 | ການສຶກສາລຸ້ນໜຸ່ມແມ່ນພື້ນຖານອັນໝັ້ນຄົງຂອງສາຍພົວພັນແບບພິເສດ ຫວຽດນາມ - ລາວ |
| ຜູ້ຊົງຄຸນວຸດທິມິດຕະພາບ ຈີນ ປະກອບສ່ວນພັດທະນາການພົວພັນ ຫວຽດນາມ-ຈີນ ແບບຍືນຍົງ |
ຄະນະຜູ້ແທນແຂວງວຽງຈັນ ທີ່ເຂົ້າຮ່ວມກອງປະຊຸມພົບປະ ມີສະຫາຍ ຄຳພັນ ສິດທິດຳພາ, ກຳມະການສູນກາງພັກປະຊາຊົນປະຕິວັດລາວ, ເລຂາພັກແຂວງ, ເຈົ້າແຂວງໆວຽງຈັນ; ການນຳຫ້ອງວ່າການປົກຄອງ, ພະແນກ, ຂະແໜງການ ແລະ ຜູ້ຕາງໜ້າວິສາຫະກິດຂຶ້ນກັບແຂວງ ວຽງຈັນ ຈຳນວນໜຶ່ງ.
 |
| ສະຫາຍ ເລຂາພັກແຂວງ ຫາຍເຢືອງ ເຈີ່ນດຶກຖັງ ກ່າວຄຳປາໄສທີ່ການຕ້ອນຮັບຄະນະຜູ້ແທນແຂວງ ວຽງຈັນ ໄປຢ້ຽມຢາມ, ເຮັດວຽກຢູ່ແຂວງ ຫາຍເຢືອງ. (ພາບ: ໜັງສືພິມ ຫາຍເຢືອງ) |
ບັນດາສະຫາຍ: ທ່ານ ເຈີ່ນດຶກຖັງ, ກໍາມະການສູນກາງພັກ, ເລຂາພັກແຂວງ; ທ່ານ ເລວັນຮຽວ, ຮອງເລຂາຜູ້ປະຈຳຄະນະພັກແຂວງ, ປະທານສະພາປະຊາຊົນແຂວງ, ຫົວໜ້າຄະນະຜູ້ແທນສະພາແຫ່ງຊາດແຂວງ; ທ່ານ ເລຫງອກເຈົາ, ຮອງເລຂາຄະນະພັກແຂວງ, ປະທານຄະນະກຳມະການປະຊາຊົນແຂວງ ເຂົ້າຮ່ວມກອງປະຊຸມພົບປະ.
ພ້ອມກັນເຂົ້າຮ່ວມ ມີບັນດາສະຫາຍໃນຄະນະປະຈຳພັກແຂວງ, ຜູ້ປະຈຳການສະພາປະຊາຊົນ, ການນຳຄະນະກຳມະການປະຊາຊົນ, ຄະນະກຳມະການແນວໂຮມປະເທດຊາດ, ຄະນະຜູ້ແທນສະພາແຫ່ງຊາດແຂວງ, ການນຳບາງພະແນກ, ຄະນະ, ຂະແໜງການ, ສະຫະພັນບັນດາອົງການມິດຕະພາບແຂວງ, ສູນຮ່ວມມືມິດຕະພາບແຂວງ, ສະມາຄົມວິສາຫະກິດແຂວງ ແລະ ການນຳມະຫາວິທະຍາໄລ ຫາຍເຢືອງ, ວິທະຍາໄລການຢາສູນກາງ ຫາຍເຢືອງ.
ກ່າວຄຳປາໄສທີ່ກອງປະຊຸມພົບປະ, ຕາງໜ້າໃຫ້ການນຳແຂວງ ຫາຍເຢືອງ, ສະຫາຍ ເຈີ່ນດຶກຖັງ ໄດ້ຮັບຕ້ອນຢ່າງສຸດອົກສຸດໃຈຕໍ່ຄະນະຜູ້ແທນພັກ, ອຳນາດການປົກຄອງແຂວງ ວຽງຈັນ ທີ່ໄດ້ໄປຢ້ຽມຢາມ ແລະ ເຮັດວຽກຢູ່ ຫາຍເຢືອງ.
ສະຫາຍ ເຈີ່ນດຶກຖັງ ຢືນຢັນວ່າ ສາຍພົວພັນມິດຕະພາບ ຫວຽດນາມ - ລາວ ອ້າຍນ້ອງ ໄດ້ຮັບການກໍ່ສ້າງ, ເພີ່ມພູນຄູນສ້າງ ຜ່ານບັນດາຄວາມຫຍຸ້ງຍາກ, ສິ່ງທ້າທາຍຫຼາຍຢ່າງ, ທັງເລືອດເນື້ອ. ຜ່ານຫລາຍໄລຍະປະຫວັດສາດ, ນ້ຳໃຈມິດຕະພາບນັ້ນ ໄດ້ຮັບການເພີ່ມພູນຄູນສ້າງຢ່າງບໍ່ຢຸດຢັ້ງຈາກການນຳບັນດາລຸ້ນ ແລະ ປະຊາຊົນສອງປະເທດ ແລະ ໄດ້ກາຍເປັນມູນເຊື້ອແບບພິເສດຂອງຄວາມສາມັກຄີ, ນັບມື້ນັບມີຄວາມຜູກພັນ, ສະໜິດແໜ້ນ, ກາຍເປັນຊັບສິນທີ່ລ້ຳຄ່າຂອງສອງປະເທດທີ່ປະທານ ໂຮ່ຈີມິນ ແລະ ປະທານ ໄກສອນ ພົມວິຫານ ຕ້ອງໄດ້ເຮັດວຽກໜັກເພື່ອເພີ່ມພູນຄູນສ້າງ.
