| ຄວາມຈັບອົກຈັບໃຈຈາກງານບຸນຊ້າງ 2024 ຢູ່ລາວ | |
| ມີຫຼາຍກິດຈະກຳຕ້ອນຮັບປີໃໝ່ 2024 ຢູ່ຫວຽດນາມ |
ນັ້ນແມ່ນການຕີລາຄາໃນ https://www.traveloffpath.com - ຫນຶ່ງໃນບັນດາເວັບໄຊທ໌ຂໍ້ມູນກ່ຽວກັບການທ່ອງທ່ຽວທີ່ໃຫຍ່ທີ່ສຸດໃນ ອາເມລິກາເຫນືອ.
ຕາມບົດຂຽນຂອງວັນທີ 2 ມັງກອນ ຢູ່ເວັບໄຊຂໍ້ມູນທີ່ກ່າວມາຂ້າງເທິງນັ້ນ, ຄວາມປອດໄພໄດ້ກາຍເປັນຄວາມກັງວົນອັນດັບໜຶ່ງຂອງແຕ່ລະຄົນເມື່ອໄປທ່ອງທ່ຽວ, ໃນສະພາບທີ່ຫຼາຍປະເທດໃນໂລກໄດ້ຮັບຜົນກະທົບຈາກສະພາບອາກາດທີ່ຮ້າຍແຮງ ຫຼື ການປະທະກັນ.
 |
ມາຢ້ຽມຢາມ ຫວຽດນາມ, ນັກທ່ອງທ່ຽວ ຈະໄດ້ຄົ້ນຫາສະຖານທີ່ທ່ອງທ່ຽວທີ່ໜ້າປະທັບໃຈ |
ພາກພື້ນ ອາຊີ ກໍ່ບໍ່ຢູ່ນອກເໜືອຈາກນັ້ນ. ແຕ່ວ່າ, ປະເທດໜຶ່ງໃນອາຊີ ທີ່ໄດ້ພິສູດໃຫ້ເຫັນວ່າແມ່ນຈຸດໝາຍປາຍທາງທີ່ປອດໄພຂອງນັກທ່ອງທ່ຽວ ນັ້ນແມ່ນ ຫວຽດນາມ.
ຕາມການຈັດຕາຕະລາງຈັດອັນດັບດັດຊະນີກົດໝາຍ ແລະ ຄວາມເປັນລະບຽບຮຽບຮ້ອຍທົ່ວໂລກ ໃໝ່ທີ່ສຸດໂດຍ Gallup - ບໍລິສັດທີ່ປຶກສາ ແລະ ວິເຄາະເຊິ່ງມີສຳນັກງານໃຫຍ່ຢູ່ Washington (ອາເມລິກາ) - ປະກາດໃນທ້າຍປີ 2023, ຫວຽດນາມ ບໍ່ພຽງແຕ່ແມ່ນປະເທດທີ່ມີສັນຕິພາບທີ່ສຸດຢູ່ອາຊີເທົ່ານັ້ນ ຫາກຍັງແມ່ນປະເທດທີ 7 ໃນບັນດາປະເທດກ່ຽວກັບສະພາບແວດລ້ອມທີ່ມີສັນຕິພາບ.
ຕາມບົດຂຽນແລ້ວ, ປີ 2024 ຈະແມ່ນປີທ່ອງທ່ຽວຢູ່ ອາຊີ, ໃນນັ້ນຄວາມເອົາໃຈໃສ່ຂອງນັກທ່ອງທ່ຽວສາກົນ ຈະລ້ວນແຕ່ມຸ່ງໄປເຖິງ ຫວຽດນາມ. ມາເລເຊຍ ທີ່ມີພາບພົບກ່ຽວກັບຄວາມຫຼາກຫຼາຍດ້ານວັດທະນະທໍາຂອງຕົນ ຫຼື ອິນໂດເນເຊຍທີ່ມີຫມູ່ເກາະອຸທິຍານທີ່ນັບບໍ່ຖ້ວນນັ້ນ ຈະເປັນພະຍານການຂະຫຍາຍຕົວຢ່າງແຮງກ່ຽວກັບຈຳນວນຄັ້ງທີ່ນັກທ່ອງທ່ຽວສາກົນຈະມາຢ້ຽມຢາມໃນຫຼາຍເດືອນຂ້າງຫນ້າ.
