 | ທ່ານເອກອັກຄະລັດຖະທູດ ມາເລເຊຍ: ຫວຽດນາມ ຂຸດຄົ້ນ “ຫົວຄິດປະດິດສ້າງ” ຢູ່ APEC ເພື່ອຍົກສູງຄວາມສາມາດ |
| ບິ່ງດິ້ງ, ຝູອຽນ, ແຄງຮ່ວາ: ສ້າງ tour ທ່ອງທ່ຽວລາຍການດຽວ 3 ສະຖານທີ່ ເພື່ອຕ້ອນຮັບນັກທ່ອງທ່ຽວ |
ໂດຍປະຕິບັດສັນຍາຮ່ວມມືປີ 2024 ລະຫວ່າງແຂວງ ແທງຮວ໋າ ແລະ ແຂວງ ຫົວພັນ (ສປປ ລາວ), ແຂວງ ແທງຮວ໋າ ພວມມຸ່ງໄປເຖິງການກໍ່ສ້າງ, ຂຸດຄົ້ນ tour ທ່ອງທ່ຽວຈຳນວນໜຶ່ງເຊື່ອມຕໍ່ກັບແຂວງຫົວພັນ (ລາວ), ສຸມໃສ່ບັນດາຜະລິດຕະພັນການທ່ອງທ່ຽວຄື: ລົງຕົວຈິງ, ວັດທະນະທຳ-ປະຫວັດສາດ, ນິເວດຊຸມຊົນ...
 |
| ວິສາຫະກິດທ່ອງທ່ຽວໃນບໍລິເວນແຂວງ ແທງຮວ໋າ ໄດ້ສຳຫຼວດການກໍ່ສ້າງ tour ທ່ອງທ່ຽວເຊື່ອມຕໍ່ບັນດາຈຸດໝາຍທ່ອງທ່ຽວໃນບໍລິເວນແຂວງ ຫົວພັນ. |
ຕາມການນຳຂອງພະແນກວັດທະນະທຳ, ກິລາ ແລະ ທ່ອງທ່ຽວ ແທງຮວ໋າ ແລ້ວ, ໃນໄລຍະຈະມາເຖິງ, ໜ່ວຍງານຈະເປັນປະທານ, ສົມທົບກັບບັນດາຫົວໜ່ວຍທີ່ກ່ຽວຂ້ອງຈັດຕັ້ງບັນດາວິສາຫະກິດ, ສື່ມວນຊົນສຳຫຼວດ, ລົງຕົວຈິງເພື່ອກໍ່ສ້າງ, ໂຄສະນາບັນດາ tour, ເສັ້ນທາງທ່ອງທ່ຽວເຊື່ອມຕໍ່ສອງແຂວງ ແທງຮວ໋າ - ຫົວພັນ.
ລະອຽດ, ຢູ່ແຂວງ ແທງຮວ໋າ, ຄະນະຈະສຸມໃສ່ລົງສຳຫຼວດຫຼາຍຈຸດຄື: ເຂດທ່ອງທ່ຽວຊຸມຊົນໝູ່ບ້ານ ງ່າມ, ຖ້ຳ ບໍ່ກຸ໋ງ, ຫໍ ຕື່ໝາ້ຮ່າຍດາວ, ດ່ານຊາຍແດນ ນາແມ່ວ (ເມືອງ ກ່ວານເຊີນ)... ຢູ່ແຂວງຫົວພັນ (ລາວ), ຄະນະສຳຫຼວດຢູ່ບ້ານໄກສອນ ພົມວິຫານ (ໃນສວນປະທານໄກສອນ), ທີ່ໝັ້ນຂອງການປະຕິວັດຖ້ຳ ໄກສອນ ພົມວິຫານ, ຖານທີ່ໝັ້ນການປະຕິວັດ ຖ້ຳ ໄກສອນ ພົມວິຫານ, ຫ້ອງປະຊຸມກົມການເມືອງ, ເຮືອນຂອງທ່ານ ໜູຮັກ ພູມສະຫວັນ; ຖ້ຳ ໜູຮັກ ພູມສະຫວັນ; ຖ້ຳຂອງສະເດັດເຈົ້າ ສຸພານຸວົງ (ວຽງໄຊ); ວັດທາດ ວັດໂພໄຊຍາຣາມ, ຕະຫຼາດ ຊຳເໜືອ, ສະໜາມຫຼວງ ຊຳເໜືອ (ຕາແສງ ຊຳເໜືອ)...
