| ປະຊາຄົມຊາວຫວຽດນາມ ຢູ່ລາວ ມີສະຖານທີ່ກວດ ແລະ ປິ່ນປົວພະຍາດຕືື່ມອີກ | |
| ຊຸກຍູ້ການຮ່ວມມືພັດທະນາຢ່າງເລິກເຊິ່ງກວ້າງຂວາງລະຫວ່າງ ເຢຍລະມັນ ແລະຫວຽດນາມ |
ສະມາຊິກຊາວຫວຽດນາມທີ່ຮັກສິລະປະເກືອບ 300 ຄົນໃນທົ່ວປະເທດ ເຢຍລະມັນ ໄດ້ແຕ່ງເອງ, ສະແດງເອງຫຼາຍລາຍການເພື່ອຕອບສະໜອງໂຄງການນີ້.
ກ່າວຄຳປາໄສທີ່ພິທີ, ທ່ານນາງ ຮວ່າງທິຢຶ່ , ປະທານສະມາຄົມຜູ້ຮັກສິລະປະພື້ນເມືອງ ຫວຽດນາມ ຢູ່ ເຢຍລະມັນ ໄດ້ສະແດງຄວາມປິຕິຊົມຊື່ນເມື່ອເຫັນຄວາມສາມັກຄີ, ຄວາມສຸດອົກສຸດໃຈຂອງສ່ວນບຸກຄົນ ແລະ ສະມາຄົມຊາວຫວຽດນາມ ທີ່ຮັກສາສິລະປະ ຫວຽດນາມ ໃນທົ່ວປະເທດ ເຢຍລະມັນ.
ທ່ານນາງ ຮວ່າງທິຢຶ່ ຢືນຢັນວ່າ ສິລະປະພື້ນເມືອງແມ່ນຂົວເຊື່ອມຕໍ່ບັນດາຈິດວິນຍານທີ່ຮັກແພງດ້ານສິລະປະ, ເປັນທາດກະຕຸ້ນເພື່ອເຮັດໃຫ້ຊາວ ຫວຽດນາມ ອາໄສຢູ່ຫ່າງໄກຈາກບ້ານເກີດເມືອງນອນຫຍັບເຂົ້າໃກ້ກັນຫຼາຍກວ່າ. ຈາກນັ້ນ, ກໍ່ປະກອບສ່ວນໜູນຊ່ວຍປະຊາຄົມຊາວ ຫວຽດນາມ ຢູ່ ເຢຍລະມັນ ໃຫ້ນັບມື້ນັບພັດທະນາຢ່າງໝັ້ນຄົງເຂັ້ມແຂງ.
 |
ການສະແດງກອນລຳ ທີ່ຈັດຂຶ້ນຢູ່ໃນໂຄງການ |
ບັນດາກອນລຳຂອງ ຫວຽດນາມ ບໍ່ພຽງແຕ່ສະຫຼຸບປະສົບການຊີວິດເທົ່ານັ້ນ, ຫາກຍັງລວມມີບັນດາທັດສະນະຄະຕິກ່ຽວກັບກິດຕິຄຸນມະນຸດ, ຄຸນນະທຳ, ຄຳສອນໃຫ້ລູກຫຼານມີທິດສະດີປັດຊະຍາຢ່າງເລິກເຊິ່ງ, ສ້າງວັດທະນະທຳທີ່ເປັນເອກະລັກສະເພາະຂອງ ຫວຽດນາມ. ສະນັ້ນ, ສະມາຄົມຜູ້ຮັກແພງສິລະປະພື້ນເມືອງຫວຽດນາມ ນອກຈາກບັນດາມາດຖານເສີມຂະຫຍາຍ, ຮັກສາເອກະລັກວັດທະນະທຳພື້ນເມືອງຂອງປະເທດຊາດແລ້ວ ຍັງແມ່ນບ່ອນແນະນຳໃຫ້ລູກຫຼານລຸ້ນທີ 2, 3 ແລະ ສືບຕໍ່ຢູ່ສາທາລະນະລັດສະຫະພັນ ເຢຍລະມັນ ເວົ້າລວມ, ເອີລົບ ເວົ້າສະເພາະ ໄດ້ມີຄວາມເຂົ້າໃຈກວ່າ, ສືບຕໍ່ປະຕິບັດຕາມຮຸ່ນພໍ່ຮຸ່ນອ້າຍເພື່ອຮັກສາເອກະລັກວັດທະນະທຳ ຫວຽດນາມ.
ຕາມທ່ານ ຫວູຫງອກຢວານ, ຮອງປະທານສະມາຄົມຜູ້ຮັກສາສິລະປະພື້ນເມືອງຫວຽດນາມ ປະຈຳ ເຢຍລະມັນ ແລ້ວ, ກອນລຳແມ່ນປະເພດດົນຕີບູຮານມີທີ່ຕັ້ງທີ່ສຳຄັນໃນສາງດົນຕີ ຫວຽດນາມ. ໂດຍຜ່ານແຕ່ລະຄຳຮ້ອງ, ທຳນອງເພງ, ຮີດຄອງປະເພນີ, ແນວຄິດຈິດໃຈຄວາມປາຖະໜາຂອງຜູ້ຄົນກໍ່ລ້ວນແຕ່ໄດ້ປະສົມປະສານເຂົ້າກັນ. ບັນດາຄຸນຄ່າວັດທະນະທຳພື້ນເມືອງນັ້ນຈະແມ່ນກຳລັງຈິດໃຈທີ່ສ້າງຄຸນຄ່າໃຫ້ແກ່ເອກະລັກວັດທະນະທຳ ຫວຽດນາມ.
ນອກຈາກບັນດາກອນລຳແລ້ວ, ໂຄງການສີລະປະ “ກອນລຳໃນໃຈຜູ້ຢູ່ໄກບ້ານເກີດ” ຍັງມີການເຂົ້າຮ່ວມຂອງຫຼາຍຮູບແບບສິລະປະພື້ນເມືອງຂອງຫວຽດນາມ ເຊັ່ນ: ຟ້ອນ, ຂັບແຈ໊ວ, ບັນຍາຍບົດກະວີ, ຂັບກວານຮໍ້, ຂັບ ເຊິມ...
ມິງດຶກ