ຫວຽດນາມ - ເຊິ່ງໄດ້ຖືກຂະໜານນາມວ່າ ເປັນ “ໄຂ່ມຸກຂອງອາຊີຕາເວັນອອກສ່ຽງໃຕ້” ນັ້ນ ກໍ່ເປັນເວລາຫຼາຍປີແລ້ວ, ແຕ່ຍັງສືບຕໍ່ປະກາຍແຈ້ງດ້ວຍທິວທັດທຳມະຊາດທີ່ສວຍງາມ ແລະ ໃຫຍ່ໂຕມະໂຫຖານທີ່ສຸດໃນພາກພື້ນ, ພ້ອມກັບວັດທະນະທຳທີ່ອຸດົມສົມບູນ.
ຍ້ອນເຫດນັ້ນ, ຫວຽດນາມ ຈິ່ງຖືກຈັດອັນດັບສູງສຸດຢູ່ອາຊີ ໃນການຈັດອັນດັບຂ້າງເທິງ, ດ້ວຍຄະແນນ 92 ໃນຈຳນວນຄະແນນສູງສຸດ 100. ດ້ວຍອັດຕາອາດຊະຍາກຳຕ່ຳ ແລະ ສະຖຽນລະພາບດ້ານການເມືອງທີ່ໜ້າປະທັບໃຈ, ບົດຂຽນໄດ້ຕີລາຄາວ່າ ຫວຽດນາມ ມີຄວາມປອດໄພ, ໝັ້ນຄົງກວ່າຫຼາຍປະເທດໃນໂລກ.
ເມື່ອພິຈາລະນາກ່ຽວກັບລາຄາການທ່ອງທ່ຽວ, ບົດຂຽນຖືວ່າ ຫວຽດນາມ ແມ່ນໜຶ່ງໃນບັນດາສະຖານທີ່ທ່ອງທ່ຽວທີ່ດຶງດູດໃຈທີ່ສຸດຢູ່ ອາຊີ. ສຳລັບຜູ້ທີ່ຢາກສຳຜັດ ແລະ ຄົ້ນຫາທຳມະຊາດ ແລະ ວັດທະນະທຳທ້ອງຖິ່ນທີ່ເປັນເອກະລັກສະເພາະນັ້ນ ຢູ່ຫວຽດນາມ ກໍແມ່ນຈຸດໝາຍປາຍທາງທີ່ເໝາະສົມ. ເຖິງວ່າ ຈະເດີນທາງຈາກເໜືອໄປໃຕ້ຫຼືກົງກັນຂ້າມ, ນັກທ່ອງທ່ຽວຄວນຍາດເວລາໄປຕົວເມືອງເກົ່າແກ່ທີ່ມີສະເໜ່ຂອງເມືອງ ໂຮ້ຍອ່ານ.
ສະຖານທີ່ທີ່ບໍ່ຄວນພາດແມ່ນເມືອງເກົ່າ ເຫວ້ . ຕໍ່ໄປ, ຈຸດນັດພົບທີ່ບໍ່ສາມາດພາດໄດ້ແມ່ນ ດານັງ ທີ່ມີຝັ່ງທະເລຍາວ, ຊາຍສີຂາວ ແລະ ບັນດາເຂດສະຫງວນທໍາມະຊາດທີ່ເປັນເອກະລັກພິເສດ. ບົດຂຽນຍັງໄດ້ກ່າວເຖິງເມືອງ ໝຸຍແໜ (ແຂວງ ບິ່ງທ້ວນ) ດ້ວຍພູຊາຍສີເຫຼືອງ ແລະ ເມືອງແຄມທະເລທີ່ມີຄວາມສະຫງົບສຸກ.
ບົດຂຽນເນັ້ນໜັກວ່າ ມາຮອດ ຫວຽດນາມ, ນັກທ່ອງທ່ຽວສາກົນຈະໄດ້ຄົ້ນຫາສະຖານທີ່ທ່ອງທ່ຽວທີ່ສຸດຍອດໃນທົ່ວປະເທດ, ຈາກນະຄອນ ໂຮ່ຈີມິນ ທີ່ເຕັມໄປດ້ວຍຄວາມຂະຫຍັນຂັນເຄື່ອນ, ນະຄອນ ຍາຈາງ ທີ່ມີຄວາມຄຶກຄື້ນ, ຕະຫຼອດຮອດນະຄອນຫຼວງ ຮ່າໂນ້ຍ ຫຼື ນິ່ງບິງ ແມ່ນມີຊື່ສຽງໂດ່ງດັງກ່ຽວກັບບັນດາທໍລະນີສາດ ພູມສັນຖານທີ່ສວຍງາມ.
ມິງດຶກ
