ງານມະຫາກຳກິລາ ນັກຮຽນອາຊີຕາເວັນອອກສ່ຽງໃຕ້ຄັ້ງທີ 13 ໄດ້ໄຂຂຶ້ນຢ່າງເປັນທາງການໃນຕອນຄ່ຳວັນທີ 1 ມິຖຸນາ, ຢູ່ຫໍກິລາ ຕຽນເຊີນ, ເມືອງ ຫ໋າຍເຈົາ, ນະຄອນ ດ່ານັ້ງ. ເຂົ້າຮ່ວມພິທີໄຂ ມີ ນັກກິລາແມ່ນນັກຮຽນ, ຄູ່ຝືກ ກ່ວາ 1.300 ຄົນ ທີ່ມາຈາກ 10 ປະເທດ ໃນພາກພື້ນ ແລະ ຜູ້ຊົມເປັນຈຳນວນຫຼວງຫຼາຍ.
ຈຸດພົ້ນເດັ່ນຂອງພິທີໄຂ ແລະ ການເດີນຂະບວນຢ່າງສົມກຽດຂອງ 10 ຄະນະກິລາ ບັນດາປະເທດ ອາຊີຕາເວັນອອກສ່ຽງໃຕ້ຄື: ບຣູໄນ, ກຳປູເຈຍ, ອິນໂດເນເຊຍ, ລາວ, ມຽນມາ, ມາເລເຊຍ, ຟີລິບປິນ, ສິງກະໂປ, ໄທ ແລະ ຫວຽດນາມ; ພິທີຊຸກ ທຸງຂຶ້ນເສົາ ຂອງສະພາກິລານັກຮຽນອາຊີຕາເວັນອອກສ່ຽງໃຕ້ ແລະ ທຸງງານມະຫາກຳກິລາ ໄດ້ສ້າງຂີດໝາຍວັນບຸນກິລາທີ່ຟົດຟຶ້ນ ເລີ່ມຕົ້ນຢ່າງເປັນທາງການ.
ພິເສດ, ພິທີຈູດທວນໄຟງານມະຫາກຳກິລາ ໂດຍທ່ານຮອງນາຍົກລັດຖະມົນຕີ ເຈິ່ນຮົງ່ຮ່າ ປະຕິບັດ. ທວນໄຟແມ່ນສັນຍາລັກໃຫ້ແກ່ຄວາມສຸດຈິດສຸດໃຈຂອງຊາວໜຸ່ມ ອາຊິຕາເວັນອອກສ່ຽງໃຕ້, ພ້ອມທັງຍົກສູງຈິດໃຈສາມັກຄີ, ຄວາມມິດຕະພາບລະຫວ່າງບັນດາປະເທດໃນພາກພື້ນ.
 |
ໄຂງານມະຫາກຳກິລາ ນັກຮຽນ ອາຊີຕາເວັນອອກສ່ຽງໃຕ້ຄັ້ງທີ 13 |
ທີ່ພິທີ, ທ່ານຮອງນາຍົກລັດຖະມົນຕີ ເຈິ່ນຮົ່ງຮ່າ ໄດ້ປະກາດໄຂງານມະຫາກຳກິລາ ນັກຮຽນອາຊີຕາເວັນອອກສ່ຽງໃຕ້ຄັ້ງທີ 13 ປີ 2024 ຢູ່ດ່ານັ້ງ, ຫວຽດນາມ. ທ່ານຮອງນາຍົກລັດຖະມົນຕີ ອວຍພອນບັນດານັກກິລາແຂ່ງຂັນບັນລຸໝາກຜົນດີທີ່ສຸດ ດ້ວຍຈິດໃຈກິລາ ຄວາມສາມັກຄີ, ມິດຕະພາບ.
ຈຸດພົ້ນເດັ່ນຂອງລາຍການແມ່ນການແຫ່ຂະບວນຂອງ 10 ຄະນະກິລາຄື: ບຣູໄນ, ກຳປູເຈຍ, ອິນໂດເນເຊຍ, ລາວ, ມາເລເຊຍ, ມຽນມາ, ຟີລິບປິນ, ສິງກະໂປ, ໄທແລະເຈົ້າພາບຫວຽດນາມ. ໃນຊຸດຊຸດກິລານັກຮຽນໄດ້ນຳເອົາຄວາມງາມທີ່ມີສຸຂະພາບດີ, ເປັນມິດດ້ວຍຮອຍຍິ້ມທີ່ສົດໃສ, ສະແດງໃຫ້ເຫັນຄວາມສາມັກຄີ, ມິດຕະພາບ ແລະ ເຊີດຊູຈິດໃຈກິລາ.
ກ່າວຄຳເຫັນທີ່ພິທີ, ທ່ານລັດຖະມົນຕີກະຊວງສຶກສາ ແລະ ບຳລຸງສ້າງ ຫງວຽນກິມເຊີນ ແບ່ງປັນວ່າ: ງານມະຫາກຳກິລານັກຮຽນອາຊີຕາເວັນອອກສ່ຽງໃຕ້ ແມ່ນງານມະຫາກຳກິລາທີ່ໃຫຍ່ທີ່ສຸດຂອງບັນດານັກຮຽນມັດທະຍົມປາຍຂອງບັນດາປະເທດອາຊີຕາເວັນອອກສ່ຽງໃຕ້ ເພື່ອແນໃສ່ຊຸກຍູ້ການພົວພັນສາມັກຄີ, ມິດຕະພາບກັບສາກົນ ເຄົາລົບແລະເຂົ້າໃຈລະຫວ່າງບັນດາປະເທດເພື່ອການພັດທະນາທາງດ້ານຮ່າງກາຍ ແລະ ຈິດໃຈທີ່ກົມກຽວກັນຂອງນັກສຶກສາ, ເພື່ອລຸ້ນໜຸ່ມຂອງອາຊີຕາເວັນອອກສ່ຽງໃຕ້ເຊື່ອມໂຍງ ແລະ ພັດທະນາ. ບໍ່ພຽງແຕ່ແມ່ນສະຖານທີ່ໃຫ້ກຽດແກ່ບັນດານັກກິລາເທົ່ານັ້ນ, ງານມະຫາກຳກິລານັກຮຽນອາຊີຕາເວັນອອກສຽງໃຕ້ຄັ້ງທີ 13 ແມ່ນໂອກາດເພື່ອແລກປ່ຽນ, ຮຽນຮູ້ ແລະ ເຊື່ອມໂຍງເຂົ້າກັບບັນດານັກສຶກສາບັນດາປະເທດອາຊຽນ, ດ້ວຍຈິດໃຈ “ເຊື່ອມໂຍງເຂົ້າກັນ”.
ຄຳຮຸ່ງ
