| ແຂວງຢາລາຍ ຈັດຕັ້ງວັນບຸນບໍລິຈາກເລືອດ “ຢາດເລືອດເຂດພູພຽງ” | |
| ເດັກນ້ອຍລາວ ອາຍຸ 10 ປີ ກຳເປັນ ໂລກຕາລາເຊມີ (ປ້າງກິນເລືອດ) |
 |
| ນັກສຶກສາເຂົ້າຮ່ວມການບໍລິຈາກເລືອດ |
ການເຄື່ອນໄຫວໄດ້ຮັບການສະໜັບສະໜູນຂອງນັກສຶກສາລາວ, ນັກສຶກສາກຳປູເຈຍ ແລະ ນັກສຶກສາຫວຽດນາມ 117 ຄົນ ທີ່ພວມຮ່ຳຮຽນຢູ່ນະຄອນໂຮ່ຈີມິນ ດ້ວຍເລືອດ 161 ຖົງ.
ວັນບຸນແມ່ນການເຄື່ອນໄຫວແທດຈິງເພື່ອແນໃສ່ຊຸກຍູ້ການພົວພັນມິດຕະພາບທີ່ເປັນມູນເຊື້ອ ຫວຽດນາມ - ລາວ, ຫວຽດນາມ - ກຳປູເຈຍ, ພ້ອມທັງຂ່ຳນັບຮັບຕ້ອນປີສາມັກຄີມິດຕະພາບ ຫວຽດນາມ - ລາວ, ລາວ - ຫວຽດນາມ ແລະ ປີມິດຕະພາບ ຫວຽດນາມ - ກຳປູເຈຍ, ກຳປູເຈຍ - ຫວຽດນາມ ປີ 2022, ສະເຫຼີມສະຫຼອງ 69 ປີແຫ່ງວັນຊາດລາຊະອານາຈັກກຳປູເຈຍ (09/11/1953 – 09/11/2022), ສະເຫຼີມສະຫຼອງ 74 ປີແຫ່ງວັນຊາດ ປະເທດ ສປປ.ລາວ (2/12/1975 – 2/12/2022).
ຕາມທ່ານ ເຈິ່ນເຈື່ອງເຊີນ, ປະທານສະພາກາແດງນະຄອນໂຮ່ຈີມິນແລ້ວ, ເພື່ອມີແຫຼ່ງເລືອດທີ່ເປັນປົກກະຕິ ແລະ ມີຄຸນນະພາບ ສະໜອງໃຫ້ແກ່ຄົນເຈັບ, ຕ້ອງການການຮ່ວມແຮງຮ່ວມໃຈຂອງທັງປະຊາຄົມເພື່ອປະກອບສ່ວນເຂົ້າໃນວຽກງານຮັບປະກັນຄວາມປອດໄພໃນການສົ່ງເລືອດ.
ພິເສດ, ຍາມບຸນເຕັດ, ບັນດາຜະລິດຕະພັນເລືອດຮັບໃຊ້ວຽກງານສົ່ງເລືອດໃຫ້ແກ່ຄົນເຈັບຈະປະສົບກັບຄວາມຫຍຸ້ງຍາກ ແລະ ຫາຍາກກ່ວາເກົ່າ. ໃນໄລຍະ 28 ປີຜ່ານມາ, ນະຄອນໂຮ່ຈີມິນໄດ້ຮັບເລືອດກ່ວາ 3 ລ້ານຖົງ, ປະກອບສ່ວນເຂົ້າໃນການກູ້ເອົາຊີວິດນັບລ້ານຄົນ.
ຊຸມປີມໍ່ໆມານີ້, ສູນບໍລິຈາກເລືອດມະນຸດສະທຳນະຄອນໂຮ່ຈີມິນ (ຂຶ້ນກັບສະມາຄົມ) ໄດ້ເປີດໂປຼແກຼມ ຢອດເລືອດຄຳ ເພື່ອແນໃສ່ປ່ຽນແປງວິທີການຄຸ້ມຄອງບໍລິຫານການເຄື່ອນໄຫວບໍລິຈາກເລືອດ ແລະ ນຳໃຊ້ເຕັກໂນໂລຢີຫັນເປັນດີຈີຕອນ ເພື່ອຍົກສູງປະສິດທິຜົນຂອງການບໍລິຈາກເລືອດ.
ບຸນຄົງ
