| ເຊື່ອມຕໍ່ຊາວຕ່າງປະເທດທີ່ດຳລົງຊີວິດ ແລະ ເຮັດວຽກຢູ່ແຂວງ ດົ່ງນາຍ | |
| ຫວຽດນາມ ໄດ້ຮັບການເລືອກເປັນ 'ຖານທັບແນວໜ້າ' ໃຫ້ບັນດາບໍລິສັດເຄິ່ງຊັກນຳໄຟຟ້າໃນທົ່ວໂລກ. |
ວັນທີ 10 ເມສາ, ຢູ່ ໄທງວຽນ, ສະມາຄົມມິດຕະພາບ ຫວຽດນາມ - ລາວ ແຂວງ ໄທງວຽນ ໄດ້ຈັດຕັ້ງລາຍການຕ້ອນຮັບບຸນເຕັດບຸນປີໃໝ່ 2567 (ຕາມພຸດທະສັກກະຫຼາດ) ໃຫ້ແກ່ນັກສຶກສາລາວໃນບໍລິເວນແຂວງ.
ກ່າວຄຳປາໄສທີ່ລາຍການ, ທ່ານນາງ ເອກອັກຄະລັດຖະທູດຜູ້ມີອຳນາດເຕັມ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ປະຈໍາ ຫວຽດນາມ ຄໍາເພົາ ເອີນທະວັນ ໄດ້ຕີລາຄາສູງຄວາມເອົາໃຈໃສ່, ສ້າງເງື່ອນໄຂຂອງແຂວງ ໄທງວຽນ ໃຫ້ບັນດານັກສຶກສາ ລາວ ໃນຊຸ່ມປີທີ່ມໍໆມານີ້.
ທ່ານ ຫງວຽນແທ່ງບິ່ງ, ຮອງປະທານຄະນະກຳມະການປະຊາຊົນແຂວງ ໄທງວຽນ ຢືນຢັນວ່າ ການນຳແຂວງ ຍາມໃດກໍ່ເອົາໃຈໃສ່ໃນຂົງເຂດຮ່ວມມືບຳລຸງສ້າງສຶກສາໃຫ້ແກ່ນັກສຶກສາ ລາວ, ພິເສດແມ່ນບັນດາແຂວງ, ນະຄອນທີ່ມີການຮ່ວມມືແຮກສ່ຽວ. ທີລາຍການ, ທ່ານ ບິ່ງ ຫວັງວ່າ ສະຖານທູດ ລາວ ປະຈໍາ ຫວຽດນາມ ຈະສືບຕໍ່ເອົາໃຈໃສ່, ເປັນຂົວຕໍ່ໜຸ່ມຊ່ວຍແຂວງ ໄທງວຽນ ເພີ່ມທະວີການຮ່ວມມື ແລະ ພັດທະນາກັບບັນດາທ້ອງຖິ່ນຂອງ ລາວ.
 |
| ນັກສຶກສາ ລາວ ຢູ່ແຂວງ ໄທງວຽນ ສະແດງສິລະປະທີ່ລາຍການ (ພາບ: ມະຫາວິທະຍາໄລເຕັກໂນໂລຢີຂໍ້ມູນ ແລະ ສື່ສານ - ມະຫາວິທະຍາໄລ ໄທງວຽນ) |
ເນື່ອງໃນໂອກາດນີ້, ແຂວງ ໄທງວຽນ ໄດ້ມອບຂອງຂວັນໃຫ້ໝູ່ຄະນະ 10 ໂຮງຮຽນໃນບໍລິເວນແຂວງ ເພື່ອລະດົມ, ຊຸກຍູ້ຈິດໃຈ ເພື່ອບັນດານັກສຶກສາຕ່າງປະເທດຕ້ອນຮັບບຸນເຕັດຢ່າງມວນຊື່ນ.
