| ຊາວຫວຽດນາມ ໄປອອກແຮງງານຢູ່ຕ່າງປະເທດໄດ້ປະກອບສ່ວນໃຫ້ປະເທດຊາດ 3,5 – 4 ຕື້ USD/ປີ | |
| ເຊື່ອມຕໍ່ປະຊາຄົມຊາວຫວຽດນາມຢູ່ອິດສະຣາແອນ ກັບພາຍໃນປະເທດ |
ວັນທີ 14 ພະຈິກ, ຄະນະກຳມະການຊາວຫວຽດນາມ ອາໄສຢູ່ຕ່າງປະເທດ ຢູ່ນະຄອນ ໂຮ່ຈີມິນ ໄດ້ຈັດຕັ້ງ “ການພົບປະນັກປັນຍາຊົນຊາວຫວຽດນາມ ອາໄສຢູ່ຕ່າງປະເທດ ຢູ່ນະຄອນ ໂຮ່ຈີມິນ ໂດຍມີການປະກອບຄວາມຄິດຄວາມເຫັນ, ສະເໜີຄວາມເຫັນ ແລະ ເຂົ້າຮ່ວມບັນດາການເຄື່ອນໄຫວຂອງນະຄອນເນື່ອງໃນວັນຄູຫວຽດນາມ ວັນທີ 20 ພະຈິກ.
 |
ການນຳຄະນະກຳມະການຊາວຫວຽດນາມອາໄສຢູ່ຕ່າງປະເທດ ນະຄອນໂຮ່ຈີມິນ ມອບດອກໄມ້ໃຫ້ນັກປັນຍາຊົນຫວຽດນາມຢູ່ຕ່າງປະເທດ ທີ່ກອງປະຊຸມ |
ກ່າວຄຳປາໄສເປີດພິທີທີ່ການພົບປະ, ທ່ານນາງ ຫວູທິຮວິ່ງມາຍ, ຫົວໜ້າຄະນະກຳມະການກ່ຽວກັບຊາວຫວຽດນາມອາໄສຢູ່ຕ່າງປະເທດ ຢູ່ນະຄອນ ໂຮ່ຈີມິນ ໃຫ້ຮູ້ວ່າ: "ໄລຍະທີ່ຜ່ານມາ, ຄະນະກຳມະການຊາວຫວຽດນາມ ອາໄສຢູ່ຕ່າງປະເທດ ຢູ່ນະຄອນ ໄດ້ຮັບເອົາຄວາມຄິດຄວາມເຫັນກ່ຽວກັບຄວາມເຫັນສະເໜີ, ຂໍ້ສະເໜີຂອງປະຊາຄົມຊາວຫວຽດນາມ ອາໄສຢູ່ຕ່າງປະເທດ ເວົ້າລວມ ແລະ ບັນດານັກປັນຍາຊົນຊາວຫວຽດນາມ ຢູ່ຕ່າງປະເທດ ເວົ້າສະເພາະ ເພື່ອພ້ອມກັນສ້າງ ແລະ ພັດທະນານະຄອນ...”
ທ່ານນາງ ຫວູທິຮວິ່ງມາຍ ໄດ້ສະແດງຄຳຮູ້ບຸນຄຸນ ແລະ ອວຍພອນໃຫ້ບັນດານັກປັນຍາຊົນຊາວຫວຽດນາມ ອາໄສຢູ່ຕ່າງປະເທດ ທີ່ໄດ້ປະກອບສ່ວນສ້າງສາ ແລະ ພັດທະນານະຄອນ ໂຮ່ຈີມິນ ໃນໄລຍະທີ່ຜ່ານມາເຊັ່ນ: ສາດສະດາຈານ - ປອ ດັ້ງເລືອງໂມ, ຊາວຫວຽດນາມຢູ່ຍີ່ປຸ່ນ, ດ້ວຍຄວາມສຸດອົກສຸດໃຈກ່ຽວກັບໂຄງການ integrated circuit ໃຫ້ນະຄອນ, ທ່ານ ປອ ວໍຕາເຮິນ ຊາວຫວຽດນາມຢູ່ອາເມລິກາ ໄດ້ປະກອບສ່ວນປື້ມດ້ານເຕັກນິກ ແລະ ສາທາລະນະສຸກກວ່າ 10.000 ຫົວໃຫ້ນະຄອນເພື່ອຮັບໃຊ້ວຽກງານຂອງການສອນ ແລະ ຄົ້ນຄ້ວາວິທະຍາສາດ... ແລະ ຍັງມີນັກປັນຍາຊົນຫວຽດນາມ ຢູ່ຕ່າງປະເທດເປັນຈຳນວນຫລວງຫລາຍ.
