ແຂວງ ດ້ຽນບຽນ ຕ້ອນຮັບຫຼຽນໄຊມິດຕະພາບຂອງ ລາວ

	ບຳລຸງພາສາ ລາວ ໃຫ້ພະນັກງານ-ລັດຖະກອນແຂວງ ດ້ຽນບຽນ
	ດ້ຽນບຽນ: ເພີ່ມທະວີການຮ່ວມມືວຽກງານກວດກາກັບ 3 ແຂວງພາກເໜືອຂອງລາວ

ທີ່​ພິທີ, ໂດຍໄດ້ຮັບການມອບສິດ​ຈາກ​ປະທານປະເທດ ​ແລະ ລັດຖະບານ​ລາວ, ທ່ານ ​ຄຳ​ຜອຍ ​ວັນນະ​ສານ ເລຂາພັກແຂວງ​, ​ເຈົ້າ​ແຂວງ ​ຜົ້ງ​ສາລີ ​ໄດ້​ປະດັບຫຼຽນ​ໄຊ​ມິດຕະພາບ​ຂອງ​ປະທານ​ປະ​ເທດ​ລາວ ​ໃຫ້​ອົງຄະນະ​ພັກ, ອຳນາດ​ການ​ປົກຄອງ ​ແລະ ປະຊາຊົນ​ບັນດາ​ເຜົ່າ​ແຂວງ ດ້ຽນບຽນ.

ສ່ວນ​ທ່ານ ເຈີ່ນ​ວັນ​ເຊີນ, ກຳມະການ​ສູນ​ກາງ​ພັກ, ລັດຖະມົນຕີ, ຫົວໜ້າ​ຫ້ອງວ່າ​ການ​ລັດຖະບານ, ອະດີດ​ເລຂາ​ຄະນະ​ພັກ​ແຂວງ ດ້ຽນບຽນ ​ແລະ ທ່ານ​ນາງ ລໍມາຍຈິ່ງ ອະດີດ​ເລຂາ​ຄະນະ​ພັກ​ແຂວງ ດ້ຽນບຽນ ​ມີຄວາມ​ເປັນ​ກຽດໄດ້ຮັບການປະດັບຫຼຽນໄຊມິດຕະພາບໂດຍລັດຖະບານລາວ.

ໂດຍໄດ້ຮັບການມອບສິດ​ຈາກທ່ານ​ປະ​ທານ​ປະ​ເທດ, ລັດ​ຖະ​ບານ​ລາວ, ທ່ານເລ​ຂາ​ພັກແຂວງ, ເຈົ້າ​ແຂວງ ​ຜົ້ງ​ສາ​ລີ ໄດ້ປະດັບ​ຫຼຽນ​ໄຊມິດ​ຕະ​ພາບ​ໃຫ້​ແກ່​ໝູ່ຄນະການ​ນຳ​ແຂວງ ດ້ຽນ​ບຽນ. ພາບ: Dienbien.gov.vn/

ໂດຍໄດ້ຮັບການມອບສິດ​ຈາກທ່ານ​ປະ​ທານ​ປະ​ເທດ, ລັດ​ຖະ​ບານ​ລາວ, ເລ​ຂາ​ພັກແຂວງ​, ເຈົ້າ​ແຂວງ ​ຜົ້ງ​ສາ​ລີ ໄດ້ປະດັບຫລຽນ​ໄຊ​ມິດ​ຕະ​ພາບ​ໃຫ້​ທ່ານ​ນາງ ລໍ​ມາຍ​ຈິງ, ອະ​ດີດ​ເລ​ຂາ​ຄະ​ນະ​ພັກ​ແຂວງ ດ້ຽນ​ບຽນ. ພາບ: Dienbien.gov.vn

