| ປະທານປະເທດ ແຫ່ງ ສປປ ລາວ ຢ້ຽມຢາມ ລັດຖະກິດ ຣາຊະອານາຈັກ ກຳປູເຈຍ | |
| ຊຸດຝຶກອົບຮົມພາສາຫວຽດ ສຳລັບພະນັກງານ ແລະ ທະຫານປະຊາຊົນຂອງ ສປປ ລາວ ຈະດຳເນີນແຕ່ເດືອນມີນາ 2023 |
ທີ່ການພົບປະ, ສະຫາຍ ເລຂາຄະນະພັກແຂວງ ຫງວຽນແທງຫາຍ ໄດ້ສະແດງຄວາມຍິນດີຕ້ອນຮັບຄະນະຜູ້ແທນແຂວງຫຼວງພະບາງ ແລະ ຂອບອົກຂອບໃຈຕໍ່ຄະນະຜູ້ແທນ ທີ່ໄດ້ມີຄວາມຮັກແພງທີ່ມີຕໍ່ແຂວງໄທຫງວຽນ. ທ່ານເລຂາຄະນະພັກແຂວງ ໃຫ້ຮູ້ວ່າ: ໃນຊຸມປີມໍ່ໆມານີ້, ການພົວພັນຮ່ວມມືລະຫວ່າງແຂວງໄທຫງວຽນ ແລະ ແຂວງຫຼວງພະບາງ ໄດ້ຮັບການພັດທະນາຢ່າງແໜ້ນແຟ້ນ, ແຕ່ປີ 2010 – 2019 ໄດ້ມີການລົງນາມໃນບົດບັນທຶກຊ່ວຍຈຳ 2 ຄັ້ງ (2010 ແລະ 2018).
 |
ລັດແຫ່ງ ສປປ ລາວ ປະດັບຫຼຽນໄຊໃຫ້ບັນດາໝູ່ຄະນະ ແລະ ສ່ວນບຸກຄົນຂອງແຂວງ ໄທຫງວຽນ |
ປີ 2018, ແຂວງໄທຫງວຽນ ໄດ້ໜູນຊ່ວຍແຂວງຫຼວງພະບາງກໍ່ສ້າງເຮືອນຫລັງໃໝ່ 2 ຊັ້ນມີ 10 ຫ້ອງໃຫ້ນັກຮຽນຊັ້ນ ມໍ 5, ມໍ 6, ມໍ 7 ຂອງໂຮງຮຽນມັດທະຍົມສົມບູນບ້ານຄອຍ, ເຊິ່ງຕັ້ງຢູ່ຫ່າງຈາກໃຈກາງນະຄອນຫຼວງພະບາງ 4 ກິໂລແມັດ, ມີມູນຄ່າ 07 ຕື້ດົ່ງ. ໃນປີ 2020, ຍ້ອນຜົນສະທ້ອນຂອງພະຍາດໂຄວິດ-19, ແຂວງໄທຫງວຽນ ໄດ້ໜູນຊ່ວຍແຂວງຫຼວງພະບາງ ດ້ວຍເຄື່ອງລະບາຍອາກາດ ແລະ ອຸປະກອນປ້ອງກັນພະຍາດ, ຄື: ຜ້າອັດປາກ, ນ້ຳຢາຕ້ານເຊື້ອພະຍາດ ເຊິ່ງມີມູນຄ່າເກືອບ 1,5 ຕື້ດົ່ງ.
ໝາກຜົນການຮ່ວມມືໃນຊຸມປີຜ່ານມາ ໄດ້ສະແດງໃຫ້ເຫັນສາຍພົວພັນມິດຕະພາບອັນເປັນມູນເຊື້ອ, ຄວາມສາມັກຄີແບບພິເສດ ແລະ ການຮ່ວມມືຮອບດ້ານລະຫວ່າງສອງພັກ, ສອງລັດ ແລະ ປະຊາຊົນສອງປະເທດຫວຽດນາມ - ລາວ ເວົ້າລວມ ແລະ ສອງແຂວງໄທຫງວຽນ - ຫຼວງພະບາງ.
ເພື່ອຍົກສູງການພົວພັນມິດຕະພາບລະຫວ່າງສອງແຂວງ, ທ່ານ ຫງວຽນແທງຫາຍ ປາດຖະໜາວ່າ ໄທຫງວຽນ ຈະສືບຕໍ່ຊຸກຍູ້ ແລະ ເພີ່ມທະວີການແລກປ່ຽນ ແລະ ການຮ່ວມມືດ້ານການສຶກສາ, ທ່ອງທ່ຽວ ແລະ ການຫັນປ່ຽນດີຈີຕອນກັບແຂວງ ຫຼວງພະບາງ, ປະກອບສ່ວນສືບຕໍ່ຊຸກຍູ້ການພົວພັນມິດຕະພາບສາມັກຄີແບບພິເສດ ຫວຽດນາມ-ລາວ.
ເນື່ອງໃນໂອກາດນີ້, ໂດຍໄດ້ຮັບການມອບສິດຈາກທ່ານປະທານປະເທດ ສປປ ລາວ, ສະຫາຍ ຄຳຂັນ ຈັນທະວີສຸກ, ກຳມະການສູນກາງພັກ, ເລຂາຄະນະພັກ, ເຈົ້າແຂວງ ຫຼວງພະບາງ ໄດ້ປະດັບຫຼຽນໄຊອິດສະຫຼະ ຊັ້ນ 2 ໃຫ້ສະຫາຍ ຫງວຽນແທງຫາຍ, ກຳມະການສູນກາງພັກ, ເລຂາຄະນະພັກແຂວງ, ຫົວໜ້າຄະນະຜູ້ແທນສະພາແຫ່ງຊາດແຂວງ ໄທ ຫງວຽນ.
ຄຳຮຸ່ງ
