ແຕ່ຕົ້ນປີມາຮອດປະຈຸບັນ, ແຂວງແຄ໋ງຮ່ວາ ໄດ້ຈັດຕັ້ງຄະນະປະຕິບັດງານຫຼາຍຄະນະໄປຢ້ຽມຢາມ ແລະ ເຮັດວຽກຢູ່ຕ່າງປະເທດ ເພື່ອແນະນຳຄວາມສາມາດບົ່ມຊ້ອນ ແລະ ກຳລັງແຮງຂອງແຂວງ; ເຊື່ອມຕໍ່ ແລະ ຊອກຫາກາລະໂອກາດຮ່ວມມືໃນບັນດາຂົງເຂດການທ່ອງທ່ຽວ, ການຄ້າ, ການລົງທຶນ...
ຕາມສັນຍະລັກ: ການຢ້ຽມຢາມ, ເຮັດວຽກຢູ່ ຍີ່ປຸ່ນໃນຕົ້ນເດືອນພະຈິກ 2023 ໂດຍສະຫາຍ ກໍາມະການສູນກາງພັກ, ເລຂາຄະນະພັກແຂວງ ຫງວຽນຫາຍລິງ ນຳໜ້າ; ຄະນະປະຕິບັດງານໂດຍສະຫາຍ ຮ່າກວກຈີ, ຮອງເລຂາຄະນະພັກແຂວງ, ຫົວໜ້າຄະນະຜູ້ແທນສະພາແຫ່ງຊາດແຂວງ ໄດ້ເປັນຫົວໜ້າໄປຍັງນະຄອນ Sydney (ອົດສະຕາລີ) ເພື່ອເຂົ້າຮ່ວມກອງປະຊຸມສົ່ງເສີມການທ່ອງທ່ຽວແຂວງ ແຄ໋ງຮ່ວາ... ໃນເດືອນກໍລະກົດ 2023, ທ່ານ ຫງວຽນຄັກເຕວ່ານ, ຮອງເລຂາປະຈຳຄະນະພັກແຂວງ, ປະທານສະພາປະຊາຊົນແຂວງ ໄດ້ໄປຢ້ຽມຢາມ ແລະ ເຮັດວຽກຢູ່ ການາດາ; ທ່ານ ຫງວຽນເຕີນຕ໋ວນ, ຮອງເລຂາຄະນະພັກແຂວງ, ປະທານຄະນະກຳມະການປະຊາຊົນແຂວງ ກໍ່ໄປປະຕິບັດງານຢູ່ ອົດສະຕາລີ...
 |
| ໂຮງງານໄຟຟ້າພະລັງຄວາມຮ້ອນ BOT ເວີນຟອງ 1 ຢູ່ແຂວງ ແຄ໋ງຮ່ວາ ລົງທຶນໂດຍກຸ່ມບໍລິສັດ Sumitomo (ຍີ່ປຸ່ນ). (ພາບ: VTC News) |
ທ້າຍເດືອນສິງຫາ 2023, ທ່ານ Park Beomin, ປະທານເມືອງ Geumsan (ແຂວງ Chungcheongnam, ສ.ເກົາຫຼີ) ໄດ້ສະເໜີການສົ່ງເສີມການລົງນາມໃນສັນຍາຮ່ວມມືລະຫວ່າງເມືອງ Geumsan ກັບທ້ອງຖິ່ນຂອງແຂວງ ແຄ໋ງຮ່ວາ.
ຜ່ານບັນດາເຫດການຄື: ກອງປະຊຸມປະກາດວາງແຜນຜັງ ແລະ ສົ່ງເສີມການລົງທຶນຢູ່ແຂວງແຄ໋ງຮ່ວາ (ເດືອນເມສາ 2023); Festival ທະເລ ຍາຈາງ - ແຄ໋ງຮ່ວາ (ເດືອນມິຖຸນາ 2023); ການພົບປະກັບບັນດາເອກອັກຄະລັດຖະທູດ, ກົງສຸນປະເທດຕ່າງໆ, ການນຳຂອງຫຼາຍທ້ອງຖິ່ນຢູ່ປະເທດຕ່າງໆ, ອົງການຈັດຕັ້ງສາກົນ... ການນຳແຂວງແຄ໋ງຮ່ວາ ໄດ້ແນະນຳກັບຄວາມສາມາດ ແລະ ກຳລັງແຮງໃນຂົງເຂດເສດຖະກິດ - ສັງຄົມ; ທິດທາງການພັດທະນາຂອງແຂວງໃນໄລຍະຈະມາເຖິງ. ຈາກນັ້ນ, ກໍ່ຮຽກຮ້ອງໃຫ້ບັນດານັກລົງທຶນ, ນັກທຸລະກິດຕ່າງປະເທດມາລົງທຶນຢູ່ບັນດາຂົງເຂດທີ່ແຂວງກຳລັງບຸລິມະສິດດຶງດູດ. ນີ້ແມ່ນຫຼັກຖານທີ່ມີຊີວິດຊີວາສຳລັບການປະກອບສ່ວນປະຕິບັດເຂົ້າໃນການຕ່າງປະເທດຢ່າງແທດຈິງ ແລະ ມີປະສິດທິຜົນໃນການພັດທະນາເສດຖະກິດ - ສັງຄົມຂອງທ້ອງຖິ່ນ.
ປະຈຸບັນນີ້, ແຂວງແຄ໋ງຮ່ວາ ກໍ່ໄດ້ປະຕິບັດບັນດາເນື້ອໃນຂໍຕົກລົງສາກົນທີ່ໄດ້ລົງນາມກັບ 4 ທ້ອງຖິ່ນຕ່າງປະເທດຄື: ແຂວງອັດຕະປື ແລະ ແຂວງຈຳປາສັກ (ລາວ), ນະຄອນ Saint - Petersburg (ລັດເຊຍ), ນະຄອນ Ulsan (ສ.ເກົາຫຼີ); ເຊື່ອມຕໍ່ການພົວພັນຮ່ວມມືກັບເຂດພາກເໜືອຂອງອົດສະຕາລີຄືນໃໝ່ ຫຼັງຈາກທີ່ຂາດບັ້ນຂາດຕອນໄປຫຼາຍປີ. ນອກນັ້ນ, ແຂວງຍັງສືບຕໍ່ຮັກສາສາຍພົວພັນມິດຕະພາບທີ່ເປັນມູນເຊື້ອ ແລະ ການຊ່ວຍເຫຼືອໃຫ້ແຂວງ Stung Treng (ກຳປູເຈຍ).
ດ້ວຍຄວາມສາມາດບົ່ມຊ້ອນ ແລະ ທ່າແຮງຂອງຕົນ, ແຂວງ ແຄ໋ງຮ່ວາ ໄດ້ຮັບຄວາມເອົາໃຈໃສ່ ແລະ ປາດຖະໜາຢາກເຊື່ອມຕໍ່ ແລະ ເພີ່ມທະວີການຮ່ວມມືຈາກຫຼາຍປະເທດ.
ດີງເລື້ອງ
