| ຫວຽດນາມ ແມ່ນເຂດຜະລິດທີ່ສຳຄັນແຖວໜ້າຂອງບັນດານັກລົງທຶນ ເຢຍລະມັນ ແລະ ສະຫະພາບເອີລົບ | |
| Etienne Mahler (ເຢຍລະມັນ): ປີໃໝ່ຫວຽດນາມ - ມ່ວນຊື່ນ, ຫອມແຊບ ແລະ ຈົ່ງໃຊ້ເຄື່ອງຢາງໜ້ອຍລົງ |
 |
| ພາບປະກອບ: TTXVN |
ໂດຍກ່າວຄຳເຫັນທີ່ພິທີເປີດລາຍການ, ທ່ານ ເລຊວນດິ໋ງ, ຫົວໜ້າຄະນະຈັດຕັ້ງ, ໄດ້ສະແດງຄວາມປິຕິຊົມຊື່ນ ແລະ ສະແດງຄວາມຂອບອົກຂອບໃຈຢ່າງເລິກເຊິ່ງຕໍ່ສະຖານທູດ ຫວຽດນາມ ປະຈຳ ເຢຍລະມັນ ແລະ ຍາດຕິພີ່ນ້ອງ ປະຊາຄົມຊາວ ຫວຽດນາມ, ແລະ ບັນດາອ້າຍນ້ອງທີ່ເປັນນັກຮ້ອງເຊິ່ງໄດ້ຕິດພັນກັບ “ພື້ນທີ່ວັດທະນະທຳ ຫວຽດນາມ” ໃນຕະຫຼອດ 10 ປີຜ່ານມາ.
ທ່ານ ເລຊວນດິ໋ງ ກໍໃຫ້ຮູ້ວ່າ ປະຈຸບັນຢູ່ເຢຍລະມັນ, ມີຊາວ ຫວຽດນາມ ນັບເປັນແສນຄົນພວມດຳລົງຊີວິດ ແລະ ເຊື່ອມໂຍງກັບປະຊາຊົນຂອງປະເທດປະຈໍາຖິ່ນຢ່າງເປັນມິດ. ແຕ່ເຖິງວ່າຢູ່ບ່ອນໃດກໍຕາມ, ບັນດາຊາວ ຫວຽດນາມ ກໍເປັນ “ລູກພະຍານາຫລານນາງຟ້າ” (ລູກຫຼານຊາວຫງຽດ) ຍັງຄົງຮັກສາສີສັນ, ເສີມຂະຫຍາຍຈິດໃຈວັດທະນະທຳຂອງຊາດ ແລະ ມຸ່ງໄປເຖິງບ້ານເກີດເມືອງນອນທີ່ຮັກແພງ. ໃນຕະຫຼອດ 10 ປີຜ່ານມາ, ນອກຈາກກິດຈະກໍາໃນຊຸມຊົນ, “ພື້ນທີ່ວັດທະນະທຳຫວຽດນາມ” ໂດຍຜ່ານບັນດາບົດເພງທີ່ໄດ້ແຕ່ງເອງ, ແຕ່ງດົນຕີ, ທໍານອງຈັງຫວະເພງພື້ນເມືອງ, ເຄື່ອງດົນຕີຊົນເຜົ່າ ແລະ ຫຼາຍບົດເພງ, ຈັງຫວະຟ້ອນ, ເຊິ່ງໄດ້ສ້າງເປັນ “ບົດເພງແຫ່ງຄວາມຮັກ” ທີ່ຝາກກັບໄປປະເທດຊາດ ຫວຽດນາມ. ໃນແຕ່ລະປີ, ໃນວັນບຸນປະເພນີແຫ່ງຊາດ, ປີໃໝ່ ຫວຽດນາມ, ບຸນວັນເພັງເດືອນແປດ ຫລື ງານມະໂຫລານຂອງສະມາຄົມ..., “ພື້ນທີ່ວັດທະນະທຳ ຫວຽດນາມ” ກໍໄດ້ຈັດຕັ້ງບັນດາກິດຈະກໍາວັດທະນະທຳຕາມຫົວຂໍ້ ແລະ ກໍໄດ້ສ້າງຄວາມປະທັບໃຈທີ່ບໍ່ອາດລືມໄດ້ໃນຫົວໃຈຂອງຄົນທີ່ຢູ່ໄກປະເທດຊາດ.
ໂດຍຕາງໜ້າໃຫ້ສະຖານທູດ ຫວຽດນາມ, ທ່ານເອກອັກຄະລັດຖະທູດ ຫວູກວາງມິງ ໄດ້ຕີລາຄາສູງຕໍ່ບັນດາການເຄື່ອນໄຫວທີ່ມີຄວາມໝາຍຂອງ “ພື້ນທີ່ວັດທະນະທຳຫວຽດນາມ” ເຊິ່ງດຶງດູດໄດ້ຫຼາຍຊັ້ນຄົນ, ສະມາຄົມເຂົ້າຮ່ວມການແລກປ່ຽນ ແລະ ເພີ່ມທະວີຄວາມສາມັກຄີ, ປະກອບສ່ວນເຂົ້າໃນການພົວພັນຕ່າງປະເທດກັບຝ່າຍ ເຢຍລະມັນ.
ຫອມມາລາ
