ດ້ວຍການໄດ້ຮັບການເລືອກຕັ້ງເປັນຮອງປະທານສະມັດຊາໃຫຍ່ສົນທິສັນຍາປີ 2003 ກໍ່ໄດ້ຍົກຈຳນວນກົນໄກສຳຄັນຂອງ UNESCO ທີ່ ຫວຽດນາມ ເຂົ້າຮ່ວມຂຶ້ນເປັນຕົວເລກທີ 6 (ສະມາຊິກຄະນະກຳມະການມໍລະດົກໂລກ ແລະ ສະພາບໍລິຫານງານ UNESCO, ຮອງປະທານສະມັດຊາໃຫຍ່ UNESCO, ຮອງປະທານຄະນະກຳມະການລະຫວ່າງລັດຖະບານສົນທິສັນຍາປີ 2005 ກ່ຽວກັບການປົກປັກຮັກສາ ແລະ ເສີມຂະຫຍາຍຄວາມຫຼາກຫຼາຍຂອງບັນດາການສະແດງອອກທາງດ້ານວັດທະນະທໍາ, ຮອງປະທານຄະນະກໍາມະການລະຫວ່າງລັດຖະບານ ແລະ ຮອງປະທານສະມັດຊາໃຫຍ່ສົນທິສັນຍາປີ 2003).
 |
| ຄະນະຜູ້ແທນ ຫວຽດນາມ ໂດຍທ່ານຮອງລັດຖະມົນຕີກະຊວງການຕ່າງປະເທດ ຮ່າກິມຫງອກ, ປະທານຄະນະກຳມະການແຫ່ງຊາດ UNESCO ຫວຽດນາມ (ຢູ່ກາງ) ນຳໜ້າເຂົ້າຮ່ວມກອງປະຊຸມໃຫຍ່ຄັ້ງທີ 10 ສະມັດຊາໃຫຍ່ສົນທິສັນຍາປີ 2003 ກ່ຽວກັບການປົກປັກຮັກສາມໍລະດົກວັດທະນະທຳບໍ່ເປັນວັດຖຸ. (ພາບ: TTXVN). |
ໃນຖານະທີ່ເປັນຜູ້ບໍລິຫານ, ຫວຽດນາມ ຈະເຂົ້າຮ່ວມໃນຂະບວນການກໍ່ສ້າງໂດຍກົງ, ຜ່ານບັນດາຂໍ້ກຳນົດທີ່ສຳຄັນຂອງ UNESCO ກ່ຽວກັບວັດທະນະທຳ, ປະກອບສ່ວນເຂົ້າໃນການປະຕິບັດບັນດາເປົ້າໝາຍຂອງສົນທິສັນຍາປີ 2003 ໃຫ້ສົມບູນກວ່າອີກ.ຍາດແຍ່ງເອົາບັນດາໂຄງການ, ແຜນການ, ຂໍ້ລິເລີ່ມຂອງ UNESCO ເພື່ອຮັບໃຊ້ໃຫ້ແກ່ການພັດທະນາປະເທດຊາດ, ຮັກສາ ແລະ ເສີມຂະຫຍາຍຄຸນຄ່າມໍລະດົກ, ຮັບປະກັນຜົນປະໂຫຍດສູງສຸດຂອງຊາດ, ປະຊາຊົນໃນການຮ່ວມມືດ້ານວັດທະນະທຳໃນລະດັບທົ່ວໂລກ.
ກ່າວຄຳປາໄສທີ່ວາລະປະຊຸມທີ່ພິທີເປີດຄົບຄະນະຂອງກອງປະຊຸມຄັ້ງທີ 10, ທ່ານຮອງລັດຖະມົນຕີກະຊວງການຕ່າງປະເທດ ຮ່າກິມຫງອກ ໃຫ້ຮູ້ວ່າ ຫວຽດນາມ ດ້ວຍມໍລະດົກວັດທະນະທຳບໍ່ເປັນວັດຖຸ 15 ແຫ່ງ ໄດ້ຮັບການຈົດທະບຽນ ແລະ ມໍລະດົກວັດທະນະທຳບໍ່ເປັນວັດຖຸລະດັບຊາດ 550 ແຫ່ງນັ້ນ, ຍາມໃດກໍ່ມີຄວາມເອົາໃຈໃສ່ໃນການປົກປັກຮັກສາມໍລະດົກວັດທະນະທຳບໍ່ເປັນວັດຖຸ, ກໍ່ສ້າງ ແລະ ເຮັດໃຫ້ນະໂຍບາຍ, ກົດໝາຍແຫ່ງຊາດສຳເລັດສົມບູນຢ່າງບໍ່ຢຸດຢັ້ງ ແລະ ຫວ່າງມໍ່ໆມານີ້ ແມ່ນໂຄງການເປົ້າໝາຍແຫ່ງຊາດກ່ຽວກັບການພັດທະນາວັດທະນະທຳ ຮອດປີ 2045 ແລະ ກົດໝາຍວ່າດ້ວຍມໍລະດົກວັດທະນະທຳສະບັບປັບປຸງ.
