ລາວ ​ແລະ ​ໄທ ເລີ່ມ​ທົດລອງແລ່ນລົດ​ໄຟ​ຂ້າມ​ຊາຍ​ແດນ​ໃໝ່
	ສະມາຄົມ​ມິດຕະພາບ ໂປໂລຍ - ຫວຽດນາມ ອະນາຄົດ ໄດ້ໄປຢ້ຽມຢາມ, ໜູນຊ່ວຍຊາວ ຫວຽດນາມ ທີ່ຖືກຜົນກະທົບຈາກເຫດໄຟໄໝ້ສູນການຄ້າ

ຕາມ​ທ່ານ​ເອກ​ອັກຄະ​ລັດຖະທູດ​ ຫວຽດນາມ ປະຈຳ ​ໂປ​ໂລຍ ຮ່າຮວ່າງຫາຍ ແລ້ວ, ເອກະສານ​ປະຈຳ​ຕົວ, ໃນ​ນັ້ນ ມີ​ໜັງສືຜ່ານ​ແດນ, ​ເອກະສານຕ່າງໆເຊິ່ງແມ່ນບັນດາເອກະສານທີ່ສຳຄັນ​, ຈຳເປັນແຖວ​ໜ້າ​ ເພື່ອ​ໃຫ້​ປະຊາຊົນ​ສາມາດ​ສືບ​ຕໍ່ພັກເຊົາຢ່າງ​ຖືກຕ້ອງ​ຕາມ​ກົດໝາຍ, ຜ່ານຜ່າການສູນເສຍອັນໃຫຍ່ຫຼວງເຫຼົ່ານີ້ໄປໄດ້.

​ເພື່ອ​ແບ່ງປັນ, ໜູນ​ຊ່ວຍ​ປະຊາຊົນ​ໃນ​ສະພາບ​ຫຍຸ້ງຍາກ, ບັນດາພະນັກງານ, ລັດຖະກອນສະຖານທູດ ​ຫວຽດນາມ ປະຈຳ ​ໂປ​ໂລ​ຍ ໄດ້ເຮັດ​ວຽກ​ດ້ວຍຈິດໃຈ​ຢ່າງ​ຮີບ​ດ່ວນ, ສ້າງ​ເງື່ອນ​ໄຂ​ສູງ​ສຸດ ​ແລະ ​ໄວ​ເທົ່າ​ທີ່​ຈະ​ໄວ​ໄດ້. ສະຖານທູດ ໄດ້​ລະດົມ​ພະນັກງານ​ໃຫ້​ຫຼາຍ​ທີ່​ສຸດ, ​ເຮັດ​ວຽກ​ທັງ​ເວັນທັງຄືນ ​ແລະ ​ໃນ​ທ້າຍ​ອາທິດ.

ສະຖານທູດ ຫວຽດນາມ ປະຈຳ ໂປໂລຍ ໜູນຊ່ວຍປະຊາຊົນໃນການອອກເອກະສານຄືນໃໝ່ພາຍຫຼັງທີ່​ໄດ້ຖືກ​ເສຍຫາຍຈາກເຫດ​ໄຟ​ໄໝ້.

​ເຖິງ​ວ່າ​ໄດ້​ຮັບ ​ແລະ ແກ້ໄຂ​ຂະຫຍາຍ​ເອກະສານທີ່ເປັນ​ຈຳນວນ​ຫຼວງ​ຫຼາຍ​ພ້ອມ​ກັນ, ແຕ່ວ່າສະຖານທູດ​ ຫວຽດນາມ ປະຈຳ ​ໂປ​ໂລຍ ຍັງ​ຄົງ​ພະຍາຍາມ​ແກ້​ໄຂ​ບັນດາ​ເອກະສານ​ດັ່ງກ່າວ​ໂດຍ​ໄວ ​ແລະ ​ໄດ້​ຮັບ​ໝາກຜົນ​ໂດຍ​ໄວທີ່ສຸດ. ປະຊາຊົນຫຼາຍຄົນ ​ໄດ້​ຮັບ​ໜັງສືຜ່ານ​ແດນ,​ ​ເອກະສານ​ສະບັບ​ໃໝ່ ​ໂດຍ​ສະຖານທູດ​ ຫວຽດນາມ ປະຈຳ ​ໂປ​ໂລ​ຍ ອອກ​ໃຫ້​ໃນ​ເວລາ​ພຽງ 1 ຊົ່ວ​ໂມງ​ນັບ​ແຕ່​​ໄດ້​ຍື່ນເອກະສານ. ບາງບັນຫາຂັດຂ້ອງທີ່ເກີດຂື້ນໃນຂະບວນການແກ້ໄຂ​​ເອກະສານ ແມ່ນທາງສະຖານທູດເປັນເຈົ້າການປະສານເພື່ອຊອກຫາວິທີແກ້ໄຂ.

