 |
| ພາບປະກອບ |
ຫາດຊາຍໝີເຄ ຂຶ້ນກັບຕາແສງເຟືອກມີ, ເມືອງເຊີນຈ່າ, ນະຄອນ ດ່ານັງ ມີລວມຍາວປະມານ 900 ແມັດ. ຫາດຊາຍມີຊາຍຂາວທີ່ຍາວຢຽດ, ແດດເຫຼືອງ, ທະເລຂຽວ, ນ້ຳອຸ່ນຕະຫຼອດປີ ພ້ອມກັບຕົ້ນໝາກພ້າວທີ່ໂຣແມນຕິກຢູ່ອ້ອມແອ້ມ. ແຂກທ່ອງທ່ຽວສາມາດອາບນ້ຳທະເລໄດ້ເກືອບຕະຫຼອດປີ, ແຕ່ເໝາະສົມທີ່ສຸດແມ່ນລະດູແລ້ງ, ແຕ່ເດືອນເມສາ ຫາເດືອນກັນຍາ.
ທີ່ຫາດຊາຍຍັງພັດທະນາບັນດາຮູບແບບຄື: ຕຶກປາ, ສະກີນ້ຳ, ລ່ອງເຮືອຊົມວິວ…ເພື່ອຮັບໃຊ້ຄວາມຕ້ອງການຂອງແຂກທ່ອງທ່ຽວ.
ຕາມ Tripadvisor ແລ້ວ, ບັນຊີລາຍຊື່ອີງຕາມການຄັດເລືອກຂອງຜູ້ອ່ານ, ນັກຊ່ຽວຊານໃນທົ່ວໂລກ ໃນ 12 ເດືອນ. ບັນດາປັດໄຈ ໂດຍຄະນະຈັດຕັ້ງວາງອອກນັ້ນແມ່ນ ຕ້ອງໄດ້ເອົາລົງໃນ Tripadvisor ຢ່າງໜ້ອຍສຸດ 1 ປີ, ມີຈຳນວນການເລືອກໃຫ້ຄະແນນສູງທີ່ສຸດ.
ໝີເຄໄດ້ຮັບການຕີລາຄາເປັນສະຖານທີ່ສຸດຍອດ ດ້ວຍການກົດເລືອກ 1.273 ເທື່ອ ແລະ ສະຖານທີ່ດີທີ່ສຸດ 876 ເທື່ອ. ແຂກທ່ອງທ່ຽວອາເມລິກາຄົນໜຶ່ງຕີລາຄາກ່ຽວກັບຫາດຊາຍໝີເຄ ໃນ Tripadvisor ວ່າ: ໝີເຄແມ່ນຫາດຊາຍງາມທີ່ສຸດຢູ່ ດ່ານັງ. ມີຫຼາຍສະຖານທີ່ພັກຕາມຖະໜົນຫົນທາງ. ຫາດຊາຍຍາມໃດກໍ່ມີພະນັກງານກູ້ໄພກູ້ຊີບຕິດຕາມຢ່າງໃກ້ຊິດ. ທິວທັດທຳມະຊາດຢູ່ຊາຍແດນແມ່ນສວຍງາມທີ່ສຸດ.
ບຸນຄົງ
