| ໄຂງານພົບປະແລກປ່ຽນວັດທະນະທໍາເຂດຊາຍແດນ ຫວຽດນາມ-ລາວ ຄັ້ງທີ III | |
| ການປົກປັກຮັກສາ ແລະ ພັດທະນາດ້ານວັດທະນະທໍາ ຢູ່ ເຢຍລະມັນ |
ນີ້ແມ່ນເຫດການວັດທະນະທຳ ແລະ ທ່ອງທ່ຽວທີ່ພົ້ນເດັ່ນຂອງ 8 ແຂວງພາກຕາເວັນຕົກສ່ຽງເໜືອ ຫວຽດນາມ ແລະ ນະຄອນໂຮ່ຈິມິນ ທີ່ໄດ້ຈັດຂຶ້ນເປັນຄັ້ງທຳອິດຢູ່ນະຄອນຫຼວງພະບາງ, ປະກອບສ່ວນປະຕິບັດແນວທາງນະໂຍບາຍຂອງພັກ, ກົດໝາຍຂອງລັດກ່ຽວກັບການພັດທະນາຂົງເຂດການຕ່າງປະເທດ, ວັດທະນະທຳ, ການທ່ອງທ່ຽວ ແລະ ກິດຈະກຳສະເຫຼີມສະຫຼອງ 61 ປີແຫ່ງວັນສ້າງຕັ້ງສາຍພົວພັນທາງການທູດ ລະຫວ່າງຫວຽດນາມ ແລະ ລາວ (5 ກັນຍາ 1962 – 5 ກັນຍາ 2023).
ບັນດາກິດຈະກໍາຂອງສັບປະດາວັດທະນະທໍາ ແລະ ການທ່ອງທ່ຽວພາກຕາເວັນຕົກສ່ຽງເຫນືອ ຫວຍດນາມ ແລະ ນະຄອນໂຮ່ຈີມິນ ຢູ່ແຂວງຫຼວງພະບາງ ຈະດຳເນີນແຕ່ວັນທີ 25 – 27 ຕຸລາ, ດ້ວຍບັນດາການເຄື່ອນໄຫວວັດທະນະທຳ, ກິລາ ແລະ ທ່ອງທ່ຽວທີ່ອຸດົມສົມບູນ, ແນະນຳບັນດາເອກະລັກວັດທະນະທຳບັນດາເຜົ່າ ແລະ ບັນດາຜະລິດຕະພັນທ່ອງທ່ຽວຂອງພາກຕາເວັນຕົກພາກເໜືອ ຫວຽດນາມ, ນະຄອນໂຮ່ຈີມິນ ແລະ ຫຼວງພະບາງ.
 |
ຄຽງຄູ່ກັບນັ້ນ ແມ່ນບັນດາການເຄື່ອນໄຫວໂຄສະນາ, ຊຸກຍູ້ການທ່ອງທ່ຽວ, ຄື: ການຈັດຕັ້ງຄະນະຜູ້ແທນ Famtrip ໄປສຳຫຼວດປາຍທາງ, ຜະລິດຕະພັນ ແລະ ການບໍລິການການທ່ອງທ່ຽວ; ກອງປະຊຸມສຳມະນາໂຄສະນາ, ຊຸກຍູ້ການທ່ອງທ່ຽວພາກຕາເວັນຕົກສ່ຽງເໜືອ ຫວຽດນາມ ແລະ ນະຄອນໂຮ່ຈິມິນ; ຈັດຕັ້ງໂຄງການແລກປ່ຽນດ້ານສິລະປະລະຫວ່າງພາກຕາເວັນຕົກສ່ຽງເໜືອ ຫວຽດນາມ ແລະ ແຂວງຫຼວງພະບາງ...
ສັບປະດາວັດທະນະທໍາ ແລະ ການທ່ອງທ່ຽວພາກຕາເວັນຕົກສ່ຽງເຫນືອ ຫວຽດນາມ ແລະ ນະຄອນໂຮ່ຈີມິນ ຢູ່ແຂວງຫຼວງພະບາງ ກໍ່ແມ່ນໂອກາດເພື່ອສຳຫຼວດ ແລະ ຕີລາຄາແຫຼ່ງທ່ອງທ່ຽວ, ຜະລິດຕະພັນ ແລະ ການບໍລິການ, ເປັນພື້ນຖານໃຫ້ແກ່ການພັດທະນາບັນດາຜະລິດຕະພັນການທ່ອງທ່ຽວເຊື່ອມຕໍ່; ສ້າງກາລະໂອກາດໃຫ້ບັນດາຫົວໜ່ວຍ ແລະ ວິສາຫະກິດຫຍັບເຂົ້າມໍ່, ເຊື່ອມໂຍງ, ຮ່ວມມື, ຍູ້ແຮງກາລະໂອກາດດຳເນີນທຸລະກິດ ແລະ ພັດທະນາເປີດກວ້າງຕະຫຼາດ.
ຄຳຮຸ່ງ