ທ່ານນາງ ຫງວຽນທິແທ່ງຮ່າ ໃຫ້ຮູ້ວ່າ ນາງ ພ້ອມກັບຄອບຄົວໄດ້ດຳເນີນທຸລະກິດຢູ່ ໂປໂລຍ ເປັນເວລາກວ່າ 25 ປີ ແລະ ໄດ້ຍ້າຍມາດຳເນີນທຸລະກິດຢູ່ສູນການຄ້າ Marywilska 44 ເຊິ່ງນັບແຕ່ມື້ທຳອິດທີ່ສູນແຫ່ງນີ້ໄດ້ຮັບການສ້າງຕັ້ງ, 14 ປີກ່ອນ. ຫຼັງ​ຈາກ​ເກີດ​ໄຟ​ໄໝ້​ແລ້ວ, ຄອບ​ຄົວ​ຂອງ​ນາງ​ ​ໄດ້​ສູນ​ເສຍ​ສິນ​ຄ້າ, ເງິນ, ​ເອ​ກະ​ສານ​ທັງ​ໝົດ ເຊິ່ງໄດ້ປະ​ໄວ້​ຢູ່​ໃນຮ້ານ​ຄ້າ. ທ່ານ ຟ້າມດຶກຕ໋ຽນ (ອາຍຸ 60 ປີ) ເປີດເຜີຍວ່າ ເຫດໄຟໄໝ້ດັ່ງກ່າວເຮັດໃຫ້ຄອບຄົວຂອງລາວສູນເສຍທຸກຢ່າງພາຍຫຼັງທີ່ເຮັດທຸລະກິດສະສົມມາຫຼາຍປີ. ນອກຈາກນັ້ນ, ຫຼາຍຄອບຄົວທີ່ມີຮ້ານຂາຍເຄື່ອງຢູ່ Marywilska 44 ແມ່ນສູນເສຍຊັບສິນທັງໝົດ.

​ເຖິງ​ວ່າ​ຍັງ​ຕົກ​ໃຈ​ຢູ່​ກໍ່ຕາມ, ແຕ່​ທ່ານ​ນາງ ຮ່າ ແລະ ທ່ານ ຕ໋ຽນ ແລະ ປະຊາຊົນຫຼາຍຄົນລ້ວນ​ແຕ່​ຮູ້ສຶກ​ໄດ້ຮັບການປອບໃຈ, ລະດົມ ແລະ ອຸ່ນອ່ຽນໃຈກ່ອນການ​ໜູນ​ຊ່ວຍ​ຂອງ​ສະຖານທູດ ຫວຽດນາມ ປະຈຳ ​ໂປ​ໂລຍ. ພາຍຫຼັງ ໄດ້​ອອກ​ເອກະສານ​ໃໝ່, ປະຊາຊົນ​ ​ຈະ​ສືບ​ຕໍ່​ປະຕິບັດ​ບັນດາລະບຽບ​ການ​ກ່ຽວ​ກັບ​ບັດ​ພັກເຊົາ, ທະນາຄານ...

ນອກຈາກການອອກເອກະສານຄືນໃໝ່ແລ້ວ, ສະຖານທູດ ຫວຽດນາມ ປະຈຳ ໂປໂລຍ ຍັງເຮັດວຽກກັບອຳນາດການປົກຄອງ, ບັນດາອົງການທີ່ມີໜ້າທີ່ປະຈຳຖິ່ນຢ່າງຕັ້ງໜ້າ ເພື່ອໜູນຊ່ວຍປະຊາຊົນແກ້ໄຂບັນດາບັນຫາຕື່ມອີກ. ທ່ານ​ເອກ​ອັກຄະ​ລັດຖະທູດ ຮ່າຮວ່າງຫາຍ ໄດ້​ມີ​ການ​ພົບ​ປະ​ກັບ ທ່ານ Liwiusz Laska, ຜູ້ຕາງໜ້າ​ກະຊວງ​ແຮງ​ງານ, ຄອບຄົວ ​ແລະ ນະໂຍບາຍສັງຄົມ ​ໂປ​ໂລຍ; ທ່ານ Mariusz Frankowski, ເຈົ້າແຂວງ Mazowsze ແລະ ທ່ານ Zbigniew Derdziuk, ຜູ້ອຳນວຍການໃຫຍ່ປະກັນໄພສັງຄົມຂອງ ໂປໂລຍ (ZUS) ເພື່ອສະເໜີໃຫ້ສືບສວນ, ຊີ້ແຈງສາເຫດຂອງໄຟໄໝ້ ພ້ອມທັງຮັບປະກັນສິດ, ຜົນປະໂຫຍດທີ່ຖືກຕ້ອງຕາມກົດໝາຍຂອງພົນລະເມືອງ ຫວຽດນາມ.

ມິງດຶກ