| ຫຼາຍຂໍ້ສະເໜີ ເພື່ອເພີ່ມທະວີການພົບປະແລກປ່ຽນປະຊາຊົນລະຫວ່າງ ຫວຽດນາມ - ເນປານ | |
| ລົງນາມໃນຂໍ້ຕົກລົງການຮ່ວມມືດ້ານການທະຫານ - ການປ້ອງກັນປະເທດ ລະຫວ່າງແຂວງ ຮ່າຕິ້ງ ແລະ ແຂວງບໍລິຄຳໄຊ |
ກ່າວຄຳປາໄສທີ່ການສຳມະນາ, ທ່ານ ຮ່າວັນຊຽວ, ຮອງຫົວໜ້າກົມທ່ອງທ່ຽວແຫ່ງຊາດ ຫວຽດນາມ ໃຫ້ຮູ້ວ່າ ຫວຽດນາມ ແລະ ຈີນ ແມ່ນສອງປະເທດມີຊາຍແດນຮ່ວມກັນ, ມີຫຼາຍຈຸດທີ່ຄ້າຍຄືກັນໃນດ້ານວັດທະນະທຳ ແລະ ມິດຕະພາບທີ່ໄດ້ຮັບການເພີ່ມພູນຄູນສ້າງ ໂດຍບັນດາການນຳຮຸ່ນຕ່າງໆຂອງສອງປະເທດ, ສ້າງເງື່ອນໄຂສະດວກ ເພື່ອໃຫ້ປະຊາຊົນສອງປະເທດພົບປະແລກປ່ຽນ ແລະ ຊອກຮູ້ວັດທະນະທຳ, ການທ່ອງທ່ຽວ.
ບົນພື້ນຖານນັ້ນ, ກະຊວງວັດທະນະທຳ, ກິລາ ແລະ ທ່ອງທ່ຽວ ຫວຽດນາມ ແລະ ກະຊວງວັດທະນະທຳ ແລະ ທ່ອງທ່ຽວ ຈີນ ໄດ້ລົງນາມໃນແຜນການຮ່ວມມືດ້ານວັດທະນະທຳ ແລະ ທ່ອງທ່ຽວ ໄລຍະ 2023 – 2027. ກົມທ່ອງທ່ຽວແຫ່ງຊາດ ຫວຽດນາມ ກໍ່ໄດ້ລົງນາມໃນບົດບັນທຶກຊ່ວຍຈຳກ່ຽວກັບການຮ່ວມມືດ້ານການທ່ອງທ່ຽວກັບ 6 ທ້ອງຖິ່ນຂອງ ຈີນ ລວມມີ: ມາກາວ, ຈຽງຊູ, ຊືຈຽງ, ເຊີນດົງ, ຕູຊູຢານ ແລະ ຈົງຊິງ.
 |
| ບັນດາຜູ້ແທນ ໄດ້ໄປຢ້ຽມຢາມເຂດວາງສະແດງຮູບພາບການທ່ອງທ່ຽວວັດທະນະທຳ ກວາງຊີ. |
ປີ 2023, ຫວຽດນາມ ໄດ້ຕ້ອນຮັບນັກທ່ອງທ່ຽວ ຈີນ ຫຼາຍກວ່າ 1,7 ລ້ານເທື່ອຄົນ, ຟື້ນຟູ 30% ເມື່ອທຽບໃສ່ປີ 2019. ໃນ 4 ເດືອນຕົ້ນປີ 2024, ຫວຽດນາມ ຕ້ອນຮັບນັກທ່ອງທ່ຽວຈີນ ເກືອບ 1,25 ລ້ານເທື່ອຄົນ, ຟື້ນຟູ ຫຼາຍກວ່າ 73% ເມື່ອທຽບໃສ່ໄລຍະດຽວກັນຂອງປີ 2019. ຫວຽດນາມ ກໍ່ໄດ້ມີກຸ່ມນັກທ່ອງທ່ຽວໄປ ຈີນ ຫຼາຍກຸ່ມ. ຫວ່າງມໍ່ໆມານີ້, ຈຳນວນການແລກປ່ຽນຂອງນັກທ່ອງທ່ຽວ ໄດ້ຟື້ນຟູຢ່າງຫຼວງຫຼາຍ, ແຕ່ຍັງບໍ່ທັນສົມກັບສາຍໃຈມິດຕະພາບ ແລະ ການພົວພັນອັນດີງາມລະຫວ່າງສອງປະເທດ. ເຖິງຢ່າງໃດກໍຕາມ, ຄວາມສາມາດບົ່ມຊ້ອນພັດທະນາການທ່ອງທ່ຽວຂອງທັງສອງຝ່າຍ ຍັງມີຫຼາຍພໍສົມຄວນ ແລະ ຕ້ອງໄດ້ຮັບການຂຸດຄົ້ນຕື່ມອີກ.
