ແຂວງບິ່ງເຟືອກ ມອບຂອງຂວັນໃຫ້ຊາວ ຫວຽດນາມ ອາໄສຢູ່ຕ່າງປະເທດ, ປະຊາຊົນທີ່ມີຄວາມຫຍຸ້ງຍາກ ຢູ່ ກຳປູເຈຍ ແລະ ລາວ
	ໄທຂະຫຍາຍເວລາພັກເຊົາໃຫ້ຄົນງານຕ່າງດ້າວຈາກມຽນມາ, ລາວ, ກຳປູເຈຍ ແລະ ຫວຽດນາມ

ໂດຍປະຕິບັດແຜນການ “ຝຶກຊ້ອມການແພດທະຫານລະຫວ່າງສາມປະເທດ ຫວຽດນາມ - ລາວ - ກຳປູເຈຍ” ໃນລາຍການພົບປະແລກປ່ຽນມິດຕະພາບດ້ານປ້ອງກັນຊາດເຂດຊາຍແດນ ຫວຽດນາມ - ລາວ - ກຳປູເຈຍ ຄັ້ງທີ 1 ປີ 2023, ວັນທີ 27 ພະຈິກ, ຢູ່ກອງພັນໃຫຍ່ 990, ກອງບັນຊາການທະຫານແຂວງກອນຕູມ (ທະຫານເຂດ 5) ໄດ້ເປີດຊຸດຝຶກອົບຮົມວຽກງານກູ້ຊ່ວຍດ້ານການແພດໃນສະພາບໄພພິບັດລະຫວ່າງການແພດທະຫານສາມປະເທດ ຫວຽດນາມ - ລາວ - ກຳປູເຈຍ.

ບັນຍາກາດທີ່ຊຸດຝຶກອົບຮົມ. ພາບ: qdnd.vn

ເຂົ້າຮ່ວມກອງປະຊຸມມີ ພັນເອກພິເສດ ເລວັນດົງ, ຮອງຫົວໜ້າກົມເສນາຮັກ, ກົມໃຫຍ່ພະລາທິການ; ພັນເອກພິເສດ ເລແທ່ງຕົນ, ຮອງຫົວໜ້າຫ້ອງພະລາທິການທະຫານເຂດ 5. ສ່ວນຝ່າຍການແພດທະຫານ ກອງທັບລາດຊະວົງກຳປູເຈຍ ມີທ່ານພົນຈັດຕະວາ Mok Serey Sombath, ຮອງຜູ້ອໍານວຍການໂຮງໝໍ Pres Ketomeadea ເປັນຫົວໜ້າຄະນະ. ສ່ວນຄະນະຜູ້ແທນການແພດທະຫານ ກອງທັບປະຊາຊົນລາວ ມີພັນໂທ ສີຫາ ຈັນທະບຸດ, ຮອງຜູ້ອໍານວຍການໂຮງໝໍ 106 ເປັນຫົວໜ້າຄະນະ ແລະພະນັກງານການແພດທະຫານ 153 ທ່ານ ທີ່ມາຈາກ 3 ປະເທດ.

ກ່າວຄຳເຫັນທີ່ພິທີເປີດ, ພັນເອກພິເສດ ເລແທ່ງຕົນ ເນັ້ນໜັກວ່າ: ໃນປະຫວັດສາດ, ການແພດທະຫານສາມປະເທດຫວຽດນາມ - ລາວ - ກຳປູເຈຍ ໄດ້ມີຄວາມສະໜິດຕິດພັນ, ສົມທົບກັນໃນການປະຕິບັດວຽກງານຫຼາຍດ້ານ, ໃນນັ້ນມີວຽກງານໜູນຊ່ວຍມະນຸດສະທຳ. ໃນຊຸມປີຜ່ານມາ, ການແພດທະຫານ 3 ປະເທດ ໄດ້ຈັດຕັ້ງການຊ້ອມຮົບສອງຝ່າຍຮັບມືກັບໄພພິບັດທໍາມະຊາດຫຼາຍຄັ້ງ. ນີ້ແມ່ນການຊ້ອມຮົບທີ່ຈັດຕັ້ງເປັນຄັ້ງທຳອິດໂດຍມີການປະສານສົມທົບລະຫວ່າງການແພດທະຫານ 3 ປະເທດ ຫວຽດນາມ-ລາວ-ກຳປູເຈຍ ດ້ວຍການໜູນຊ່ວຍມະນຸດສະທຳ ແລະການກູ້ຊ່ວຍສາກົນ.

ພາຍຫຼັງພິທີເປີດ, ຊຸດຝຶກອົບຮົມໄດ້ດຳເນີນບັນດາເນື້ອໃນ, ຄື: ການຝຶກອົບຮົມທິດສະດີກ່ຽວກັບໄພພິບັດ ແລະຈັດການຕອບສະໜອງດ້ານການແພດໃນສະພາບໄພພິບັດ; ຈັດກອງການແພດທະຫານພະຍາບານສຸກເສີນໄພພິບັດ; ກອງການແພດທະຫານພະຍາບານສຸກເສີນໄພພິບັດທາງອາກາດ;...

ຫຼັງຈາກການຝຶກອົບຮົມຄັ້ງນີ້, ບັນດາຜູ້ແທນທີ່ເຂົ້າຮ່ວມການຝຶກຊ້ອມຈະເປັນແກ່ນສານຫຼັກແຫຼ່ງ ເພື່ອຜັນຂະຫຍາຍວຽກງານກູ້ຊ່ວຍການແພດໃນສະພາບໄພພິບັດ ຖ້າມີບັນດາກໍລະນີເກີດຂຶ້ນ.