| ມີວິສາຫະກິດ ຫຼາຍແຫ່ງຢູ່ Fukuoka ແລະ ເຂດ Kyushu, ຍີ່ປຸ່ນ ພວມມີຄວາມສົນໃຈຕໍ່ຕະຫຼາດ ຫວຽດນາມ | |
| ເພີ່ມທະວີການສະໜິດຕິດພັນໃນປະຊາຄົມຊາວຫວຽດນາມ ອາໄສຢູ່ຍີ່ປຸ່ນ |
 |
| ແຂກທ່ອງທ່ຽວມາທ່ຽວນະຄອນໂຮ່ຈີມິນ (ພາບ: TTXVN) |
ຫວຽດນາມ ແລະ ຍີ່ປຸ່ນ ຍູ້ແຮງບັນດາການເຄຶ່ອນໄຫວສົ່ງເສີມການທ່ອງທ່ຽວນະຄອນໂຮ່ຈີມິນ
ຕາມກົມໃຫຍ່ການທ່ອງທ່ຽວແລ້ວ, ຈຳນວນແຂກທ່ອງທ່ຽວຍີ່ປຸ່ນ ມານະຄອນໂຮ່ຈີມິນ ຍາມໃດກໍ່ນອນໃນ top 10 ຕະຫຼາດແຂກທ່ອງທ່ຽວສາກົນຂອງນະຄອນ ດ້ວຍຈຳນວນກ່ວາ 100.000 ເທື່ອຄົນຕໍ່ປີ. “ຫວຽດນາມ ແລະ ຍີ່ປຸ່ນ ມີຫຼາຍໂອກາດຊຸກຍູ້ການສົ່ງເສີມທ່ອງທ່ຽວເຊິ່ງກັນແລະກັນ, ຊຸກຍູ້ການຟື້ນຟູເສດຖະກິດພາຍຫຼັງພະຍາດໂຄວິດ - 19” - ນີ້ແມ່ນຂໍ້ສັງເກດຂອງບັນດານັກຊ່ຽວຊານຢູ່ກອງປະຊຸມສຳມະນາການຄ້າສົ່ງເສີມການທ່ອງທ່ຽວ ຍີ່ປຸ່ນ ປີ 2023 ໂດຍຫ້ອງວ່າການສົ່ງເສີມການທ່ອງທ່ຽວ ຍີ່ປຸ່ນ (JNTO) ປະຈຳ ຫວຽດນາມ ຈັດຂຶ້ນຢູ່ນະຄອນໂຮ່ຈີມິນ ໃນຕອນບ່າຍວັນທີ 23 ກຸມພາ.
ຕາມທ່ານນາງ ຫງວຽນທິແອັງຮວາ, ຫົວໜ້າພະແນກທ່ອງທ່ຽວນະຄອນແລ້ວ, ນະຄອນໂຮຈີມິນແມ່ນແຂວງນຳໜ້າດ້ານເສດຖະກິດ, ແມ່ນສູນວັດທະນະທຳ, ການສຶກສາ, ວິທະຍາສາດເຕັກໂນໂລຢີ ແລະ ກໍ່ແມ່ນສູນການທ່ອງທ່ຽວໃຫຍ່ທີ່ສຸດຂອງ ຫວຽດນາມ. ກ່ອນເກີດພະຍາດໂຄວິດ - 19, ການທ່ອງທ່ຽວໄດ້ປະກອບສ່ວນ ສະເລ່ຍ 10 – 11% GRDP ຂອງນະຄອນ, ດຶງດູດເກືອບ 50% ແຂກທ່ອງທ່ຽວສາກົນ ແລະ 1/3 ຈຳນວນແຂກທ່ອງທ່ຽວພາຍໃນປະເທດ, ປະກອບສ່ວນ ¼ ລາຍຮັບການທ່ອງທ່ຽວຂອງທົ່ວປະເທດ. ການທ່ອງທ່ຽວພັດທະນາຊຸກຍູ້ການພັດທະນາຂອງບັນດາຂະແໜງ, ການບໍລິການຕ່າງໆ, ພິເສດແມ່ນດຶງດູດການພັດທະນາຂອງລະບົບສະໜອງສິນຄ້າ ແລະ ຂົນສົ່ງຂອງຫຼາຍແຂວງ, ນະຄອນໃນທົ່ວປະເທດ.
