 | ປະເທດໄທ ລົງເລິກການພົວພັນບ້ານໃກ້ເຮືອນຄຽງ ກັບ ສປປ.ລາວ |
| ສປປ.ລາວ ໄດ້ຕີລາຄາສູງການຮ່ວມມືກັບຫວຽດນາມໃນຂົງເຂດວິທະຍາສາດ, ເຕັກໂນໂລຊີ ແລະ ປ່ຽນໃໝ່ປະດິດສ້າງ |
ກອງປະຊຸມສະໄໝສາມັນເທ່ືອທີ 7 ຂອງສະພາແຫ່ງຊາດຊຸດ ທີ IX ໄດ້ໄຂຂຶ້ນທ່າມກາງບັນຍາກາດທີ່ທົ່ວພັກ, ທົ່ວລັດ ແລະ ທົ່ວປວງຊົນລາວທັງຊາດ ພວມຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ແຫ່ງຊາດ ແລະ ຊື່ນຊົມຍິນດີ ແລະ ເອກອ້າງທະນົງໃຈທີ່ມໍລະດົກການຕໍ່າລາຍນາກຂອງລາວໄດ້ຮັບຮອງ ເປັນມໍລະດົກໂລກ ແລະ ມີພິທີສະເຫລີມສະຫລອງຢ່າງຄຶກຄື້ນໃນທ້າຍອາທິດຜ່ານມາ. ມື້ເປີດກອງປະຊຸມໃນຕອນເຊົ້າ ວັນທີ 10 ມິຖຸນາ 2024 ເຖິງວ່າຈະມີຝົນຕົກທົ່ວນະຄອນຫລວງວຽງຈັນ ກໍຕາມແຕ່ບັນດາການນໍາພັກ-ລັດ, ອະດີດການນໍາ, ສະມາຊິກສະພາແຫ່ງຊາດ ແຕ່ລະ ເຂດເລືອກຕັ້ງ, ແຂກຖືກເຊີນ, ນັກຮຽນຮູ້ປັນຍາຊົນຕ່າງກໍກ້າວເຂົ້າສູ່ຫ້ອງປະຊຸມສະພາແຫ່ງຊາດ ດ້ວຍຄວາມຮັບຜິດຊອບສູງຕໍ່ການປະຕິບັດໜ້າທີ່ການເມືອງໃຫ້ປະສົບຜົນສຳເລັດຕາມຄາດໝາຍທີ່ວາງໄວ້.
 |
ສປປ.ລາວ ເປີດກອງປະຊຸມສະໄໝສາມັນເທື່ອທີ 7 ຂອງສະພາແຫ່ງຊາດຊຸດທີ IX |
ພໍຮອດເວລາ 8:00 ໂມງ ພາຍ ໃນຫ້ອງປະຊຸມໃຫຍ່ສະພາແຫ່ງຊາດ ກໍເລີ່ມຕົ້ນເປີດກອງປະຊຸມດ້ວຍການບັນເລງເພງຊາດ ແລະ ເຄົາລົບທຸງຊາດ, ຈາກນັ້ນ ທ່ານປະທານ ສະພາແຫ່ງຊາດ ໄຊສົມພອນ ພົມວິຫານ ກໍ່ໄດ້ກ່າວສູນທອນພົດເປີດກອງປະຊຸມຢ່າງ ເປັນທາງການເຊິ່ງ ຕະ ຫລອດໄລຍະຂອງກອງປະຊຸມ ຈົນເຖິງ ວັນທີ 2 ກໍລະກົດ 2024 ບັນດາສະມາຊິກສະພາແຫ່ງຊາດ ແຕ່ລະເຂດຈະໄດ້ພ້ອມກັນນໍາເອົາຄຳສະເໜີຕ່າງໆຂອງປະຊາຊົນ ໃນເຂດເລືອກຕັ້ງຕົນສະເໜີຕໍ່ກອງປະຊຸມຄັ້ງນີ້ ໃຫ້ລັດຖະບານແກ້ໄຂຕາມຄວາມເປັນຈິງ ທັງຈະໄດ້ສຸມສະຕິປັນຍາປະກອບຄຳຄິດຄຳເຫັນຕ່ໍບັນຫາສຳຄັນຂອງຊາດ ດ້ວຍຄວາມຮັບຜິດຊອບສູງ ເພື່ອໃຫ້ໄດ້ຮັບການແກ້ໄຂຕາມຄວາມເໝາະສົມ ແລະ ພິຈາລະນາຮອງເອົາບັນຫາສຳຄັນ ຂອງຊາດໂດຍລວມແລ້ວຈະໄດ້ພິຈາລະນາຮັບຮອງເອົາມະຕິ ຈຳນວນ 19 ສະບັບເຊັ່ນ: 1) ມະຕິຮັບຮອງເອົາບົດລາຍງານ ຂອງລັດຖະ ບານ ຈໍານວນ 4 ສະບັບ; 2) ມະຕິຮັບຮອງເອົາວຽກງານອົງການກວດສອບແຫ່ງລັດ ຈຳນວນ 1 ສະບັບ; 3)ມະຕິຮັບຮອງເອົາວຽກງານສະພາແຫ່ງຊາດຈຳນວນ 1 ສະບັບ; 4) ມະຕິຮັບຮອງເອົາວຽກງານການສ້າງ ແລະ ປັບປຸງກົດໝາຍຈຳນວນ 13 ສະບັບ.
