| ອິນເດຍ ມີຫຼາຍນະໂຍບາຍສົ່ງເສີມ ແລະ ດຶງດູດການລົງທຶນຕ່າງປະເທດ, ໃນນັ້ນມີປະຊາຄົມວິສາຫະກິດ ຫວຽດນາມ | |
| ສ້າງໜ້າປະຫວັດສາດໃໝ່ໃຫ້ແກ່ການພົວພັນຄູ່ຮ່ວມມືຍຸດທະສາດເພີ່ມທະວີ ຫວຽດນາມ-ໄທ |
ເຂົ້າຮ່ວມເວທີປາໄສມີຜູ້ຕາງໜ້າການນຳ ແລະ ວິສາຫະກິດ 11 ແຂວງຂອງຫວຽດນາມ; 4 ແຂວງພາກໃຕ້ຂອງລາວ ແລະ ແຂວງອຸບົນຣາຊະທານີ ຣາຊະອານາຈັກໄທ.
ສ່ວນແຂວງ ກອນຕູມ, ເຂົ້າຮ່ວມເວທີປາໄສ ມີສະຫາຍ ເລຫງອກຕ໋ວນ - ຮອງເລຂາຄະນະພັກແຂວງ, ປະທານຄະນະກຳມະການປະຊາຊົນ ພ້ອມດ້ວຍການນຳບັນດາຂະແໜງການທີ່ກ່ຽວຂ້ອງ.
 |
| ເວທີປາໄສການເຊື່ອມຈອດຊຸກຍູ້ການລົງທຶນ, ການຄ້າ ແລະ ການທ່ອງທ່ຽວ ລາວ-ຫວຽດນາມ-ໄທ |
ທີ່ເວທີປາໄສ, ບັນດາແຂວງ, ນະຄອນຂອງ 3 ປະເທດໄດ້ແບ່ງປັນກ່ຽວກັບຄວາມສາມາດບົ່ມຊ້ອນ, ທ່າແຮງ, ນະໂຍບາຍດຶງດູດການລົງທຶນ ແລະ ສະເໜີເນື້ອໃນຮ່ວມມືລະຫວ່າງບັນດາຝ່າຍໃນຂົງເຂດການລົງທຶນການຄ້າ, ການທ່ອງທ່ຽວ, ເປັນພື້ນຖານໃຫ້ທ້ອງຖິ່ນ, ພະແນກຂະແໜງການທີ່ກ່ຽວຂ້ອງ ແລະ ວິສາຫະກິດ ແຕ່ລະຝ່າຍສ້າງແຜນການ, ຜັນຂະຫຍາຍເນື້ອໃນການຮ່ວມມືລົງທຶນ ປະກອບສ່ວນຊຸກຍູ້ການພັດທະນາແລວເສດຖະກິດຕາເວັນອອກ - ຕາເວັນຕົກ.
 |
| ທ່ານ ເລຫງອກຕ໋ວນ, ຮອງເລຂາຄະນະພັກແຂວງ, ປະທານຄະນະກຳມະການປະຊາຊົນແຂວງກອນຕູມ |
ກ່າວຄຳເຫັນທີ່ເວທີປາໄສ, ທ່ານ ເລຫງອກຕ໋ວນ, ຮອງເລຂາຄະນະພັກແຂວງ, ປະທານຄະນະກຳມະການປະຊາຊົນແຂວງກອນຕູມ ໃຫ້ຮູ້ວ່າ: ກົນໄກຮ່ວມມືພັດທະນາລະຫວ່າງແຂວງ ກອນຕູມ ກັບບັນດາທ້ອງຖິ່ນຂອງ 3 ປະເທດ ຫວຽດນາມ, ລາວ ແລະ ໄທ ໄດ້ສ້າງຕັ້ງຂຶ້ນຜ່ານກອງປະຊຸມ “ການຮ່ວມມືພັດທະນາ ແລະ ກອງປະຊຸມສົ່ງເສີມ, ການລົງທຶນ, ການຄ້າ ແລະ ການທ່ອງທ່ຽວຢູ່ບັນດາທ້ອງຖິ່ນ 3 ປະເທດຫວຽດນາມ - ລາວ - ໄທ” ໄດ້ຈັດຂຶ້ນໃນເດືອນເມສາ 2015. ມາຮອດປະຈຸບັນ ກໍ່ສາມາດບັນລຸໄດ້ບັນດາໝາກຜົນໃນຂົງເຂດການທ່ອງທ່ຽວ, ການລົງທຶນ, ການຄ້າ.
ໃນຊຸມປີມໍ່ໆມານີ້, ການນຳພັກ ແລະ ລັດ ຫວຽດນາມ ຍາມໃດກໍ່ຖືເປັນສຳຄັນບົດບາດຂອງແລວເສດຖະກິດຕາເວັນຕົກ - ຕາເວັນອອກ ໂດຍໄດ້ປະກາດໃຊ້ມະຕິ, ເອກະສານຫຼາຍສະບັບ, ເຊິ່ງໄດ້ນຳເຂົ້າໃນແຜນຜັງສັງລວມແຫ່ງຊາດ ໄລຍະ 2021, 2030, ວິໄສທັດເຖິງ 2050; ສ້າງເງື່ອນໄຂຫຼາຍຢ່າງກ່ຽວກັບກົນໄກ ແລະ ນະໂຍບາຍເພື່ຶຊຸກຍູ້ການເຊື່ອມໂຍງເຂດ, ປັບປຸງປະສິດທິຜົນການຂຸດຄົ້ນ, ໃຊ້ຊັບພະຍາກອນຢ່າງສົມເຫດສົມຜົນ, ກົມກຽວ ແລະ ຍືນຍົງ.
ທີ່ເວທີປາໄສ, ສະມາຄົມອີຄອມເມີຊ ຫວຽດນາມ ແລະ 3 ແຂວງສາລະວັນ, ເຊກອງ, ແຂວງຈຳປາສັກ (ສປປ ລາວ) ໄດ້ລົງນາມໃນບົດບັນທຶກ, ຂໍ້ຕົກລົງການຮ່ວມມືດ້ານການຄ້າເອເລັກໂຕນິກ ເພື່ອແນໃສ່ໜູນຊ່ວຍ ແລະ ຊຸກຍູ້ການຮ່ວມມືລົງທຶນ, ພັດທະນາການຄ້າ ແລະ ພັດທະນາການທ່ອງທ່ຽວໃນແລວເສດຖະກິດຕາເວັນອອກ-ຕາເວັນຕົກ.
ຄຳຮຸ່ງ
