 | ບັນດາອົງການປະຊາຊົນ ຫວຽດນາມ ກະກຽມເຂົ້າຮ່ວມເວທີປາໄສປະຊາຊົນ ອາຊຽນ 2024 |
| ຫຼາຍຂໍ້ສະເໜີ ເພື່ອເພີ່ມທະວີການພົບປະແລກປ່ຽນປະຊາຊົນລະຫວ່າງ ຫວຽດນາມ - ເນປານ |
 |
| ສະຫາຍເລຂາພັກແຂວງ, ເຈົ້າແຂວງ ຫຼວງພະບາງ (ຂວາ) ໃຫ້ການຕ້ອນຮັບທ່ານບັນນາທິການໃຫຍ່ ເລກວັກມິນ ແລະ ຄະນະຜູ້ແທນໜັງສືພິມ ປະຊາຊົນ ຫວຽດນາມ. |
ໃນຕອນເຊົ້າວັນທີ 10 ມິຖຸນາ, ທີ່ສຳນັກງານຄະນະພັກແຂວງ ຫຼວງພະບາງ, ສະຫາຍ ຄຳຂັນ ຈັນທະວີສຸກ, ກຳມະການສູນກາງພັກ ປະຊາຊົນ ປະຕິວັດ ລາວ, ເລຂາພັກແຂວງ, ເຈົ້າແຂວງ ຫຼວງພະບາງ ພ້ອມດ້ວຍຜູ້ຕາງໜ້າການນຳແຂວງ ໄດ້ໃຫ້ການຕ້ອນຮັບສະຫາຍ ເລກວັກມິນ ແລະ ຄະນະຜູ້ແທນໜັງສືພິມ ປະຊາຊົນ ຫວຽດນາມ ຢ່າງອົບອຸ່ນ . ເຂົ້າຮ່ວມມີ ສະຫາຍ ວັນໄຊ ຕະວິນຍານ ຮອງຫົວໜ້າກົມໂຄສະນາອົບຮົມສູນກາງ ພັກ ປະຊາຊົນ ປະຕິວັດ ລາວ, ບັນນາທິການໃຫຍ່ ໜັງສືພິມ ປະຊາຊົນ ລາວ.
ສະຫາຍເລຂາແຂວງ, ເຈົ້າແຂວງ ຫຼວງພະບາງ ຄຳຂັນ ຈັນທະວີສຸກ ໄດ້ໃຫ້ການຕ້ອນຮັບ ສະຫາຍ ເລກວັກມິນ ແລະ ຄະນະຜູ້ແທນໜັງສືພິມ ປະຊາຊົນ ຫວຽດນາມ; ເນັ້ນໜັກວ່າ, ການຢ້ຽມຢາມ ລາວ ຄັ້ງນີ້ຂອງຄະນະໄດ້ປະກອບສ່ວນຮັດແໜ້ນສາຍພົວພັນອັນດີງາມລະຫວ່າງສອງພັກ, ສອງລັດ, ບັນດາທ້ອງຖິ່ນຂອງສອງປະເທດ ແລະ ໜັງສືພິມຂອງສອງພັກໃຫ້ແໜ້ນແຟ້ນຍິ່ງຂຶ້ນ.