ກ່າວຄຳປາໄສທີ່ການພົບປະທ່ານ Danny ຫວໍແທັງດັງ, ຊາວຫວຽດນາມ ຢູ່ສິງກະໂປ, ນັກປາຖະກະຖາແຜ່ແຮງບັນດານໃຈ ກ່ຽວກັບເລີ່ມສ້າງຕົວ ແລະ ປະດິດສ້າງໃຫ້ຮູ້ວ່າ: “ຂ້າພະເຈົ້າມີຄວາມພາກພູມໃຈທີ່ສຸດຕໍ່ປະເພນີພາກພຽນໃນການຮຽນ ແລະ ເຄົາລົບນັບຖືຄູບາອາຈານຂອງຫວຽດນາມ”. ພ້ອມກັນນັ້ນ, ທ່ານຍັງໄດ້ສະເໜີວ່າ:“ຫວຽດນາມ ຄວນຊຸກຍູ້ການສອນຢູ່ທຸກເວລາ, ທຸກແຫ່ງ(ອອນລາຍ), ຖືເປັນສຳຄັນໃນການອົບຮົມທັກສະທີ່ຈຳເປັນໃຫ້ອະນາຄົດ”.
ທ່ານ ປອ ບຸ່ຍກວກບາວ, ຊາວຫວຽດນາມຢູ່ຝຣັ່ງ, ອາຈານສອນຢູ່ມະຫາວິທະຍາໄລ ໂຕນດຶກທັງ, ເຄີຍເປັນອາຈານສອນຢູ່ມະຫາວິທະຍາໄລ ທີ່ຝຣັ່ງ, ທ່ານ ປອ ບຸ່ຍກວກບາວ ກັບຄືນໄປຫວຽດນາມ ເພື່ອເຮັດວຽກຢູ່ມະຫາວິທະຍາໄລໂຕນດຶກແທ່ງໃນປີ 2016. ຢູ່ຕ່າງປະເທດ, ເວລາສອນຕ້ອງໃຊ້ພາສາອັງກິດ ຫຼື ຝຣັ່ງ, ເມື່ອກັບໄປຫວຽດນາມ ໄດ້ສອນດ້ວຍພາສາແມ່ຂອງຕົນ, ລາວຮູ້ສຶກດີໃຈ ແລະ ມີຄວາມພາກພູມໃຈຫຼາຍທີ່ໄດ້ເຫັນນັກສຶກສາຕ່າງປະເທດ ມາຮຽນກໍ່ເວົ້າພາສາຫວຽດນາມ. ນອກຈາກການສອນ, ທ່ານ ປອ ບຸ່ຍກວກບາວ ຍັງມີຄວາມມັກຮັກໃນການແລກປ່ຽນຄວາມຮູ້ໂດຍຜ່ານການຂຽນປື້ມ. ປື້ມສອງຫົວຂອງລາວ: "ການອອກແບບໂຄງປະກອບເບຕົງເສີມເຫຼັກຕາມມາດຕະຖານ Eurocode - ພື້ນຖານທິດສະດີ ແລະ ຕົວຢ່າງການນໍາໃຊ້" ແລະ "ການອອກແບບໂຄງປະກອບເບຕົງເສີມເຫຼັກຕາມ TCVN 5574-2018” ໄດ້ຮັບການຕອບສະໜອງທີ່ດີຈາກຜູ້ອ່ານ…
ກ່າວຄຳປາໄສສະຫຼຸບທີ່ການພົບປະ, ທ່ານ ເຈີ່ນດຶກຮ່ຽນ, ຮອງຫົວໜ້າຄະນະກຳມະການກ່ຽວກັບຊາວຫວຽດນາມ ອາໄສຢູ່ຕ່າງປະເທດ ຢູ່ນະຄອນ ໃຫ້ຮູ້ວ່າ: “ຄະນະນັກປັນຍາຊົນຫວຽດນາມ ຢູ່ຕ່າງປະເທດ ດ້ວຍທ່າໄດ້ປຽບທີ່ໄດ້ຮັບການບຳລຸງສ້າງຢ່າງມີແບບມີແຜນຢູ່ບັນດາປະເທດທີ່ກ້າວໜ້າ, ມີປະສົບການຕົວຈິງ, ໂດຍສະເພາະແມ່ນມີການພົວພັນອັນກວ້າງຂວາງໃນປະເທດປະຈຳຖິ່ນ... ນີ້ແມ່ນກຳລັງແຮງງານສຳຄັນພິເສດໃນວິວັດການຊຸກຍູ້ການຫັນປະເທດຊາດເປັນປະເທດອຸດສາຫະກຳ ແລະ ທັນສະໄໝ ແລະ ສ້າງພື້ນຖານເສດຖະກິດພູມປັນຍາ. ບົນພື້ນຖານບັນດາການແບ່ງປັນ ແລະ ການປະກອບສ່ວນຂອງບັນດາຜູ້ແທນທີ່ເຂົ້າຮ່ວມກອງປະຊຸມຄະນະກຳມະການກ່ຽວກັບຊາວຫວຽດນາມອາໄສຢູ່ຕ່າງປະເທດ ຢູ່ນະຄອນ ຈະເປັນຂົວເຊື່ອມຕໍ່ເພື່ອຊ່ວຍເຫຼືອ ແລະ ເຊື່ອມຕໍ່ບັນດາຜູ້ຊ່ຽວຊານປັນຍາຊົນຫວຽດນາມ ຢູ່ຕ່າງປະເທດເຂົ້າຮ່ວມໃນຂົງເຂດຕ່າງໆ”.
ມິງດຶກ
