| ເອກອັກຄະລັດຖະທູດ ແລະພະນັກງານສະຖານທູດຫວຽດນາມ ປະຈຳ ເຢຍລະມັນ ໄດ້ໄປຍັງສະຖານທູດລາວ ປະຈຳ Berlin ເພື່ອອວຍພອນປີໃໝ່ລາວ | |
| ຫວຽດນາມ ຮຽກຮ້ອງຊຸກຍູ້ບັນດາຄຳໝັ້ນສັນຍາຂອງກອງປະຊຸມ Berlin ກ່ຽວກັບສະພາບການ ລີເບຍ |
ເຂົ້າຮ່ວມກອງປະຊຸມໃຫຍ່ມີຜູ້ແທນເກືອບ 50 ຄົນທີ່ຕາງໜ້າໃຫ້ 8 ສາຂາສະມາຄົມນັກສຶກສາ ແລະ ຊາວໜຸ່ມ, ນັກສຶກສາຫວຽດນາມ ຈຳນວນ 3.500 ຄົນທີ່ພວມຮ່ຳຮຽນຢູ່ທົ່ວລາຊະອານາຈັກ ໂຮນລັງ.
ກອງປະຊຸມໃຫຍ່ໄດ້ຮັບຜົນສຳເລັດຢ່າງຈົບງາມ, ກອງປະຊຸມໃຫຍ່ໄດ້ໃຫ້ຄວາມເຊື່ອຖືເລືອກຕັ້ງເອົາ ນັກສຶກສາ 17 ຄົນເຂົ້າຮ່ວມຄະນະບໍລິຫານງານສະມາຄົມນັກສຶກສາ ປະຈຳ ໂຮນລັງ ຊຸດທີ V, ອາຍຸການ 2023 – 2025.
ທ່ານເອກອັກຄະລັດຖະທູດ ໂງເຮື່ອງນາມ, ເອກອັກຄະລັດຖະທູດວິສາມັນຜູ້ມີອຳນາດເຕັມແຫ່ງ ສາທາລະນະລັດ ສັງຄົມນິຍົມ ຫວຽດນາມ ປະຈຳ ລາຊະອານາຈັກໂຮນລັງ ໄດ້ເຂົ້າຮ່ວມກ່າວຄຳປາໄສຊີ້ນຳ ແລະ ມອບດອກໄມ້ຊົມເຊີຍກອງປະຊຸມໃຫຍ່.
 |
| ທ່ານເອກອັກຄະລັດຖະທູດໂງ່ເຮື່ອງນາມ, ເອກອັກຄະລັດຖະທູດວິສາມັນຜູ້ມີອຳນາດເຕັມແຫ່ງ ສາທາລະນະລັດ ສັງຄົມນິຍົມ ຫວຽດນາມ ປະຈຳລາຊະອານາຈັກ ໂຮນລັງ ໄດ້ເຂົ້າຮ່ວມກ່າວຄຳປາໄສຊີ້ນຳ ແລະ ມອບດອກໄມ້ຊົມເຊີຍກອງປະຊຸມໃຫຍ່. |
ທ່ານເອກອັກຄະລັດຖະທູດ ໄດ້ຮັບຮູ້ ແລະ ຕີລາຄາສູງບັນດາບັນດານັກສຶກສາ ຫວຽດນາມ ລຸ້ນຕ່າງໆທີ່ໄດ້ຮ່ຳຮຽນຢູ່ ໂຮນລັງ, ບັນດານັກສຶກສາທີ່ມີຈິດໃຈ, ມີການຮ່ຳຮຽນດີ, ບັນລຸໄດ້ບັນດາຜົນງານທີ່ໜ້າປະທັບໃຈ, ມີນັກສຶກສາຫຼາຍຄົນບັນລຸໄດ້ຜົນສຳເລັດຫລາຍຢ່າງໃນພາລະກິດໃນຕໍ່ໜ້າຂອງຕົນ, ບາງຄົນໃນປະຈຸບັນໄດ້ຮັບຕຳແໜ່ງສູງໃນລະບົບການເມືອງຢູ່ຫວຽດນາມ, ມີຕຳແໜ່ງທີ່ດີຢູ່ບໍລິສັດ, ອົງການຈັດຕັ້ງຂອງຕ່າງປະເທດ.
ທ່ານເອກອັກຄະລັດຖະທູດ ໄດ້ຍ້ອງຍໍບັນດາການເຄື່ອນໄຫວທີ່ດີເດັ່ນ, ມີຫົວຄິດປະດິດສ້າງ ແລະ ມີຄວາມໝາຍໃນຫຼາຍດ້ານໃນໄລຍະຜ່ານມາຄື: ຂະບວນການອາສາສະໝັກ, ບັນດາການເຄື່ອນໄຫວໜູນຊ່ວຍຕ້ານໂລກລະບາດ Covid, ນະວັດຕະກຳ '' ໂຄງການຂໍ້ລິເລີ່ມຊາວໜຸ່ມ ຫວຽດນາມ ໃນທົ່ວ ເອີລົບ InnoCity”, ງານຕະຫຼາດນັດວຽກເຮັດງານທຳນັກສຶກສາ; ລາຍການຕ້ອນຮັບນັກສຶກສາໃຫມ່ ... ບັນດາຂະບວນການກິລາທີ່ຟົດຟື້ນເຊັ່ນ: ວັນບຸນກິລາ, ໂຄງການບຳລຸງສ້າງທັກສະສໍາລັບນັກສຶກສາ ...
ທ່ານເອກອັກຄະລັດຖະທູດ ເຊື່ອໝັ້ນວ່າ ດ້ວຍຄວາມໄວ້ເນື້ອເຊື່ອໃຈສູງຕໍ່ບັນດານັກສຶກສາທີ່ກອງປະຊຸມໃຫຍ່ໄດ້ເລືອກຕັ້ງເຂົ້າຮ່ວມເປັນຄະນະບໍລິຫານງານອາຍຸການ 2023 - 2025, ປະທານສະມາຄົມ, ບັນດາຮອງປະທານ ແລະ ບັນດາກຳມະການໃໝ່ຈະມີຄວາມເຊື່ອຖື, ມີຄວາມສຸດຈິດໃຈ, ມີຄວາມຮັບຜິດຊອບ, ປະດິດສ້າງ, ປ່ຽນແປງໃໝ່... ເພື່ອນຳພາຂະບວນການຂອງນັກສຶກສາຫວຽດນາມ ປະຈຳ ໂຮນລັງ ໃນໄລຍະຈະມາເຖິງ.
ດີງເລື້ອງ
