 |
| ພາບປະກອບ: vntrip.vn |
ເຂົ້າເຕິມ ອາດໄດ້ຮັບຖືວ່າແມ່ນສິ່ງຍອດຍິ່ງຂອງອາຫານການກິນ ຫວຽດນາມ. ເຂົ້າເຕິມແມ່ນອາຫານທຳມະດາທີ່ສະຫງວນໃຫ້ແກ່ຜູ້ອອກແຮງງານທຸກຍາກ ຫຼື ນັກຮຽນ, ນັກສຶກສາ. ຍ້ອນວ່າ ເຂົ້າເຕິມມີລາຄາຖືກ ເຊິ່ງໄດ້ນຳໃຊ້ເພື່ອປະຢັດຄ່າໃຊ້ຈ່າຍ. ແຕ່ປັດຈຸບັນ, ເຂົ້າເຕິມພັດກາຍເປັນເຍື່ອງອາຫານທີ່ມີຊື່ສຽງ ແລະ ໄດ້ເຕື້ອງເຖິງເປັນປະຈຳໃນທົ່ວປະເທດ. ພິເສດມັນໄດ້ກາຍເປັນເຍື່ອງອາຫານທີ່ເປັນເອກະລັກສະເພາະຂອງ ນະຄອນໄຊງ່ອນ.
ຊາວໄຊງ່ອນ ກິນເຂົ້າເຕິມກໍ່ຄືກັນກັບຊາວຮ່າໂນ້ຍກິນເຝີ. ເຂົ້າເຕິມ ເຖິງວ່າຢູ່ບ່ອນໃດກໍ່ບໍ່ມີລົດຊາດ ແລະ ກິ່ນຫອມຄືນກັນກັບຢູ່ໄຊງ່ອນໄດ້. ໃນທຸກຖະໜົນຫົນທາງຢູ່ໄຊງ່ອນທີ່ກ້ວາງໃຫຍ່ ແນ່ນອນວ່າບໍ່ສາມາດນັບໄດ້ວ່າ ມີຈັກຮ້ານຂາຍເຂົ້າເຕິມ. ເຂົ້າເຕິມ ເຄີຍໄດ້ເອີ້ນວ່າ ເຂົ້າຂອງຄົນທຸກ, ຕາມວັນເວລາເຂົ້າເຕິມໄດ້ກາຍເປັນເຍື່ອງອາຫານທີ່ລຶ້ງເຄີຍສຳລັບຊາວໄຊງ່ອນໝົດທຸກຄົນ.
ເມື່ອເວົ້າເຖິງເຂົ້າເຕິມ ສ່ວນທີ່ຍອດຍິ່ງທີ່ສຸດແມ່ນຢູ່ໃນເມັດເຂົ້າເຕິມ. ເຕິມແມ່ນສ່ວນຫົວຂອງເມັດເຂົ້າ, ໃນຂັ້ນຕອນສີເຂົ້າໄດ້ເຮັດໃຫ້ເຂົ້າຫັກ, ນີ້ແມ່ນວັດຖຸຕົ້ນຕໍທີ່ບໍ່ສາມາດປ່ຽນແທນດ້ວຍວັດຖຸອື່ນໃນເຍື່ອງອາຫານເຂົ້າເຕິມໄຊງ່ອນໄດ້. ຍ້ອນວ່າ ເມັດເຂົ້າເຕິມຫອມ, ຫວານທີ່ສຸດ ແລະ ເມັດເຂົ້າເຕິມຫຸງບໍ່ແຂງ, ບໍ່ເລະເກີນໄປ ເຊິ່ງເຮັດໃຫ້ຄົນກິນບໍ່ຮູ້ສຶກເບື່ອ. ເມັດເຂົ້າເຕິມຕອນຫຸງສຸກ ຈະມີກິ່ນຫອມກ່ວາເຂົ້າເຕິມທີ່ຍັງບໍ່ສຸກ. ເຂົ້າເຕິມ ກໍ່ບໍ່ໃນ່ຄືເຂົ້າທຳມະດາ ເຊິ່ງພຽງແຕ່ໃນ່ຂຶ້ນໜ້ອຍໜຶ່ງ, ມັນກໍ່ແຊບກ່ວາເຂົ້າທຳມະດາ.
ເມື່ອຮັບປະທານເຂົ້າເຕິມໄຊງ່ອນ, ເພື່ອນຈະຮູ້ສຶກໄດ້ວ່າເມັດເຂົ້າເຕິມໜຽວ, ຫອມ, ກິນກັບຢໍ່ໄຂ່, ກະດູດຂ້າງ ແລະ ໝາກແຕ່ງ, ໝາກເຫຼັ່ນ. ທຸກສິ່ງທຸກຢ່າງປະສົມກັນສ້າງເປັນລົດຊາດທີ່ເຂັ້ມຂຸນ ເປັນເອກະລັກຍາກທີ່ຈະຫຼົງກັບເຂົ້າຊະນິດອື່ນໆໄດ້. ເຂົ້າເຕິມແມ່ນເຍື່ອງອາຫານທີ່ງ່າຍດາຍທ່າມກາງໄຊງ່ອນທີ່ໃຫຍ່ໂຕມະໂຫຖານ. ຊາວໄຊງ່ອນໄປໃສກໍ່ຄິດຮອດເຂົ້າເຕິມຄືລົດຊາດຂອງນະຄອນ ແລະ ຜູ້ໃດມາໄຊງ່ອນ ກໍແນ່ນອນວ່າຕ້ອງຮັບປະທານເຍື່ອງອາຫານນີ້ເທື່ອໜຶ່ງ.
ບຸນຄົງ
