| ນັກສຶກສາລາວ, ກຳປູເຈຍ ອາສາສະໝັກບໍລິຈາກເລືອດ | |
| ຫວຽດນາມ ບັນລຸໄດ້ຄວາມຄືບໜ້າຫຼາຍຢ່າງໃນເປົ້າໝາຍລົບລ້າງຄວາມອຶດຫິວ, ຫຼຸດຜ່ອນຄວາມທຸກຍາກ |
 |
| ພາບປະກອບ: Freepik |
ກິນຊາສອງຈອກຕໍ່ວັນ ເພື່ອປັບຄວາມດັນເລືອດ ແລະ ຫຼຸດໄຂມັນໃນເລືອດ
ການຄົ້ນຄ້ວາຫຼ້າສຸດ ຊີ້ໃຫ້ເຫັນວ່າທາດ flavan-3-ols ໃນຊາ ອາດຈະຊ່ວຍຫຼຸດຜ່ອນຄວາມດັນເລືອດສູງ, ໄຂມັນ ແລະ ນ້ຳຕານໃນເລືອດສູງ.
ທາດ flavan-3-ols ແມ່ນທາດພຶດທີ່ສາມາດຊອກຫາໄດ້ຢູ່ໃນອາຫານການກິນ ແລະ ເຄື່ອງດີື່ມຫຼາຍຊະນິດ, ຍົກຕົວຢ່າງຄື ຊາ, ໝາກມອນ, ອາງຸ່ນແຫ້ງ, ໝາກແອັບເປີ້ນ ແລະ ຊັອກໂກແລັດດຳ. ໃນຫຼາຍທົດສະວັດຜ່ານມາ, ການຄົ້ນຄ້ວາສືບຕໍ່ໄດ້ຮັບການພິສູດຄວາມສາມາດຂອງທາດ flavan-3-ols ທີ່ຊ່ວຍຫຼຸດຜ່ອນຄວາມສ່ຽງຕິດບັນດາພະຍາດທີ່ກ່ຽວຂ້ອງເຖິງການດຳລົງຊີວິດຄື ກ່ຽວກັບລະບົບຫົວໃຈ, ເສັ້ນເລືອດໃນສະໝອງອຸດຕັນ ແລະ ນ້ຳຕາມໃນເລືອດສູງ ດ້ວຍວິທີການປັບຄວາມດັນເລືອດ, ລະດັບໄຂມັນ ແລະ ນ້ຳຕານໃນເລືອດ. ຍິ່ງໄປກ່ວານັ້ນ, ທາດ Flavan-3-ols ຍັງໄດ້ຮັບການພິສູດວ່າ ປົກປ້ອງບັນດາຈຸລັງມນຮ່າງກາຍຖືກເສຍຫາຍເມື່ອມີອາຍຸສູງຂຶ້ນ.
ການຄົ້ນຄ້ວາໄດ້ຮັບການປະກາດໃນວາລະສານ Advances in Nutrition ເມື່ອເດືອນພະຈິກ, ໂດຍຊີ້ໃຫ້ເຫັນວ່າ ຖ້າກິນ ທາດ flavan-3-ols ປະມານ 400 – 600 mg ຕໍ່ວັນ ຈະມີຜົນດີຕໍ່ສຸຂະພາບຄືດັ່ງທີ່ກ່າວມາ. ຈຳນວນ flavan-3-ols ຕ້ອງກິນໃນມື້ໜຶ່ງທຽບເທົ່າກັບການກິນຊາສອງຈອກ.
ການຄົ້ນຄວ້າມີການຮ່ວມມືລະຫວ່າງສະຖານບັນພັດທະນາວິທະຍາສາດອາຫານໂພຊະນາການ ແລະ ສະຖາບັນໂພຊະນາການ ແລະ ການກິນດື່ມ, ເພື່ອຍົກອອກບັນດາຂໍ້ສະເໜີແນະກ່ຽວກັບປະລິມານທີ່ຄວນກິນທາດ flavan-3-ols ໃນແຕ່ລະວັນ, ຊ່ວຍໃຫ້ມີຜົນປະໂຫຍດຕໍ່ສຸຂະພາບ. ກິດຈະກຳໄດ້ຮັບການໄຈ້ແຍກທົດລອງ 157 ຄັ້ງໃນປັດຈຸບັນ ແລະ ການຄົ້ນຄ້ວາ 15 ຄັ້ງກ່ຽວກັບຜົນກະທົບຂອງທາດ flavan-3-ols ຕໍ່ກັບຮ່າງກາຍ .
ການຄົ້ນຄ້ວາກໍ່ກວດພົບວ່າ ຊາ ມີທາດ flavan-3-ols ສູງທີ່ສຸດໃນອາຫານການກິນ ແລະ ເຄື່ອງດື່ມທຸກຊະນິດທີ່ໄດ້ນຳມາຕີລາຄາໃນຄັ້ງນີ້.
ບຸນຄົງ
