| ຫວຽດນາມ ສືບຕໍ່ສະໜັບສະໜູນ ແລະ ໜູນຊ່ວຍ ສປປ.ລາວ ດຳລົງຕຳແໜ່ງປະທານ ອາຊຽນ ຢ່າງສຳເລັດຜົນ | |
| ການພົບປະເຈລະຈາລະຫວ່າງກອງບັນຊາການປ້ອງກັນຊາຍແດນຫວຽດນາມ ແລະ ກົມໃຫຍ່ປ້ອງກັນຄວາມສະຫງົບ ສປປ.ລາວ |
ທີ່ການພົບປະ, ທ່ານລັດຖະມົນຕີ ຮ່ວາງແທງດາດ ໄດ້ລາຍງານຕໍ່ທ່ານນາຍົກລັດຖະມົນຕີ ລາວ ເຖິງບັນດາຜົນງານໃນການພັດທະນາເສດຖະກິດ - ສັງຄົມຂອງ ຫວຽດນາມ, ໃນນັ້ນມີການປະກອບສ່ວນສຳຄັນຂອງບັນດາກຳລັງວິທະຍາສາດ ແລະ ເຕັກໂນໂລຢີ; ຢືນຢັນວ່າ, ຂະແໜງວິທະຍາສາດ, ເຕັກໂນໂລຊີ ແລະ ນະວັດຕະກຳ ຍາມໃດກໍ່ໄດ້ຮັບການຕີລາຄາຈາກພັກ ແລະ ລັດຖະບານ ຫວຽດນາມ ແມ່ນໜຶ່ງໃນບັນດາບາດກ້າວບຸກທະລຸຍຸດທະສາດ, ເປັນກຳລັງໜູນຊຸກຍູ້ການເຕີບໂຕໄວ, ຄຸນນະພາບ, ຊ່ວຍໃຫ້ ຫວຽດນາມ ບັນລຸໄດ້ເປົ້າໝາຍ ກາຍເປັນປະເທດພັດທະນາທີ່ມີອຸດສາຫະກໍາທັນສະໄຫມໃນປີ 2030 ແລະເປັນປະເທດພັດທະນາທີ່ມີລາຍໄດ້ສູງໃນປີ 2045.
 |
ທ່ານນາຍົກລັດຖະມົນຕີ ສອນໄຊ ສີພັນດອນ ຕ້ອນຮັບທ່ານລັດຖະມົນຕີ ຮວິ່ງແທັງດາດ |
ທ່ານລັດຖະມົນຕີ ຮ່ວາງແທງດາດ ເນັ້ນໜັກວ່າ: ການພົວພັນຮ່ວມມືລະຫວ່າງ 2 ປະເທດໃນຂົງເຂດວິທະຍາສາດ ແລະ ເຕັກໂນໂລຢີພວມພັດທະນາຢ່າງບໍ່ຢຸດຢັ້ງ, ມີຫຼາຍຮູບຫຼາຍແບບ, ໂດຍເນື້ອແທ້ແລ້ວ ແລະ ຕອບສະໜອງຄວາມຮຽກຮ້ອງຕ້ອງການຂອງສະມາຄົມພັດທະນາເສດຖະກິດ - ສັງຄົມຂອງແຕ່ລະປະເທດ. ໃນ 10 ປີແຕ່ປີ 2011 – 2021, ຍອດຈຳນວນທຶນລົງທຶນຂອງ ຫວຽດນາມ ໜູນຊ່ວຍບັນດາໂຄງການຮ່ວມມືຄົ້ນຄວ້າຮ່ວມມືກັບ ລາວ ບັນລຸກ່ວາ 100 ຕື້ດົ່ງ (ເກືອບ 25 ໂຄງການ); ຜູ້ຈັດການລາວຫຼາຍຮ້ອຍຄົນ ແລະ ນັກຄົ້ນຄ້ວາຫຼາຍສິບຄົນໄດ້ຮັບການສະໜັບສະໜູນການຝຶກອົບຮົມຫຼັງປະລິນຍາຕີ ແລະ ການປັບປຸງລະດັບການຄົ້ນຄວ້າ ແລະ ການຄຸ້ມຄອງໃນວິທະຍາສາດ ແລະ ເຕັກໂນໂລຊີ ອົງການຈັດຕັ້ງການຄົ້ນຄວ້າຂອງລາວຫຼາຍແຫ່ງໄດ້ຮັບການຕິດຕັ້ງອຸປະກອນ ແລະ ຫ້ອງທົດລອງທີ່ທັນສະໄໝ.