ໃນຊຸມປີມໍ່ໆມານີ້, ເຖິງວ່າເງື່ອນໄຂເສດຖະກິດຂອງສອງແຂວງຍັງປະສົບກັບຄວາມຫຍຸ້ງຍາກກໍ່ຕາມ, ແຕ່ຄວາມສາມັກຄີມິດຕະພາບລະຫວ່າງແຂວງ ຫາຍເຢືອງ ແລະ ແຂວງ ວຽງຈັນ ຍິ່ງນັບມື້ນັບເລິກເຊິ່ງ, ໝັ້ນຄົງເຂັ້ມແຂງ. ການພົວພັນຮ່ວມມືນັບມື້ນັບພັດທະນາ ແລະ ເປີດກ້ວາງກັບຫຼາຍລາຍການ, ໂຄງການເສດຖະກິດ-ສັງຄົມ, ໜູນຊ່ວຍ, ຊ່ວຍເຫຼືອເຊິ່ງກັນ ແລະ ກັນ ເພື່ອພ້ອມກັນພັດທະນາ, ນຳມາເຊິ່ງໝາກຜົນຕົວຈິງ, ຍົກສູງຊີວິດການເປັນຢູ່ໃຫ້ແກ່ປະຊາຊົນເເຕ່ລະແຂວງ.
ກ່າວຄຳປາໄສທີ່ກອງປະຊຸມພົບປະ, ສະໍຫາຍ ຄຳພັນ ສິດທິດຳພາ ເລຂາພັກແຂວງ, ເຈົ້າແຂວງໆວຽງຈັນ ຢືນຢັນວ່າ ການຢ້ຽມຢາມຄັ້ງນີ້ ມີຄວາມໝາຍອັນສູງສົ່ງ, ປະກອບສ່ວນເພີ່ມທະວີການພົວພັນມິດຕະພາບທີ່ເປັນມູນເຊື້ອແບບພິເສດ, ການຮ່ວມມືຮອບດ້ານລະຫວ່າງປະຊາຊົນສອງແຂວງ ແມ່ນພວມແຕກດອກອອກຫມາກຢ່າງບໍ່ຢຸດຢັ້ງ.
ສະຫາຍ ເລຂາພັກແຂວງ, ເຈົ້າແຂວງໆວຽງຈັນ ໃຫ້ຮູ້ວ່າ ໃນການຢ້ຽມຢາມແຂວງ ຫາຍເຢືອງ ໃນຄັ້ງນີ້, ຄະນະຜູ້ແທນ ໄດ້ສະແດງຄວາມດີໃຈເມື່ອໄດ້ໄປຢ້ຽມຢາມສຸສານປະທານ ໂຮ່ຈີມິນ ຜູ້ນຳທີ່ຍິ່ງໃຫຍ່ - ການນຳທີ່ເກັ່ງກ້າຂອງສອງຊາດ, ຜູ້ສ້າງຕັ້ງພັກກອມມູນິດອິນດູຈີນ - ຕົ້ນກຳເນີດຂອງພັກປະຊາຊົນປະຕິວັດລາວໃນປັດຈຸບັນ.
ຕາງໜ້າການນຳ, ປະຊາຊົນແຂວງວຽງຈັນ, ສະຫາຍ ຄຳພັນ ສິດທິດຳພາ ໄດ້ແບ່ງປັນຕໍ່ຄວາມເສຍຫາຍທີ່ພະຍຸເລກທີ 3 ໄດ້ສ້າງໃຫ້ບັນດາແຂວງພາກເໜືອຂອງ ຫວຽດນາມ ເວົ້າລວມ, ແຂວງ ຫາຍເຢືອງ ເວົ້າສະເພາະ. ເຊື່ອໝັ້ນວ່າ ພາຍໃຕ້ການຊີ້ນຳຂອງຄະນະພັກແຂວງ, ປະຊາຊົນແຂວງ ຫາຍເຢືອງ ຈະຜ່ານຜ່າຄວາມຫຍຸ້ງຍາກໂດຍໄວ, ຊີວິດການເປັນຢູ່ເປັນປົກກະຕິເທື່ອລະກ້າວ ແລະ ສືບຕໍ່ພັດທະນາຢ່າງເຂັ້ມແຂງ. ອວຍພອນໃຫ້ສາຍພົວພັນລະຫວ່າງສອງແຂວງ ຫາຍເຢືອງ - ແຂວງ ວຽງຈັນ ຂຽວສົດງົດງາມຕະຫຼອດໄປ, ໝັ້ນຄົງຂະໜົງແກ່ນຈົນຊົ່ວກາລະນານ.
