 | ຮັດແໜ້ນສາຍພົວພັນມິດຕະພາບລະຫວ່າງທະຫານ ແລະປະຊາຊົນສອງປະເທດຫວຽດນາມ-ລາວ |
| ເພີ່ມທະວີສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດຫວຽດນາມ-ລາວ ຢ່າງບໍໍ່ຢຸດຢັ້ງ |
 |
| ສະຫາຍ ຫງວຽນເຟືອກລົກ (ຂວາ), ຮອງເລຂາພັກນະຄອນ ໂຮ່ຈີມິນ ແລະ ສະຫາຍ ພົນຈັດຕະວາ ຜາລົມ ລິນທອງ, ປະທານສະມາຄົມນັກຮົບເກົ່າ ນະຄອນຫຼວງ ວຽງຈັນ (ລາວ) ທີ່ການຕ້ອນຮັບ. |
ສະມາຄົມນັກຮົບເກົ່ານະຄອນ ໂຮ່ຈິມິນ ຕ້ອງສົມທົບກັບບັນດາຂະແໜງການ, ຫົວໜ່ວຍທີ່ກ່ຽວຂ້ອງຂອງນະຄອນ ເພື່ອຍົກສູງປະສິດທິຜົນການຮ່ວມມືກັບສະມາຄົມນັກຮົບເກົ່ານະຄອນຫຼວງ ວຽງຈັນ (ລາວ) ໃຫ້ເລິກເຊິ່ງ, ແທດຈິງ, ຕອບສະໜອງຄວາມຮຽກຮ້ອງຕ້ອງການຕົວຈິງ, ປະກອບສ່ວນເຂົ້າໃນການເສີມຂະຫຍາຍ ແລະ ພັດທະນາຄວາມສາມັກຄີມິດຕະພາບຫວຽດນາມ - ລາວ ໃຫ້ຂຽວສົດງົດງາມ ແລະ ຍືນຍົງຕະຫຼອດໄປ. ນັ້ນແມ່ນຄຳເຫັນຊີ້ນຳຂອງ ສະຫາຍ ຫງວຽນເຟືອກລົກ, ຮອງເລຂາພັກນະຄອນ ໂຮ່ຈີມິນ ໃນການຕ້ອນຮັບ ສະຫາຍ ພົນຈັດຕະວາ ຜາລົມ ລິນທອງ, ປະທານສະມາຄົມນັກຮົບເກົ່າ ນະຄອນຫຼວງ ວຽງຈັນ (ລາວ) ແລະ ຄະນະຜູ້ແທນສະມາຄົມນັກຮົບເກົ່າ ວຽງຈັນ ເຊິ່ງໄດ້ດຳເນີນໃນວັນທີ 11 ມິຖຸນາ, ຢູ່ນະຄອນ ໂຮ່ຈິມິນ.
ຕາງໜ້າການນຳນະຄອນ ໂຮ່ຈີມິນ, ສະຫາຍ ຫງວຽນເຟືອກລົກ ໄດ້ຕີລາຄາສູງໝາກຜົນແຫ່ງການຮ່ວມມືດ້ວຍໄມຕີຈິດມິດຕະພາບອັນເລິກເຊິ່ງລະຫວ່າງສະມາຄົມນັກຮົບເກົ່ານະຄອນ ໂຮ່ຈີມິນ ແລະ ສະມາຄົມນັກຮົບເກົ່າ ນະຄອນຫຼວງ ວຽງຈັນ ທີ່ໄດ້ຈັດຕັ້ງປະຕິບັດໃນເວລາທີ່ຜ່ານມາ. ສະຫາຍ ຫງວຽນເຟືອກລົກ ຖືວ່າ: ການຢ້ຽມຢາມ ແລະ ເຮັດວຽກຢູ່ນະຄອນ ໂຮ່ຈິມິນ ຂອງສະມາຄົມນັກຮົບເກົ່າ ນະຄອນຫຼວງ ວຽງຈັນ ມີຄວາມໝາຍແທດຈິງ, ຫັນເປັນລະອຽດບັນດາຂໍ້ຕົກລົງຂອງການນຳສອງພັກ, ສອງລັດກ່ຽວກັບການປັບປຸງ, ເພິ່ມທະວີ ແລະ ພັດທະນາສາຍພົວພັນມິດຕະພາບແບບພິເສດ ຫວຽດນາມ-ລາວ ໃຫ້ດີກວ່າອີກ.
