອງບັນດາຂໍ້ມູນກ່ຽວກັບປະຫວັດແຫ່ງການກຳເນີດ ແລະ ບັນດາການເຄື່ອນໄຫວທີ່ພົ້ນເດັ່ນຂອງອົງການສາມັກຄີປະຊາຊົນ ອາຊີ - ອາຟຣິກາ (AAPSO), ຂອງຄະນະກຳມະການສາມັກຄີ ອາຊີ ຂອງ ຫວຽດນາມ, ຫຼັງຈາກນັ້ນ ປ່ຽນມາເປັນຄະນະກຳມະການ ຫວຽດນາມ ສາມັກຄີ ແລະ ການຮ່ວມມື ອາຊີ - ອາຟຣິກາ - ອາເມລິກາລາຕິນ.
ປຶ້ມດັ່ງກ່າວ ຍັງແນະນຳກ່ຽວກັບບັນດານັກເຄື່ອນໄຫວສາກົນທີ່ຄຶກຄື້ນ, ຟົດຟື້ນເຊັ່ນ: ທ່ານ Ben Barka (ຊາວ ມາຣົກ); ທ່ານ Fidel Castro, ປະທານ ກູບາ; ນັກປະຕິວັດ Che Guevara; ທ່ານປະທານາທິບໍດີ Algerian Abdelaziz Bouteflika; ກຸ່ມກອງຫຼອນ ເວເນຊູເອລາ ຈັບຕົວປະກັນຊາວອາເມລິກາ ເພື່ອຊ່ວຍ ຫວຽດນາມ ສາມາດຊ່ວຍເອົາວິລະຊົນ ຫງວຽນວັນໂຈ້ຍ...
"ປື້ມກໍ່ຍັງພາພວກເຮົາໄປຈົນໝົດ "ບັນດາເສັ້ນທາງ" ທີ່ຜ່ານມາພ້ອມກັນກັບ "ບັນດາເພື່ອນມິດ" ທີ່ເຄີຍມີ. ແຕ່ພາລະກິດຂອງຄະນະກຳມະການ ຫວຽດນາມ ສາມັກຄີ ແລະ ການຮ່ວມມື ອາຊີ - ອາຟຣິກາ - ອາເມລິກາລາຕິນ ຍັງຄົງມີຢູ່ນັ້ນ. ຢູ່ຕໍ່ໜ້າຄະນະກຳມະການ ຈະແມ່ນ “ບັນດາເສັ້ນທາງ” ໃໝ່, ປະສົບກັບຄວາມຫຍຸ້ງຍາກຫຼາຍຢ່າງ, ແຕ່ຍັງໃຫ້ຄຳໝັ້ນສັນຍາຈະໄດ້ຮັບຜົນງານຫຼາຍຢ່າງ. ພ້ອມກັນກັບ "ບັນດາເພື່ອນມິດ" ເກົ່າ ກໍ່ຈະແມ່ນ"ບັນດາເພື່ອນມິດ" ໃໝ່ຫຼາຍຄົນ" - ທ່ານ ເຈື່ອງ ແບ່ງປັນ.
 |
| ບັນດາຜູ້ແທນ ເຂົ້າຮ່ວມກອງປະຊຸມເປີດຕົວປຶ້ມ “ຄະນະກຳມະການ ຫວຽດນາມ ສາມັກຄີ ແລະ ການຮ່ວມມື ອາຊີ - ອາຟຣິກາ - ອາເມລີກາລາຕິນ: ບັນດາເສັ້ນທາງ, ບັນດາເພື່ອນມິດ”. (ພາບ: Dinh Hoa) |
ໃນການປຶກສາຫາລືຢູ່ກອງປະຊຸມ, ບັນດາຜູ້ແທນ ໄດ້ສະແດງຄວາມຊົມເຊີຍການຮຽບຮຽງ ແລະ ພິມຈຳໜ່າຍປຶ້ມ. ບັນດາຜູ້ແທນ ກໍ່ໄດ້ຕີລາຄາປຶ້ມດັ່ງກ່າວ ໄດ້ເຮັດໃຫ້ບັນດາເສັ້ນທາງທີ່ໜ້າຈົດຈຳ, ເພື່ອນມິດສາກົນທີ່ສັດຊື່ບໍລິສຸດຂອງຄະນະກໍາມະການ; ການປະກອບສ່ວນຂອງຄະນະກຳມະການສຳລັບເປົ້າໝາຍສັນຕິພາບ, ສາມັກຄີ, ມິດຕະພາບ, ເອກະລາດແຫ່ງຊາດ, ຄວາມກ້າວໜ້າຂອງສັງຄົມ ແລະ ການພັດທະນາແບບຍືນຍົງຢູ່ພາກພື້ນ ອາຊີ - ອາຟຣິກາ - ອາເມລິກາລາຕິນ ເວົ້າສະເພາະ ແລະ ທົ່ວໂລກ ເວົ້າລວມ ມີຄວາມໂດດເດັ່ນຂຶ້ນ.
