| ຮ່າໂນ້ຍ: ນັກສຶກສາລາວເກືອບ 200 ຄົນ ໄດ້ບວດຂໍຄວາມສະຫງົບຢູ່ວັດ ຫງຽມຟູກ | |
| ພໍ່ແມ່ຮັກຂອງນັກສຶກສາລາວ ເຊີງບໍ່ຮ່ວມສາຍເລືອດດຽວກັນ ແຕ່ຄືກັບເລືອດເນື້ອເຊື້ອໄຂດຽວກັນ |
ກ່າວຄຳເຫັນທີ່ພິທີ, ທ່ານນາງ ພິມພາ ແກ້ວມີໄຊ, ກົງສຸນໃຫຍ່ ສປປ ລາວ ປະຈຳ ນະຄອນ ໂຮ່ຈີມິນ ໄດ້ສະແດງຄວາມຂອບໃຈສະມາຄົມມິດຕະພາບ ຫວຽດນາມ - ລາວ ປະຈຳນະຄອນໂຮ່ຈີມິນ ແລະ ມະຫາວິທະຍາໄລ ຫງວຽນເຕິດແທັ່ງ ທີ່ໃຫ້ຄວາມເອົາໃຈໃສ່ ແລະ ໜູນຊ່ວຍບັນດານັກສຶກສາລາວ ທີ່ພວມຮ່ຳຮຽນຢູ່ໂຮງຮຽນເວົ້າສະເພາະ ແລະ ໃນທົ່ວປະເທດ ເວົ້າລວມ.
ພ້ອມກັນນັ້ນ, ທ່ານນາງ ພິມພາ ແກ້ວມີໄຊ ໄດ້ຫວນຄືນສາຍພົວພັນມິດຕະພາບ, ຄວາມສາມັກຄີແບບພິເສດ ແລະ ການຮ່ວມມືຮອບດ້ານຫວຽດນາມ-ລາວ, ພິເສດແມ່ນໃນປີກາຍນີ້, ພັກ ແລະ ປະຊາຊົນສອງປະເທດ ໄດ້ສະເຫຼີມສະຫຼອງ 60 ປີແຫ່ງວັນສ້າງຕັ້ງການພົວພັນຕ່າງປະເທດ ແລະ 45 ປີວັນເຊັນສົນທິສັນຍາມິດຕະພາບ ແລະ ການຮ່ວມມືລະຫວ່າງ ຫວຽດນາມ ແລະ ລາວ.
 |
| ນັກສຶກສາລາວ ປະຕິບັດພິທີມັດແຂນ. |
ໃນລາຍການດັ່ງກ່າວ, ນັກສຶກສາລາວ ແລະ ຫວຽດນາມ ໄດ້ສະແດງບັນດາລາຍການສິລະປະວັນນະຄະດີທີ່ເປັນເອກະລັກສະເພາະ, ເຂັ້ມຂຸ້ນໄປດ້ວຍຈຸດວັດທະນະທຳທີ່ເປັນມູນເຊື້ອຂອງສອງປະເທດ. ນາງ ສີຈັນ ແກ້ວມະນີວັນ ນັກສຶກສາປີທີ 4 ມະຫາວິທະຍາໄລ ຫງວຽນເຕິດແທັ່ງ ແບ່ງປັນວ່າ:
“ນ້ອງຮູ້ສຶກດີໃຈຫຼາຍເມື່ອໄດ້ຕ້ອນຮັບບຸນປີໃໝ່ຢູ່ໂຮງຮຽນແຫ່ງນີ້. ໃນໂອກາດບຸນປີໃໝ່ລາວນີ້, ກໍມີຫຼາຍອົງການ ຈັດບຸນປີໃໝ່ໃຫ້ແກ່ນັກສຶກສາລາວ. ໝູ່ເພື່ອນຄົນ ຫວຽດ ແລະ ຄູອາຈານ ຍາມໃດກໍຊ່ວຍເຫຼືອ, ຖ້າວ່າ ພວກນ້ອງມີອັນໃດທີ່ບໍ່ເຂົ້າໃຈ ຫຼື ປະສົບກັບຄວາມຫຍຸ້ງຍາກນັ້ນ ເຂົາເຈົ້າກໍ່ຊ່ວຍເຫຼືອ. ນ້ອງເຫັນວ່າ ຄົນ ຫວຽດ ຮັກແພງພວກນ້ອງຄືກັນກັບລູກຫຼານໃນຄອບຄົວດຽວກັນ”.
 |
| ທ່ານນາງ ພິມພາ ແກ້ວມີໄຊ, ກົງສຸນໃຫຍ່ ສປປ ລາວ ປະຈຳ ນະຄອນ ໂຮ່ຈີມິນ |
ເນື່ອງໃນໂອກາດນີ້, ສະມາຄົມມິດຕະພາບ ຫວຽດນາມ - ລາວ ນະຄອນ ໂຮ່ຈີມິນ ໄດ້ສົມທົບກັບມະຫາວິທະຍາໄລແຫ່ງຕ່າງໆ, ສະຖາບັນ, ຫໍພັກນັກສຶກສາຈັດຫຼາຍກິດຈະກຳຊອກຮູ້ກ່ຽວກັບວັດທະນະທຳ - ປະຫວັດສາດຂອງ ຫວຽດນາມ ແລະ ນະຄອນ ໂຮ່ຈີມິນ ແລະ ຊ່ວຍເຫຼືອເງິນຄ່າທຳນຽມເສັງໃບຂັບຂີ່ລົດຈັກປະເພດ A1 100% ໃຫ້ແກ່ນັກສຶກສາລາວ ທີ່ພວມຮຽນຢູ່ນະຄອນໂຮ່ຈີມິນ.
ຄຳຮຸ່ງ
