ວັນທີ 16 ມັງກອນ, ຢູ່ຮ່າໂນ້ຍ, ວິທະຍາຄານການແພດກອງທັບ ໄດ້ຈັດພິທີຮັບໃບປະກາດການບຳລຸງສ້າງແພດທະຫານ ລຸ້ນທີ 51 (2017-2024) ໃຫ້ນັກສຶກສາລາວ, ກໍາປູເຈຍ. ທ່ານພົນຕີ ຮສຈ.ປອ ຫງວຽນຊວນກຽນ ຜູ້ອໍານວຍການວິທະຍາຄານການແພດກອງທັບ ເຂົ້າຮ່ວມ ແລະເປັນປະທານພິທີ.
ຕາງໜ້າອົງຄະນະພັກ, ຄະນະອຳນວຍການວິທະຍາຄານການແພດກອງທັບ, ທ່ານພົນຕີ ຫງວຽນຊວນກຽນ ໄດ້ສົ່ງຄຳອວຍພອນ, ຍ້ອງຍໍຊົມເຊີຍຕໍ່ບັນດາໝາກຜົນທີ່ນັກສຶກສາລາວ, ກຳປູເຈຍ ລຸ້ນທີ 51 ບັນລຸໄດ້ໃນໄລຍະທີ່ຮ່ຳຮຽນ, ບຳລຸງສ້າງຢູ່ວິທະຍາຄານການແພດກອງທັບ.
 |
| ທ່ານພົນຕີ ຫງວຽນຊວນກຽນ, ຜູ້ອໍານວຍການວິທະຍາຄານການແພດກອງທັບ ແລະບັນດາແພດໝໍຄົນໃໝ່ຂອງ ລາວ ແລະກຳປູເຈຍ. ພາບ: qdnd.vn Trung tướng Nguyễn Xuân Kiên, Giám đốc Học viện Quân y và các tân bác sĩ y khoa quân sự Lào và Campuchia. |
ທ່ານພົນຕີ ຫງວຽນຊວນກຽນ ກໍ່ສະເໜີໃຫ້ບັນດາແພດໝໍຄົນໃໝ່, ບົນພື້ນຖານຄວາມຮູ້ທີ່ໄດ້ສະສົມມາໃນຂະບວນການຮໍ່າຮຽນ, ຕ້ອງໝູນໃຊ້ຢ່າງມີໄຫວພິບ, ມີຫົວຄິດປະດິດສ້າງ, ເໝາະສົມກັບລັກສະນະສະເພາະ, ຄວາມຮຽກຮ້ອງຕ້ອງການຂອງໜ້າທີ່ເບີ່ງແຍງດູແລ, ຮັກສາສຸຂະພາບຂອງທະຫານ ແລະປະຊາຊົນຢູ່ແຕ່ລະປະເທດ; ສືບຕໍ່ຮໍ່າຮຽນ, ຄົ້ນຄວ້າ ເພື່ອເຊື່ອມໂຍງເຂົ້າກັບພື້ນຖານການແພດທີ່ກ້າວໜ້າຂອງໂລກ.
ແພດໝໍຄົນໃໝ່ຕ້ອງຝຶກຝົນຫຼໍ່ຫຼອມຄຸນນະທາດ, ຈັນຍາບັນ, ແບບແຜນການດຳລົງຊີວິດຢ່າງບໍ່ຢຸດຢັ້ງ, ປັບປຸງບຸກຄະລິກກະພາບຂອງແພດໝໍໃຫ້ສົມບູນແບບ “ໝໍຄືແມ່” ໃຫ້ສົມກັບເປັນສໍາມະນາກອນທີ່ເຄີຍຮ່ຳຮຽນ ແລະຝຶກຝົນຫຼໍ່ຫຼອມຢູ່ວິທະຍາຄານການແພດກອງທັບ; ຕັ້ງໜ້າໂຄສະນາເຜີຍແຜ່, ຂົນຂວາຍພະນັກງານ, ນັກຮົບໃນກອງທັບ ແລະປະຊາຊົນສອງປະເທດລາວ ແລະ ກຳປູເຈຍ ກ່ຽວກັບສາຍພົວພັນອັນສະໜິດຕິດພັນລະຫວ່າງ ຫວຽດນາມ - ລາວ - ກໍາປູເຈຍ, ຜ່ານນັ້ນ ກໍ່ປະກອບສ່ວນສ້າງ, ເພີ່ມພູນຄູນສ້າງຄວາມສາມັກຄີ, ຄວາມສະໜິດຕິດພັນໃຫ້ນັບມື້ນັບແໜ້ນແຟ້ນ ແລະພັດທະນາກວ່າອີກ.
ບູນມີ