ທ່ານຮອງລັດຖະມົນຕີກະຊວງການຕ່າງປະເທດ ຮ່າກິມຫງອກ ກໍ່ໄດ້ສະເໜີ UNESCO ແລະ ບັນດາປະເທດສະມາຊິກຕ້ອງສືບຕໍ່ເພີ່ມທະວີການຮ່ວມມືສາກົນ, ຜັນຂະຫຍາຍສົນທິສັນຍາຢ່າງມີປະສິດທິຜົນ, ບຸລິມະສິດແບ່ງປັນປະສົບການ, ເພີ່ມທະວີກຳລັງຄວາມສາມາດໃຫ້ແກ່ບັນດາປະເທດພວມພັດທະນາ, ບັນດາປະເທດອາຟຣິກາ, ກຸ່ມເກາະນ້ອຍທີ່ພວມພັດທະນາ, ຊຸກຍູ້ການເຂົ້າຮ່ວມ ແລະ ປະກອບສ່ວນຂອງຊຸມຊົນ, ແມ່ຍິງ ແລະ ຊາວໜຸ່ມ.
ບັນດາປະເທດສະມາຊິກສົນທິສັນຍາປີ 2003 ໄດ້ຕີລາຄາສູງບັນດາປະສົບການ, ຄວາມຮູ້ຄວາມເຂົ້າໃຈ ແລະ ຄວາມມານະພະຍາຍາມຂອງ ຫວຽດນາມ ໃນການປົກປັກຮັກສາ ແລະ ເສີມຂະຫຍາຍມໍລະດົກວັດທະນະທຳບໍ່ເປັນວັດຖຸ ທັງດ້ານທິດສະດີ, ກົດໝາຍ ແລະ ການປະຕິບັດຕົວຈິງ.
 | ຫວຽດນາມ ໄດ້ຮັບການເລືອກເປັນ 'ຖານທັບແນວໜ້າ' ໃຫ້ບັນດາບໍລິສັດເຄິ່ງຊັກນຳໄຟຟ້າໃນທົ່ວໂລກ. ຍສໝ - ໜ້າເວບໄຊ Meil Kyungjae (ສ.ເກົາຫຼີ) ໃຫ້ຄຳເຫັນວ່າ ເມື່ອ ຫວຽດນາມ ກາຍເປັນ “ພະວິຫານ” ຂອງຂະບວນການຫຼັງການຜະລິດທາດເຄິ່ງຊັກນຳໄຟຟ້າທົ່ວໂລກ, ທ້ອງຕະຫຼາດຫຼັກຊັບກໍ່ຮ້ອນຂຶ້ນພ້ອມ. |
 | ຫວຽດນາມ ຈັດສົ່ງນາຍທະຫານຕື່ມອີກ 4 ສະຫາຍ ໄປເຂົ້າຮ່ວມວຽກງານປົກປັກຮັກສາສັນຕິພາບ ສປຊ ຍສໝ - ທ່ານພົນໂທ ຮວ່າງຊວນຈ໊ຽນ ເຊື່ອໝັ້ນວ່າ ດ້ວຍຄວາມສາມັກຄີ ແລະຄວາມມານະພະຍາຍາມສູງ, ນາຍທະຫານ 4 ສະຫາຍຈະປະຕິບັດໜ້າທີ່ເຂົ້າຮ່ວມການເຄື່ອນໄຫວຮັກສາສັນຕິພາບ ສປຊ ເຊິ່ງພັກ, ລັດ ແລະກອງທັບມອບໝາຍໃຫ້ໄດ້ເປັນຢ່າງດີ. |
ມິງດຶກ