ຕາມທ່ານ ຮ່າວັນຊຽວ ແລ້ວ, ການສຳມະນາ ບໍ່ພຽງແຕ່ແມ່ນກາລະໂອກາດເພື່ອໂຄສະນາ ແລະ ສົ່ງເສີມການທ່ອງທ່ຽວ ກວາງຊີ ເທົ່ານັ້ນ, ຫາກຍັງແມ່ນໂອກາດເພື່ອ ຫວຽດນາມ ຊຸກຍູ້ການແລກປ່ຽນນັກທ່ອງທ່ຽວລະຫວ່າງ 2 ປະເທດ, ເພີ່ມທະວີການແລກປ່ຽນ, ຮ່ວມມື ແລະ ແບ່ງປັນປະສົບການໃນການພັດທະນາການທ່ອງທ່ຽວແບບຍືນຍົງນຳອີກ.
ຫວຽດນາມ ຕ້ອງເອົາໃຈໃສ່, ສ້າງສະພາບແວດລ້ອມທີ່ເອື້ອອໍານວຍ ເພື່ອໃຫ້ປະຊາຊົນສອງປະເທດໄດ້ສຳຜັດ ແລະ ຄົ້ນຫາຄວາມງາມຂອງປະເທດກັນ ໂດຍຜ່ານການທ່ອງທ່ຽວ, ສ້າງເງື່ອນໄຂໃຫ້ວິສາຫະກິດທ່ອງທ່ຽວຂອງສອງປະເທດຮ່ວມມື, ແລກປ່ຽນນັກທ່ອງທ່ຽວນັບມື້ນັບສະດວກ. ນອກຈາກນັ້ນ, ການເພີ່ມທະວີຊຸກຍູ້ການຮ່ວມມື, ແບ່ງປັນຂໍ້ມູນ ແລະ ປະສົບການໃນການເຜີຍແພ່ການທ່ອງທ່ຽວ ກໍ່ຈະຊ່ວຍເພີ່ມທະວີຄວາມໜ້າສົນໃຈ ແລະ ໂຄສະນາທ້ອງຕະຫຼາດໃຫ້ບັນດາຈຸດປາຍທາງທ່ອງທ່ຽວຂອງສອງປະເທດຢ່າງມີປະສິດທິຜົນ.
“ກົມທ່ອງທ່ຽວແຫ່ງຊາດ ຫວຽດນາມ ໃຫ້ຄຳໝັ້ນສັນຍາຈະສືບຕໍ່ຍູ້ແຮງການຮ່ວມມື, ພົບປະແລກປ່ຽນການທ່ອງທ່ຽວວັດທະນະທຳລະຫວ່າງ ຫວຽດນາມ ແລະ ແຂວງກວາງຊີ ເວົ້າສະເພາະ, ກໍຄື ຈີນ ເວົ້າລວມ, ເພື່ອຊຸກຍູ້ການພັດທະນາແບບຍືນຍົງໃຫ້ແກ່ຂະແໜງການທ່ອງທ່ຽວໃນອະນາຄົດ. ຫວຽດນາມ ພ້ອມແລ້ວທີ່ຈະສ້າງເງື່ອນໄຂສະດວກທຸກຢ່າງໃຫ້ປະຊາຊົນສອງປະເທດ ສາມາດສຳຜັດ ແລະ ຄົ້ນຫາຄວາມງາມຂອງປະເທດກັນ ໂດຍຜ່ານການທ່ອງທ່ຽວ,” ທ່ານ ຮ່າວັນຊຽວ ແບ່ງປັນ.