ກໍໃນວັນທີ 10 ເມສາ, ຢູ່ສວນສາທາລະນະ ບຽນຮຸ່ງ (ນະຄອນ ບຽນຮວ່າ), ສະມາຄົມນັກສຶກສາ ຫວຽດນາມ ແຂວງ ດົ່ງນາຍ ໄດ້ສົມທົບກັບພະແນກການຕ່າງປະເທດ ແລະ ຄະນະກຳມະການປະຊາຊົນນະຄອນ ບຽນຮວ່າ ຈັດຕັ້ງການພົບປະ ເພື່ອຕ້ອນຮັບບຸນເຕັດບຸນປີໃໝ່ (ລາວ) ແລະ Chol Chnam Thmay (ກໍາປູເຈຍ) ແລະ ງານບຸນວັດທະນະທໍາ ຫວຽດນາມ - ລາວ - ກຳປູເຈຍ ໃນປີ 2024.
ກອງປະຊຸມທີ່ມີການເຂົ້າຮ່ວມຂອງທ່ານອຳໄພ ສຸວັນນະແສງ, ຮອງກົງສຸນໃຫຍ່ ສປປ ລາວ ປະຈໍາ ນະຄອນ ໂຮ່ຈີມິນ; ທ່ານ ແກ້ວບຸນລິດ, ກົງສຸນ ກຳປູເຈຍ ປະຈຳນະຄອນ ໂຮ່ຈິມິນ ແລະ ນັກສຶກສາ ລາວ, ກຳປູເຈຍ 80 ກວ່າຄົນພວມຮ່ຳຮຽນຢູ່ແຂວງ ດົ່ງນາຍ.
ທີກອງປະຊຸມພົບປະ, ໄດ້ດຳເນີນການເຄື່ອນໄຫວຫຼາຍຢ່າງຄື: ພິທີຕີຜູກແຂນ; ມອບຂອງຂວັນໃຫ້ນັກສຶກສາ ລາວ - ກຳປູເຈຍ; ຈັດຕັ້ງຮ້ານອາຫານພື້ນເມືອງຂອງ 3 ປະເທດຫວຽດນາມ - ລາວ - ກຳປູເຈຍ; ເກມພື້ນເມືອງ; ສະໜາມດົນຕີ; ງານບຸນຫົດນ້ຳ...
ການເຄື່ອນໄຫວ ໄດ້ໜຸ່ມຊ່ວຍໃຫ້ບັນດານັກສຶກສາມີໂອກາດພົບປະແລກປ່ຽນ, ຮ່ຳຮຽນ ແລະ ຕິດພັນສາຍພົວພັນມິດຕະພາບທີ່ເປັນມູນເຊື້ອອັນດີງາມລະຫວ່າງ 3 ປະເທດ ຫວຽດນາມ - ລາວ - ກຳປູເຈຍ ເວົ້າລວມ, ລະຫວ່າງແຂວງ ດົ່ງນາຍ ກັບບັນດາທ້ອງຖິ່ນລາວ - ກຳປູເຈຍ ເວົ້າສະເພາະ.
ກ່ອນໜ້ານັ້ນ, ວັນທີ 9 ເມສາ ສະມາຄົມມິດຕະພາບ ຫວຽດນາມ - ລາວ ແຂວງ ແທງຮວ໋າ ກໍ່ໄດ້ຈັດຕັ້ງການການໂອ້ລົມເຈລະຈາພົບປະແລກປ່ຽນກັບບັນດານັກສຶກສາ ລາວ ຢູ່ ແທງຮວ໋າ ເນື່ອງໃນໂອກາດບຸນເຕັດພື້ນເມືອງບຸນປີໃໝ່ຂອງ ສາທາລະນະລັດ ປະຊາທິປະໄຕ ປະຊາຊົນລາວ. ທີ່ການການໂອ້ລົມເຈລະຈາພົບປະ, ບັນດາຜູ້ແທນແຂວງ ແທງຮວ໋າ ໄດ້ມອບຂອງຂວັນໃຫ້ນັກສຶກສາຕ່າງປະເທດ 50 ຄົນ, ເພື່ອຊ່ວຍໃຫ້ນັກສຶກສາມີຄວາມມານະພະຍາຍາມກວ່າອີກໃນການດຳລົງຊີວິດ ແລະ ຮ່ຳຮຽນຢູ່ ແທງຮວ໋າ.
ມິງດຶກ
