| ຊຸກຍູ້ການເຊື່ອມໂຍງວິສາຫະກິດຂະໜາດກາງ ແລະ ນ້ອຍແຂວງ ຫາຍຟ່ອງ ກັບບັນດາຄູ່ຮ່ວມມື ສິງກະໂປ | |
| ນາຍທະຫານ ຫວຽດນາມເຂົ້າຮ່ວມກຳລັງຮັກສາສັນຕິພາບຂອງສະຫະປະຊາຊາດ ຕື່ມອີກ 3 ຄົນ |
ທີ່ການພົບປະ, ທ່ານ ຫງວຽນຫງອກຮຸ່ງ ໄດ້ແບ່ງປັນບັນດາຂໍ້ມູນກ່ຽວກັບການທູດຫວຽດນາມ ຮອບດ້ານ ແລະ ທັນສະໄໝ ດ້ວຍ 3 ເສົາຄ້ຳຄື: ການທູດຂອງພັກ, ການທູດແຫ່ງລັດ, ການທູດປະຊາຊົນກັບປະຊາຊົນ.ຫງວຽນງອກຮຸ່ງ, ຮອງປະທານສະຫະພັນບັນດາອົງການມິດຕະພາບຫວຽດນາມ ຂອບໃຈສະພາສັນຕິພາບໂລກທີ່ໄດ້ໃຫ້ການສະໜັບສະໜູນຫວຽດນາມ ໃນຂະບວນການຕໍ່ສູ້ປົດປ່ອຍຊາດ ແລະ ພັດທະນາປະເທດຊາດ. ເພື່ອບັນລຸເປົ້າໝາຍພັດທະນາໃນອະນາຄົດ, ຫວຽດນາມ ຫວັງວ່າຈະສືບຕໍ່ໄດ້ຮັບສະມາຊິກສະພາສັນຕິພາບໂລກ.
 |
ທ່ານຮອງປະທານ VUFO ຫງວຽນງອກຮຸ່ງ ຕ້ອນຮັບທ່ານປະທານສະພາສັນຕິພາບໂລກ Pallab Sengupta. |
ນະທີ່ນີ້, ທ່ານ ຫງວຽນງອກຮຸ່ງ ໄດ້ຕີລາຄາສູງບັນດາການປະກອບສ່ວນຢ່າງຕັ້ງໜ້າຂອງສະພາສັນຕິພາບໂລກໃນການຜັນຂະຫຍາຍບັນດາໂຄງການອັນແທດຈິງ ແນໃສ່ຊຸກຍູ້ການສ້າງສັນຕິພາບ ແລະ ຄວາມສາມັກຄີສາກົນ; ພ້ອມທັງປາດຖະໜາວ່າ ທ່ານປະທານ Pallab Sengupta ແລະ ບັນດາສະມາຊິກສະພາສັນຕິພາບໂລກ ຈະສືບຕໍ່ສະໜັບສະໜູນ VUFO ໃນການເຄື່ອນໄຫວຊຸກຍູ້ສັນຕິພາບ, ມິດຕະພາບ. ສ່ວນທ່ານປະທານສະພາສັນຕິພາບໂລກ Pallab Sengupta ຢັ້ງຢືນວ່າ ນ້ຳໃຈພິລະອາດຫານຂອງປະຊາຊົນ ຫວຽດນາມ ໃນບັ້ນຕໍ່ສູ້ເພື່ອຄວາມເປັນທຳແນໃສ່ຍາດເອົາເອກະລາດຂອງຊາດນັ້ນ ໄດ້ສ້າງແຫຼ່ງບັນດານໃຈໃຫ້ແກ່ປະຊາຊົນຜູ້ຮັກຫອມສັນຕິພາບໃນທົ່ວໂລກ, ໃນນັ້ນ ມີອິນເດຍ.
ສອງຝ່າຍກໍແລກປ່ຽນກ່ຽວກັບບາງກິດຈະກຳຮ່ວມມືລະອຽດໃນໄລຍະຈະມາເຖິງລະຫວ່າງ VUFO ແລະ ສະພາສັນຕິພາບໂລກ, ພິເສດແມ່ນໃນປີໜ້າ, ຄາດວ່າ ຫວຽດນາມ ຈະຈັດຫຼາຍເຫດການສຳຄັນ, ໃນນັ້ນ ມີບັນດາການເຄື່ອນໄຫວສະເຫຼີມສະຫຼອງວັນປົດປ່ອຍພາກໃຕ້ຢ່າງສົມບູນ ແລະ ທ້ອນໂຮມປະເທດຊາດເປັນເອກະພາບ ຄົບຮອບ 50 ປີ (30/04/1975 – 30/04/2025).
ຄຳຮຸ່ງ
