| ເວທີປາໄສການເຊື່ອມຕຈອດຊຸກຍູ້ການລົງທຶນ, ການຄ້າ ແລະ ການທ່ອງທ່ຽວ ລາວ-ຫວຽດນາມ-ໄທ | |
| ພໍ່ແມ່ຮັກຂອງນັກສຶກສາລາວ ເຊີງບໍ່ຮ່ວມສາຍເລືອດດຽວກັນ ແຕ່ຄືກັບເລືອດເນື້ອເຊື້ອໄຂດຽວກັນ |
 |
ນັກສຶກສາລາວເກືອບ 200 ຄົນ ໄດ້ບວດຂໍຄວາມສະຫງົບຢູ່ວັດ ຫງຽມຟູກ |
ໂດຍເຂົ້າຮ່ວມການບວດຄັ້ງນີ້, ມີນັກສຶກສາ 1.230 ຄົນ, ໃນນັ້ນມີນັກສຶກສາລາວທີ່ຮຽນຢູ່ໂຮງຮຽນ T78 ຈຳນວນ 182 ຄົນ, ພະນັກງານ ແລະ ຄູອາຈານໂຮງຮຽນ T78 ຈຳນວນ 50 ຄົນ.
ການບວດໄດ້ຈັດຂຶ້ນ ໃນຈຸດເວລາບຸນປີໃໝ່ປະເພນີຂອງລາວ. ໃນໂອກາດນີ້, ປະຊາຊົນລາວ ມາເຕົ້າໂຮມກັນຢູ່ວັດເພື່ອເສັ່ນໄຫວ້ພະພຸດທະເຈົ້າ, ພາວະນາ, ຟັງພະສົງສູດມົນ, ສົງພະ ແລະ ອວຍພອນປີໃໝ່ໃຫ້ທຸກຄົນຈົ່ງມີຄວາມຜາສຸກ, ຄວາມໂຊກດີ, ຄວາມສົມບູນພູນສຸກ.
ກິດຈະກຳໄປບວດ “ວັນແຫ່ງຄວາມສຸກ, ຄວາມເຂົ້າໃຈ ແລະ ຄວາມຮັກແພງ” ແມ່ນການເຄື່ອນໄຫວເພື່ອແນະນຳໃຫ້ນັກສຶກສາລາວຮູ້ຈັກຮີດຄອງປະເພນີຂອງຊາວພຸດຫວຽດນາມ, ຊ່ວຍໃຫ້ເຂົາເຈົ້າເຂົ້າໃຈສິນລະທຳ, ຄຸນສົມບັດ, ຄວາມເປັນມະນຸດ, ຮູ້ຈັກການປະພຶດຕໍ່ກັບມະນຸດດ້ວຍກັນຢ່າງຖືກຕ້ອງ, ດຳເນີນຊີວິດຢ່າງມີຄວາມໝາຍ....
 |
ທ່ານອາຈານນາງ ເຢື່ອງທິແອງດ່າວ, ຮອງອຳນວຍການໂຮງຮຽນ T78 ມິດຕະພາບ ໄດ້ແບ່ງປັນວ່າ: “ພວກນ້ອງໄດ້ຮັບບວດຮຽນຢູ່ວັດ ພາຍໃຕ້ການນຳພາຂອງຄູອາຈານ. ເຖິງວ່າເວລາສັ້ນພຽງ 1 ມື້ ກໍສາມາດປ່ຽນຊີວິດຂອງເຂົາເຈົ້າໃຫ້ດີຂຶ້ນ. ນີ້ແມ່ນເວລາທີ່ພວກນ້ອງຈະຝຶກຝົນຕົນເອງໃຫ້ເຕີບໃຫຍ່. ພວກນ້ອງຕ້ອງເຄົາລົບນັບຖືສິ່ງທີ່ປະຕິບັດມື້ນີ້”.
“ຄອບຄົວຂອງຂ້າພະເຈົ້າທຸກຍາກ, ພໍ່ແມ່ເຮັດກະສິກຳ, ຂ້າພະເຈົ້າໄດ້ຮັບທຶນການສຶກສາຂອງຫວຽດນາມ ມາຮຽນຢູ່ໂຮງຮຽນ T78 ມິດຕະພາບ, ແລ້ວຮຽນວິຊາສັດຕະວະແພດ ຢູ່ມະຫາວິທະຍາໄລກະເສດແຫ່ງຊາດ ຫວຽດນາມ. ຂ້າພະເຈົ້າມັກຫວຽດນາມແທ້ໆ, ໃນການໄປບວດນີ້ຊ່ວຍໃຫ້ຂ້າພະເຈົ້າ ໄດ້ເຂົ້າໃຈວັດທະນະທຳພຸດທະສາສະໜາຢູ່ທີ່ນີ້ໄດ້ດີຂຶ້ນ,” ທ້າວສຸວັນ ວົງໄຊຍະເວດ ມາຈາກເມືອງຊຳເໜືອ, ແຂວງຫົວພັນ ກ່າວ.
 |
 |
 |
ທ້າວ Sell (ເຮັດວຽກຢູ່ຫ້ອງການສະຫະພັນກຳມະບານແຂວງບໍລິຄຳໄຊ) ແບ່ງປັນວ້າ ຂ້າພະເຈົ້າມາຮຽນຢູ່ຫວຽດນາມ ຈື່ງຫາກໍຮູ້ວ່າມີການໄປບວດແບບນີ້. ເຖິງວ່າຂ້າພະເຈົ້າບໍ່ສາມາດເຂົ້າໃຈຄຳສອນຂອງພະອາຈານໄດ້ຢ່າງເຕັມທີ່, ແຕ່ເມື່ອໄປວັດເພື່ອເຂົ້າຮ່ວມການໄປບວດນີ້, ຂ້າພະເຈົ້າຮູ້ສຶກມີຄວາມສະຫງົບ ແລະ ສະບາຍໃຈຫຼາຍ. ທ້າວ Sell ຍ້ອງອາຫານເຈຫວຽດນາມແຊບຫຼາຍ.
ຄຳຮຸ່ງ