 |
| ບັນດາຜູ້ແທນຊິມຊາ ກວາງຊີ. |
ກ່າວຄຳປາໄສທີ່ເຫດການ, ທ່ານອັກຄະລັດຖະທູດ ເວື່ອງກ່ວນ ໃຫ້ຮູ້ວ່າ ການເພີ່ມທະວີການແລກປ່ຽນ ແລະ ການຮ່ວມມືດ້ານການທ່ອງທ່ຽວແມ່ນວິທີສຳຄັນ ເພື່ອຊຸກຍູ້ການແລກປ່ຽນວັດທະນະທຳລະຫວ່າງ ຈີນ ແລະ ຫວຽດນາມ. ກວາງຊີ ແລະ ຫວຽດນາມ ເຊື່ອມຕໍ່ກັນດ້ວຍພູ ແລະ ແມ່ນ້ຳ, ມີລັກສະນະພູມສັນຖານທີ່ດພົ້ນເດັ່ນ, ມີເນື້ອໃນວັດທະນະທຳອັນອຸດົມສົມບູນ, ແຫຼ່ງທ່ອງທ່ຽວທີ່ຫຼາກຫຼາຍ ແລະ ເງື່ອນໄຂຄົມມະນາຄົມທີ່ສະດວກ, ເປັນປະຕູທີ່ສຳຄັນຂອງການທ່ອງທ່ຽວຂອງ ຈີນ, ເພື່ອຕ້ອນຮັບເພື່ອນມິດ ຫວຽດນາມ ຫຼາຍຄົນມາຢ້ຽມຢາມ ກວາງຊີ ແລະ ທ່ອງທ່ຽວຕົວຈິງຢູ່ບັນດາສະຖານທີ່ອື່ນໆ.
ທ່ານ ຮວາ່ງຢຶງຫຼິນ, ຫົວໜ້າຄະນະຜູ້ແທນວັດທະນະທຳ ແລະ ທ່ອງທ່ຽວ ກວາງຊີ, ຮອງຫົວໜ້າພະແນກວັດທະນະທຳ ແລະ ທ່ອງທ່ຽວ ກວາງຊີ ໃຫ້ຮູ້ວ່າ ຈີນ ແລະ ຫວຽດນາມ ມີວັດທະນະທຳດື່ມຊາທີ່ມີມາແຕ່ດົນນານ, ຊາຂອງສອງປະເທດມີຈຸດພິເສດ, ກິ່ນທີ່ເປັນເອກະລັກສະເພາະ, ປະເພນີທີ່ຫຼາກຫຼາຍສີສັນ. ຊາກວາງຊີ ແມ່ນສ່ວນຫນຶ່ງທີ່ສໍາຄັນຂອງວັດທະນະທໍາຊາ ຈີນ. ກວາງຊີ ແລະ ຫວຽດນາມ ແມ່ນຈຸດປາຍທາງທ່ອງທ່ຽວທີ່ສຳຄັນຂອງກັນ. ຂະແໜງວັດທະນະທຳ ແລະ ທ່ອງທ່ຽວ ສອງຝ່າຍ ໄດ້ສົມທົບກັນຢ່າງແໜ້ນແຟ້ນ, ຕັ້ງໜ້າ ເພື່ອຊຸກຍູ້ບັນດານະໂຍບາຍທີ່ຕ່າງຝ່າຍຕ່າງມີຜົນປະໂຫຍດ, ແລກປ່ຽນແຫຼ່ງນັກທ່ອງທ່ຽວ, ເຜີຍແພ່ເຊິ່ງກັນ ແລະ ກັນກ່ຽວກັບຜະລິດຕະພັນການທ່ອງທ່ຽວ, ເພື່ອຫັນການປະຕິບັດກະແສນັກທ່ອງທ່ຽວ “ສອງສົ້ນ” ໃຫ້ປະກົດຜົນເປັນຈິງ.
ມິງດຶກ