ໂດຍແຈ້ງໃຫ້ສະຫາຍເລຂາແຂວງ, ເຈົ້າແຂວງ ຫຼວງພະບາງ ກ່ຽວກັບບັນດາຜົນສຳເລັດການພັດທະນາເສດຖະກິດ-ສັງຄົມຂອງ ຫວຽດນາມ ໃນໄລຍະຜ່ານມາ, ສະຫາຍ ເລກວັກມິນ ໃຫ້ຮູ້ວ່າ: ຈຸດປະສົງ ແລະ ຄວາມໝາຍຂອງການມາຢ້ຽມຢາມ ແລະ ເຮັດວຽກຢູ່ ລາວ ໃນຄັ້ງນີ້ ແມ່ນເພື່ອແນໃສ່ສືບຕໍ່ເຊື່ອມຕໍ່ກົນໄກພົບປະແລກປ່ຽນ, ການຮ່ວມມື, ແລກປ່ຽນຄະນະຜູ້ແທນລະຫວ່າງສອງອົງການຫນັງສືພິມພັກຂັ້ນສູນກາງຂອງສອງປະເທດ ຫວຽດນາມ - ລາວ ຫຼັງຈາກຂາດຕອນໄລຍະໜຶ່ງເນື່ອງຈາກການແຜ່ລະບາດ Covid-19. ເນື່ອງໃນໂອກາດການຢ້ຽມຢາມຄັ້ງນີ້, ໜັງສືພິມ ປະຊາຊົນ ຫວຽດນາມ ຍັງໄດ້ມອບລະບົບ CMS ໜັງສືພິມເອເລັກໂຕນິກ ໃຫ້ແກ່ໜັງສືພິມ ປະຊາຊົນ ລາວ ດ້ວຍທັດສະນະ “ມອບສິ່ງທີ່ດີທີ່ສຸດໃຫ້ແກ່ເພື່ອນມິດສະຫາຍ ລາວ”.
 |
| ການນຳແຂວງ ຫຼວງພະບາງ (ລາວ) ຖ່າຍຮູບທີ່ລະນຶກກັບຄະນະຜູ້ແທນໜັງສືພິມ ປະຊາຊົນ ຫວຽດນາມ. |
ໂດຍຕີລາຄາສູງບັນດາຜົນສຳເລັດຂອງການພັດທະນາເສດຖະກິດ-ສັງຄົມ, ການທ່ອງທ່ຽວ ແລະ ການຮັກສາວັດທະນະທຳຂອງແຂວງ ຫຼວງພະບາງ, ສະຫາຍ ເລກວັກມິນ ໃຫ້ຮູ້ວ່າ ເຖິງວ່າເປັນເທື່ອທຳອິດທີ່ມາແຂວງ ຫຼວງພະບາງ ກໍ່ຕາມ, ແຕ່ກໍ່ຮູ້ສຶກໄດ້ເຖິງ “ການດຳລົງຊີວິດທີ່ຄ່ອຍໄປຄ່ອຍໄປ” ແລະ ຄວາມງາມຂອງວັດທະນະທຳ ແລະ ປະຊາຊົນຢູ່ທີ່ນີ້, ພິເສດ ແມ່ນໄດ້ສຳຜັດກັບບັນດາຄວາມຮັກແພງອັນສະໜິດສະໜົມລະຫວ່າງ ຫວຽດນາມ ແລະ ລາວ. ທ່ານ ຖືວ່າ, ບັນດາຜະລິດຕະພັນດ້ານຂ່າວສານໃນໜັງສືພິມ ປະຊາຊົນ ຫວຽດນາມ ກ່ຽວກັບວັດທະນະທຳ ແລະ ປະຊາຊົນແຂວງ ຫຼວງພະບາງ ຈະປະກອບສ່ວນຢ່າງແທດຈິງເຂົ້າໃນການໂຄສະນາ ແລະ ດຶງດູດຊາວ ຫວຽດນາມ ທີ່ຮັກປະເທດ ລາວ ມາຍັງນະຄອນ ຫຼວງພະບາງ.