ໂດຍຊົມເຊີຍກົມກອງລວມໝູ່ພະນັກງານ-ປະຊາຊົນ ແຂວງ ດ້ຽນບຽນ ແລະ ບຸກຄົນ 2 ທ່ານ ທີ່ເປັນກຽດໄດ້ຮັບການປະດັບຫຼຽນໄຊມິດຕະພາບຈາກປະທານປະເທດ ແລະ ລັດຖະບານລາວ ຍ້ອນມີຜົນງານ ແລະ ການປະກອບສ່ວນເຂົ້າໃນການພັດທະນາເສດຖະກິດ-ສັງຄົມຢູ່ແຂວງ ຜົ້ງສາລີ ແຕ່ປີ 2019 ມາຮອດປັດຈຸບັນ, ທ່ານ ຄຳຜອຍ ວັນນະສານ, ເລຂາພັກແຂວງ, ເຈົ້າແຂວງ ຜົ້ງສາລີ ກໍ່ປາດຖະໜາວ່າ ອົງຄະນະພັກ, ອຳນາດການປົກຄອງ, ປະຊາຊົນບັນດາເຜົ່າ ແຂວງ ດ້ຽນບຽນ ແລະ ບັນດາການນຳແຂວງ ຈະສືບຕໍ່ເອົາໃຈໃສ່, ໜູນຊ່ວຍ ​ແລະ ​ຊ່ວຍເຫຼືອ​ປະຊາຊົນ​ບັນດາ​ເຜົ່າ​ ລາວ ​ເວົ້າ​ລວມ, ​ແລະ ບັນດາ​ແຂວງ​ພາກ​ເໜືອ​ຂອງ​ລາວ ​ເວົ້າ​ສະ​ເພາະ ​ໃນ​ທຸກ​ການ​ເຄື່ອນ​ໄຫວ ​ແລະ ວຽກ​ງານ, ​ເພີ່ມພູນຄູນສ້າງ​ການ​ພົວພັນ​ມິດຕະພາບ ​ຫວຽດນາມ - ລາວ ໃຫ້ນັບມື້ນັບສວຍງາມ...

ກວດພະຍາດ, ແຈກຢາຍຢຸກຢາໃຫ້ປະຊາຊົນຊາວເຜົ່າສ່ວນໜ້ອຍຢູ່ ດ້ຽນບຽນ ໂດຍບໍ່ເສຍຄ່າ ຍສໝ - ໃນລະຫວ່າງ ວັນທີ 9 ແລະ 10 ມີນາ, ພໍ່ແມ່ປະຊາຊົນບັນດາຊົນເຜົ່າສ່ວນໜ້ອຍ ຢູ່ຕາແສງຊາຍແດນ ວ່າງດ໋ານ, ເມືອງ ນ້ຳໂປ (ແຂວງ ດ້ຽນບຽນ) ຫຼາຍຮ້ອຍຄົນ ໄດ້ຮັບການກວດ, ແຈກຢາຍຢຸກຢາ ໂດຍບໍ່ເສຍຄ່າ ແລະ ຮັບຂອງຂວັນ. ນີ້​ແມ່ນ​ການ​ເຄື່ອນ​ໄຫວ​ໃນ​ຂອບ​ເຂດ​ໂຄງການ “ຮ່ວມເດີນທາງກັບ​ແມ່​ຍິງ​ຊາຍ​ແດນ” ປີ 2024 ...

ການທ່ອງທ່ຽວ ດ້ຽນບຽນ ເລີ່ມຕົ້ນສີສັນໃໝ່ ຍສໝ - ແຕ່​ວັນ​ທີ 8 – 18 ກຸມພາ (ຄື​ແຕ່​ວັນ​ທີ 29 ເດືອນ 12 ຫາ​ວັນ​ທີ 9 ເດືອນຈຽງ ໄລ່ຕາມຈັນທະປະຕິທິນ), ຈຳນວນ​ນັກ​ທ່ອງ​ທ່ຽວໃນບໍລິເວນແຂວງ ດ້ຽນບຽນ ໄດ້ເພີ່ມ​ຂຶ້ນ 3,8 ​ເທົ່າ​ເມື່ອ​ທຽບ​ໃສ່​ໄລຍະ​ດຽວ​ກັນ​ຂອງ​ປີ 2023.