ກອງປະຊຸມຄັ້ງນີ້ຍັງຈະ ໄດ້ຮັບຟັງການຊີ້ແຈງຂອງສະມາ ຊິກລັດຖະບານ ແລະ ພາກສ່ວນກ່ຽວຂ້ອງຈໍານວນໜຶ່ງ ຕໍ່ຄໍາຊັກຖາມຂອງບັນດາສະມາຊິກສະພາແຫ່ງຊາດ. ໃນກອງປະຊຸມຄັ້ງນີ້ ບັນດາສະມາຊິກສະພາແຫ່ງຊາດ ຈະໄດ້ນໍາໃຊ້ສິດປະຊາທິປະໄຕ, ເສີມຂະຫຍາຍຫົວຄິດປະດິດສ້າງ ແລະ ເຊີດຊູຄວາມຮັບຜິດຊອບການເມືອງຂອງຕົນ ໃນການສຸມສະຕິປັນຍາເຂົ້າໃນການຄົ້ນຄວ້າຢ່າງເລິກເຊິ່ງ, ປະກອບຄຳເຫັນຕໍ່ທຸກບັນຫາຕ່າງໆຢ່າງຖີ່ຖ້ວນ, ສ້າງສັນ, ພາວະວິໄສ, ມີເຫດມີຜົນ, ແທດຕົວຈິງ, ຮັດກຸມບົນພື້ນຖານແນວທາງປ່ຽນແປງໃໝ່ຂອງພັກ, ລັດຖະທໍາມະນູນ, ກົດ ໝາຍຂອງລັດ ແລະ ສະພາບຄວາມເປັນຈິງທາງດ້ານເສດຖະກິດ-ສັງຄົມ ຕາມເງື່ອນໄຂຕົວຈິງຂອງປະເທດເຮົາໃນປັດຈຸບັນພ້ອມທັງຊອກຫາວິທີການ, ມາດຕະການແກ້ໄຂທີ່ສອດຄ່ອງຕໍ່ບັນດາບັນຫາທີ່ສັງຄົມຍັງມີຄວາມເປັນຫ່ວງບັນຫາຮີບດ່ວນ ແລະ ເຄັ່ງຮ້ອນຂອງສັງຄົມພວກເຮົາໃນປັດຈຸບັນເພື່ອສ້າງຄວາມເປັນເອກະພາບສູງຕໍ່ເນື້ອໃນ ທ່ີນໍາມາພິຈາລະນາໃຫ້ມີຄຸນນະພາບຈົນກ້າວໄປເຖິງການຮັບຮອງໃນກອງປະຊຸມຄັ້ງນີ້ ແລະ ສາມາດນໍາໄປຈັດຕັ້ງປະຕິບັດຢ່າງເປັນຮູບປະທໍາຢ່າງແທ້ຈິງ.
ສຳລັບຢູ່ດ້ານນອກຫ້ອງປະຊຸມສະພາແຫ່ງຊາດ ກໍໄດ້ມີການປ້ອງຄວາມປອດໄພຈາກກໍາລັງ ປກສ- ປກຊ ຢູ່ຕະຫລອດເວລາ ເພື່ອເຮັດໃຫ້ກອງປະຊຸມໄດ້ດຳເນີນໄປດ້ວຍຄວາມສະຫງົບປອດໄພ ແລະ ປະ ສົບຜົນສຳເລັດຕາມແຜນທີ່ວາງໄວ້. ຂະນະທີ່ນັກຮົບສື່ມວນຊົນແຕ່ລະສຳນັກ ບ່ໍວ່າໜັງສືພິມ, ວິທະຍຸ, ໂທລະພາບ…ກໍ່ໄດ້ກຽມຄວາມພ້ອມທາງດ້ານອຸປະກອນໃນວິຊາຊີບຂອງຕົນ ເພື່ອຮັບໃຊ້ກອງປະຊຸມຢ່າງຈູບຈ້າວຫ້າວຫັນ, ຜູ້ຮັບໜ້າທີ່ຖ່າຍພາບກໍ່ໄດ້ຕັ້ງໃຈເຮັດໜ້າທີ່ຖ່າຍພາບຈາກມູນນີ້ສູ່ມູນນັ້ນ ເພື່ອໄດ້ພາບທີ່ສວຍງາມຕາມຄວາມຕ້ອງການ. ນອກນີ້, ຜູ້ເຮັດໜ້າທ່ີ ຂຽນຂ່າວ-ຂຽນບົດຕ່າງກໍ່ໄດ້ລົງມືເປີດຄອມພິວເຕີ, ຈົດແຕ້ມຂໍ້ມູນ, ບັນທຶກສຽງເພ່ືອມາຂຽນຂ່າວ-ບົດລາຍງານໃຫ້ສັງຄົມໄດ້ຮັບຮູ້ຢ່າງທ່ົວເຖິງ.