ຜູ້ແທນຫຼາຍທ່ານຖືວ່າ ປຶ້ມດັ່ງກ່າວມີຄຸນຄ່າດ້ານປະຫວັດສາດ, ວັດທະນະທຳ ແລະ ການສຶກສາ ບໍ່ພຽງແຕ່ສຳລັບລຸ້ນຄົນໃນປະຈຸບັນເທົ່ານັ້ນ ຫາກຍັງແມ່ນສຳລັບລຸ້ນຄົນຫຼັງອີກດ້ວຍ. ພິເສດແມ່ນການຊ່ວຍເຫຼືອລຸ້ນໜຸ່ມຫວນຄືນເບິ່ງວິລະຊົນໃນອະດີດ, ຜ່ານນັ້ນ ກໍ່ເສີມຂະຫຍາຍບັນດາຜົນງານ ແລະ ບົດຮຽນອັນລ້ຳຄ່າຄືເປັນອົງປະກອບທີ່ຂາດບໍ່ໄດ້ເພື່ອກ້າວໄປສູ່ອະນາຄົດ.
 | ໄຂງານມະຫາກຳກິລາ ນັກຮຽນ ອາຊີຕາເວັນອອກສ່ຽງໃຕ້ຄັ້ງທີ 13 ຍສໝ - ຕອນຄ່ຳວັນທີ 1 ມິຖຸນານີ້, ຢູ່ສະໜາມກິລາ ຕຽນເຊີນ, ນະຄອນດ່າໜັງ, ໄດ້ດຳເນີນພິທີໄຂງານມະຫາກຳກິລາໂຮງຮຽນອາຊຽນຄັ້ງທີ 13 ໄດ້ຈັດຕັ້ງງານລ້ຽງໄດ້ເຕົ້າໂຮມນັກກິລານັກຮຽນ 1300 ຄົນ, ຄູຝຶກທີ່ມາຈາກ 10 ປະເທດໃນພາກພື້ນ. ຫວຽດນາມ ມີສະມາຊິກ 190 ຄົນເຂົ້າຮ່ວມວິຊາການ 6 ມິຖຸນາ ຂອງກອງປະຊຸມ. |
 | ການນຳລາວ ໄດ້ຕີລາຄາສູງການຮ່ວມມືໃນຂົງເຂດການແພດທະຫານລະຫວ່າງຫວຽດນາມ ແລະ ລາວ ຍສໝ - ຕອນເຊົ້າວັນທີ 15 ມີນານີ້, ຢູ່ນະຄອນຫຼວງ ວຽງຈັນ, ຄະນະຜູ້ແທນໂຮງໝໍສູນກາງກອງທັບ 108 ໂດຍທ່ານພົນຈັດຕະວາ, ສຈ.ປອ ເລຫິວຊອງ, ຜູ້ອຳນວຍການໂຮງໝໍ ເປັນນຳໜ້າໄດ້ເຂົ້າພົບປະຢ້ຽມຢາມຂ່ຳນັບ ທ່ານພົນເອກຈັນສະໝອນ ຈັນຍາລາດ, ຮອງນາຍົກລັດຖະມົນຕີ, ລັດຖະມົນຕີກະຊວງປ້ອງກັນປະເທດ ລາວ. |
ມິງດຶກ