ໂດຍຊົມເຊີຍບັນດາຜົນສຳເລັດການພັດທະນາຂອງ ຫວຽດນາມ, ສະຫາຍ ຄຳຂັນ ຈັນທະວິສຸກ ຮຽກຮ້ອງໃຫ້ໜັງສືພິມ ປະຊາຊົນ ຫວຽດນາມ ສືບຕໍ່ໜູນຊ່ວຍ, ຊ່ວຍເຫຼືອໜັງສືພິມ ປະຊາຊົນ ລາວ ແລະ ເປີດກວ້າງການໜູນຊ່ວຍ, ຊ່ວຍເຫຼືອເຖິງບັນດາໜັງສືພິມທ້ອງຖິ່ນຂອງ ລາວ, ພິເສດແມ່ນໃນວຽກງານການສື່ສານ, ໂຄສະນາເຜີຍແຜ່ກ່ຽວກັບບັນດາເຫດການສຳຄັນໃນປີທີ່ ລາວ ດຳລົງຕຳແໜ່ງປະທານ ອາຊຽນ ປີ 2024; ແຂວງຫຼວງພະບາງ ຍາມໃດກໍ່ປາດຖະໜາຢາກຕ້ອນຮັບນັກຂ່າວໜັງສືພິມ ປະຊາຊົນ ຫວຽດນາມ ເວົ້າສະເພາະ ແລະ ນັກຂ່າວ ຫວຽດນາມ ເວົ້າລວມ ມາຂຽນບົດກ່ຽວກັບຄວາມງາມຂອງທ້ອງຖິ່ນ, ໂດຍຜ່ານນັ້ນ ກໍ່ຈະດຶງດູດຄົນມາທ່ຽວ ຫຼວງພະບາງ ໃຫ້ນັບມື້ນັບຫຼາຍຂຶ້ນ, ປະກອບສ່ວນຢ່າງຕັ້ງໜ້າເຂົ້າໃນການພັດທະນາເສດຖະກິດ - ສັງຄົມຂອງທ້ອງຖິ່ນ.
ເນື່ອງໃນໂອກາດນີ້, ທ່ານເລຂາພັກ, ເຈົ້າແຂວງ ຫຼວງພະບາງ ໄດ້ອວຍພອນໃຫ້ສະຫາຍ ເລກວັກມິນ ແລະ ຄະນະຜູ້ແທນໜັງສືພິມ ປະຊາຊົນ ຫວຽດນາມ ຈົ່ງປະສົບຜົນສຳເລັດໃນການເດີນທາງປະຕິບັດງານ, ອວຍພອນໃຫ້ສາຍພົວພັນມິດຕະພາບແບບພິເສດລະຫວ່າງສອງປະເທດ ລາວ-ຫວຽດນາມ ຂຽວສົດງົດງາມຕະຫຼອດໄປ.
 | ສະຖານທູດ ຫວຽດນາມ ປະຈຳ ໂປໂລຍ ໜູນຊ່ວຍປະຊາຊົນໃນການອອກເອກະສານຄືນໃໝ່ພາຍຫຼັງທີ່ເສຍຫາຍຍ້ອນໄຟໄໝ້ ຍສໝ - ວັນທີ 17 ພຶດສະພານີ້, ສະຖານທູດ ຫວຽດນາມ ປະຈຳ ໂປໂລຍ ໄດ້ເລີ່ມດຳເນີນວຽກງານກົງສຸນເພື່ອຮັບ, ແກ້ໄຂເອກະສານຂອງປະຊາຊົນທີ່ຖືກເສຍຫາຍໃນໄຟໄໝ້ສູນການຄ້າ Marywilska 44. ປະຊາຊົນຫຼາຍຄົນ ໄດ້ອອກເອກະສານໃໝ່ ຫລັງຈາກໄດ້ຍື່ນເອກະສານແລ້ວປະມານ 1 ຊົ່ວໂມງ. |
 | ຢ້ຽມຢາມ ແລະ ລະດົມໃຈພະນັກງານ, ນັກຮົບ, ປະຊາຊົນ ເຈື່ອງຊາ ແລະ ເຮືອນຖານ DK1 ຍສໝ - ໃນລະຫວ່າງວັນທີ 26 ເມສາ ຫາວັນທີ 2 ພຶດສະພາ, ຄະນະຜູ້ແທນນະຄອນ ໂຮ່ຈີມິນ ໂດຍທ່ານ ວາທີພົນເຮືອເອກ ຝ້າມຢືຊວນ, ຮອງແມ່ທັບເຮືອເປັນຫົວໜ້າຄະນະ, ແລະ ທ່ານ ຫງວຽນເຝືອກໂລກ, ຮອງເລຂາຄະນະພັກນະຄອນ, ຫົວໜ້າຄະນະຜູ້ແທນນະຄອນ ໂຮ່ຈີມິນ ໄດ້ລົງຢ້ຽມຢາມ, ໃຫ້ກຳລັງໃຈ ແລະ ມອບຂອງຂວັນໃຫ້ພະນັກງານ, ນັກຮົບ ... |
ມິງດຶກ
