ທ່ານ ສາດສະດາຈານ Tadeusz Iwinski ໃຫ້ຮູ້ວ່າ ບັນດາສະມາຊິກຂອງສະມາຄົມມິດຕະພາບ ໂປໂລຍ - ຫວຽດນາມ ອະນາຄົດ ລ້ວນແຕ່ມີຄວາມຮັກແພງ, ຕິດພັນອັນຍາວນານກັບປະເທດຊາດ, ປະຊາຊົນ ຫວຽດນາມ, ພ້ອມທັງປາດຖະໜາຢາກປະກອບສ່ວນເຂົ້າໃນການຊຸກຍູ້ການພົວພັນ 2 ປະເທດ, ເພື່ອຜົນປະໂຫຍດຂອງປະຊາຊົນ 2 ປະເທດ.
 |
| ການນຳສະມາຄົມມິດຕະພາບ ໂປໂລຍ - ຫວຽດນາມ ອະນາຄົດ ໄດ້ມອບເງິນໜູນຊ່ວຍຊາວ ຫວຽດນາມ ທີ່ຖືກຜົນເສຍຫາຍຍ້ອນເຫດອັກຄີໄພຢູ່ສູນການຄ້າ Marywilska 44 ໂດຍຜ່ານສະຖານທູດ ຫວຽດນາມ ປະຈຳ ໂປໂລຍ (ຮູບພາບ: ສະຖານທູດ ຫວຽດນາມ ປະຈຳ ໂປໂລຍ) |
ທ່ານ ໄດ້ສະແດງຄວາມແບ່ງປັນຕໍ່ຄວາມເສຍຫາຍ, ຜົນກະທົບທີ່ຊາວ ຫວຽດນາມ ຢູ່ສູນ Marywilska ປະສົບໃນຊຸມມື້ມໍ່ໆມານີ້, ພ້ອມທັງໃຫ້ຄຳໝັ້ນສັນຍາຈະພ້ອມກັບສະຖານທູດ, ປະຊາຊົນ ຫວຽດນາມ ສົມທົບກັບບັນດາອົງການທີ່ມີໜ້າທີ່ປະຈຳຖິ່ນ, ຮັບປະກັນ ແລະ ສ້າງເງື່ອນໄຂສະດວກເພື່ອໃຫ້ປະຊາຊົນມີຊີວິດ, ວຽກເຮັດງານທໍາທີ່ເປັນປົກກະຕິໂດຍໄວ.
ຕາງໜ້າໃຫ້ສະມາຄົມ, ທ່ານ Tadeusz Iwinski ໄດ້ມອບເງິນຈຳນວນ 5000 Zlotych, ໂດຍຜ່ານສະຖານທູດໃຫ້ແກ່ປະຊາຊົນ ຫວຽດນາມ ທີ່ຖືກຜົນເສຍຫາຍຍ້ອນເຫດອັກຄີໄພຢູ່ສູນການຄ້າ Marywilska 44.
ເນື່ອງໃນໂອກາດນີ້, ທ່ານເອກອັກຄະລັດຖະທູດ ຫວຽດນາມ ປະຈຳ ໂປໂລຍ ຮ່າຮວ່າງຫາຍ ໄດ້ມອບຫຼຽນກາລະນຶກ “ເພື່ອສັນຕິພາບ, ມິດຕະພາບລະຫວ່າງຊາດ”, ເຊິ່ງແມ່ນລາງວັນອັນຄ່າສູງສົ່ງຂອງສະຫະພັນບັນດາອົງການມິດຕະພາບ ຫວຽດນາມ ໃຫ້ທ່ານສາດສະດາຈານ Tadeusz Iwinski - ປະທານສະມາຄົມ, ທ່ານ Piotr Gadzinowski - ຮອງປະທານແລະ ທ່ານ ໝາກດັງມິງ - ຮອງປະທານ, ເພື່ອເຊີດຊູບັນດາການປະກອບສ່ວນຢ່າງຕັ້ງໜ້າຂອງສະມາຄົມ ແລະ ບັນດາບຸກຄົນໃນການຊຸກຍູ້ການພົວພັນຮ່ວມມືມິດຕະພາບລະຫວ່າງປະຊາຊົນສອງປະເທດ ຫວຽດນາມ - ໂປໂລຍ ໃນໄລຍະຜ່ານມາ.
ມິງດຶກ