ສ່ວນໜ່ວຍງານສາຍດ່ວນ ໃນກອງປະຊຸມສະພາແຫ່ງຊາດກໍ່ພ້ອມທີ່ຈະຮັບເອົາຄໍາສະເໜີຕ່າງໆຈາກປະຊາຊົນ, ພະນັກງານ, ທະຫານ, ຄໍາຫລວດທີ່ໂທຜ່ານສາຍ ດ່ວນ 156 ໄປຍັງກອງປະຊຸມ ເພື່ອໃຫ້ລັດຖະບານກໍ່ຄືພາກສ່ວນກ່ຽວຂ້ອງພິຈາລະນາແກ້ໃນຕໍ່ໜ້າ. ເພື່ອເຮັດໃຫ້ການດຳເນີນກອງປະຊຸມສະໄໝສາມັນເທື່ອທີ 7 ຂອງສະພາແຫ່ງຊາດບັນລຸຜົນສຳເລັດ ແລະ ນຳເອົາຜົນປະໂຫຍດຕົວຈິງມາສູ່ປະຊາຊົນລາວບັນດາເຜົ່ານັ້ນ ປະຊາຊົນບັນດາເຜົ່າທຸກຊັ້ນຄົນໃນທົ່ວປະເທດ ແລະ ພີ່ນ້ອງຊາວລາວທີ່ອາໄສຢູ່ຕ່າງປະເທດ ຈົ່ງຕິດຕາມການດໍາເນີນກອງປະຊຸມສະໄໝສາມັນເທື່ອທີ 7 ຂອງສະພາແຫ່ງຊາດ ຊຸດທີ IX ຄັ້ງນີ້ ແລະ ສາມາດປະກອບຄຳຄິດຄຳເຫັນ ແລະ ຄຳສະເໜີໂດຍກົງສົ່ງໄປຍັງກອງປະຊຸມດ້ວຍ 3 ຊ່ອງທາງຄື: ສາຍດ່ວນ: 156, ອີເມວ: nalao.156@ gmail.com ແລະ App: Laona ທຸກຄຳສະເໜີ ແລະ ຂໍ້ຄິດເຫັນຂອງທ່ານຈະມີໜ່ວຍງານຮັບຜິດຊອບບັນທຶກໄວ້ ແລະ ນຳໄປສະເໜີຕໍ່ກອງປະຊຸມຄັ້ງນີ້.
 | ສປປ.ລາວ ຈັດພິທີໂຮມຊຸມນຸມມິດຕິງ ສະເຫຼີມສະຫຼອງວັນໄຊຊະນະ ດ້ຽນບຽນຝູ ຄົບຮອບ 70 ປີ ຍສໝ - ຕາມສຳນັກຂ່າວສານຫວຽດນາມ, ໃນວັນທີ 7 ພຶດສະພານີ້, ຢູ່ສູນປະຊຸມແຫ່ງຊາດລາວ, ນະຄອນຫຼວງວຽງຈັນ, ຄະນະບໍລິຫານງານສູນກາງພັກປະຊາຊົນປະຕິວັດລາວ, ລັດຖະບານ, ສະພາແຫ່ງຊາດ, ແນວໂຮມປະເທດຊາດລາວສູນກາ ... ໄດ້ຈັດຕັ້ງພິທີໂຮມຊຸມນຸມມິດຕິງສະເຫຼີມສະຫຼອງ 70 ປີແຫ່ງວັນໄຊຊະນະດ້ຽນບຽນຝູ. |
 | ຫວຽດນາມ ສືບຕໍ່ສະໜັບສະໜູນ ແລະ ໜູນຊ່ວຍ ສປປ.ລາວ ດຳລົງຕຳແໜ່ງປະທານ ອາຊຽນ ຢ່າງສຳເລັດຜົນ ຍສໝ - ທ່ານລັດຖະມົນຕີ ບຸ່ຍແທງເຊີນ ຢືນຢັນວ່າ ຫວຽດນາມ ຈະສືບຕໍ່ໜູນຊ່ວຍ ແລະ ຊ່ວຍເຫຼືອລາວ ເພື່ອຮັບດຳລົງຕຳແໜ່ງປະທານ ອາຊຽນ ໃນປີ 2024 ຢ່າງສຳເລັດຜົນ; ຮຽກຮ້ອງໃຫ້ລາວ ສົມທົບກັນຊຸກຍູ້ການພົວພັນ OECD - ອາຊຽນ ແລະ ໂຄງການອາຊີຕາເວັນອອກສຽງໃຕ້ (SEARP) ຂອງ OECD. |
ຄຳຮຸ່ງ