ການນຳນະຄອນ ໂຮ່ຈີມິນ ເນັ້ນໜັກວ່າ, ບົນພື້ນຖານບັນດາໝາກຜົນທີ່ຕັ້ງໜ້າຂອງການຮ່ວມມືລະຫວ່າງນະຄອນ ໂຮ່ຈິມິນ ກັບບັນດາທ້ອງຖິ່ນຂອງ ລາວ, ໃນນັ້ນມີນະຄອນຫຼວງ ວຽງຈັນ, ສະມາຄົມນັກຮົບເກົ່ານະຄອນ ໂຮ່ຈິມິນ ແລະ ສະມາຄົມນັກຮົບເກົ່ານະຄອນຫຼວງ ວຽງຈັນ ໄດ້ເພີ່ມທະວີການປະສານສົມທົບ, ແລກປ່ຽນຄວາມຄິດຄວາມເຫັນ, ແບ່ງປັນປະສົບການຕົວຈິງໃນວຽກງານນັກຮົບເກົ່າ, ພິເສດແມ່ນການສ້າງກອງທຶນ ເພື່ອໜູນຊ່ວຍສະມາຊິກນັກຮົບເກົ່າທີ່ປະສົບກັບຄວາມຫຍຸ້ງຍາກ ໃຫ້ຫຼຸດພົ້ນອອກຈາກຄວາມທຸກຍາກ, ພັດທະນາເສດຖະກິດແບບຍືນຍົງ. ສະມາຄົມນັກຮົບເກົ່າສອງທ້ອງຖິ່ນ ຕ້ອງກຳນົດເປົ້າໝາຍຢ່າງຈະແຈ້ງ ແລະ ຜັນຂະຫຍາຍປະຕິບັດແຕ່ລະໂຄງການ ແລະ ລາຍການທີ່ໄດ້ສົມທົບກັນຢ່າງມີປະສິດທິຜົນ, ແຕ່ນ້ອຍເຖິງໃຫຍ່, ຮັບປະກັນບັນດາການເຄື່ອນໄຫວຮ່ວມມືຢ່າງມີປະສິດທິຜົນສູງ ແລະ ແທດຈິງ.
 |
| ການນຳນະຄອນ ໂຮ່ຈີມິນ ໄດ້ຖ່າຍຮູບທີ່ລະນຶກກັບຄະນະຜູ້ແທນສະມາຄົມນັກຮົບເກົ່າ ລາວ. |
ໂດຍສະແດງຄວາມຂອບໃຈນະຄອນ ໂຮ່ຈີມິນ ທີ່ໃຫ້ການຕ້ອນຮັບຄະນະຢ່າງລອບຄອບ ແລະ ເລິກເຊິ່ງ, ສະຫາຍ ພົນຈັດຕະວາ ຜາລົມ ລິນທອງ, ປະທານສະມາຄົມນັກຮົບເກົ່າ ນະຄອນຫຼວງ ວຽງຈັນ ກໍ່ໄດ້ຂອບໃຈບັນດາການນໍານະຄອນ ໂຮ່ຈີມິນ ທີ່ໄດ້ຊີ້ນໍາ, ນໍາພາສະມາຄົມນັກຮົບເກົ່ານະຄອນ ຜັນຂະຫຍາຍບັນດາການເຄື່ອນໄຫວຫຼາຍຢ່າງມີປະສິດທິຜົນ ແລະ ແທດຈິງໃຫ້ແກ່ສະມາຄົມນັກຮົບເກົ່ານະຄອນຫຼວງ ວຽງຈັນ ໃນໄລຍະຜ່ານມາ.