ແຂວງ ແທງຮວ໋າ ປາດຖະໜາວ່າ ການຊຸກຍູ້ການຮ່ວມມື, ເຊື່ອມໂຍງເພື່ອພັດທະນາການທ່ອງທ່ຽວ ແທງຮວ໋າ - ຫົວພັນ ຈະເປີດກາລະໂອກາດດຶງດູດແຫຼ່ງຕ້ອນຮັບນັກທ່ອງທ່ຽວທັງພາຍໃນ ແລະ ຕ່າງປະເທດໃຫ້ຫລາຍຂຶ້ນ, ພ້ອມກັນນັ້ນ ກໍ່ເປີດກາລະໂອກາດດຶງດູດການລົງທຶນ ແລະ ພັດທະນາຈຸດໝາຍປາຍທາງ, ເປັນໄມ້ງັດຊຸກຍູ້ການພັດທະນາບັນດາຂະແໜງການເສດຖະກິດອື່ນໆຂອງສອງແຂວງ. ຜ່ານນັ້ນ, ກໍ່ປະກອບສ່ວນເພີ່ມທະວີການພົວພັນຮ່ວມມືມິດຕະພາບລະຫວ່າງສອງປະເທດ ຫວຽດນາມ - ລາວ ເວົ້າລວມ ແລະ ສອງທ້ອງຖິ່ນ ແທງຮວ໋າ - ຫົວພັນ ເວົ້າສະເພາະ.
ກ່ອນໜ້ານັ້ນ, ປີ 2019, ແຂວງ ແທງຮວ໋າ ໄດ້ປະກາດ tour ກວານເຊີນ - ວຽງໄຊ ດ້ວຍແຫຼ່ງທ່ອງທ່ຽວທີ່ໜ້າຈັບໃຈຫຼາຍແຫ່ງຄື: ນະຄອນ ແທງຮວ໋າ/ນະຄອນ ຊຳເຊີນ - ມໍລະດົກໂລກ ແທງຍ່າໂຮ - ຫ້ວຍປາ ເກີມເລື່ອງ - ປູ່ຫຼວງ - ບ້ານງາ່ມ - ວຽງໄຊ; ນະຄອນ ແທງຮວ໋າ/ນະຄອນ ຊຳເຊີນ - ເຂດຮ່ອງຮອຍປະຫວັດສາດ ລ່າມກິງ - ຖ້ຳ ບໍ່ກຸ໋ງ - ບ້ານງາ່ມ - ວຽງໄຊ; ນະຄອນ ແທງຮວ໋າ/ນະຄອນ ຊຳເຊີນ ບ້ານນັງກ໋າດ, ນ້ຳຕົກ ມາຮ່າວ - ບ້ານງາ່ມ - ດ່ານຊາຍແດນ ນາແມ່ວ - ວຽງໄຊ... ແຕ່ແນວໃດກໍ່ຕາມ, ຍ້ອນພະຍາດໂຄວິດ-19, ການເຄື່ອນໄຫວເຊື່ອມຕໍ່, ຂຸດຄົ້ນການທ່ອງທ່ຽວ ໄດ້ຖືກຕັດຕອນຊົ່ວຄາວ.
ໂດຍຕິດກັບແຂວງ ແທງຮວ໋າ, ແຂວງຫົວພັນ ມີເຂດທ່ອງທ່ຽວ 157 ແຫ່ງ, ລວມມີ ເຂດທັດສະນີຍະພາບ 64 ແຫ່ງ, ເຂດທ່ອງທ່ຽວປະຫວັດສາດ 64 ແຫ່ງ ແລະ ເຂດທ່ອງທ່ຽວວັດທະນະທຳ 29 ແຫ່ງ. ໃນນັ້ນ, ຈຸດເດັ່ນທ່ອງທ່ຽວທີ່ສຳຄັນຂອງເມືອງ ວຽງໄຊ - ນະຄອນຫຼວງຕໍ່ຕ້ານທີ່ມີຊື່ສຽງຂອງລາວ ໄດ້ ແລະ ພວມກາຍເປັນຈຸດໝາຍປາຍທາງທີ່ນັກທ່ອງທ່ຽວທັງພາຍໃນ ແລະ ຕ່າງປະເທດນິຍົມຫຼາຍ.
 | ຂະແໜງທາງລົດໄຟເພີ່ມລົດໄຟ ຫາຍຟ່ອງ-ຮ່າໂນ້ຍ ເພື່ອຮັບໃຊ້ລູກຄ້າ food tour ຍສໝ - ເພື່ອຕອບສະໜອງຄວາມຮຽກຮ້ອງຕ້ອງການຂອງຜູ້ໂດຍສານ, ບໍລິສັດຫຸ້ນສ່ວນຂົນສົ່ງທາງລົດໄຟ ຮ່າໂນ້ຍ ໃຫ້ຮູ້ວ່າ, ຈະເພີ່ມລົດໄຟ HP4 ເສັ້ນທາງ ຫາຍຟ່ອງ - ຮ່າໂນ້ຍ ຕື່ມອີກ. |
 | City tour - ທ່າອ່ຽງທ່ອງທ່ຽວ “ພົ້ນເດັ່ນ” ຢູ່ນະຄອນ ຫາຍຟ່ອງ ມີນັກທ່ອງທ່ຽວຫຼາຍຄົນມາຈາກນະຄອນຫຼວງ ຮ່າໂນ້ຍ ແລະ ບັນດາແຂວງເຂດໃກ້ຄຽງມາ ຫາຍຟ່ອງ ເພື່ອຮັບປະທານບັນດາເຍື່ອງອາຫານຢູ່ເຂດຖະໜົນທີ່ເປັນເອກະລັກສະເພາະ. |
ມິງດຶກ