ເນື່ອງໃນໂອກາດນີ້, ທ່ານລັດຖະມົນຕີ ຮ່ວາງແທງດາດ ໄດ້ສະເໜີ ແລະ ແນະນຳໃຫ້ທ່ານນາຍົກລັດຖະມົນຕີ ລາວ ສືບຕໍ່ເອົາໃຈໃສ່, ຊີ້ນຳ ແລະ ໜູນຊ່ວຍ ເພື່ອແນໃສ່ຊຸກຍູ້ບັນດາການເຄື່ອນໄຫວຮ່ວມມືລະຫວ່າງ ລາວ - ຫວຽດນາມ ໃນຂົງເຂດວິທະຍາສາດ ແລະ ເຕັກໂນໂລຢີ ແລະ ປະດິດສ້າງ, ຊັບສິນທາງປັນຍາ, ມາດຕະຖານ; ການວັດແທກ, ຄຸນນະພາບ ເພື່ອປະກອບສ່ວນປະຕິບັດຢ່າງແທດຈິງ ແລະ ມີປະສິດທິຜົນກວ່າອີກ ໃຫ້ແກ່ເປົ້າໝາຍການພັດທະນາເສດຖະກິດ - ສັງຄົມແບບຍືນຍົງຂອງສອງປະເທດ; ສ້າງເງື່ອນໄຂ ແລະ ອຸທິດແຫຼ່ງທຶນໃຫ້ແກ່ການເຄື່ອນໄຫວຄົ້ນຄ້ວາວິທະຍາສາດ, ພັດທະນາເຕັກໂນໂລຊີ ແລະ ນະວັດຕະກຳ; ໜູນຊ່ວຍກະຊວງເຕັກໂນໂລຊີ ແລະ ສື່ສານ, ກະຊວງສຶກສາທິການ ແລະ ກິລາ, ກະຊວງອຸດສາຫະກຳ ແລະ ການຄ້າ ລາວ ໃນການປະຕິບັດບັນດາໂຄງການ ຮ່ວມມືກັບກະຊວງວິທະຍາສາດ ແລະ ເຕັກໂນໂລຊີຫວຽດນາມ.
ສ່ວນທ່ານນາຍົກລັດຖະມົນຕີ ສອນໄຊ ສີພັນດອນ ປາດຖະໜາວ່າ, ໃນໄລຍະຈະມາເຖິງ, ກະຊວງວິທະຍາສາດ ແລະ ເຕັກໂນໂລຊີ ຫວຽດນາມ ຈະພ້ອມກັບບັນດາກະຊວງ, ຂະແໜງການທີ່ກ່ຽວຂ້ອງຂອງ ລາວ, ສືບຕໍ່ແລກປ່ຽນຄະນະຜູ້ແທນ, ແລກປ່ຽນບົດຮຽນ, ບຳລຸງສ້າງແຫຼ່ງຊັບພະຍາກອນມະນຸດ…; ພ້ອມທັງ, ຕັ້ງໜ້າຈັດການຜັນຂະຫຍາຍບັນດາເນື້ອໃນຂອງຂໍ້ຕົກລົງເຊິ່ງການນຳຂັ້ນສູງຂອງ 2 ພັກ ໄດ້ເຫັນດີເປັນເອກະພາບ ເພື່ອບັນລຸໝາກຜົນ ແລະ ຜົນງານຫຼາຍຢ່າງກວ່າອີກ.
ກ່ອນໜ້ານັ້ນ, ໃນວັນດຽວກັນ, ກໍ່ໄດ້ຈັດການໂອ້ລົມສົນທະນາກ່ຽວກັບວິທະຍາສາດ ແລະ ນະວັດຕະກຳລະຫວ່າງກະຊວງວິທະຍາສາດ ແລະ ເຕັກໂນໂລຊີ ຫວຽດນາມ ກັບ ກະຊວງສຶກສາ ແລະ ກິລາ ລາວ.
ຄຳຮຸ່ງ