 |
| ສະຫາຍ ຄຳພັນ ສິດທິດຳພາ ເລຂາພັກແຂວງ, ເຈົ້າແຂວງໆວຽງຈັນ ໄດ້ເນັ້ນໜັກເຖິງສາຍພົວພັນມິດຕະພາບທີ່ເປັນມູນເຊື້ອເເບບພິເສດລະຫວ່າງແຂວງ ຫາຍເຢືອງ ແລະ ແຂວງ ວຽງຈັນ. (ພາບ: ໜັງສືພິມ ຫາຍເຢືອງ) |
ໃນຂອບເຂດກອງປະຊຸມພົບປະ, ສະຫາຍ ເຈີ່ນດຶກຖັງ ແລະ ສະຫາຍ ຄຳພັນ ສິດທິດຳພາ ໄດ້ແຈ້ງໂດຍສັງເຂບການພັດທະນາເສດຖະກິດ - ສັງຄົມລະຫວ່າງ 2 ແຂວງ.
ສະຫາຍ ຄຳພັນ ສິດທິດຳພາ ໃຫ້ຮູ້ວ່າ ເມື່ອທຽບໃສ່ແຂວງ ຫາຍເຢືອງ, ແຂວງວຽງຈັນ ຍັງມີຂໍ້ຈຳກັດຫຼາຍດ້ານໃນການພັດທະນາເສດຖະກິດ, ລາຍຮັບສະເລ່ຍຕໍ່ຫົວຄົນ, ລາຍຮັບງົບປະມານປີກາຍຍັງບໍ່ບັນລຸຕາມເປົ້າໝາຍທີ່ວາງໄວ້... ເຖິງຢ່າງໃດກໍ່ຕາມ, ແຂວງ ວຽງຈັນ ຍັງມີຄວາມສາມາດບົ່ມຊ້ອນອັນໃຫຍ່ຫຼວງໃນການພັດທະນາອຸດສາຫະກຳ, ກະສິກຳ, ການທ່ອງທ່ຽວ. ສະຫາຍຫວັງວ່າແຂວງ ຫາຍເຢືອງ ຈະເອົາໃຈໃສ່, ຊ່ວຍເຫຼືອ, ຮຽກຮ້ອງບັນດາວິສາຫະກິດມາລົງທຶນເຂົ້າໃນແຂວງ ວຽງຈັນ. ແຂວງພ້ອມແລ້ວທີ່ຈະຕ້ອນຮັບ ແລະ ສ້າງເງື່ອນໄຂສະດວກໃຫ້ບັນດາວິສາຫະກິດ ຫາຍເຢືອງ...
 |
| ຄະນະຜູ້ແທນສອງແຂວງ ຫາຍເຢືອງ ແລະ ແຂວງ ວຽງຈັນ ໄດ້ຖ່າຍຮູບທີ່ລະນຶກ. (ພາບ: ໜັງສືພິມ ຫາຍເຢືອງ) |
ບັນດາສະຫາຍການນຳຂອງສອງແຂວງກໍ່ໄດ້ມອບຂອງຂວັນທີ່ມີຄວາມໝາຍໃຫ້ກັນ, ຖ່າຍຮູບທີ່ລະນຶກເພື່ອສະແດງໃຫ້ເຫັນຄວາມສະໜິດຕິດພັນທີ່ແໜ້ນແຟ້ນລະຫວ່າງສອງທ້ອງຖິ່ນ.
 | ນັກສຶກສາຫວຽດນາມ ແລະ ສ.ເກົາຫຼີ ພົບປະແລກປ່ຽນວັດທະນະທຳຢູ່ ບິ່ງເຢືອງ ຍສໝ - ສະມາຄົມມິດຕະພາບຫວຽດນາມ - ສ.ເກົາຫຼີ ແຂວງ ບິ່ງເຢືອງ ຫາກໍ່ເຂົ້າຮ່ວມການຕ້ອນຮັບຄະນະທິມງານນັກສຶກສາຂອງບັນດາມະຫາວິທະຍາໄລທີ່ຂື້ນກັບນະຄອນ ບູຊານ (ສ.ເກົາຫຼີ) ປະຕິບັດການເຄື່ອນໄຫວພົບປະແລກປ່ຽນວັດທະນະທຳນັກສຶກສາຢູ່ມະຫາວິທະຍາໄລ ທູເຢົ່າໂມດ. |
 | ຍສໝ - 2 ຝ່າຍໄດ້ປຶກສາຫາລືກ່ຽວກັບວຽກງານການທູດປະຊາຊົນ ແລະ ບົດບາດຂອງຊາວຫວຽດນາມ ອາໄສຢູ່ຕ່າງປະເທດໃນການເຊື່ອມຕໍ່ນະຄອນ ໂຮ່ຈີມິນ ກັບບັນດາທ້ອງຖິ່ນຂອງ ສ.ເກົາຫຼີ. |
ມິງດຶກ (ແປຕາມ baomoi.com)