ໂດຍແຈ້ງໝາກຜົນການເຮັດວຽກກັບສະມາຄົມນັກຮົບເກົ່ານະຄອນ ໂຮ່ຈີມິນ, ສະຫາຍ ພົນຈັດຕະວາ ຜາລົມ ລິນທອງ ໃຫ້ຮູ້ວ່າ: ສະມາຄົມນັກຮົບເກົ່າ ນະຄອນຫຼວງ ວຽງຈັນ ແລະ ສະມາຄົມນັກຮົບເກົ່ານະຄອນ ໂຮ່ຈີມິນ ມີຄວາມຄ້າຍຄືກັນໃນການປະຕິບັດໜ້າທີ່ປົກປ້ອງພັກ, ລັດ ພ້ອມທັງໜູນຊ່ວຍ ແລະ ຊ່ວຍເຫຼືອສະມາຊິກໃຫ້ຮັ່ງມີຢ່າງຊອບທຳ. ສະມາຄົມນັກຮົບເກົ່າ ນະຄອນຫຼວງ ວຽງຈັນ ຫວັງວ່າຈະໄດ້ຮັບການແບ່ງປັນປະສົບການ ແລະ ການໜູນຊ່ວຍຈາກສະມາຄົມນັກຮົບເກົ່ານະຄອນ ໂຮ່ຈີມິນ ກໍ່ຄືບັນດາຂະແໜງການ, ຫົວໜ່ວຍທີ່ກ່ຽວຂ້ອງຂອງນະຄອນ ໃນການຜັນຂະຫຍາຍປະຕິບັດວຽກງານສ້າງກອງທຶນສະມາຄົມ, ພັດທະນາວິສາຫະກິດຂອງນັກຮົບເກົ່າ, ໜູນຊ່ວຍສະມາຊິກນັກຮົບເກົ່າເພື່ອຫຼຸດຜ່ອນຄວາມທຸກຍາກ ແລະ ສ້າງສະມາຄົມທີ່ພັດທະນາຢ່າງໝັ້ນຄົງ.
 | ແມ່ຍິງຫວຽດນາມ - ລາວ ໄດ້ຮັດແໜ້ນສາຍພົວພັນມິດຕະພາບ ທີ່ເປັນມູນເຊື້ອ ແລະ ແໜ້ນແຟ້ນຍິ່ງຂຶ້ນ ຍສໝ - ດ້ວຍບັນດາການເຄື່ອນໄຫວແລກປ່ຽນ, ແບ່ງປັນປະສົບການ, ການຮ່ວມມືດ້ານວິຊາຊີບ... ການພົວພັນລະຫວ່າງແມ່ຍິງ ຫວຽດນາມ - ລາວ ນັບມື້ນັບສະໜິດແໜ້ນ, ປະກອບສ່ວນເຂົ້າໃນການເພີ່ມພູນຄູນສ້າງມິດຕະພາບແບບພິເສດລະຫວ່າງປະຊາຊົນສອງປະເທດ. |
 | ແຄ໋ງຮ່ວາ: ເພີ່ມທະວີສາຍພົວພັນມິດຕະພາບ, ການຮ່ວມມື ແລະ ພັດທະນາກັບເພື່ອນມິດສາກົນ ຍສໝ - ດ້ວຍຫຼາຍການຢ້ຽມຢາມ, ເຮັດວຽກ ເເລະ ລາຍການແລກປ່ຽນ, ກອງປະຊຸມສົ່ງເສີມການລົງທຶນ... ໄດ້ຮັບການຈັດຂຶ້ນ, ແຂວງແຄ໋ງຮ່ວາ ນັບມື້ນັບຮັດແໜ້ນການພົວພັນມິດຕະພາບທີ່ດີງາມກັບບັນດາຄູ່ຮ່ວມມືມີ່ເປັນມູນເຊື້ອ, ພ້ອມກັນນັ້ນ ກໍເປີດກວ້າງການຮ່ວມມືກັບຫຼາຍທ້ອງຖິ່ນຂອງປະເທດຕ່າງໆ. |
ມິງດຶກ