ດ້ວຍການປະກອບສ່ວນສຳຄັນໃນການພັທດະນາເສດຖະກິດ - ສັງຄົມ, ການທ່ອງທ່ຽວໄດ້ກຳນົດແມ່ນໜຶ່ງໃນບັນດາຂະແໜງປາຍແຫຼມ ແລະ ນະຄອນຕ້ອງສຸມໃສ່ພັດທະນາໃນໄລຍະຈະມາເຖິງ. ພາຍຫຼັງ 50 ປີແຫ່ງການສ້າງຕັ້ງການພົວພັນທາງການທູດລະຫວ່າງ ຫວຽດນາມ ແລະ ຍີ່ປຸ່ນ, ສອງຝ່າຍບັນລຸໄດ້ຜົນງານຫຼາຍຢ່າງໃນການພັດທະນາການພົວພັນຄູ່ຮ່ວມມືຍຸດທະສາດຢ່າງເລິກເຊິ່ງກວ້າງຂວາງຂອງ ຫວຽດນາມ - ຍີ່ປຸ່ນ ເວົ້າລວມ, ໃນນັ້ນມີຂະແໜງທ່ອງທ່ຽວ ເວົ້າສະເພາະ. ຕະຫຼາດແຂກທ່ອງທ່ຽວ ຍີ່ປຸ່ນ ໄດ້ຮັບການຕີລາຄາສູງ ແລະ ຍາມໃດກໍ່ໄດ້ກຳນົດແມ່ນຕະຫຼາດຈຸດສຸມສຳລັບນະຄອນໂຮ່ຈີມິນ ແລະ ທົ່ວປະເທດ.
ຕາມຕົວເລກສະຖິຕິຂອງກົມໃຫຍ່ການທ່ອງທ່ຽວຫວຽດນາມແລ້ວ, ຈຳນວນແຂກທ່ອງທ່ຽວຍີ່ປຸ່ນ ມາຍັງນະຄອນໂຮ່ຈີມິນ ຍາມໃດກໍ່ນອນໃນ top 5 ຕະຫຼາດແຖວໜ້າ. ປີ 2019, ນະຄອນໄດ້ຕ້ອນຮັບແຂກທ່ອງທ່ຽວຍີ່ປຸ່ນ ກ່ວາ 600.000 ເທື່ອຄົນ, ກວມເອົາ 60% ຈຳນວນແຂກທ່ອງທ່ຽວຍີ່ປຸ່ນ ມາຫວຽດນາມ. ປີ 2022, ພາຍຫຼັງເປີດປະຕູຄືນໃໝ່ ກໍໄດ້ມີການເຄື່ອນໄຫວຮ່ວມມືຊຸກຍູ້ການທ່ອງທ່ຽວຫຼາຍຢ່າງໄດ້ຈັດຕັ້ງຢູ່ຍີ່ປຸ່ນ ແລະ ຫວຽດນາມ. ຈຳນວນແຂກທ່ອງທ່ຽວຍີ່ປຸ່ນ ມານະຄອນໂຮ່ຈີມິນຍາມໃດກໍ່ນອນໃນ top 10 ຕະຫຼາດແຂກທ່ອງທ່ຽວສາກົນ ຂອງນະຄອນດ້ວຍຈຳນວນກ່ວາ 100.000 ເທື່ອຄົນ.
ກົງກັນຂ້າມ, ຍີ່ປຸ່ນ ຄ່ອຍໆກາຍເປັນສະຖານທີ່ນັດພົບທີ່ໄດ້ຮັບການນິຍົມຊົມຊອບຈາກແຂກທ່ອງທ່ຽວຫວຽດນາມ ເວົ້າລວມ ແລະ ນະຄອນໂຮ່ຈີມິນເວົ້າສະເພາະໃນຊຸມປີຜ່ານມາ ດ້ວຍບັນດາສະຖານທີ່ທ່ອງທ່ຽວທີ່ດຶງດູດໃຈ, ມີຊື່ສຽງຄື: ພູຝຸຊີ, ວິຫານ Fushimi Inari Taisha ດ້ວຍພື້ນຖານວັດທະນະທຳ, ປະຫວັດສາດທີ່ອຸດົມສົມບູນ, ທິວທັດທຳມະຊາດທີ່ສວຍສົດງົດງາມ ແລະ ບັນດາໂຄງການກໍ່ສ້າງທີ່ມີສະຖາປັດຕະຍາກຳທີ່ເປັນເອກະລັກສະເພາະ. ກ່ອນເກີດພະຍາດໂຄວິດ - 19, ຍີ່ປຸ່ນໄດ້ຕ້ອນຮັບແຂກທ່ອງທ່ຽວ ຫວຽດນາມ ປະມານ 500.000 ເທື່ອຄົນຕໍ່ປີ. ຄາດວ່າຊຸມປີຈະມາເຖິງ, ຍີ່ປຸ່ນ ຈະສືບຕໍ່ແມ່ນສະຖານທີ່ໄດ້ຮັບຄວາມສົນໃຈແຖວໜ້າຂອງແຂກທ່ອງທ່ຽວຫວຽດນາມ.
ບຸນຄົງ
